எஸ்எஸ்எல்சி தேர்வில் மறுகூட்டலுக்கு பாட வாரிய தனித்தனியாக வரும் 7ம் தேதி முதல் ஆன்லைனில் விண்ணப்பிக்கலாம் என அறிவிக்கப்பட்டுள்ளது. மே 31ம் தேதி வெளியான எஸ்எஸ்எல்சி பொதுத் தேர்வு முடிவுகளில் தேர்வுதாள் மறுகூட்டலுக்கு விருப்பம் உள்ளவர்கள் ஆன்லைன் மூலம் விண்ணப்பிக்கலாம் என அரசு தேர்வுகள் துறை அறிவித்துள்ளது. ஒவ்வொரு பாடத்திற்கும் தனித்தனியே www.dge.tn.nic.in என்ற இணையதளத்தில் வரும் 7ம் தேதி முதல் 10ம் தேதிக்குள் விண்ணப்பிக்க வேண்டும்.
இரு தாள்கொண்ட ஒவ்வொரு பாடத்திற்கும் (மொழிப்பாடம் மற்றும் ஆங்கிலம்) ஸீ305ம், ஒரு தாள் கொண்ட ஒவ்வொரு பாடத்திற்கும் (கணிதம், அறிவியல், சமூக அறிவியல்) தலா ஸீ205ம் மறுகூட்டல் கட்டணமாகும். தேர்வர்கள் www.dge.tn.nic.in என்ற இணையதளத்தில் தெரிவிக்கப்பட்டுள்ள அறிவுரைகளை பின்பற்றி விண்ணப்பத்தை சரியாக பூர்த்தி செய்ய வேண்டும். விண்ணப்பிக்கும் ஒவ்வொரு பாடத்திற்கும் விண்ணப்பத்தை தேர்வர் சரியாக பூர்த்தி செய்த பின்னர், அதற்கான விண்ணப்ப எண்ணுடன் கூடிய ஒப்புகைச் சீட்டு மற்றும் வங்கி செலுத்து சீட்டு ஆகியவற் றை பதிவிறக்கம் செய்து கொள்ள வேண்டும். பதிவிறக்கம் செய்த செல்லானை கொண்டு அருகில் உள்ள கோர் பாங்கிங் சேவை வசதி உள்ள பாரத ஸ்டேட் வங்கியின் ஏதாவது ஒரு கிளையில் செல்லானில் குறிப்பிட்டுள்ள தொகையை அரசு தேர்வுகள் இயக்குனர், சென்னை 6 என்ற பதவிப் பெயரில் செலுத்த வேண்டும் என அரசு தேர்வுகள் மண்டல துணை இயக்குனர் கமலா தெரிவித்துள்ளார்.
No comments:
Post a Comment