தமிழகத்தில் ஆசிரியர் பயிற்சி பள்ளிகள், ஆசிரியர் பயிற்சி நிறுவனங்கள் 270 உள்ளன. இவற்றில் மொத்தம் 40 ஆயிரம் இடங்கள் உள்ளன. இந்த ஆண்டு மாணவர் சேரக்கைக்கான விண்ணப்பங்கள் கடந்த மாதம் முதல் வினியோகிக்கப்பட்டு வருகிறது. பூர்த்தி செய்யப்பட்ட விண்ணப்பங்களை நாளை மாலைக்குள் சமர்ப்பிக்க வேண்டும் என அறிவிக்கப்பட்டுள்ளது. மேலும், அந்தந்த மாவட்ட முதன்மை கல்வி அலுவலகம், மாவட்ட ஆசிரியர் கல்வி மற்றும் பயிற்சி நிறுவனங்களிலும் விண்ணப்பங்களை வழங்கலாம்.
இதையடுத்து, தகுதியுள்ள மாணவ, மாணவியர் கவுன்சலிங் மூலம் தேர்வு செய்யப்பட்டு சேர்க்கை உத்தரவு வழங்கப்பட உள்ளது. ஆன்லைன் மூலம் மேற்கண்ட கவுன்சலிங் வரும் ஜூலை 1ம் தேதி தொடங்கி 10ம் தேதி வரை நடக்கும். மாற்றுத்திறனாளிகள், சுதந்திர போராட்ட தியாகிகள் வாரிசுகள், முன்னாள் ராணுவத்தினர் ஆகியோருக்கான கவுன்சலிங் ஜூலை 1ம் தேதி நடக்கிறது. ஆங்கில வழியில் படிக்க விண்ணப்பித்துள்ளோர், சிறுபான்மை மொழியில் படிக்க விண்ணப்பித்துள்ளவர்களுக்கு 2ம் தேதியும், தொழில் பிரிவினருக்கு 3ம் தேதியும், கலைப்பிரிவினருக்கு 4 மற்றும் 6ம் தேதியும், அறிவியல் பிரிவினருக்கு 7ம் தேதி முதல் 10ம் தேதி வரையும் கவுன்சலிங் நடக்கும்.
No comments:
Post a Comment