புதிய சாப்ட்வேர் தமிழகத்திலேயே முதன்முறையாக கோவை மாநகராட்சியில் எவரான் கல்வி நிறுவனத்தின் சார்பில் இலவசமாக புதிய சாப்ட்வேர் மூலம் பள்ளி குழந்தைகளின் கல்வி திறனை மேம்படுத்தும் வகையில் திட்டம் செயல்படுத்தப்பட உள்ளது. அது குறித்து செயல்விளக்கம் செய்து காண்பிக்கப்பட்டது. இந்த திட்டத்தின் மூலம் பள்ளியில் ஒரு குழந்தையை சேர்ப்பது முதல் படித்து முடித்து வெளியில் செல்வது வரை அவர்களின் படிப்பு, நடத்தை, முன்னேற்றத்துக்கு தேவையான வழிமுறைகள் அனைத்தையும் அதன் மூலம் அறிந்து கொள்ளலாம்.
இதில் குழந்தைகளுக்கு தேவையான வினா வங்கியை ஆசிரியர்களே உருவாக்கிக்கொள்ளலாம். விரைவில் செயல்படுத்த முடிவு மேலும் பெற்றோர் வீட்டில் இருந்தபடியே தங்களுடைய குழந்தைகளின் கல்வி திறனை அறிந்து கொள்ள முடியும். மாணவர்கள் வருகை, ஆசிரியர்கள் நடத்திய பாடங்கள், மாணவர்கள் எழுதிய தேர்வுகள், அதற்கான முடிவுகள் அனைத்தையும் இணைய தளம் மூலம் தெரிந்து கொள்ளலாம். இந்த திட்டம் கோவை மாநகராட்சியில் விரைவில் செயல்படுத்தப்பட உள்ளது. இவ்வாறு மேயர் செ.ம.வேலுச்சாமி தெரிவித்தார்.
No comments:
Post a Comment