வாக்காளர் பட்டியலில், புதிதாக பெயர் சேர்க்க விண்ணப்பிப்போருக்கு, ஜனவரியில் வாக்காளர் அடையாள அட்டை வழங்கப்படும். வாக்காளர் பட்டியல் திருத்தப் பணி, நேற்று முன்தினம் துவங்கியது. அடுத்த மாதம், 10ம் தேதி நிறைவு பெற உள்ளது. இந்நாட்களில், அடுத்த ஆண்டு ஜனவரி, 1ம் தேதி, 18 வயது பூர்த்தி அடைவோரும், பெயர் சேர்க்க விண்ணப்பிக்கலாம். விண்ணப்பங்கள் பரிசீலிக்கப்பட்டு, தகுதியான நபர்களின் பெயர், வாக்காளர் பட்டியலில் சேர்க்கப்படும். இறுதி வாக்காளர் பட்டியல், ஜனவரி, 5ம் தேதி வெளியிடப்படும்.
இப்பட்டியலில் இடம் பெறும் புதிய வாக்காளர்களுக்கு, தேசிய வாக்காளர் தினமான, ஜனவரி, 25ம் தேதி, வண்ண வாக்காளர் அடையாள அட்டை வழங்கப்படும் என, தமிழக தலைமை தேர்தல் அதிகாரி பிரவீன்குமார் தெரிவித்துள்ளார்.
No comments:
Post a Comment