ஐ.ஏ.எஸ். முதல்நிலைத் தேர்வு முடிவுகள் வெளியீடு: 16,933 பேர் தேர்ச்சி

இந்தியக் குடிமைப் பணிகளுக்கான (ஐ.ஏ.எஸ்., ஐ.பி.எஸ்., ஐ.எஃப்.எஸ்.) முதல்நிலைத் தேர்வு முடிவுகள் செவ்வாய்க்கிழமை வெளியிடப்பட்டன. இந்தத் தேர்வு கடந்த ஆகஸ்ட் 24-ஆம் தேதி நடைபெற்றது. இதில் 4 லட்சத்து 52 ஆயிரத்து 334 பேர் பங்கேற்று தேர்வெழுதினர். இந்நிலையில், இந்தத் தேர்வு முடிவுகள் செவ்வாய்க்கிழமை வெளியிடப்பட்டன. இதன்படி, முதல்நிலைத் தேர்வில் 16,933 பேர் தேர்ச்சிப் பெற்றுள்ளனர். தேர்வு நிறைவடைந்து 50 நாள்களில் முடிவுகள் வெளியிடப்பட்டிருப்பது இதுவே முதல்முறையாகும்.