அனைத்துப்பள்ளிகளும் செப். 20ல் செயல்படும்: முதன்மை கல்வி அதிகாரி

    அனைத்துப் பள்ளிகளும் வியாழக்கிழமை வழக்கம் போல் செயல்படும் .

டீசல் விலை உயர்வு, சமையல் எரிவாயு சிலிண்டர் கட்டுப்பாடு, சில்லறை வணிகத்தில் அன்னிய முதலீடு ஆகிய மத்திய அரசின் அறிவிப்புக்கு அனைத்து எதிர்கட்சிகளும் வரும் வியாழக்கிழமை (செப். 20) நாடு தழுவிய கடையடைப்பு போராட்டத்துக்கு அழைப்பு விடுத்திருந்தன. இந் நிலையில் தமிழகத்தில் பள்ளிகளில் காலண்டுத் தேர்வு நடைபெற்றுக் கொண்டிருப்பதால் அன்றைய தினம் தேர்வு நடைபெறுமா என்று சந்தேகம் எழுந்ததது.

இதற்கிடையில் புதன்கிழமை விநாயகர் சதுர்த்தி அரசு விடுமுறை என்பதால், வியாழக்கிழமை கடையடைப்பு போராட்டம் குறித்து தமிழக அரசு எந்த அறிவிப்பு அறிவிக்காத நிலையில் பெரும்பாலான தனியார் மற்றும் அரசு பள்ளிகளில் புதன் மற்றும் வியாழக்கிழமை விடுமுறை என்றும் வியாழக்கிழமை நடைபெறும் தேர்வு வேறொரு நாளில் நடைபெறும் என்றும் அறிவித்தனர்.
இந் நிலையில் காஞ்சிபுரம் மாவட்டத்தில் உள்ள தனியார் மற்றும் அரசு பள்ளிகள் வியாழக்கிழமை (செப். 20) வழக்கம் போல் இயங்கும். அன்றைய தினம் நடைபெறும் காலாண்டுத் தேர்வுகள் அந்தந்த அட்டவணைப்படி வழக்கம் போல் நடைபெறும் என்று மாவட்ட முதன்மை கல்வி அலுவலர் குமார் கூறினார்.