தமிழ்நாடு அரசுப் பணியாளர் தேர்வாணையத்தால் அண்மையில் முடிந்த குரூப்- 4 தேர்வில் வெற்றி பெற்றவர்கள் தங்களது சான்றிதழ்களை அனுப்ப காலக்கெடு நீட்டிக்கப்பட்டுள்ளது. இதுகுறித்து தமிழ்நாடு அரசுப் பணியாளர் தேர்வாணையம் வெளியிட்டுள்ள செய்திக் குறிப்பு:
தமிழ்நாடு அரசுப் பணியாளர் தேர்வாணையத்தால் 2007- 2008, 2012-13-ம் ஆண்டுகளுக்கான இளநிலை உதவியாளர், தட்டச்சர், சுருக்கெழுத்து- தட்டச்சர் பணிகளுக்கான தேர்வு (குரூப்-4) முடிவு அக்.8-ம் தேதி வெளியானது. வெற்றி பெற்றவர்கள் தங்களது சான்றிதழ்களை அனுப்ப அக்.22-ம் தேதி கடைசி தேதியா அறிவிக்கப்பட்டிருந்தது. தற்போது சான்றிகழ்களை அனுப்ப நவம்பர் 2-ம் தேதி வரை காலக்கெடு நீட்டிக்கப் பட்டுள்ளது. தவறும் பட்சத்தில் அவர்களது தற்காலிக தெரிவு ரத்து செய்யப்படும். இவ்வாறு அந்த செய்திக் குறிப்பில் கூறப்பட்டுள்ளது
No comments:
Post a Comment