ஆசிரியர்களிடம் பிற வேலைகள் வாங்க எதிர்ப்பு: மத்திய அரசின் ஆய்வுகுழு பரிந்துரை

ஆசிரியர்களுக்கு, கல்வி சாராத மற்ற பணிகளை வழங்கி, அவர்களது நேரத்தை வீணடிப்பதை பள்ளிகள் நிறுத்த வேண்டும்' என, பிரதமர் நரேந்திர மோடியால் நியமிக்கப்பட்ட, செயலர்கள் அடங்கிய ஆய்வு குழு பரிந்துரைத்து உள்ளது. இதையடுத்து, பள்ளி ஆசிரியர்களுக்கான பணி நியமனங்களை, புதிதாக வரையறுக்க, மத்திய மனிதவள மேம்பாட்டு அமைச்சகம் தயாராகி வருகிறது.

அரசு மற்றும் தனியார் பள்ளிகளில் பணிபுரியும் ஆசிரியர்கள், கல்வி பணியை தவிர, பல்வேறு பணிகளையும் செய்து வருகின்றனர். பள்ளிகளிலும், கல்வி சாராத மற்ற பணிகளை செய்கின்றனர்; அரசின் மக்கள் தொகை கணக்கெடுப்பு, தேர்தல் பணிகள் போன்றவற்றில், ஆசிரியர்கள் ஈடுபடுத்தப்படுகின்றனர். இதனால், கல்வியில் ஆசிரியர்களின் கவனம் குறைவதாக, புகார் கூறப்படுகிறது. இதுபற்றி ஆய்வு செய்வதற்காக, பல்வேறு துறை சார்ந்த செயலர்கள் அடங்கிய குழு ஒன்றை, பிரதமர் மோடி அமைத்தார். இக்குழு தன் ஆய்வை முடித்து, மத்திய மனிதவள மேம்பாட்டு அமைச்சகத்திடம் அறிக்கையை சமர்ப்பித்துள்ளது.

அடிப்படை பணி : இது குறித்து, மத்திய மனிதவள மேம்பாட்டு அமைச்சக வட்டாரங்கள் கூறியுள்ளதாவது: மாணவ, மாணவியருக்கு தரமான கல்வி வழங்குவது மட்டுமே, பள்ளி ஆசிரியர்களின் அடிப்படை பணி. பாடம் நடத்துவது உட்பட, கல்வி தொடர்பான பணிகளில் மட்டுமே, அவர்கள் கவனம் செலுத்த வேண்டும். ஆனால், அவர்கள் வேறு பணிகளுக்கும் பயன்படுத்தப்படுகின்றனர். கால்நடை கணக்கெடுப்பு, தேர்தல் பணி, போலியோ ஒழிப்பு, ரேஷன் கார்டு சரிபார்ப்பு என, வெவ்வேறு அரசு மற்றும் பொது பணிகளில், பள்ளி ஆசிரியர்கள் ஈடுபடுத்தப்படுகின்றனர். இதனால், ஆசிரியர்கள் பள்ளிக்கு வரும் நேரம் குறைந்து, கல்வியில் அவர்கள் கவனம் இருப்பதில்லை; மாணவர்களின் கல்வி பெருமளவு பாதிக்கப்படுகிறது. அரசு பள்ளிகளில் மட்டுமின்றி, தனியார் பள்ளிகளிலும், இந்நிலை காணப்படுகிறது. ஆசிரியர்கள், கட்டணம் வசூலிப்பது உள்ளிட்ட பணிகளை செய்கின்றனர். மேலும், பள்ளி நிர்வாகங்களின் கட்டளைப்படி, வேறு சில பணிகளையும் செய்கின்றனர்.

தடுக்க வேண்டும் : பல்வேறு துறை செயலர்களை கொண்ட குழு நடத்திய ஆய்வில், இந்த தகவல்கள் உறுதியாகி உள்ளன. பள்ளி ஆசிரியர்களை, கல்வி அல்லாத மற்ற பணிகளுக்கு பயன்படுத்துவதை முற்றிலுமாக தடுக்க வேண்டும் என, அக்குழு பரிந்துரைத்து உள்ளது.

கல்வியை தவிர மற்ற பணிகளில், ஆசிரியர்களின் கவனம் செல்லக் கூடாது என, அறிவுறுத்தி உள்ளது. இந்த பரிந்துரைகளின் அடிப்படையில், பள்ளி ஆசிரியர்களுக்கான பணி விதிமுறைகளை வகுக்க, மத்திய மனிதவள மேம்பாட்டு அமைச்சகம் முடிவு செய்துள்ளது; விரைவில், இதற்கான அறிவிப்பு வெளியாகும். இவ்வாறு அந்த வட்டாரங்கள் தெரிவித்துள்ளன.

கல்வி உரிமை சட்டம் : கல்வி உரிமை சட்டத்தின்படி, மக்கள் தொகை கணக்கெடுப்பு, பேரழிவு மீட்பு நடவடிக்கை, தேர்தல் பணிகள் ஆகிய மூன்று பணிகளுக்கு மட்டுமே, பள்ளி ஆசிரியர்களை பயன்படுத்த வேண்டும் என அறிவுறுத்தப்பட்டு உள்ளது; மற்ற பணிகளுக்கு, அவர்களை பயன்படுத்துவதை, அரசு நிறுத்த வேண்டும் என, அச்சட்டம் கூறுகிறது.

பஸ்களில் ஏற்றும் ஆசிரியர்கள்! : பிரதமர் மோடி அமைத்த குழு, தனியார் பள்ளி ஆசிரியர்கள் பற்றி கூறியுள்ளதாவது:அரசு பள்ளி ஆசிரியர்கள் மட்டுமின்றி, தனியார் பள்ளிகளிலும், ஆசிரியர்களும், கல்வி அல்லாமல், மற்ற பணிகளை செய்யும் சூழல் நிலவுகிறது. கட்டணம் வசூலிப்பது, குழந்தைகளை பள்ளி பஸ்களில் ஏற்றி அனுப்புவது உள்ளிட்ட பணிகளை செய்கின்றனர்.

இவ்வாறு அந்த குழு கூறியுள்ளது.

ஜல்லிக்கட்டுக்கு ஆதரவாக ஆசிரியர்கள் ஆர்ப்பாட்டம்

ஜல்லிக்கட்டுக்கு ஆதரவாக ஆசிரியர் சங்கங்கள் ஆதரவு தெரிவித்து வந்த நிலையில், தமிழ்நாடு ஆரம்ப பள்ளி ஆசிரியர் கூட்டணியினர் நேற்று அந்தந்த மாவட்டங்களில் உள்ள வட்டாட்சியர் அலுவலங்கள் முன்பு ஆர்ப்பாட்டத்தில் ஈடுபட்டனர்.

அதேபோல்,  ஜாக்டோ அமைப்பில் உள்ள 20க்கும் மேற்பட்ட ஆசிரியர் சங்கங்களும் ஜல்லிக் கட்டுக்கு ஆதரவாக போராட்டத்தில் இறங்கியுள்ளனர். இந்நிலையில், தமிழ்நாடு அரசுப் பணியாளர் சங்கத்தில் உறுப்பினர்களாக உள்ள பள்ளிக் கல்வித்துறையை சேர்ந்த ஊழியர்கள் ஜல்லிக்கட்டுக்கு ஆதரவாக நுங்கம்பாக்கம் டிபிஐ வளாகத்தில் நேற்று ஆர்ப்பாட்டம் நடத்தினர்.

தமிழ்நாடு அரசுப் பணியாளர் சங்கத்தின் சென்ைன மாவட்ட தலைவர் தேவன் தலைமையில் நடந்த ஆர்ப்பாட்டத்தில் 100க்கும் மேற்பட்ட பணியாளர்கள் கலந்து கொண்டனர். அப்போது, ஜல்லிக்கட்டுக்கு எதிரான தடையை மத்திய அரசு நீக்க நடவடிக்கை எடுக்க வேண்டும். தமிழக அரசும் அவசர சட்டத்தை இயற்றி ஜல்லிக்கட்டு நடக்க நடவடிக்கை எடுக்க வேண்டும் என்று கோஷங்கள் எழுப்பினர். மாலை 4.30 மணிக்கு டிபிஐ வளாகத்தில் உள்ள உதவி தொடக்க கல்வி அலுவலர் அலுவகத்தின் முன்பு கூடிய தொடக்க கல்வித்துறை பணியாளர்கள் ஜல்லிக்கட்டுக்கு ஆதரவு தெரிவித்து கோஷங்களை எழுப்பினர்.

குரூப்–2 ஏ தேர்வு: போலி சான்றிதழ் சமர்ப்பித்தவர் 7 ஆண்டு தேர்வு எழுத தடை

தேர்வாணைய இணையதளத்தில் இருந்து எழுத்து தேர்வு முடிவுகளை தேர்வு எழுதிய சூ.பிரேம் என்பவர் தேர்வாணைய இணையதளத்தில் இருந்து பதிவிறக்கம் செய்து அதை திருத்தி போலி மதிப்பெண் சான்றிதழை தயாரித்து அதை தேர்வாணையத்திற்கு அனுப்பி உள்ளார். இவ்வாறு சமர்ப்பித்த காரணத்தால் அவர் 7 ஆண்டுகள் தேர்வாணையம் நடத்தும் அனைத்து விதமான போட்டித்தேர்வுகளில் இருந்தும், தெரிவுகளில்இருந்தும் கலந்துகொள்வதற்கு தேர்வாணையத்தால் தடை விதிக்கப்பட்டுள்ளது.

மேலும் அவர் மேல் குற்றவியல் நடவடிக்கை எடுக்கும் பொருட்டு மாநகர போலீஸ் ஆணையரிடத்தில் புகார் மனு கொடுக்கப்பட்டுள்ளது. இந்த தகவலை தமிழ்நாடு அரசுப்பணியாளர் தேர்வாணைய செயலாளர் விஜயகுமார் தெரிவித்துள்ளார்.

முதல்வர் அறிக்கை

NMMS details

அடுத்த ஆண்டு வருகிறது கற்றல் திறன் மதிப்பிடல் முறை

அடுத்த கல்வியாண்டில் வருகிறது
மாணவர்கள் 'கற்றல் திறன் மதிப்பீடல் முறை"
-பிரகாஷ் ஜவடேகர்

*வகுப்பு வாரியாக பள்ளி மாணவர் கற்றல் திறன் மற்றும் வளர்ச்சியை அளவிட உதவும்

*1முதல் 8வரை வரைவு அறிக்கை வெளியிடப்பட்டு கருத்துரு ஆசிரியர்,பெற்றோர்,மக்களிடம் கருத்துக்கள் கோரப்பட்டுள்ளது

*மார்ச் மாதம் இறுதி செய்யப்பட்டு அடுத்த கல்வியாண்டு முதல் அமலுக்கு வரும்

*தொகுக்கப்பட்ட கற்றல் திறன் மதிப்பிடல் முறையை கல்வி திட்டத்தில் இணைக்கும் வகையில் சட்ட திருத்தம் மேற்கொள்ளப்படும்

*இந்த வரைவு அறிக்கை தொடக்க நிலை வரையில் மொழிப்பாடங்கள்,கணிதம்,சுற்றுசூழல் கல்வி,அறிவியல்,சமூகவியல் பாடங்களாக தொகுக்கப்பட்டுள்ளது.

*பல்வேறு படிநிலைகளில் மாணவர் நிலையை தனிப்பட்ட முறையிலும்,ஒட்டுமொத்த அளவிலும் ஆசிரியர்கள் மதிப்பிட வசதி செய்யப்பட்டுள்ளது என்றார்

*G.O Ms : 14 (13/01/2017)- நடுநிலைப்பள்ளிகள் உயர்நிலைப்பள்ளிகளாக தரம் உயர்தல் -மாவட்ட வாரியாக பள்ளிகளின் பட்டியல் - அரசாணை வெளியீடு*

Click below

https://app.box.com/s/ejiox50j14vjxqcfsti72hkja6r0xmge

பொதுத் தேர்வு: 104 -இல் ஆலோசனை

பத்தாம் வகுப்பு, பிளஸ் 2 பொதுத் தேர்வெழுதும் மாணவர்களுக்கான மனநல ஆலோசனைகள் தமிழக அரசின் 104 சேவை மூலம் புதன்கிழமை முதல் வழங்கப்படுகிறது. இந்த ஆலோசனை வழங்குவதற்கான உளவியல் மருத்துவ நிபுணர்கள், உளவியல் ஆலோசகர்கள், மருத்துவர்கள், செவிலியர்கள் கொண்ட குழுவினர் தயாராக உள்ளனர். மாணவர்கள் 24 மணி நேரமும் ஆலோசனைகளைப் பெற்றுக் கொள்ளலாம்.

இதில் தேர்வுக்குத் தயாராகுதல், தேர்வு காலத்தின்போது பின்பற்ற வேண்டிய வழிமுறைகள், தேர்வு முடிவுகளை எதிர்கொள்வது என்று 3 பிரிவுகளாக ஆலோசனை வழங்கப்படும். மேலும் உணவு முறை, மனஅழுத்தத்தைப் போக்குவது, நினைவாற்றலைப் பெருக்குவது, தேர்வு பயத்தைப் போக்குவது, தேர்வு முடிவுகளை எதிர்கொள்வது, தவறான முடிவுகளைத் தவிர்த்தல் உள்ளிட்டவை குறித்தும் ஆலோசனை வழங்கப்படும் என்று தமிழக அரசின் 104 மருத்துவ சேவையை அளித்து வரும் ஜிவிகே இஎம்ஆர்ஐ நிறுவன அதிகாரிகள் தெரிவித்தனர். கடந்த ஆண்டுகளில் தேர்வு சமயத்தில் ஒரே நாளில் சுமார் 10 ஆயிரத்துக்கும் மேற்பட்ட மாணவர்களுக்கு இந்த சேவையின் மூலம் ஆலோசனை வழங்கப்பட்டது என்பது குறிப்பிடத்தக்கது.

நுழைவுத்தேர்வுகளுக்கு அரசு பள்ளியில் பயிற்சி

அரசு பள்ளிகளில், 8ம் வகுப்பு முதல், பிளஸ் 2 வரை, போட்டித் தேர்வுக்கான பயிற்சிகள் துவங்கியுள்ளன. நுழைவுத்தேர்வு மற்றும் போட்டி தேர்வுகளில், தமிழக மாணவர்களின் தேர்ச்சி விகிதம் பெருமளவு குறைந்துள்ளது. இதை சரி செய்யும் வகையில், அரசு பள்ளி மாணவர்களுக்கு, சிறப்பு பயிற்சி அளிக்கப்படுகிறது.

மத்திய அரசின், அனைவருக்கும் இடைநிலை கல்வி திட்டத்தின் படி, 1,440 பள்ளிகளில், சிறப்பு பயிற்சி தரப்படுகிறது. இதற்காக, டில்லியைச் சேர்ந்த, பிரபல நிறுவனத்தின் புத்தகங்கள், தமிழக அரசு பள்ளிகளுக்கு வினியோகம் செய்யப்பட்டு உள்ளன. இது குறித்து, அதிகாரிகள் கூறியதாவது: மருத்துவப் படிப்புக்கான, 'நீட்' தேர்வு, இன்ஜி., படிப்புக்கான, ஜே.இ.இ., தேர்வு, கல்வி உதவித்தொகை பெற உதவும், தேசிய திறனாய்வு தேர்வு மற்றும் தேசிய ஊரக திறனாய்வு தேர்வுகளுக்கு, சிறப்பு பயிற்சி தரப்படுகிறது. 8ம் வகுப்பு முதல், பிளஸ் 2 வரையிலான மாணவர்கள், இதில் பங்கேற்கின்றனர். இவ்வாறு அவர்கள் தெரிவித்தனர்.

பின்னேற்பு அனுமதி வழங்குதல் சார்பு செயல்முறைகள்

அமைச்சர் விளக்கம்

மாணவர்கள் கல்விக் கடன் தொடர்பாக நீங்கள் மாநிலங்களவையில் எழுப்பிய பிரச்னை குறித்து கீழ்க்காணும் விளக்கத்தை தெரிவிக்க விரும்புகிறேன்.
கல்விக் கடன் வசூலிப்பதற்கான தற்போதைய ஏற்பாடுகளுக்கு உரிய அனுமதிகள் வழங்கப்பட்டுள்ளன. அவற்றின்படியே அந்த நிறுவனங்கள் செயல்படுகின்றன. வசூலாகும் கல்விக் கடன் தொகை மீண்டும் கல்விக் கடனுக்காக செலவிடப்படுகிறது. 

மாணவர்கள் கல்விக் கடன் வட்டியில் மத்திய அரசு முழு மானியம் வழங்கி வருகிறது. பெற்றோர் ஆண்டு வருமானம் 4.5 லட்சத்துக்கு மிகாமல் இருக்கும் பொருளாதாரத்தில் பின்தங்கிய மாணவர்களுக்கு இந்த சலுகை வழங்கப்படுகிறது. கடன் உத்தரவாத திட்டத்தின் கீழ் 75 சதவீத ெதாகைக்கு பாதுகாப்பு அளிக்கப்படுகிறது.  கல்விக் கடன் பெறுவதை எளிமையாக்கவும் ஏற்பாடுகள் செய்யப்பட்டுள்ளன. www/ vidyalakshmi.co/in என்னும் இணையதளத்தை இதற்காக மத்திய அரசு தொடங்கியுள்ளது. இந்த இணையதளம் மூலம் எளிதாக கல்விக் கடன் விண்ணப்பிக்கவும் பெறவும் ஏற்பாடுகள் செய்யப்பட்டுள்ளன.

கழிப்பறைகளை கணக்கெடுக்க பள்ளிகளுக்கு உத்தரவு

பள்ளி மாணவ, மாணவியரின் வீட்டு கழிப்பறை எண்ணிக்கையை கணக்கெடுத்து, அறிக்கை தாக்கல் செய்ய, பள்ளி ஆசிரியர்களுக்கு உத்தரவிடப்பட்டுள்ளது. மத்திய அரசின், 'துாய்மை இந்தியா' திட்டத்தில், திறந்தவெளி கழிப்பறைகளை மாற்றி, வீடுகளிலும், பொது இடங்களிலும் கழிப்பறைகள் கட்ட பிரசாரம் மேற்கொள்ளப்படுகிறது.

இதையொட்டி, அனைத்து அரசு, தனியார் பள்ளிகளில் படிக்கும் மாணவ, மாணவியர் மத்தியில், கழிப்பறை பயன்பாடு குறித்து விழிப்புணர்வு ஏற்படுத்த, மத்திய அரசு உத்தரவிட்டுள்ளது. அதன்படி, பள்ளி மாணவ, மாணவியரின் வீடுகளில் கழிப்பறை உள்ளதா என, ஊரக வளர்ச்சித் துறையுடன் சேர்ந்து, பள்ளிக் கல்வித் துறை கணக்கெடுக்கிறது. இது குறித்து, மாவட்ட முதன்மை கல்வி அதிகாரி அலுவலகத்தில் இருந்து, பள்ளிகளுக்கு சுற்றறிக்கை அனுப்பப்பட்டுள்ளது.

அதில், 'அனைத்து அரசு, அரசு உதவிபெறும் மற்றும் மெட்ரிக் பள்ளிகள், மாணவ, மாணவியரிடம் பேசி, கழிப்பறைகள் இல்லாத வீடுகளின் பட்டியலை, ஜன., 18க்குள், ஒப்படைக்க வேண்டும்' என கூறப்பட்டுள்ளது.

இன்ஜினியரிங் படிப்புக்கு விரைவில் தேசிய நுழைவுத்தேர்வு

நீட்' தேர்வு போல், இன்ஜினியரிங் படிப்புக்கும், தேசிய அளவில் நுழைவுத் தேர்வு நடத்த, மாநில அரசுகளிடம், அகில இந்திய தொழில்நுட்ப கல்வி கவுன்சிலான, ஏ.ஐ.சி.டி.இ., கருத்து கேட்க உள்ளது. பிளஸ் 2 தேர்வில் வெறும் தேர்ச்சி பெற்றவர்கள் கூட, தனியார் கல்லுாரிகளில் நன்கொடை கொடுத்து, மருத்துவ படிப்பில் சேர்வதாக, மத்திய அரசுக்கு தொடர்ந்து புகார்கள் வந்தன.

இதையடுத்து, மருத்துவ படிப்பில் சேர, அனைத்து மாணவர்களுக்கும், 'நீட்' எனப்படும் நுழைவுத் தேர்வு நடத்தப்படும் என, இந்திய மருத்துவ கவுன்சிலான, எம்.சி.ஐ., அறிவித்தது. அதன்படி, தேர்வு நடத்துவது கட்டாயம் என, உச்ச நீதிமன்றமும் உத்தரவிட்டது. இதை போல, தகுதி அடிப்படையில், இன்ஜினியரிங் கல்லுாரிகளில் மாணவர்களை சேர்க்கும் வகையில், தேசிய நுழைவுத் தேர்வு நடத்த, ஏ.ஐ.சி.டி.இ., முடிவு செய்துள்ளது. இதற்கு, மத்திய மனிதவளத் துறையும் அனுமதி அளித்துள்ளது. அதற்கு, பல தரப்பிலும் எதிர்ப்பு எழுந்துள்ளது.

எனவே, நுழைவுத் தேர்வின் அவசியம் குறித்து, மாநிலங்களிடம் கருத்து கேட்க, ஏ.ஐ.சி.டி.இ., முடிவு செய்துள்ளது. விரைவில், இந்த கருத்து கேட்பு துவங்கும் என, உயர்கல்வி வட்டாரங்கள் தெரிவித்தன.

ஏடிஎம் மில்.இனி பத்தாயிரம் எடுக்கலாம்

ரூபாய் நோட்டுகள் தடைக்கு பின் ஏ.டி.எம்களில் பணம் எடுக்க வரம்புகள் நிர்ணயிக்கப்பட்டிருந்தது. இந்நிலையில், தற்போது 4500 ரூபாயிலிருந்து இந்த வரம்பு உயர்த்தப்பட்டு, நாளை முதல் 10 ஆயிரம் ரூபாய் வரை எடுத்துக்கொள்ளலாம் என ரிசர்வ் வங்கி அறிவித்துள்ளது. வங்கிகளில் வாரத்திற்கு 1 லட்சம் ரூபாய் வரை நடப்பு கணக்குகளில் எடுத்துக்கொள்ளலாம்.

கிராமிய விளையாட்டு

*உங்களுக்கு தெரியுமா?*
தமிழர்களின் பாரம்பரிய விளையாட்டுகள்:
1)கிட்டிபுள்ளு
2)கிளித்தட்டு
3)சடுகுடு
4)எட்டுக்கோடு
5)வழுக்குமரம் ஏறுதல்
6)கயிறு இழுத்தல்
7)உறியடி
8)பாரிவேட்டை
9)சங்கீத கதிரை
10)போர்த்தேங்காய்
11)பல்லாங்குழி
12)ஒப்பு
13)மோடி விளையாட்டு
14) கண்ணாமூச்சி
15)குழைஎடு
16)பேணிஅடித்தல்
17)அம்பெறிதல்
18)சில்லிகோடு
19)கிச்சுகிச்சு தாம்பலம்
20)போளையடி
21)மணல் வீடு கட்டுதல்
22)தோணி விடுதல்
23) தனி நீச்சல்
24)துணை நீச்சல்
25) ஆழ் கல் எடுத்தல்
26) கால் கட்டி நீச்சல்
27)படகு ஓட்டுதல்
28) பரிசல் ஓட்டுதல்
29)பச்சை மரம் ஏறல்
30)தனி ஓட்டம்
31) துணை ஓட்டம்
32) கூட்டு ஓட்டம்
33) தொடர் ஓட்டம்
34) சாக்கு ஓட்டம்
35) நொண்டி ஓட்டம்
36) கண்கட்டி ஓட்டம்
37) கண்ணாமூச்சி
38)கள்ளன் காவல்
39) புதையல் தேடல்
40) ஏறு குதிரை
41) ஏறு யானை
42)தட்டாமாலை
43)கயிறு பாய்தல்
44)சமநிலை பேணுதல்
45)கிடுகு கோர்த்தல்
46) ஊசிநூல் கோர்த்தல்
47) மா கோலம்
48) பல்லாங்குழி
49) கிரகாட்டம்
50)ஊஞ்சல் விழுது
51) குரங்கு தாவல்
52)பன வண்டி உருட்டி
53) நாட்டு பாடல்
54) தாயகட்டை
55) கோலிகுண்டு
56)பம்பரம்
57)ஒத்தையா ரெட்டையா?
58) நொண்டி
59)சிலம்பம்
60) புலி வேடம்
61) தட்டாங்கல்
62)மஞ்சள் நீர் தெளித்தல்
63) எசைப்பாட்டு
64) விடுகதை

*விலங்குகள் விளையாட்டுக்கள்*
1 ஜல்லிக்கட்டு
2 மாட்டுசண்டை
3 ஆட்டுசண்டை
4 கோழிசண்டை
5 மாட்டுவண்டி பந்தயம்
6 காளை கட்டல்
7 சேவல் விடுதல்

பாரம்பரிய விளையாட்டுகளை
பொங்கல் நன்னாளில் நமது சந்ததியர்க்கு சொல்லிகொடுப்போம்!
🙏🙏🙏🙏🙏🙏

பள்ளிகள், மருத்துவமனைகளில் குடிநீர் சுத்திகரிப்பு கருவி அமைத்ததில் 30 கோடி ஊழல்

தமிழகம் முழுவதும் அரசு அலுவலகங்கள், பள்ளிகள், மருத்துவமனைகளில் குடிநீர் சுத்திகரிப்பு கருவி அமைப்பதில் கோடிக்கணக்கில் முறைகேடு நடந்து இருப்பது தற்போது தெரிய வந்துள்ளது. தமிழக பொதுப்பணித்துறை கட்டுமான பிரிவு மூலம் கட்டுமானம் மற்றும் பராமரிப்பு பணி மேற்கொள்ளப்படுகிறது.

இந்த பிரிவின் மூலம் பள்ளிக்கல்வி, மக்கள் நல்வாழ்வு மற்றும் குடும்ப நலம், உள்துறை, நீதிமன்றம், போக்குவரத்து, மீன்வளம், சமூக நலத்துறை உள்ளிட்ட பல்வேறு அரசு துறைகளுக்கான கட்டுமான பணிகள் மற்றும் பராமரிப்பு பணிகளை செய்து வருகிறது. இதற்காக, ஒவ்வொரு ஆண்டும் ரூ.2000 கோடிக்கு மேல் பொதுப்பணித்துறையின் கீழ் மற்ற அரசு துறைகளுக்கான பணிகள் நடந்து வருகிறது. இந்த நிலையில், தமிழகம் முழுவதும் 1 லட்சத்துக்கும் மேற்பட்ட அரசு அலுவலகங்கள் மற்றும் பள்ளிகள், கல்லூரி கட்டிடங்கள், பிற்படுத்தப்பட்டோர் மாணவர் விடுதி, நீதிமன்றம் மருத்துவமனைகள் உள்ளிட்ட பல்வேறு இடங்களில் குடிநீர் சுத்திகரிப்பு கருவி ( ஆர்.ஓ. பிளான்ட்) அமைக்க முடிவு செய்யப்பட்டது.

இதற்காக, 200 கோடி வரை நிதி ஒதுக்கீடு செய்யப்பட்டது. குறிப்பாக, கீழ்ப்பாக்கம் மருத்துவமனை, சென்னை மருத்துவக் கல்லூரி மற்றும் விடுதிகள், அண்ணா பல்கலை, ஐஐடி, திருவண்ணாமலை மற்றும் வேலூர் மாவட்ட கலெக்டர் அலுவலகங்கள், மருத்துவமனைகள், திருவண்ணாமலை நகராட்சி பள்ளிகள், கிருஷ்ணகிரி, விழுப்புரம், திண்டிவனம் அரசு கலை கல்லூரி, திருவள்ளூர் தர்மபுரி ஆரம்பசுகாதார மையம், கே.கே. நகர் புறநகர் மருத்துவமனை உட்பட பல்வேறு இடங்களில் ஆர்.ஓ. பிளான்ட் அமைக்க தேர்வு செய்யப்பட்டது. இதற்காக பொதுப்பணித்துறையின் மூலம் டெண்டர் விடப்பட்டது. ஆயிரம் லிட்டர் கொள்ளளவு கொண்ட 1 ஆர்.ஓ. பிளான்ட் 6.50 லட்சம் என திட்ட மதிப்பீடு தனியார் நிறுவனத்திடம் இருந்து பொதுப்பணித்துறை பெற்றுள்ளது.

அந்த நிறுவனத்தின் அறிக்கையின் படி ஒப்பந்தம் போடப்பட்டது. இதற்காக தேர்வு செய்யப்பட்ட நிறுவனங்களின் மூலம் சம்பந்தபட்ட இடங்களில் ஆர்.ஓ. பிளான்ட் அமைக்கப்பட்டுள்ளது. ஆனால், ஒரு ஆர்.ஓ. பிளான்ட் அமைக்க ரூ.2.50 லட்சம் மட்டுமே செலவாகும் நிலையில் கூடுதலாக 4 லட்சம் வரை நிதி ஒதுக்கீடு செய்யப்பட்டு இருப்பது தற்போது தெரியவந்துள்ளது. இதன் மூலம் கோடிக்கணக்கில் அரசுக்கு இழப்பு ஏற்பட்டிருக்கும் தகவல் வெளியாகி இருப்பது சர்ச்சையை ஏற்படுத்தியுள்ளது.

காலம் கடந்து...தாஸ் கேபிட்டல் காரல் மார்க்ஸ்

உலக அரசியலில் வேறு எந்த நூலும் தாஸ் கேபிட்டல் அளவுக்கு மாற்றங்களை ஏற்படுத்தியதில்லை. மிகச் சிறந்த அறிஞரான காரல் மார்க்ஸ், ஜெர்மனி மொழியில் எழுதிய முதலாளித்துவ மற்றும் தொழிலாளி வர்க்கம் குறித்த பொருளாதார கட்டுரைகளே இந்த தாஸ் கேபிட்டல். மேலும் அரசபொருளியல் சார்ந்த ஆராய்வுக் கட்டுரைகள், மூலதனம் பற்றி பொருளியலாளர்களால் முன்வைக்கப்பட்ட கோட்பாடுகள், முதலாளித்துவம் பற்றிய மார்க்சின் ஆய்வுகள் போன்றவற்றை உள்ளடக்கமாக இந்த நூல் கொண்டுள்ளது.

தாஸ் கேபிட்டல் நூலின் முதல் பாகத்தை 1867-ஆம் ஆண்டில் மார்க்ஸ் வெளியிட்டார். அதன் பின்னர் 2, 3, 4-ஆம் பாகங்கள் பிரெட்ரிக் எங்கெல்ஸ், காரல் கெளட்ஸ்கி ஆகியோரால் வெளியிடப்பட்டது. தமிழில் மூலதனம் என்ற பெயரில் தியாகு மொழி பெயர்த்துள்ளார். இதில் உள்ள கருத்துகளும் காரல் மார்க்ஸின் கருத்துகளும் மார்க்சிஸம் என்ற அரசியல் பிரிவை உண்டாக்கியுள்ளது. எழுதப்பட்டு சுமார் 50 ஆண்டுகளுக்குப் பிறகு சோவியத் ரஷியாவிலும் அதன் பின்னர் சீனத்திலும் நடைபெற்ற கம்யூனிஸ்ட் புரட்சிகளுக்கு வித்திட்ட நூல் இந்த தாஸ் கேபிட்டல்தான். அதன் பின்னர் கியூபா, போலந்து, வடகொரியா போன்ற பல நாடுகளில் கம்யூனிஸ்ட் அரசுகள் அமைந்தன என்பது வரலாறு.

இன்றளவும் பல நாடுகளில் இயங்கி வரும் கம்யூனிஸ்ட் கட்சிகளின் பகவத் கீதையாக அமைந்துள்ளது இது. உலகத்தில் பல நாடுகளில் கம்யூனிஸ்ட் அரசுகள் மாறிவிட்டன. தற்போது கம்யூனிஸ்ட் ஆட்சி நடைபெறும் சில நாடுகளில் கம்யூனிஸ்ட் கொள்கைகள் நீர்த்துவிட்டதாகவும் கூறப்படுகிறது. ஆனால் தாஸ் கேபிட்டல் கூறும் அரசப் பொருளாதார கூறுகள் மட்டும் என்றும் மாறாமல் அப்படியே உள்ளன. உலகத்தில் ஏதாவதொரு மூளையில் கடைசி கம்யூனிஸ்ட் இருக்கும் வரையில் தாஸ் கேபிட்டல் காலம் கடந்து நிற்கும் என்பதில் ஐயமில்லை.

கோடைக்கு முன் தேர்வு: நடுநிலை பள்ளிகள் கோரிக்கை

எட்டாம் வகுப்பு வரையிலான மாணவர்களை, கோடை வெயிலில் இருந்து காக்க, முன்கூட்டியே தேர்வு நடத்த வேண்டும்' என, கல்வியாளர்கள் வலியுறுத்தி உள்ளனர். தமிழகத்தில், ஒன்றாம் வகுப்பு முதல் எட்டு வரையிலான, நடுநிலை பள்ளிகளில், 220 நாட்கள்;

10 முதல் பிளஸ் 2 வரையிலான, உயர்நிலை, மேல்நிலை பள்ளிகளில், 210 நாட்கள், வகுப்புகள் நடைபெறும். அதாவது, நடுநிலை பள்ளிகளுக்கு, ஏப்., 30 வரை; மற்ற மாணவர்களுக்கு, ஏப்., 15 வரை வகுப்புகள் நடத்தப்படுகின்றன. இதில், நடுநிலை பள்ளிகள், அதிக நாட்கள் இயங்குவதால், கோடை வெயில் பாதிப்பில், சின்னஞ்சிறு மாணவர்கள் சிக்கி கொள்கின்றனர்.

இதை தவிர்க்க, நடுநிலை பள்ளி மாணவர்களுக்கு, வேலை நாட்களை குறைக்க வேண்டும் என்ற கோரிக்கை எழுந்துள்ளது. இதுகுறித்து, சென்னை, பரங்கிமலை, ஏ.பி.டி.எம்., நடுநிலை பள்ளி தாளாளர், விக்டர் கிருபாதனம் வெளியிட்ட அறிக்கை: பத்தாம் வகுப்பு, பிளஸ் 2 மாணவர்களுக்கு, மார்ச், 31க்குள் தேர்வுகள் முடிகின்றன. ஆனால், ஆறு முதல், 14 வயது வரையிலான, சிறு வயது மாணவர்களுக்கு, ஏப்., 30 வரை பள்ளிகள் நடத்தப்படுகின்றன. அதனால், அவர்கள் தான் வெயிலால் அதிகம் பாதிக்கப்படுகின்றனர். எனவே, எட்டாம் வகுப்பு வரையிலான மாணவர்களுக்கும், ஏப்., 15க்குள் தேர்வுகளை முடித்து, விடுமுறை அளிக்க வேண்டும். ஆந்திரா மற்றும் தெலுங்கானாவில், இதே முறை கடைபிடிக்கப்படுகிறது. வேலை நாட்களை சரிசெய்ய, காலாண்டு, அரையாண்டு விடுமுறை நாட்களை குறைத்து கொள்ளலாம். இவ்வாறு அவர் கூறியுள்ளார்