ஆதிதிராவிடர், பழங்குடியினர் நலத் துறையின் கீழ் செயல்படும் பள்ளிகளில் பணிபுரியும் ஆசிரியர்களுக்கான ஆன்-லைன் இடமாறுதல் கலந்தாய்வு புதன்கிழமை நடைபெறும் என்று தெரிவிக்கப்பட்டுள்ளது. இது தொடர்பாக ஆதிதிராவிடர் நல இயக்குநர் அலுவலகம் திங்கள்கிழமை வெளியிட்டுள்ள அறிவிப்பு: ஆதிதிராவிடர், பழங்குடியினர் நலத் துறையின் கீழ் செயல்படும் பள்ளிகளில் பணிபுரியும் தலைமை ஆசிரியர்கள், முதுநிலைப் பட்டதாரி ஆசிரியர்கள், கணினி ஆசிரியர்கள், உடற்கல்வி இயக்குநர்கள், உடற்கல்வி ஆசிரியர்களுக்கு 2014-15-ஆம் ஆண்டுக்கான பொது மாறுதல் கலந்தாய்வு அந்தந்த மாவட்ட ஆதிதிராவிடர், பழங்குடியினர் நல அலுவலகத்தில் புதன்கிழமை காலை 11 மணிக்கு நடைபெறும்.
மேற்குறிப்பிட்ட ஆசிரியர்களில் பணியிட மாறுதல் கோரி ஆன்-லைன் கலந்தாய்வுக்கு விண்ணப்பித்தவர்கள் மட்டுமே இதில் கலந்துகொள்ள வேண்டும் எனத் தெரிவிக்கப்பட்டுள்ளது.
No comments:
Post a Comment