மத்திய அரசின் தகுதிப் படிப்பில் சேர 15 லட்சம் ஆசிரியர்கள்... தயார்...!

தகுதிப் படிப்பை முடிக்காவிட்டால், வேலை யில் இருந்து நீக்கப்படுவர் என்ற கெடுவுக்கு பயந்து, நாடு முழுவதும்,15 லட்சம் ஆசிரியர்கள், மத்திய அரசின், திறந்தவெளி படிப்பில் சேர்ந்துள்ளனர்; தமிழகத்தில் மட்டும், 26 ஆயிரம் ஆசிரியர்கள் விண்ணப்பித்து உள்ளனர். மத்திய மற்றும் தமிழக அரசின் கட்டாய கல்வி உரிமை சட்டம், 2010 ஏப்ரலில் அமலானது.

இந்த சட்டம் அமலுக்கு வந்த நாளில், அரசு மற்றும் தனியார் பள்ளிகளில், பணியில் இருக்கும் ஆசிரியர்கள் அனைவரும், 'டெட்' தேர்வில் தேர்ச்சி பெற வேண்டும் என, உத்தர விடப்பட்டது. இதற்காக,2014 வரை, ஐந்து ஆண்டு அவகாசம் வழங்கப்பட்டது. ஆனால், ஆயிரக்கணக்கான ஆசிரியர்கள் தகுதி பெறவில்லை. இதையடுத்து, ஐந்து ஆண்டுகள் கூடுதல் அவகாசம் வழங்கி, 'ஆசிரியராக பணிபுரிவோர், 2019 மார்ச், 31 க்குள், 'டெட்' தேர்ச்சி பெற வேண்டும். இல்லையென்றால், அவர்கள் பணியில் இருந்து நீக்கப்படுவர்' என, கெடு விதிக்கப்பட்டு உள்ளது.

இந்த அறிவிப்பின்படி, தற்போது, 1 - 5ம் வகுப்பு வரை, பாடம் எடுக்கும் ஆசிரியர்கள், பிளஸ் 2 வில், 50 சதவீத மதிப்பெண் பெற்று, டிப்ளமா ஆசிரியர் படிப்புடன், 'டெட்' தேர்வில் தேர்ச்சிபெற வேண்டும். எட்டாம் வகுப்பு வரை, பாடம் எடுக்கும் பட்டதாரி ஆசிரியர்கள், பிளஸ் 2 வில், 50 சதவீத மதிப்பெண் எடுத்திருப்பதுடன், பட்டப்படிப்பு, பி.எட்., முடித்து, 'டெட்' தேர்வில், தேர்ச்சி பெற்றிருக்க வேண்டும். இந்த கட்டுப்பாடுகளின்படி, பல ஆசிரியர்கள் தகுதி பெறாததால், பெரும்பாலான ஆசிரியர்களின் வேலைக்கு ஆபத்து ஏற்பட்டது. இது குறித்து, மத்திய அரசிடம், பல்வேறு அமைப்புகள் மனு அளித்தன.அவற்றை, மத்திய மனிதவள மேம்பாட்டு துறை பரிசீலித்து, சலுகை திட்டம் ஒன்றை, கடந்த மாதம் அறிவித்தது. அதன்படி, 'பிளஸ் 2 வில், 50 சதவீத மதிப்பெண்ணும் எடுக்காமல், 'டெட்' தேர்விலும் தேர்ச்சி பெறாத வர்கள், மத்திய அரசின், என்.ஐ.ஓ.எஸ்., என்ற, தேசியதிறந்தவெளி பள்ளியில், இரண்டு ஆண்டு, டிப்ளமா கல்வியியல் படிப்பில் சேர்ந்து தேர்ச்சி பெற்றால், பணியில் நீடிக்கலாம்' என, சலுகை வழங்கப்பட்டது.

ஆனால், 'சலுகையை பயன்படுத்தி, படிப்பை முடிக்காவிட்டால், 2019 மார்ச்சுக்கு பின், சம்பந்தப்பட்ட ஆசிரியர்கள், பணியிலிருந்துநீக்கப்படுவர்' என்றும், மத்திய அரசு அறிவித்தது. இதையடுத்து, என்.ஐ.ஓ.எஸ்., டிப்ளமா படிப்புக்கு, கடந்த மாதம், 'ஆன் - லைன்' பதிவு நடந்தது. இதில், நாடு முழுவதும், 15 லட்சம் ஆசிரியர்கள் விண்ணப்பித்து உள்ளனர். தமிழகத்தில் இருந்து மட்டும், 26 ஆயிரத்து, 500 ஆசிரியர்கள் விண்ணப்பித்து உள்ளனர்.

நாட்டில் அதிகபட்சமாக, பீஹாரில், 2.85 லட்சம் ஆசிரியர்கள் பதிவு செய்துள்ளனர். ம.பி., 1.90 லட்சம்; உ.பி., 1.95 லட்சம்; மேற்கு வங்கம், 1.69 லட்சம் ஆசிரியர்கள், மத்திய அரசின் படிப்பில் சேர விண்ணப்பித்து உள்ளனர். ஆந்திரா, 8000; தெலுங்கானா, 17 ஆயிரத்து, 8௦௦ மற்றும் கேரளாவில், 831 பேர் விண்ணப்பித்து உள்ளனர்

ANNUAL STATEMENT

Click below

http://epayroll.tn.gov.in/epayslip

FIXATION

The Tamilnadu Revised Pay Rules - 2017 ல் ஊதிய நிர்ணயம் செய்ய 1.1.2016 ன் அடிப்படை ஊதியம் + தர ஊதியத்தை 2.57 ஆல் பெருக்க வேண்டும். இதில் இடைநிலை ஆசிரியர்களில் PP 750 பெறுவோர் தனி ஊதியத்தையும்  சேர்த்து 2.57 ஆல் பெருக்கக் கூடாது. பக்கம் 9 - ல் 3 (1) ல் existing Basic Pay பற்றி விளக்கப்பட்டுள்ளது. அதில்  does not include any other type of pay like Spl pay , personal pay etc என உள்ளது.எனவே 2.57 என்ற multiplication factor ஆல் பெருக்கும் போது   Pay + Grade Pay மட்டுமே கணக்கில் எடுத்துக் கொள்ள வேண்டும்.

*அடுத்தாக Pay matrix*
    2.57 ஆல் பெருக்கி வரும் தொகையை Pay matrix table - ல் அவரவர் Grade Pay level உள்ள கட்டத்தில் அதற்கு இணையான தொகை அல்லது அடுத்த கூடுதலான ( either equal to or next higher) தொகையை நிர்ணயம் செய்து கொள்ள வேண்டும். இதுவே 1.1.16 - ல் ஒருவரின் புதிய அடிப்படை ஊதியம் ஆகும்.

*Increment கணக்கிடுதல்*
   அடுத்ததாக Increment கணக்கிடுதலில் புதிய அடிப்படை ஊதியத்தை 3% ஆல் பெருக்கி increment கணக்கிடக் கூடாது. *Increment கணக்கிடும் போது Pay matrix table - ஐ தான் பார்க்க வேண்டும்.* பக்கம் 14 - ல் 9 Increments in pay matrix என்ற தலைப்பில் *The increment shall be effected by moving vertically down along the applicable level by one cell from the existing cell of pay in the Pay matrix.*
(Illustration - III - See schedule - V) என உள்ளது.
*அதாவது Pay matrix - ல் நிர்ணயிக்கப்பட்ட ஊதியத்தின் கீழ் one cell வருவது ஒரு increment ஆக இருக்கும் என்பதாக உள்ளது.* (Vertically down along the applicable level by one cell).
எனவே increment - க்கும்  Pay matrix இவ்வாறாக பார்த்து increment தொகையுடன் கூடிய அடிப்படை ஊதியத்தை நிர்ணயித்துக் கொள்ள வேண்டும். இவ்வாறாக அடுத்த increment - க்கு அடுத்த cell - க்கு கீழே வந்து அதனை increment உடன் கூடிய ஊதியமாக கொள்ள வேண்டும்.
*Increment தொகை 3% தொகையளவு இருந்தாலும் ஆறாவது ஊதிய குழு போல 3% ஆல் வகுத்து கணக்கிட தற்போதைய குழுவில் விதிகளில் இடமில்லை, pay matrix தான் increment - க்கும் பார்க்க வேண்டும்.*

*தேர்வுநிலை/சிறப்புநிலை கணக்கிடல்*
    தேர்வுநிலை/சிறப்புநிலைகளில் 3% + 3% என எங்கும் குறிப்பிடப்படவில்லை. *பக்கம் 3-ல் 10- ல் இவைகளை குறிப்பிடும் போது two increment என்றே உள்ளது.* எனவே increment கணக்கிட கொடுக்கப்பட்டுள்ள விளக்கங்களின்படியே தே.நி/சி.நி கணக்கிடும்போது two increments - க்காக pay matrix - ல் two cell கீழே வந்து ஊதிய நிர்ணயம் செய்து கொள்ள வேண்டும்.

   *Personal Pay*
தனி ஊதியமான 750 - ஐ 2.57 ஆல் பெருக்கி தற்போது தனி ஊதியம் 2000 என நிர்ணயிக்கப்பட்டுள்ளது.

பக்கம் 10 - ல் 3(VIII) - ல் basic pay in the revised pay structure means எனக் குறிப்பிட்டு basic pay என்பது Pay matrix - ல் நிர்ணயிக்கப்பட்ட தொகை எனக் குறிப்பிட்டு அதில் special pay/ Personal pay etc சேராது எனக் குறிப்பிடப்பட்டுள்ளது. *எனவே 1.1.16 - ல் 2.57 ஆல் பெருக்கி வரும் தொகையுடன் தனி ஊதியம் 2000 - த்தை கூட்டி  Pay matrix - ல் பார்க்க கூடாது.

*இடைநிலை ஆசிரியர்களுக்கான தொடர்  பாதிப்புகள்*
Increment கணக்கிடுவதும் Pay Matrix - லேயே நிர்ணயிக்கப்பட்டுவிட்டதால் தனி ஊதியத்தையும் சேர்த்து ஆண்டு ஊதிய உயர்வு கணக்கிட இயலாத நிலை உருவாக்கப்பட்டு, இதுவரை ஆறாவது ஊதிய குழுவில் increment கணக்கிட தனி ஊதியம் சேர்த்து increment கணக்கிடப்பட்ட நிலை மாற்றப்பட்டு, தனி ஊதியத்தினால் பெற்றுவந்த குறைந்த அளவிலான பயன்களையும் பெற இயலாதநிலை இந்த ஊதிய குழுவில் ஏற்படுத்தப்பட்டுள்ளது  இ.நி.ஆசிரியர்களுக்கான பாதிப்பாகும்.

   ஆறாவது ஊதிய குழுவில் மத்திய அரசு ஆசிரியர்களுக்கு இணையான ஊதியம் மறுக்கப்பட்ட போது போராடியதன் விளைவாக அனுமதிக்கப்பட்ட தனி ஊதியத்தினால்,  தற்போது அதனை 2.57 ஆல் பெருக்கி 2000 ஆக தனியாக கணக்கிட மட்டுமே அனுமதிக்கப்பட்டுள்ளது. இதுவும் இ.நி.ஆசிரியர்களுக்கு ஏற்பட்டுள்ள பல  பாதிப்புகளில் ஒன்றாகும்.

தொடரும்

தகவல் ஆக்கம்
C. THOMAS ROCKLAND

ஆசிரியர் தகுதித் தேர்வு சான்றிதழ் சரிபார்ப்பில் பங்கேற்காதவர்களுக்கு மீண்டும் வாய்ப்பு

ஆசிரியர் தகுதித் தேர்வு இரண்டாம் தாளில் தேர்ச்சி பெற்று சான்றிதழ் சரிபார்ப்பில் பங்கேற்காதவர்களுக்காக அக்.25 முதல் அக்.27-ஆம் தேதிவரை மீண்டும் வாய்ப்பு வழங்கப்படவுள்ளது. இதுகுறித்து ஆசிரியர் தேர்வு வாரியம் வெள்ளிக்கிழமை (அக்.13) வெளியிட்ட அறிவிப்பு: ஆசிரியர் தேர்வு வாரியம் மூலம் நிகழாண்டு நடத்தப்பட்ட ஆசிரியர் தகுதித்தேர்வு இரண்டாம் தாளில் தேர்ச்சி பெற்ற 18,769 பட்டதாரி ஆசிரியர்களுக்கு கடந்த கடந்த ஜூலையில் சான்றிதழ் சரிபார்ப்பு நடைபெற்றது.

இதில் கலந்துகொள்ள இயலாத 701 பேர் மற்றும் 2017 ஆம் ஆண்டுக்கான பி.எட். கல்வியியல் சான்று பெற இயலாத காரணத்தால் பி.எட். சான்று அளிக்காத 535 பேருக்கு மீண்டும் சான்றிதழ் சரிபார்ப்புக்கு ஒரு வாய்ப்பு வழங்கப்பட்டுள்ளது. விழுப்புரம், மதுரையில்... இத்தகையோர் விழுப்புரம் மற்றும் மதுரையில் அக். 25 முதல் அக். 27 வரை நடைபெறும் சான்றிதழ் சரிபார்ப்பில் கலந்துகொள்ளலாம். இதற்கான அழைப்புக் கடிதங்களை ஆசிரியர் தேர்வு வாரிய இணையதளத்தில் பதிவிறக்கம் செய்து கொள்ளலாம்.

தனியாக அஞ்சல் மூலம் அழைப்புக் கடிதம் அனுப்பப்படமாட்டாது. இணையதளத்தில் வெளியிடப்படும் அழைப்புக் கடிதத்தையே எடுத்து வர வேண்டும். சான்றிதழ் சரிபார்ப்பு நடைபெறும் இடங்கள்:- அரசு மகளிர் மேல்நிலைப் பள்ளி, விழுப்புரம்- 605 602 மற்றும் நிர்மலா மகளிர் மேல்நிலைப் பள்ளி, காமராஜர் சாலை, மதுரை-625 009.

டிசம்பருக்குள் பள்ளிக் கல்வித்துறை முழுவதும் கணினி மயமாக்கப்படும்: கே.ஏ.செங்கோட்டையன்

டிசம்பர் மாதத்திற்குள் பள்ளிக் கல்வித் துறை முழுவதும் கணினிமயமாக்கப்படும் என்று அமைச்சர் கே.ஏ.செங்கோட்டையன் கூறினார். திருச்செந்தூர் அறிவியல் பூங்கா திறப்பு விழா வெள்ளிக்கிழமை நடைபெற்றது

அமைச்சர் கே.ஏ.செங்கோட்டையன் பேசியதாவது: மாணவர்கள் பொதுவாக மருத்துவம், ஆட்சிப் பணி, பொறியியல், வேளாண்மை மற்றும் கால்நடை உள்ளிட்ட பாடத் திட்டங்களையே பெரும்பாலும் பயின்று வருகின்றனர். ஆனால் மாணவர்கள் இது போன்றுள்ள 246 பாடத் திட்டங்களையும் பயின்றால் வேலையில்லாத் திண்டாட்டம் ஒழியும். மேலும் தற்போதுள்ள பாடத் திட்டத்திற்கேற்ப, 9, 10, 11, 12-ம் வகுப்பு மாணவர்கள் பயன்பெறும் வகையில் ரூ. 483 கோடியில் தமிழகம் முழுவதும் 412 பயிற்சி மையங்கள் ஏற்படுத்தப்பட உள்ளது. கடந்த தேர்வில் ரேங்க் சிஸ்டம் கொண்டுவரப்பட்டது.

பொதுத் தேர்வு முடிவுகளை குறுஞ்செய்தி மூலம் மாணவர்களுக்கு உடனடியாக அனுப்பும் முறை, இந்தியாவிலேயே தமிழகத்தில் தான் நடைமுறைக்கு வந்தது. பள்ளிக் கல்வித் துறை சார்பில், அரசு மற்றும் தனியார் பள்ளி மாணவர்களுக்கு ஸ்மார்ட் கார்டு வழங்கப்பட உள்ளது. அந்த ஸ்மார்ட் கார்டுடன், மாணவர்களின் ஆதார் எண், முகவரி, ரத்த வகை இணைக்கப்பட உள்ளது. இதன் மூலம் மாணவர்களுக்கு ஏற்படும் பேரிடர்கள் போது, காப்பீடுத் திட்டத்தின் மூலம் 48 மணி நேரத்துக்குள் உரிய இழப்பீடு வழங்கப்படும். அது போல வரும் டிசம்பருக்குள் பள்ளிக் கல்வித் துறை முழுவதும் கணினி மயமாக்கப்படும்.

இடைநிலை மற்றும் பட்டதாரி ஆசிரியர்களுக்கான காலியிடங்களுக்கு 2013இல் டெட் தேர்வு எழுதி தேர்ச்சியடைந்தவர்களுக்கு விரைவில் வேலை வழங்க நடவடிக்கை எடுக்கப்பட்டு வருகிறது. தேவைப்பட்டால் ஆசிரியர் பணியிடங்களுக்கு ரூ.7500 தொகுப்பு ஊதியத்திலும் கூடுதலான ஆசிரியர்கள் நியமிக்கப்படுவார்கள் என்றார் செங்கோட்டையன்.

மிகவும் பிற்படுத்தப்பட்ட மற்றும் சீர்மரபினர் கல்வி உதவித்தொகை பெற வருமான உச்சவரம்பு ₹25000/- லிருந்து ₹72000/- ஆக உயர்வு - அரசாணை நிலை எண்: 56 நாள்: 26.09.2017:-

1.6.06க்கு பின் ஆசிரியர் தேர்வு வாரியம் மூலம் பட்டதாரி ஆசிரியராக பணிபுரியும் ஆசிரியர்கள், ஆசிரிய பயிற்றுநராக செல்ல விரும்புபவர்கள் விண்ணப்பிக்கலாம் எனும் தமிழ்நாடு பள்ளிக் கல்வி இயக்குநரின் செயல்முறைகள்....

ஆசிரியர் தகுதித் தேர்வில் வெயிட்டேஜ் மதிப்பெண் முறையை நீக்க ஓரிரு நாளில் குழு

மேலை நாடுகளின் கல்வி முறையை கற்றுக்கொள்ளும் வகையில் 100 தமிழக மாணவர்களை அனுப்ப ஏற்பாடு செய்துள்ளோம். மத்திய அரசின் எத்தகைய தேர்வாக இருந்தாலும் அதைத் நம் மாணவர்கள் எதிர்கொள்ளும் வகையில் 412 பயிற்சி மையங்களை வரும் நவம்பருக்குள் அமைக்க உள்ளோம். இந்த மையங்களில் பணிபுரிய சிறப்பு பயிற்சி பெற 54 ஆசிரியர்களை ஹைதராபாத் அனுப்பியுள்ளோம். அவர்கள் தமிழகம் திரும்பியவுடன் 3000 ஆசிரியர்களுக்குப் பயிற்சியளிக்க, அவர்கள் பிளஸ்-2 மாணவர்களுக்கு பயிற்சியளிப்பர்.

இந்த சிறப்புப் பயிற்சியில் மாணவர்கள் சேர ஒன்றியத்துக்கு ஒரு விண்ணப்பம் வழங்கி பின்னர் அவர்களுக்கான பயிற்சிகள் தொடங்கப்படும். கரூர் மாவட்டத்தில் சில பள்ளிகளில் என்சிசி அமைப்புகள் இல்லையெனக் கூறப்பட்டுள்ளது. அனைத்து அரசுப் பள்ளிகளிலும் என்சிசி அமைப்புகள் கொண்டு வரப்படும்.

ஆசிரியர் தகுதித் தேர்வில் வெயிட்டேஜ் மதிப்பெண் முறையை நீக்க ஒரிரு நாட்களில் குழு அமைக்கப்படும். அந்தக் குழு அளிக்கும் அறிக்கைக்கேற்ப 15 நாட்களில் நடவடிக்கை எடுக்கப்படும். 2013-ல் ஆசிரியர் தகுதித்தேர்வில் வெயிட்டேஜ் மதிப்பெண் முறையில் பாதிக்கப்பட்டோர் குறித்து தமிழக அரசு கவனத்தில் கொள்ளும். நவம்பர் மாதத்திற்குள் 3000 பள்ளிகளில் ஸ்மார்ட் வகுப்புகள் தொடங்கப்படும். 9 முதல் பிளஸ்-2 வகுப்பு வரை அனைத்து வகுப்புகளும் கணினிமயமாக்கப்படும்.

இனி பிளஸ்-1 வகுப்பு தொடங்கும்போதே மடிக்கணினி வழங்க நடவடிக்கை எடுக்கப்படும். அரசுப் பள்ளிகளில் சிறந்து விளங்கும் 920 பிளஸ்-1, பிளஸ்-2 மாணவர்களைத் தேர்வு செய்து அவர்களுக்கு பரிசுத் தொகை வழங்கப்பட உள்ளது என்றார் அமைச்சர்.

பிளஸ் 1 துவங்கும் போது, 'லேப்டாப்' : பள்ளி கல்வித்துறை அமைச்சர் தகவல்

பிளஸ் 1 வகுப்பு துவங்கும் போது, மாணவர்களுக்கு, 'லேப்டாப்' வழங்க நடவடிக்கை எடுக்கப்படும்,'' என, பள்ளி கல்வித்துறை அமைச்சர், செங்கோட்டையன் பேசினார். கரூரில், மாநில அளவிலான அறிவியல் கண்காட்சியை துவக்கி வைத்து, அமைச்சர், செங்கோட்டையன் பேசியதாவது:

தமிழகத்தில், 412, 'நீட்' மற்றும் போட்டி தேர்வு மையங்கள், வரும் நவம்பர் மாதத்திற்குள் துவக்கப்படும். இவை மாநகராட்சி, நகராட்சி, ஒன்றியம், பேரூராட்சி அளவில் அமைக்கப்படும்.இந்த மையங்களுக்கான, 54 ஆசிரியர்கள், ஆந்திரா மாநிலத்திற்கு, பயிற்சிக்கு அனுப்பப்பட்டு உள்ளனர். இவர்கள் மூலம், 3,000 ஆசிரியர்களுக்கு தமிழகத்தில் பயிற்சி அளிக்கப்பட உள்ளது. 3,000 பள்ளிகளில் தலா, இரண்டு லட்சம் ரூபாய் செலவில், 'ஸ்மார்ட் கிளாஸ்' தொடங்கப்பட்டுள்ளது.

கடந்த, 12 ஆண்டுகளாக பாடத்திட்டத்தில் மாற்றம் செய்யப்படாமல் உள்ளது. இதையடுத்து, 2018 - 19 முதல் படிப்படியாக அனைத்து வகுப்பு பாட திட்டங்களும் மாற்றப்படும். கடந்த ஆண்டு, 'டெண்டர்' மற்றும் நீதிமன்ற வழக்கு காரணமாக, பிளஸ் 2 மாணவர்களுக்கு, லேப்டாப் வழங்குவதில் தாமதம் ஏற்பட்டுள்ளது. அடுத்த ஆண்டு முதல், பிளஸ் 1 வகுப்பு துவங்கும்போது, லேப்டாப் வழங்க ஏற்பாடு செய்யப்பட்டுள்ளது.

அரசு பள்ளியில், தமிழ் வழியில் படிக்கும் மாணவர்களுக்கு, 10ம் வகுப்பில், 10 ஆயிரம் ரூபாய், பிளஸ் 2 வகுப்பில், 20 ஆயிரம் ரூபாய் உதவித்தொகை வழங்கப்படும். சிறந்த மாணவர்களை தேர்வு செய்து, அறிவியல் ஆராய்ச்சி பற்றி தெரிந்து கொள்ள, மேலை நாடுகளுக்கு அனுப்ப இருக்கிறோம். இவ்வாறு அவர் பேசினார்.

ஜாக்டோ - ஜியோ' இன்று அவசர கூட்டம்

தமிழக அரசின் ஊதிய உயர்வு அறிவிப்பில், ஆசிரியர்கள், அரசு ஊழியர்கள் ஏமாற்றம் அடைந்துள்ளனர். அடுத்தகட்ட நடவடிக்கை குறித்து, இன்று, 'ஜாக்டோ - ஜியோ' கூட்டமைப்பு அவசர ஆலோசனை நடத்துகிறது. சென்னையில், அரசு ஊழியர் சங்க கட்டடத்தில், பிற்பகல், 2:௦௦ மணிக்கு இக்கூட்டம் நடக்கிறது. அதன் முடிவுகள் குறித்து, மாலை, 6:௦௦ மணிக்கு அறிவிப்பு வெளியிடப்படும் என, அரசு ஊழியர்கள் மற்றும் ஆசிரியர்கள் கூட்டமைப்பான, ஜாக்டோ - ஜியோ நிர்வாகிகள் தெரிவித்தனர்

அக மதிப்பெண் வழங்கும் அரசாணையை ரத்து செய்யக்கோரும் வழக்கில் உயர்நீதிமன்றம் உத்தரவு!

பதினொன்று மற்றும் 12ஆம் வகுப்புகளில் அக மதிப்பெண் வழங்குவதில் பாகுபாடு காட்டும் அரசாணை எண் 50-ஐ ரத்து செய்யக்கோரும் வழக்கில், பள்ளிக் கல்வித்துறை செயலர் மற்றும் பள்ளிக் கல்வித்துறை இயக்குநர் பதில் மனு தாக்கல்செய்ய, உயர்நீதிமன்ற மதுரைக் கிளை உத்தரவிட்டுள்ளது.

மதுரையைச் சேர்ந்த ராமலிங்கம் என்பவர், உயர்நீதிமன்ற மதுரை கிளையில் தாக்கல் செய்த பொதுநல மனுவில், மதிப்பெண்கள் வழங்குவதிலும், தேர்ச்சி மதிப்பெண்களை நிர்ணயிப்பதிலும் பாகுபாடு காட்டுவது சட்ட விரோதமானது என சுட்டிக்காட்டியுள்ளார்.

இந்த மனுவை விசாரித்த நீதிபதிகள், பள்ளிக்கல்வித்துறை அதிகாரிகள் பதிலளிக்க உத்தரவிட்டு, வழக்கை நவம்பர் 7ஆம் தேதிக்கு ஒத்திவைத்தனர்.

ஊதிய உயர்வு அறிவிப்பு ஏமாற்றமளிக்கிறது;ஜாக்டோ ஜியோ தலைவர்கள்

அரசு அறிவித்த ஊதிய உயர்வு ஏமாற்றமளிக்கிறது என்று ஜாக்டோ ஜியோ தலைவர்கள் அதிருப்தி தெரிவித்துள்ளனர்.இது தொடர்பாக ஊரக வளர்ச்சித்துறையின் மாநில பொதுச்செயலாளர் பி.கிருஷ்ணசாமி கூறியதாவது: அரசு ஊழியர் சங்க 7வது ஊதியக்குழு பொத்தாம் பொதுவாக பெரிதாக வழங்கியது போல் பொதுமக்கள் மத்தியில் ஒரு தோற்றத்தை ஏற்படுத்தியுள்ளது.

6வது ஊதியக்குழு நிலுவைத் தொகையை 3 தவணைகளிலும் அடுத்த ஊதியக்குழுவில் அந்த நிலுவைத்தொகை பொது வருங்கால வைப்புநிதி கணக்குகளிலும் இதுவரை வைக்கப்பட்டு வந்தது. ஆனால் ஒட்டுமொத்தமாக 21 மாத கால நிலுவைத்தொகையை வழங்காதது வருத்தமளிக்கிறது. அதே போல மதிப்பூதியம், தொகுப்பூதியம் பெறக்கூடிய ஊராட்சி செயலாளர்கள் 13 மணி நேரத்திற்கும் கூடுதலாக பணியாற்றுகிறார்கள். காலை 6 மணி முதல் இரவு 11 மணி வரை பணிபுரியக்கூடிய இவர்கள் மக்களின் அடிப்படை தேவைகளான சுகாதாரம், குடிநீர், தெருவிளக்கு போன்ற பணிகளை செய்யக்கூடியவர்களாக இருக்கிறார்கள்.

டெங்கு ஒழிப்பு பணிகளையும் பராமரிக்கிறார்கள். இந்த ஊராட்சி செயலாளர்கள் குறித்த ஊதியம் குறித்து நாங்கள் பேச்சுவார்த்தை நடத்தும் போது வலியுறுத்தினோம். அப்போது இந்த ஊழியர்களின் ஊதிய மாற்றம் நிச்சயமாக தனியாக அறிவிப்போம் என்றார்கள். ஆனால் அரசு அறிவித்த அறிவிப்பு இதற்கு மாறாக உள்ளது. வருத்தமளிக்கிறது. மேலும் முன்னாள் முதல்வர் ஜெயலலிதா அறிவித்த போது மதிப்பூதியம், தொகுப்புதியம் பெறுபவர்களின் பணித்தன்மை, பணி நிலைமையை கணக்கில் எடுத்து ஊதியம் உயர்த்தி வழங்கப்படும் என்று சொன்னார். அந்த வாக்குறுதியை தற்போதைய அரசு காப்பாற்றவில்லை.

இந்த முரண்பாடுகள் குறித்து ஜாக்டோ ஜியோ உயர்மட்டக்குழு கூட்டத்தில் பரிசீலிப்போம். நீதிமன்ற உத்தரவுபடி தான் இந்த உத்தரவு வெளியிடப்பட்டு உள்ளது. வருகிற 23ம் தேதி நீதிமன்றத்தில் வழக்கு விசாரணைக்கு வருகிறது. அப்போது நீதிமன்ற நடவடிக்கைக்குப் பிறகு எங்களது அறிவிப்பு இருக்கும். இவ்வாறு அவர் கூறினார்.

இடைநிலை ஆசிரியர்களுக்கு 27 ஆயிரம் வரை இழப்பு தமிழ்நாடு பட்டதாரி ஆசிரியர் கழகத்தின் பொதுச்செயலாளர் பேட்ரிக் ரெய்மான்ட் கூறியதாவது:

நாங்கள் 9 நாட்களாக நடத்திய போராட்டத்தில் வைக்கப்பட்ட கோரிக்கைகளிலே முக்கியமானது 6வது ஊதியக்குழு முரண்பாடுகள் களையப்பட்டு பின் 7வது ஊதியக்குழு பரிந்துரைகளை அமுலாக்க வேண்டும் என்பதுதான். ஆனால் 6வது ஊதியக்குழு முரண்பாடுகள் களையப்படவில்லை.இதனால் இடைநிலை ஆசிரியர்களுக்கு ஒரு மாதத்திற்கு ரூ.27 ஆயிரம் வரை ஊதிய இழப்பு ஏற்படுகிறது. 1.1.2016 முதல் 1.10.2017 வரை 21 மாத காலத்திற்கான நிலுவைத்தொகை வழங்கப்படவில்லை.

1.1.2016 முதல் இந்த ஊதியக்குழு அமுல்படுத்துவதாக இந்த அரசு அறிவித்தாலும் அதற்கான பணப்பலன் எதுவும் வழங்காத காரணத்தினால் 13லட்சம் ஆசிரியர், அரசு ஊழியர்கள் மிகுந்த ஏமாற்றத்திற்குள்ளாகி இருக்கிறார்கள். இவ்வாறு அவர் கூறினார்.

NMMS exam -2017

அரசு ஊழியர்களின் ஊதியம் குறைந்த பட்சம் ரூ.15 ஆயிரமாகவும் அதிகபட்சம் ரூ.2.25 லட்சமாக உயர்வு

# 7வது ஊதிய குழு பரிந்துரைகள் - 1.10.2017 தேதி முதல் பணப்பயனுடன் அமல்படுத்தப்படும்.

# குறைந்த பட்ச ஊதியம் ரூ.15 ஆயிரமாகவும் அதிகபட்ச ஊதியம் ரூ.2,25,000 ஆகவும் நிர்ணயம் செய்யப்பட்டுள்ளது.

# தமிழக அரசு ஊழியர்களுக்கான குறைந்தபட்ச ஊதியம் ரூ 6, 100-ல் இருந்து ரூ 15,700 ஆக உயர்த்தப்பட்டுள்ளது.

# தொகுப்பூதியம், மதிப்பூதியத்தில் உள்ள பணியாளர்களுக்கு 30 % ஊதிய உயர்வு அளிக்கப்பட்டுள்ளது.

# அதிகபட்ச ஊதியம் ரூ. 77,000 லிருந்து ரூ 2.25,000 ஆக அதிகரிக்கப்பட்டுள்ளது.

# ஓய்வு பெறும் போது வழங்கப்படும் பணிக்கொடைக்கான வரம்பு ரூ 10 லட்சத்தில் இருந்து ரூ.20 லட்சமாக உயர்த்தப்படும்.

# இந்த ஊதிய உயர்வு 2016-ம் ஆண்டில் இருந்து கருத்தியலாக அமல்படுத்த முதல்-அமைச்சர் உத்தரவிட்டுள்ளார். ஊதிய உயர்வால் அரசுக்கு ஆண்டுக்கு ரூ.14, 719 கோடி கூடுதல் செலவாகும். அரசு அறிவித்துள்ள ஊதிய உயர்வால் 12 லட்சம் அரசு ஊழியர்களும், 7 லட்சம் ஓய்வுதியர்கள், குடும்ப ஓய்வூதியர்கள் பயன்பெறுவர்.

பள்ளிக்கல்வி திட்டம்: நாளை ஆலோசனை

பள்ளிக்கல்வி திட்டங்களை அமல்படுத்துவது குறித்து, மாவட்ட கல்வி அதிகாரிகளுக்கு, சென்னையில், நாளை ஆலோசனை வழங்கப்படுகிறது. புதிய பாடத்திட்டம், நுழைவுத் தேர்வு பயிற்சி, 'ஸ்மார்ட்' வகுப்பு என, பல்வேறு திட்டங்கள், பள்ளிக்கல்வித் துறையில் அமல் படுத்தப்பட உள்ளன. அது குறித்து, சென்னை, அண்ணா நுாற்றாண்டு நுாலக வளாகத்தில், நாளை, ஆலோசனை கூட்டம் நடக்கிறது. இதில், அமைச்சர் செங்கோட்டையன், பள்ளிக்கல்வி முதன்மை செயலர், பிரதீப் யாதவ், பள்ளிக் கல்விஇயக்குனர், இளங்கோவன் பங்கேற்கின்றனர்.

டெங்குவை தடுப்பது எப்படி? : 'மொபைல் ஆப்' வெளியீடு!

டெங்கு காய்ச்சலை தடுப்பது குறித்து, 'மொபைல் ஆப்' ஒன்றை, குடும்ப நலத்துறை வெளியிட்டுள்ளது. டெங்கு காய்ச்சலால், உயிரிழப்பு அதிகரித்து வரும் நிலையில், மக்களிடையே விழிப்புணர்வு ஏற்படுத்த, மக்கள் நல்வாழ்வு மற்றும் குடும்ப நலத்துறை, 'மொபைல் ஆப்' ஒன்றை அறிமுகப்படுத்தி உள்ளது.

'டெங்குவை தடுப்போம்; கொசுக்களை ஒழிப்போம்' என துவங்கும் பக்கத்தின் முகப்பில், கொசு உற்பத்தியாகும் இடங்கள், கேள்வி - பதில், சித்த மருத்துவம், தகவல் மற்றும் உதவி, ஆடியோ, குறும்படங்கள் என, ஆறு பகுதிகள் இடம் பெற்றுள்ளன. அதில், தண்ணீர் தேங்கி, கொசு உற்பத்தியாகும் இடங்களும் குறிப்பிடப்பட்டுள்ளன. அத்துடன், நிலவேம்பு கஷாயம், மலைவேம்பு இலைச்சாறு, பப்பாளி இலை சாறு தயாரிப்பு முறை குறித்தும் விளக்கப்பட்டுள்ளது. டெங்கு காய்ச்சல் குறித்த சந்தேகங்களுக்கு, 94443 - 40496 மற்றும் 93614 - 82899 என்ற எண்களில் தொடர்பு கொள்ளலாம். காய்ச்சல் விழிப்புணர்வு குறித்து, பிரபலங்கள் பேசும் வீடியோக்களும் இடம் பெற்றுள்ளன

அகவிலைப்படி 136லிருந்து 139% ஆக உயர்வு

கிரேடு வாரியாக அரசு ஊழியர்களின் ஊதிய உயர்வு வெளியீடு!

ஆசிரியர் மற்றும் அரசு ஊழியர்களுக்கான ஊதிய உயர்வு அறிவிக்கப்பட்டதைத் தொடர்ந்து கிரேடு வாரியாக ஊதிய உயர்வு பட்டியலை தமிழக அரசு அரசாணையாக வெளியிட்டுள்ளது.

அலுவலக உதவியாளர்களுக்கான ஊதிய விகிதம் ரூ. 21,792-26,720, இளநிலை உதவியாளர் ரூ.37,936,-ல் இருந்து ரூ.-47,485, இடைநிலை ஆசிரியர்களுக்கான விகிதம் ரூ.40,650-ல் இருந்து ரூ.50,740, ஆய்வாளர்களின் ஊதிய விகிதம் ரூ.69,184ல் இருந்து ரூ.-84,900, சப் கலெக்டர்களுக்கு ரூ.81,190-ல் இருந்து ரூ.98,945, சத்துணவு அமைப்பாளர்களுக்கு ஊதிய விகிதம் ரூ.10,810-ல் இருந்து ரூ.13,270, சத்துணவு சமையலர்களுக்கான ஊதிய விகிதம் ரூ. 6562-ரூ.8,680, இந்திய குடிமைப்பணி அலுவலர் இல்ல அலுவலக உதவியாளர் தொகுப்பூதியம் ரூ.12 ஆயிரமாகவும் அதிகரிக்கப்பட்டுள்ளது.

பார்வைக்குறைபாடு, மாற்றுத் திறனாளி, காது கேளாதோர் ஊர்திப்படி ரூ.2,500 ஆக அதிகரித்து உத்தரவிட்டுள்ளது. குறைந்தபட்ச ஓய்வுதியத்தொகை குறைந்த பட்சம் ரூ.7,850ல் இருந்து அதிகபட்சமாக ரூ,1,12, 500 ஆகவும் குடும்ப ஓய்வூதியம் ரூ.7,850 -ல் இருந்து 67,500 ஆகவும் அதிகரிக்கப்பட்டுள்ளது. சத்துணவு அமைப்பாளர்களுக்கு சிறப்பு ஓய்வூதியம் ரூ.ஆயிரத்து 500-ல்இருந்து 2 ஆயிரம் ரூபாயாக அதிகரிக்கப்பட்டுள்ளது.

இப்படி, ஊதிய உயர்வு அளிக்கப்பட்டுள்ளதால், அரசுக்கு கூடுதலாக ரூ.14,719 கோடியாகும். இதில், ரூ.8015.99 கோடி அரசு அலுவலர்களுக்கான சம்பளமும் ரூ.6702.91 கோடி ஓய்வூதியதாரர்களுக்கும் செலவாகும்