கேந்திரியா வித்யா பள்ளிகளில் வேலைவாய்ப்பு

மத்திய அரசு நடத்தும் கேந்திரிய வித்யாலயா பள்ளிகளில் 3,344 ஆசிரியர் பணியிடங்கள் போட்டித் தேர்வு மூலமாக நிரப்பப்பட உள்ளன. இதில், 2,566 இடைநிலை ஆசிரியர் காலியிடங்கள், 391 பட்டதாரி ஆசிரியர் பணியிடங்கள், 387 முதுகலைப் பட்டதாரி ஆசிரியர் பணியிடங்கள் அடங்கும்.

மூவகைப் பணிகள்

இடைநிலை ஆசிரியர் பணியைப் பொறுத்தவரையில், ஆசிரியர் பயிற்சியில் பட்டயப் படிப்புடன் “சி-டெட்” எனப்படும் மத்திய ஆசிரியர் தகுதித் தேர்வில் தேர்ச்சி பெற்றிருக்க வேண்டும். வயது வரம்பு 30-க்குள் இருக்க வேண்டும். இதேபோல், பட்டதாரி ஆசிரியர் பணிக்கு இளங்கலை படிப்பு மற்றும் பி.எட். முடித்திருப்பதுடன் சி-டெட் தகுதித் தேர்வில் தேர்ச்சி அவசியம். வயது வரம்பு 35-க்குள். “முதுகலைப் பட்டதாரி ஆசிரியர் பணிக்குச் சம்பந்தப்பட்ட பாடத்தில் முதுகலைப் பட்டப் படிப்புடன் பி.எட். பட்டம் பெற்றிருக்க வேண்டும். வயது வரம்பு 40-க்குள்”.

கடைசித் தேதி

அனைத்து ஆசிரியர் பணியிடங்களுக்கும் நிர்ணயிக்கப்பட்ட கல்வித் தகுதியில் குறைந்தபட்சம் 50 சதவீத மதிப்பெண் அவசியம். எஸ்.சி, எஸ்.டி வகுப்பினருக்கு 5 ஆண்டுகளும், ஓ.பி.சி பிரிவினருக்கு 3 ஆண்டுகளும், மாற்றுத்திறனாளிகள் மற்றும் பெண்களுக்கு 10 ஆண்டுகளும் வயது வரம்பில் தளர்வு அளிக்கப்படும்.

தகுதியுள்ள நபர்கள் போட்டித் தேர்வு மற்றும் நேர்முகத் தேர்வு மூலமாகத் தேர்வுசெய்யப்படுவார்கள் www.kvsangathan.nic.in என்ற இணையதளத்தில் ஆன்லைனில் ஜூன் 22-ந் தேதிக்குள் விண்ணப்பிக்க வேண்டும் என்று மத்திய அரசின் கேந்திரிய வித்யாலயா சங்கதன் அமைப்பு அறிவித்துள்ளது.

இடைநிலை ஆசிரியர் மற்றும் பட்டதாரி ஆசிரியர் பணிக்குச் சி-டெட் தேர்வில் குறைந்தபட்சம் 82 மதிப்பெண் பெற்ற எஸ்.சி, எஸ்.டி, ஓ.பி.சி வகுப்பினர், மாற்றுத்திறனாளிகள் விண்ணப்பிக்கலாம். பாடவாரியான காலியிடங்கள், தேர்வு முறை, பாடத் திட்டம் உள்ளிட்ட விவரங்களை மேற்கண்ட இணையதளத்தின் அடியில் ‘எம்ப்ளாய்மென்ட் நோட்டீஸ்’ எனக் குறிப்பிடப்பட்டுள்ள பகுதிக்குள் சென்று விரிவாகத் தெரிந்துகொள்ளலாம்.

12மாவட்ட முதன்மை கல்விஅதிகாரிகள் மாற்றம்

தமிழகத்தில் 12 மாவட்ட முதன்மை கல்வி அலுவலர்களை மாற்றம் செய்து பள்ளிக் கல்வித்துறை உத்தரவிட்டுள்ளது. தமிழகத்தில் 36 மாவட்ட முதன்மைக் கல்வி அதிகாரிகள் பணியாற்றி வருகின்றனர். இவர்கள் தவிர அனைவருக்கும் கல்வி திட்டத்திலும் மாவட்ட முதன்மை கல்வி அலுவலர்கள் பணியாற்றி வருகின்றனர். அவர்களில் 12 பேரை திடீர் மாற்றம் செய்து பள்ளிக் கல்வித்துறை உத்தரவிட்டுள்ளது. அதன்படி, கன்னியாகுமரி மாவட்ட முதன்மை கல்வி அலுவலர் ராதாகிருஷ்ணன் சென்னையில் உள்ள பெற்றோர் ஆசிரியர் கழக செயலாளராக நியமிக்கப்பட்டுள்ளார்.

விருதுநகர் ஜெயக்குமார் கன்னியாகுமரிக்கும், திருவண்ணாமலை பொன்குமார் விருதுநகருக்கும், கரூர் திருநிறைச்செல்வி தஞ்சாவூருக்கும், தஞ்சாவூர் தமிழரசு கிருஷ்ணகிரிக்கும், கிருஷ்ணகிரி ராமசாமி கரூருக்கும், தூத்துக்குடி முனுசாமி பெரம்பலூருக்கும், நாகப்பட்டினம் ராமகிருஷ்ணன் தூத்துக்குடிக்கும் மாற்றப்பட்டுள்ளனர். கோவை ஞானகவுரி சேலத்துக்கும், புதுக்கோட்டை அருள்முருகன் கோவைக்கும், காஞ்சிபுரம் பாண்டி புதுக்கோட்டைக்கும், சேலம் உஷா காஞ்சிபுரத்துக்கும் மாற்றப்பட்டுள்ளனர்.

பத்தாம் வகுப்பு மதிப்பெண் பட்டியல் நாளை பதிவிறக்கம் செய்யலாம்

பத்தாம் வகுப்பு தேர்வு எழுதிய மாணவர்கள் தங்களுக்கு தேவைப்படும் தற்காலிக மதிப்பெண் பட்டியல்களை இணையத்தில் நாளை முதல் பதிவிறக்கம் செய்யலாம் என்று தேர்வுத்துறை அறிவித்துள்ளது. பத்தாம் வகுப்பு பொது தேர்வு முடிவு கடந்த மாதம் 21ம் தேதி வெளியானது. இதை தொடர்ந்து, தற்காலிக மதிப்பெண் பட்டியல் கடந்த 29ம் தேதி முதல் அந்தந்த பள்ளிகள் மூலம் வினியோகம் செய்யப்பட்டன.

இதுதவிர, தற்காலிக மதிப்பெண் தேவைப்படுவோருக்கு தாங்களே இணையத்தில் இருந்து தற்காலிக மதிப்பெண் பட்டியல்களை பதிவிறக்கம் செய்து கொள்ளவும் தேர்வுத்துறை ஏற்பாடு செய்துள்ளது. பள்ளிகளில் படித்து தேர்வு எழுதியோர், தனித்தேர்வர்களாக தேர்வு எழுதியோர் நாளை முதல் தற்காலிக மதிப்பெண் பட்டியல்களை www.dge.tn.nic.in என்ற இணைய தளத்தில் இருந்து பதிவிறக்கம் செய்து கொள்ளலாம். இந்த இணைய தளத்தில் சென்றதும் ‘‘provisional Mark Sheet SSLC Result - March 2015’’ என்ற திரை தோன்றும். மாணவர்கள் தங்கள் மதிப்பெண், பிறந்த தேதி ஆகிய விவரங்களை டைப் செய்ய வேண்டும்.

மேலும் அந்த திரையில் தோன்றும் குறியீட்டை அதில் உள்ளது போலவே டைப் செய்ய வேண்டும். அதற்கு பிறகு View Result என்பதை கிளிக் செய்ய வேண்டும். அப்போது மாணவர்களின் பதிவெண் பெயரில் ஒரு பிடிஎப் பைல் பதிவிறக்கம் ஆகும். அந்த பைலில் மாணவர்களின் தற்காலிக மதிப்பெண் சான்று இருக்கும். அதை மாணவர்கள் அப்படியே பிரிண்ட் எடுத்துக் கொள்ளலாம்.

ஜூலை 1ல் ஆசிரியர் பயிற்சி கவுன்சிலிங்

தமிழகத்தில் ஆசிரியர் பயிற்சி பள்ளிகள், ஆசிரியர் பயிற்சி நிறுவனங்கள் 270 உள்ளன. இவற்றில் மொத்தம் 40 ஆயிரம் இடங்கள் உள்ளன. இந்த ஆண்டு மாணவர் சேரக்கைக்கான விண்ணப்பங்கள் கடந்த மாதம் முதல் வினியோகிக்கப்பட்டு வருகிறது. பூர்த்தி செய்யப்பட்ட விண்ணப்பங்களை நாளை மாலைக்குள் சமர்ப்பிக்க வேண்டும் என அறிவிக்கப்பட்டுள்ளது. மேலும், அந்தந்த மாவட்ட முதன்மை கல்வி அலுவலகம், மாவட்ட ஆசிரியர் கல்வி மற்றும் பயிற்சி நிறுவனங்களிலும் விண்ணப்பங்களை வழங்கலாம்.

இதையடுத்து, தகுதியுள்ள மாணவ, மாணவியர் கவுன்சலிங் மூலம் தேர்வு செய்யப்பட்டு சேர்க்கை உத்தரவு வழங்கப்பட உள்ளது. ஆன்லைன் மூலம் மேற்கண்ட கவுன்சலிங் வரும் ஜூலை 1ம் தேதி தொடங்கி 10ம் தேதி வரை நடக்கும். மாற்றுத்திறனாளிகள், சுதந்திர போராட்ட தியாகிகள் வாரிசுகள், முன்னாள் ராணுவத்தினர் ஆகியோருக்கான கவுன்சலிங் ஜூலை 1ம் தேதி நடக்கிறது. ஆங்கில வழியில் படிக்க விண்ணப்பித்துள்ளோர், சிறுபான்மை மொழியில் படிக்க விண்ணப்பித்துள்ளவர்களுக்கு 2ம் தேதியும், தொழில் பிரிவினருக்கு 3ம் தேதியும், கலைப்பிரிவினருக்கு 4 மற்றும் 6ம் தேதியும், அறிவியல் பிரிவினருக்கு 7ம் தேதி முதல் 10ம் தேதி வரையும் கவுன்சலிங் நடக்கும்.

22மையங்கள் மூலம் மாணவர்கள் பஸ் பாஸ் வழங்கத்திட்டம்

அரசு மற்றும் அரசு பள்ளிகளில் பயிலும் மாணவர்களுக்கு பஸ் பாஸ் வழங்கும் பணி நேற்று முதல் துவங்கியது. தமிழகத்தில் 52 ஆயிரம் அரசு மற்றும் அரசு உதவி பெறும் பள்ளிகள் உள்ளன. இங்கு படிக்கும் மாணவர்களுக்கு ஆண்டுதோறும் தமிழக அரசு இலவச பஸ் பாஸ் வழங்கி வருகிறது. இதன் மூலம் மாணவர்கள் வீட்டிலிருந்து பள்ளிக்கும், பள்ளியிலிருந்து வீட்டுக்கும் அரசு பேருந்துகளில் இலவசமாக பயணம் செய்யலாம்.

இந்த ஆண்டு பள்ளித் திறக்கும் நாளன்றே பஸ் பாஸ் வழங்க நடவடிக்கை எடுக்க வேண்டும் என பள்ளிக்கல்வித்துறை உத்தரவிட்டிருந்ததால், தொடக்க கல்வி இயக்குனர் உத்தரவின் பேரில் மாநிலம் முழுவதும் அந்தந்த பள்ளிகளில் தலைமையாசிரியரின் தலைமையில் கலந்தாலோசனை கூட்டம் கடந்த மாதமே நடந்தது. ஆனால், எத்தனை மாணவர்களுக்கு பாஸ் வழங்க வேண்டும் என்ற முழு விவரங்களை பெரும்பாலான பள்ளிகள் தயார் செய்யாததால், பஸ் பாஸ் வழங்கும் பணியில் தொய்வு ஏற்பட்டது. இதையடுத்து, கோடை விடுமுறை முடிந்து நேற்று முன்தினம் பள்ளி திறக்கப்பட்டது.

பழைய பஸ் பாசுடன் பள்ளி மாணவர்கள் சீருடை அணிந்து வந்தால் பஸ்களில் அனுமதிக்கும்படி அரசு பேருந்து கண்டக்டர்களுக்கு அறிவுறுத்தப்பட்டிருந்தது. ஆனால், இந்த அறிவிப்பு முறையாக போய் சேராததால், மாநிலத்தின் பெரும்பாலான இடங்களில் கண்டக்டர்கள் மற்றும் மாணவர்களுக்கிடையே கடும் வாக்குவாதம் நிலவியது. இந்நிலையில், மாணவர்களுக்கு இலவச பஸ் பாஸ் வழங்கும் பணி நேற்று முதல் துவங்கியது. இதுகுறித்து, போக்குவரத்து துறை அதிகாரி ஒருவர் கூறியதாவது: கடந்த ஆண்டு 25 லட்சத்து 44 ஆயிரத்து 576 மாணவ, மாணவிகளுக்கு 17 மையங்கள் மூலம் பஸ் பாஸ் வழங்கும் பணி நடந்தது. இந்த ஆண்டு பள்ளி திறந்த உடனேயே மாணவர்களுக்கு இலவச பஸ் பாஸ் வழங்க முடிவு செய்யப்பட்டது.

ஆனால் பெரும்பாலான பள்ளிகள், மாணவர்கள் பட்டியல் தயாரிப்பதில் சுணக்கம் காட்டி வருகின்றன. இதனால் திட்டமிட்டபடி பணிகள் துவங்குவதில் சிக்கல் நீடிக்கிறது. இருந்தாலும், போக்குவரத்து துறையினருக்கு வந்துள்ள மாணவர்கள் பட்டியலின்படி, அவர்களுக்கு இலவச பஸ் பாஸ் வழங்கும் பணி நேற்று காலை முதல் துவங்கியது. இந்த ஆண்டு 5 மையங்கள் கூடுதலாக சேர்க்கப்பட்டு, 22 மையங்களில் இந்த பணிகள் நடைபெற்று வருகிறது என்றார்.

பிளஸ் 2 சிறப்பு துணைத்தேர்வு நாளை முதல்.விண்ணப்பிக்கலாம்

பிளஸ் 2 சிறப்பு துணைத்தேர்வு எழுத தட்கல் முறையில் நாளையும், 5ம் தேதியும் விண்ணப்பிக்கலாம் என அரசு தேர்வுகள் இயக்ககம் சார்பில் அறிவிக்கப்பட்டுள்ளது. இது குறித்த அறிக்கையில் கூறப்பட்டுள்ளதாவது: 2015 ஜூன், ஜூலையில் நடக்கவுள்ள பிளஸ் 2 சிறப்பு துணைத்தேர்வுக்கு ஏற்கனவே விண்ணப்பிக்காதவர்கள் சிறப்பு அனுமதி திட்டத்தின் கீழ் (தட்கல்) நாளையும், நாளை மறுதினமும் (ஜூன்4, 5) விண்ணப்பிக்கலாம். விண்ணப்பதாரர்கள் மார்ச் 2015 பிளஸ் 2 தேர்வை பள்ளி மாணவராகவோ அல்லது தனித்தேர்வராக எழுதியிருக்க வேண்டும்.

இத்தேர்வில் தேர்ச்சி பெறாத அல்லது வருகை புரியாத அனைத்து பாடங்களையும் எழுதலாம். தட்கல் முறையில் சென்னையில் மட்டுமே தேர்வெழுத முடியும். விண்ணப்பதாரர்கள் மாவட்ட முதன்மை கல்வி அலுவலகங்களில் ஜூன் 4, 5 ஆகிய இரண்டு நாட்களில் பதிவு செய்ய வேண்டும். மார்ச் 2015 தற்காலிக மதிப்பெண் சான்றிதழை விண்ணப்பம் பதிவு செய்யும்போது காண்பிக்க வேண்டும். ஒரு பாடத்திற்கு ரூ.50, இதரக்கட்டணம் ரூ.35, சிறப்பு அனுமதி கட்டணம் ரூ.1000, பதிவு கட்டணம் ரூ.50 செலுத்த வேண்டும். இவ்வாறு தெரிவிக்கப்பட்டுள்ளது.

மாணவர்களை தேடி ஆசிரியர்கள் நடை பயணம்

அரசுப் பள்ளிகளில், மாணவர் சேர்க்கையை அதிகரிக்க, பள்ளி செல்லா குழந்தைகளை அழைத்து வர, மாணவர்களை தேடிச் செல்லும் நடைப் பயணத்தை, பள்ளிக்கல்வித் துறை துவங்கி உள்ளது.தமிழகத்தில் கோடை விடுமுறைக்குப் பின், அரசு, அரசு உதவி பெறும் பள்ளிகள் மீண்டும் திறக்கப் பட்டுள்ளன. பள்ளி தலைமை ஆசிரியர்களுக்கு, பள்ளி கல்வித்துறை அதிகாரிகள் புதிய உத்தரவு பிறப்பித்து உள்ளனர்.

இதன்படி, மாணவர் எண்ணிக்கை மிகவும் குறைவாக உள்ள வகுப்புகளின் பட்டியல்களை அனுப்ப வேண்டும்.  மாணவர் எண்ணிக்கை குறைவான வகுப்பு கள், மாணவர்களே சேராத வகுப்புகளில், மாணவர்களை சேர்க்க உடனடி நடவடிக்கை எடுக்க வேண்டும்.  சம்பந்தப்பட்ட வகுப்பு களின் ஆசிரியர்கள், பள்ளிக்கு அருகில் உள்ள குடியிருப்பு பகுதிகளுக்கு நடைப் பயணமாக சென்று, பெற்றோரை நேரில் சந்தித்துப் பேச வேண்டும். 

அந்தப் பகுதிகளில் உள்ள பள்ளி செல்லா குழந்தைகள், பாதியில் படிப்பை விட்ட மாணவர்களை கண்டறிந்து, அவர்களின் பெற்றோரிடம் பேசி, அரசு பள்ளியில் சேர்க்க முயற்சிக்க வேண்டும்.இவ்வாறு, தெரிவிக்கப்பட்டுள்ளது. இதனால், தொடக்கப் பள்ளி மற்றும் உயர்நிலைப்பள்ளி ஆசிரியர்கள், தங்களுக்கு வகுப்புகள் இல்லாத நேரங்களில், அருகில் உள்ள குடியிருப்பு பகுதிகளுக்கு, உள்ளூர் மாணவர்களுடன், மாணவர் சேர்க்கை நடைப்பயணம் மேற்கொண்டுள்ளனர்

TNPTF ARPATTAM

BUS pass instruction

Click below

https://app.box.com/s/647qiq165grx2jjp8ue2tzokgwq9nzpg

பழைய பஸ் பாஸ் பயன்படுத்திக் கொள்ளலாம்

கோடை விடுமுறைக்கு பின்னர் பள்ளிகள் திறக்கப்பட்டு்ள்ள நிலையில் பள்ளிமாணவர்கள் புதிய பஸ் பாசை பெற முடியாமல் தவித்து வந்தனர். இந்நிலையில் போக்குவரத்து துறை வெளியிட்டுள்ள அறிக்கையில் புதிய பாஸ் அளிக்கும் வரையில் பள்ளி மாணவர்கள் தொடர்ந்து பழைய பஸ் பாசையே பயன்படுத்தி கொள்ளலாம் என தெரிவித்துள்ளது.

பழைய ரூபாய் நோட்டுக்களை மாற்ற அவகாசம் நீடிப்பு

பழைய ரூபாய் நோட்டுகளை, வங்கிகளில் கொடுத்து மாற்றிக்கொள்வதற்கு, வரும் 30ம் தேதி வரை, ரிசர்வ் வங்கி கால அவகாசம் அளித்துள்ளது. நாடு முழுவதும் பதுக்கி வைக்கப்பட்டுள்ள கறுப்பு பணத்தை வெளிக்கொணர்வதற்கும், கள்ள நோட்டு புழக்கத்தை ஒழிக்கவும், பழைய ரூபாய் நோட்டுகளை திரும்பப் பெற, கடந்த ஆண்டு ஜனவரியில், ரிசர்வ் வங்கி முடிவு செய்தது.கடந்த 2005ம் ஆண்டுக்கு முந்தைய ரூபாய் நோட்டுகளில், ஆண்டு குறிப்பிடப்படவில்லை.

அதன்பின், அச்சிடப்பட்ட நோட்டுகளின் பின்புறம், கீழ் பகுதியில் சிறிய அளவில் ஆண்டு குறிப்பிடப்பட்டுள்ளது. வரும் 30ம் தேதி வரை, வாடிக்கையாளர்கள், தங்கள் கணக்கு உள்ள வங்கிக் கிளையில், பழைய 5, 10, 20, 50, 100, 500 மற்றும் 1,000 ரூபாய் நோட்டுகளை அளித்து மாற்றிக் கொள்ளலாம். 10க்கும் மேற்பட்ட, 500 அல்லது 1,000 ரூபாய் நோட்டுகளை மாற்றும் போது, வங்கிக் கணக்குடன், குடியிருப்பு மற்றும் அடையாள சான்றை அளிக்க வேண்டும். ஐம்பதாயிரம் ரூபாய்க்கு மேல் நோட்டு களை மாற்றும் போது பான் எண்ணை குறிப்பிட வேண்டும்.

பழைய நோட்டுகளுக்கான பணம், வாடிக்கையாளர்களின் வங்கி கணக்கில் சேர்க்கப்படும்.அதன்பின், இந்த நோட்டுகளை மாற்றுவதற்கு வங்கியில் கணக்கு வைத்திருப்பதுடன், அடையாள மற்றும் குடியிருப்பு சான்றுகளை வழங்க வேண்டும். வரும் 30ம் தேதிக்கு பின், வங்கி அல்லது ஏ.டி.எம்., மையங்களில் பழைய நோட்டுகள் புழக்கத்தில் இருக்காது என்று ரிசர்வ் வங்கி அறிவித்துள்ளது.இவ்வாறு சேகரிக்கப்படும் பழைய நோட்டுகள், இறுதி தேதிக்கு பின், ரிசர்வ் வங்கியால் அழிக்கப்படும். இவ்வாறு, ரிசர்வ் வங்கி அறிவித்துள்ளது. டிரைவரை தேடி வருகின்றனர்.

உதவிதொடக்ககல்வி அலுவலர் வெட்டிக் கொலை

திருவாரூரில் ஞாயிற்றுக்கிழமை மாலை உதவித் தொடக்கக் கல்வி அலுவலர் மர்ம நபர்களால் வெட்டிக் கொலை செய்யப்பட்டார். திருவாரூர் விளமல் பெரியார் நகரைச் சேர்ந்தவர் சி. வேணுகோபால்(56). இவர் கொரடாச்சேரியில் உதவித் தொடக்கக் கல்வி அலுவலராக பணியாற்றி வந்தார்.
ஞாயிற்றுக்கிழமை மாலை வேணுகோபால் வீட்டிலிருந்து இரு சக்கர வாகனத்தில் தியாகராஜர் கோயில் கமலாலயக் குளம் வடகரை பகுதியில் வந்து கொண்டிருந்தபோது மர்ம நபர்கள் சிலர் அவரை வழிமறித்து, அரிவாளால் சரமாரியாக வெட்டிவிட்டு தப்பியோடி விட்டனர்.

வெட்டுக் காயங்களுடன் வேணுகோபால் அருகிலிருந்த தனியார் மருத்துவமனைக்குள் ஓடினார். இதையடுத்து அங்கிருந்த தனியார் மருத்துவமனை ஊழியர்கள் 108 ஆம்புலென்ûஸ வரவழைத்து, உயிருக்குப் போராடிக் கொண்டிருந்த வேணுகோபாலை திருவாரூர் மருத்துவக் கல்லூரி மருத்துவமனைக்கு அனுப்பி வைத்துள்ளனர்.
மருத்துவக் கல்லூரி மருத்துவமனையில் வேணுகோபாலை பரிசோதித்த மருத்துவர்கள் அவர் ஏற்கெனவே இறந்து விட்டதாக தெரிவித்தனர். திருவாரூர் நகரக் காவல் நிலையப் போலீஸார் வழக்குப் பதிந்து, சம்பவத்தில் தொடர்புடையவர்களை தேடி வருகின்றனர். முன்விரோதம் காரணமாக வேணுகோபால் கொலை செய்யப்பட்டிருக்கலாமென போலீஸார் தெரிவித்தனர்.

வீடு,மனைக்கு முன்பணம் கொடுக்க இன்று முதல் தடை-மத்திய அரசு

மத்திய பட்ஜெட்டில் அறிவிக்கப்பட்டபடி வீடு, மனை வாங்கும் போது, முன்பணமாக, 20 ஆயிரம் ரூபாயும், அதற்கு மேற்பட்ட தொகையை ரொக்கமாக கொடுப்பதும், பெறுவதும் இன்றுமுதல் தடை செய்யப்படுகிறது.

மத்திய அரசின், 2015 -- 16, பட்ஜெட்டில், கறுப்பு பண புழக்கத்தை கட்டுப்படுத்த, பல்வேறு நடவடிக்கைகள் அறிவிக்கப்பட்டு உள்ளன. இதன்படி, 'வீடு, மனை போன்ற அசையா சொத்துக்கள் பரிமாற்றத்தின் போது, கறுப்பு பணம் புழங்க வாய்ப்புள்ளதால், முன்பணமாக, 20 ஆயிரம் ரூபாயும், அதற்கு மேலான தொகையை ரொக்கமாக செலுத்துவது, வருமான வரி சட்டப்படி தடை செய்யப்படும்' என, பட்ஜெட்டில் அறிவிக்கப்பட்டது.வருமான வரி சட்டத்தின், 269வது பிரிவின் படி, நிதி முதலீடு சார்ந்த சில நடவடிக்கைகளில், 20 ஆயிரம் ரூபாய்; அதற்கு மேலான தொகையை ரொக்கமாக கொடுக்கவும், பெறவும் தடை உள்ளது. இந்த தடை உத்தரவு, இப்போது வீடு, மனை விற்பனையில் முன்பணம் கொடுப்பதற்கும் விரிவுபடுத்தப்பட்டுள்ளது.

இதை மீறி பெறப்படும் தொகையில், 100 சதவீதம் வரை அபராதம் விதிக்கப்படும்.கடந்த சில ஆண்டுகளாக முடங்கிக்கிடந்த ரியல் எஸ்டேட் துறையில், இப்போது தான் ஓரளவுக்கு முன்னேற்றம் ஏற்பட்டுள்ளது. இந்நிலையில், இது போன்று தடை விதிப்பது தேவையற்றது என, ரியல் எஸ்டேட், கட்டுமான அமைப்புகள் அதிருப்தியை தெரிவித்துள்ளன. இதுகுறித்து, அடுக்குமாடி கட்டுனர் சங்கத்தின் மூத்த நிர்வாகி ஒருவர் கூறியதாவது: *அவசரகால நிதி தேவைக்காக, வீடு, மனையை விற்போரின் அடிப்படை நோக்கத்தை சிதைக்கும் வகையில், இந்தத் தடை விதிக்கப்பட்டு உள்ளது.

*ரொக்கத்தை தவிர்த்து காசோலையாக பெறலாம் என்றாலும், அதில் பல்வேறு நடைமுறை சிக்கல்கள் உள்ளன. அப்பாவி மக்கள், நில அபகரிப்பு செய்யும் நபர்களால் ஏமாற்றப்படலாம்.

*வங்கி வரைவோலை (டி.டி.,) வாயிலாக பரிமாற்றம் செய்ய வேண்டும் என்றால், 48,500 ரூபாய் வரையே வங்கிகளில் ரொக்கமாக செலுத்த முடியும்.

* பதிவு செய்யப்படும் விற்பனை ஒப்பந்தத்தில் முன்பணம், 19,500 ரூபாய் மட்டுமே பெறப்பட்டதாக குறிப்பிட்டு விட்டு, ஆவணத்தில் காட்டாமல், மீதித் தொகையை பரிமாற்றம் செய்தல் போன்ற மோசடிகளுக்கு இந்த உத்தரவு வழிவகுக்கும்.இவ்வாறு, அவர் கூறினார். இந்த உத்தரவுப்படி, 20 ஆயிரம் ரூபாய்க்கு மேல் முன்பணம் பெறப்பட்டதாக வரும் வீடு விற்பனை ஒப்பந்த ஆவணங்களை பதிவு செய்வது தொடர்பாக, பதிவுத்துறை அதிகாரிகள் மத்தியில் குழப்பம் நிலவுகிறது. இதற்கான வழிகாட்டுதல்கள் வழங்குவது குறித்து, இத்துறை அதிகாரிகள் ஆலோசித்து வருகின்றனர்.

ஏ.இ.இஒ அலுவலகத்தில் பிராட் பேன்ட் வசதி இல்லை

தமிழகத்தில், அரசு பள்ளி ஆசிரியர்களுக்கு, சம்பள பில் தயாரிப்பது முதல், தகவல் பரிமாற்ற கடிதம் வரை, ஆன்-லைன் மூலமே மேற்கொள்ளப்படும் சூழலில், உதவி தொடக்கக்கல்வி அலுவலகங்களுக்கு, இதுவரை 'பிராட்பேண்ட்' வசதி செய்துதரப்படாததால், கடும் அவதிக்கு உள்ளாகியுள்ளனர்.சொந்த பணத்தில்...தமிழக தொடக்கக்கல்வித்துறையில், 34 ஆயிரத்துக்கும் மேற்பட்ட, துவக்க மற்றும் நடுநிலைப்பள்ளிகள் உள்ளன. இவற்றில் பணிபுரியும் ஆசிரியர்களுக்கான சம்பளம், நிலுவைத்தொகை உள்ளிட்டவை பெற்றுத்தரும் நிர்வாக அலுவலகமாக, உதவி தொடக்கக்கல்வி அலுவலகம் உள்ளது.

ஒரு ஒன்றியத்துக்கு ஒரு உதவி தொடக்கக்கல்வி அலுவலகம் வீதம் அமைக்கப்பட்டுள்ளது. ஒவ்வொன்றிலும், 350 முதல், 700 ஆசிரியர் வரை, சம்பளம் பெறுகின்றனர். இவர்களின் சம்பள பில் தயாரிக்கும் முறை, கடந்த சில மாதங்களுக்கு முன்பிருந்து, ஆன் - லைனுக்கு மாற்றப்பட்டுள்ளது. அதுமட்டுமின்றி, பள்ளிகளுக்கு அனுப்ப வேண்டிய சுற்றறிக்கை, துறை சார்ந்த கடிதம் உள்ளிட்டவையும், 'இ - மெயில்' மூலமாகவே அனுப்பப்படுகிறது.இதனால், உதவி தொடக்கக்கல்வி அலுவலகத்தில், தினமும் பிராட்பேண்ட் வசதியை பயன்படுத்த வேண்டிய கட்டாயம் உள்ளது. ஆனால், இதுவரை எந்த உதவி தொடக்கக்கல்வி அலுவலகத்துக்கும், இன்டர்நெட் வசதி ஏற்படுத்தித்தரப்படவில்லை. இதனால், அங்கு பணிபுரியும் அலுவலர்கள், தங்களது சொந்த பணத்தில், இன்டர்நெட் பயன்படுத்தி, பணிபுரிய வேண்டிய கட்டாயம் உருவாகியுள்ளது.

ஆன் - லைனில்...இதுகுறித்து, கல்வித்துறை பணியாளர்கள் கூறியதாவது:உயர்நிலை மற்றும் மேல்நிலைப்பள்ளிகளில், 10 முதல் 100 ஆசிரியர்கள் இருக்கும் சூழலில், அங்கு பிராட்பேண்ட் இணைப்பு மற்றும் அதற்கான கட்டணம், அரசால் வழங்கப்படுகிறது. ஆனால், உதவி தொடக்கக்கல்வி அலுவலகத்தில், பிராட்பேண்ட் வசதியில்லை.இதனால், ஆசிரியர்களிடம் வசூல்வேட்டை நடத்தியோ, அலுவலர்கள் தங்கள் கைக்காசை செலவழித்தும், இன்டர்நெட் வசதியை பயன்படுத்த வேண்டிஉள்ளது. அனைத்து பணிகளும், ஆன் லைனில் வழங்கிவிட்டு, அதற்கான வசதியை ஏற்படுத்தி தராமல் இருப்பது ஏன் என தெரியவில்லை.இவ்வாறு அவர்கள் கூறினர்.

ஒத்திவைக்கப்பட்ட விளையாட்டுப் போட்டிகள்.விரக்தியில் அரசு ஊழியர் ஆசிரியர்கள்

ஒத்தி வைக்கப்பட்ட மாநில அளவிலான விளையாட்டு போட்டிகளை, விரைவில் நடத்த வேண்டும் என்ற எதிர்பார்ப்பில், அரசு ஊழியர்கள் உள்ளனர். தமிழ்நாடு விளையாட்டு மேம்பாட்டு ஆணையம் மூலம் ஆண்டு தோறும் சீருடை பணியாளர் அல்லாத அரசு ஊழியர்களுக்கான தடகளம், கூடைபந்து, கையுந்து பந்து, டென்னிஸ், கபடி, மேஜைபந்து போட்டிகள் மே, ஜூனில் நடப்பது வழக்கம். மாவட்டந்தோறும், 60க்கு அதிகமான அரசு ஊழியர்கள் பங்கேற்பர்.

இந்தாண்டுக்கான கூடை பந்துக்கான போட்டி மதுரையில், மே 15 முதல் 17 வாலிபால் போட்டிகள், மே 19 முதல் 21 வரை தஞ்சாவூரிலும் நடப்பதாக இருந்தது.அந்த நாட்களில் மாநிலத்தில் பல இடங்களில் பரவலாக மழை பெய்தது. இதை தொடர்ந்து போட்டிகள் ஒத்தி வைக்கப்பட்டதாக அறிவிக்கப்பட்டது. அதன் பின் இன்றுவரை போட்டிக்கான தேதிகள் அறிவிக்கப்படாமல் உள்ளது.

தற்போது கோடை விடுமுறை என்பதால், ஜூன் முதல் வாரத்திற்குள் போட்டிகளை நடத்த வேண்டும் என அரசு ஊழியர்கள் எதிர்பார்ப்பில் உள்ளனர்.

ஆன்-லைன் ஆசிரியர் கலந்தாய்வுக்கு எதிர்ப்பு

ஆன்-லைன்' முறையில், ஆசிரியர்களுக்கான பொது மாறுதல் கலந்தாய்வு நடத்துவதை தவிர்த்து, மாவட்ட அளவில், வெளிப்படையான கலந்தாய்வை நடத்த வேண்டும்' என, ஆசிரியர்கள் கோரிக்கை விடுத்துள்ளனர்.ஆண்டுதோறும், மே மாதத்தில், ஆசிரியர்களுக்கான பொது மாறுதல் கலந்தாய்வு நடத்துவது வழக்கம்.

மறைத்ததாக புகார்:கடந்த ஆண்டு, மாநில அளவில், ஒரே நேரத்தில், ஆன்-லைன் மூலம் நடத்திய கலந்தாய்வில், பல இடங்கள் மறைக்கப்பட்டதாக புகார் எழுந்தது. நடப்பாண்டில், வரும், ஜூன் மாதம், கலந்தாய்வு நடக்கும் என, கூறப்படுகிறது. வழக்கம்போல், ஆன்-லைன் முறையில், கலந்தாய்வை நடத்தாமல், மாவட்ட வாரியாக, வெளிப்படையான கலந்தாய்வை நடத்த வேண்டும் என, ஆசிரியர் கள் கோரிக்கைவிடுத்துள்ளனர். தமிழ்நாடு அரசு உயர்நிலை, மேல்நிலைப் பள்ளி பட்டதாரி ஆசிரியர் கழகத்தின் பொதுச்செயலர் கோவிந்தன் கூறியதாவது:இருக்கும்; ஆனா, இருக்காதுகலந்தாய்வில் பங்கேற்பதற்கு முன்பே, அருகில் எந்தந்த காலியிடங்கள் உள்ளன என, ஆசிரியர்கள் தெரிந்து கொள்கின்றனர்.

அந்த இடங்களை எதிர்பார்த்து சென்றால், அவை, கலந்தாய்வில் காட்டப்படுவதில்லை. ஒருவர், இரண்டு நிமிடத்தில், இடத்தை தேர்வு செய்ய வேண்டும் என்பதால், நிதானமாக, அருகில் உள்ள இடத்தை தேர்வு செய்ய முடியாமல், துாரமாக உள்ள பள்ளிகளுக்கு செல்ல வேண்டிய கட்டாயம் ஏற்படுகிறது.ஆசிரியர் சங்க நிர்வாகிகள் என்ற முறையில், மாவட்ட முதன்மைக்கல்வி அலுவலரிடம், இந்த குறையை கூறினால், 'எங்களுக்கு தெரியாது; இயக்குனரகத்துக்கு, காலிப்பணியிட பட்டியலை அனுப்பிவிட்டோம்' என கைவிரித்து விடுகின்றனர்.

நடவடிக்கை தேவை:இயக்குனரகத்தில் கேட்டால், 'மாவட்டங்களில் இருந்து வந்த பட்டியலின் அடிப்படையிலேயே, கலந்தாய்வு நடக்கிறது' என, திருப்பி அனுப்புகின்றனர்.'ஆன்-லைன்' வேண்டாம்இதனால், ஆன்-லைன் கலந்தாய்வை தவிர்த்து, மாவட்ட அளவில், வெளிப்படையாக கலந்தாய்வை நடத்த, அரசு நடவடிக்கை எடுக்க வேண்டும்.மாவட்ட அளவிலான கலந்தாய்வில், தவறு நடந்தாலும், தட்டிகேட்க, வழி உண்டு. ஆன்-லைன் கலந்தாய்வில், எதையும் கேட்க வழியில்லை.இவ்வாறு, அவர்தெரிவித்தார்.