உயர்நிலைப் பள்ளி தலைமை ஆசிரியர் பணியிடம் : கவுன்சலிங் மூலம் 400 பேர் நியமனம

் உயர்நிலைப் பள்ளிகளில் காலியாக உள்ள தலைமை ஆசிரியர் பணியிடங்களை நிரப்புவதற்காக இரண்டு நாட்களாக நடந்த கவுன்சலிங்கில் 409 பேர் நியமனம் பெற்றனர். உயர்நிலைப் பள்ளிகளில் காலியாக உள்ள சுமார் 400 தலைமை ஆசிரியர் பணியிடங்களை நிரப்புவதற்கான கவுன்சலிங் 14ம் தேதி ஆன்லைன் மூலம் நடந்தது.   அந்தந்த மாவட்ட முதன்மைக் கல்வி அலுவலர் அலுவலகங்களில் ஆன்லைன் கவுன்சலிங் நடத்த பள்ளிக் கல்வித்துறை ஏற்பாடு செய்திருந்தது.

சில மாவட்டங்களில் இந்த கவுன்சலிங் குறித்த தகவல் தாமதமாக ஆசிரியர்களுக்கு தெரிவிக்கப்பட்டதால் கவுன்சலிங் நடப்பதில் காலதாமதம் ஏற்பட்டது. இந்நிலையில் ஒரே நாளில் நடந்து முடிய வேண்டிய கவுன்சலிங் இரண்டு நாட்கள் நடந்தது.  இந்த கவுன்சலிங்கில் அனைவருக்கும் கல்வி திட்டத்தில் வட்டார வள மைய மேற்பார்வையாளர்களை அரசு மற்றும் நகராட்சி உயர்நிலைப் பள்ளிகளில் தலைமை ஆசிரியர்களாக மாறுதல் வழங்க முடிவு செய்யப்பட்டது. இதன்படி 278 வட்டார வள மைய மேற்பார்வையாளர்கள் கவுன்சலிங்கில் கலந்து கொண்டு பணி நியமன ஆணை பெற்றனர்.தவிரவும் பட்டதாரி ஆசிரியர்களுக்கு பதவி உயர்வு மூலம் வழங்கப்படும் கவுன்சலிங்கில் 131 பட்டதாரி ஆசிரியர்கள், உதவித் தொடக்க கல்வி அலுவலர்கள் கலந்து கொண்டு உயர்நிலைப் பள்ளி தலைமை ஆசிரியர்களாக பதவி பெற்றனர

NMMS Application form 2014 for VIII th std

CLICK BELOW

https://www.box.com/shared/pktlsaxr1u10wxwji1nk

மலைப்பகுதிகளில் பணியாற்றும் அரசு ஊழியர்களுக்கான படி அதிகரிப்பு

மலைப்பகுதிகளில் பணியாற்றும் அரசு ஊழியர்களுக்கான படி மாதம் ஆயிரத்து 500 ரூபாயாக அதிகரிக்கப்படும் என்று முதல்வர் ஜெயலலிதா தெரிவித்தார். சென்னைத் தலைமைச் செயலகத்தில் நடைபெற்ற மாவட்ட ஆட்சியர்கள் மற்றும் காவல்துறை அதிகாரிகள் மாநாட்டில், நிறைவுரை ஆற்றிய முதல்வர் ஜெயலலிதா 312 அறிவிப்புகளை வெளியிட்டார். அவற்றில் சில:

* மலைப்பகுதிகளில் பணியாற்றும் அரசு ஊழியர்களுக்கான படித்தொகை மாதம் ஆயிரத்து 500 ரூபாயாக அதிகரிப்பு.

* அரசு ஊழியர்களுக்கான குளிர்காலபடி மாதம் 500 ரூபாயாக உயர்த்தப்படும்.

ஆசிரியர் தகுதித்தேர்வில் தாள் 1,தாள2-ல் உச்சநீதிமன்ற நிபுணர் குழுவின் பரிந்துரையின் படி கீ ஆன்சரில் மாற்றம் செய்து உத்தரவிட்ட விபரம- tnkalvi

்
தாள்-1 ( TNTET PAPER 1) 

ஆசிரியர் தகுதித்தேர்வு, கீ ஆன்சரில் தவறான விடைகள் இடம்பெற்றன. சரியான விடைக்கு மதிப்பெண் வழங்கக்கோரி சென்னை உயர் நீதிமன்ற மதுரை கிளையில் வழக்குகள் தொடுக்கப்பட்டன அவற்றை நிபுணர் குழுஅமைத்து பரிசீலிக்க உத்தரவிட்ட நீதியரசர் நாகமுத்து குழுவின் பரிந்துரை மற்றும் மனுதாரர்கள் அளித்த ஆதாரங்களின் அடிப்படையில் தாள் 1 இல்( TNTET PAPER 1) கீழ்கண்ட கேள்விக்கு மாற்றம் செய்து உத்தரவிட்டுள்ளார்.

------------------
Question series D
------------------
Question no 122: Non conventional source of energy...

Judgement : A , C,D All the three key answers are correct.(wind,solar,bio-mass)

என விடைக்குறிப்பில் மாற்றம் செய்து உத்தரவிட்டுள்ளார் மேற்கண்ட வினா தவிர்த்த மனுதரர்கள் கோரிய மற்ற வினாக்களுக்கு டிஆர்பி யின் விடைகள் சரி எனவும் நீதியரசர் நாகமுத்து உத்தரவிட்டுள்ளார்.

தாள்-2 ( TNTET PAPER 2) 

ஆசிரியர் தகுதித்தேர்வு, கீ ஆன்சரில் தவறான விடைகள் இடம்பெற்றன. சரியான விடைக்கு மதிப்பெண் வழங்கக்கோரி சென்னை உயர் நீதிமன்றமதுரை கிளையில் வழக்குகள் தொடுக்கப்பட்டன அவற்றை நிபுணர் குழுஅமைத்து பரிசீலிக்க உத்தரவிட்ட நீதியரசர் நாகமுத்து குழுவின் பரிந்துரை மற்றும் மனுதாரர்கள் அளித்த ஆதாரங்களின் அடிப்படையில் தாள் இரண்டில் ( TNTET PAPER 2 ) கீழ்கண்ட கேள்விகளுக்கு மாற்றம் செய்து உத்தரவிட்டுள்ளார்.

Question Series C

Question no 25: the number of types of counseling
Judgement : deleted the question

Question no 08 :if we track the proficiency....
Judgement : A -positive curve, B- s type curve
Both answer correct

Question Series D

Question no 49: the winds blow from particular direction.......

Judgement : A , B,C. All the three key answers are correct.

என விடைக்குறிப்பில் மாற்றம் செய்து உத்தரவிட்டுள்ளார்
மேற்கண்ட வினாக்களைத் தவிர்த்த மனுதரர்கள் மற்ற வினாக்களுக்கு டிஆர்பி யின் விடைகள் சரி எனவும் நீதியரசர் நாகமுத்து உத்தரவிட்டுள்ளார்.

கவுன்சிலிங்கை ரத்து செய்ய ஆசிரியர்கள் வலியுறுத்தல் dinamalar

"தலைமை ஆசிரியர் பணிக்கான கவுன்சிலிங்கை ரத்து செய்து, முறைப்படி நடத்த வேண்டும்,' என பட்டதாரி ஆசிரியர்கள் சங்கம் வலியுறுத்தியுள்ளது.தமிழகத்தில் வட்டார வளமைய மேற்பார்வையாளர்களுக்கு இடமாறுதலாகவும், பட்டதாரி ஆசிரியர்களுக்கு பதவி உயர்வாகவும் நேற்று கவுன்சிலிங் நடந்தது.அவசரமாக நடந்த இக்கவுன்சிலிங் குறித்து பட்டதாரி ஆசிரியர்கள் சங்க மாநில தலைவர் இளங்கோவன் கூறியதாவது: ஆசிரியர் கவுன்சிலிங்கை முறைப்படி முன்னுரிமை பட்டியல் வெளியிட்டு, 15 நாட்கள் கழித்து நடத்த வேண்டும். ஆனால் முன்தினம் இரவு 7 மணிக்கு இமெயில் மூலம் கூட தெரிவிக்காமல், சம்பந்தப்பட்டோருக்கு மட்டும் "திடீரென' அறிவித்து கவுன்சிலிங் நடத்தி இடமாறுதல் வழங்கப்பட்டுள்ளது. இப்படி அவசரமாக நடத்துவதற்கான பின்னணி என்ன?248 பேருக்கு பதவி உயர்வு மூலம் வழங்குவதாக அறிவித்தும் மாலை 5 மணி வரை யாருக்கும் வழங்கவில்லை. கல்வித்துறையில் இதுபோல ஒருபோதும் நடந்ததில்லை. முறைகேடான இக்கவுன்சிலிங்கை ரத்து செய்ய வேண்டும், என்றார்.

புதிய குரூப் 1 தேர்வு அறிவிப்பு 17ம் தேதி வெளியாகிறது

  துணை கலெக்டர், வணிக வரித்துறை அலுவலர் உள்ளிட்ட பதவிகளில், காலியாக உள்ள பணியிடங்களை நிரப்ப, குரூப் 1 தேர்வு அறிவிப்பு, 17ம் தேதி வெளியாகிறது.துணை கலெக்டர், 3; வணிக வரித்துறை அலுவலர், 30; ஊரக வளர்ச்சித் துறையில், 30 பணியிடம் உட்பட பல்வேறு துறைகளில், 70 முதல் 80 பணியிடங்கள் வரை, அறிவிப்பில் இடம்பெறும் என, தெரிகிறது. 17ம் தேதிக்குள், மேலும் கூடுதல் காலி பணியிடங்கள், அரசு துறைகளில் இருந்து, தேர்வாணையத்திற்கு வரும் பட்சத்தில், காலி பணியிடங்கள் எண்ணிக்கை மேலும் அதிகரிக்கலாம்.

கூடுதலாக 3,500 ஆசிரியர்களை நியமிக்க அரசு அனுமதி: நடப்பாண்டில் புது ஆசிரியர்கள் 18,500 ஆக உயர்வு

   நடப்பு கல்வி ஆண்டில், 3,500 ஆசிரியர் பணியிடங்களை நிரப்ப, தமிழக அரசு அனுமதி அளித்துள்ளது. ஆசிரியர் தகுதி தேர்வு (டி.இ.டி.,) மற்றும் முதுகலை ஆசிரியர் தேர்வில் இருந்து, தேர்வு செய்யப்பட உள்ள, 15 ஆயிரம் பேர் நியமனத்துடன் சேர்த்து, இந்த, 3,500 பேரும் தேர்வு செய்யப்படுவர் என, துறை வட்டாரங்கள் தெரிவித்தன. இதனால், ஒட்டுமொத்தமாக, 18,500 ஆசிரியர், விரைவில் நியமனம் செய்யப்பட உள்ளனர். கடந்த கல்வி ஆண்டுக்கான காலி பணியிடங்கள் மற்றும் நிரப்பப்படாத பணியிடங்கள் என, 15 ஆயிரம் பேர், டி.இ.டி., தேர்வு மற்றும் முதுகலை ஆசிரியர் தேர்வு மூலம், விரைவில் நியமனம் செய்யப்பட உள்ளனர்.

இதற்கான பணிகள், ஆசிரியர் தேர்வு வாரியத்தில் (டி.ஆர்.பி.,), மும்முரமாக நடந்து வருகிறது.இந்நிலையில், நடப்பு கல்வி ஆண்டுக்கான காலி பணியிடங்கள் குறித்த பட்டியலை, பள்ளி கல்வித்துறையும், தொடக்க கல்வித்துறையும், தமிழக அரசுக்கு அனுப்பியது. பள்ளி கல்வி இயக்குனர், 3,487 பணியிடங்களுக்கும், தொடக்க கல்வி இயக்குனர், 694 இடங்களுக்கும், அரசின் அனுமதி கோரி, பட்டியலை அனுப்பினர். இதை, அரசு ஆய்வு செய்து, 3,525 இடங்களை நிரப்ப அனுமதி அளித்து, அரசாணை பிறப்பித்துள்ளது. கல்வித்துறை செயலர், சபிதா, 10ம் தேதி வெளியிட்ட அரசாணை விவரம்:

நடுநிலைப்பள்ளி தலைமை ஆசிரியர், 314; ஆரம்ப பள்ளி தலைமை ஆசிரியர், 380 பணியிடங்களை, பதவி உயர்வு மூலம் நிரப்ப, அரசு அனுமதி அளிக்கிறது. மேலும், முதுகலை ஆசிரியர், 809; பட்டதாரி ஆசிரியர், 979; இடைநிலை ஆசிரியர், 887; சிறப்பு ஆசிரியர் (ஓவியம், இசை, தையல்), 156 பணியிடங்கள் என, 3,525 பணியிடங்களை, நடப்பு கல்வி ஆண்டில் நிரப்ப, சம்பந்தப்பட்ட துறைகள், நடவடிக்கை எடுக்கலாம்.இவ்வாறு, அரசாணையில் தெரிவிக்கப்பட்டுள்ளது.

அனைவருக்கும் கல்வி திட்டத்தில் பணியாற்றும், வட்டார வள மைய மேற்பார்வையாளர்களில், 71 பேர், முதுகலை ஆசிரியராகவும், 115 வட்டார வள மைய பயிற்றுனர், பட்டதாரி ஆசிரியராகவும், பணிமாற்றம் செய்யப்படுவர் எனவும், அரசாணையில் தெரிவிக்கப்பட்டுள்ளது. இதுகுறித்து, கல்வித்துறை வட்டாரம் கூறுகையில், "2012 13ம் ஆண்டுக்காக, 10 ஆயிரம் பட்டதாரி ஆசிரியர் பணியிடம், 2,800 முதுகலை ஆசிரியர் பணியிடம் உட்பட, 15 ஆயிரம் பணியிடங்களை, டி.இ.டி., மற்றும் முதுகலை ஆசிரியர் தேர்வு மூலம் நிரப்பப்பட உள்ளனர். இவர்களுடன் சேர்த்து, 3,500 பணியிடங்களை நிரப்பவும் வாய்ப்பு உள்ளது' என, தெரிவித்தன. மொத்தத்தில், பள்ளி கல்வித்துறை, தொடக்க கல்வித்துறையில், 18,500 பேர் நிரப்பப்பட உள்ளனர்.

இன்றைய டிட்டோஜாக் கூட்டத்தில் எந்தவித முடிவும் எட்டப்படாமல் ஒத்திவைப்பு,

் இன்று சென்னையில் திரு.மீனாட்சி சுந்தரம் தலைமையில் நடைபெற்ற டிட்டோஜாக் கூட்டம் மாலை 4.00மணி வரை நீடித்தது எனவும், அனால் இன்றைய கூட்டத்தில் பங்குபெற்ற சங்கங்களுக்கு இடையே முடிவு எட்டப்படாமல் ஒத்திவைக்கப்பட்டுள்ளது. முதற்கட்டமாக சென்னையில் ஒரு மாபெரும் பேரணி நடத்தலாம் என முடிவு செய்யப்பட்டது, அந்த கருத்திற்கு எதிர்ப்பு கிளம்பியதால் முடிவு எட்டப்படவில்லை என தகவல்கள் தெரிவிக்கின்றன.

அதற்கடுத்தப்படியாக தமிழகம் முழுவதும் ஒரே நாளில் மாவட்ட அளவில் போராட்டம் நடத்தி அந்தந்த மாவட்ட கலெக்டரிடம் மனு கொடுக்கலாம் எனவும்,  இதற்கு அரசு செவி சாய்க்கவில்லையெனில் உடனடியாக டிட்டோஜாக் கூடி வேலை  நிறுத்தம் அல்லது அடுத்தகட்ட போராட்டம் குறித்து முடிவெடுக்கலாம் என்று பெரும்பாலான சங்கங்கள் கருத்து தெரிவித்தன. ஆனால் முன்னணி சங்கம் ஒன்று மட்டும் இந்த முடிவிற்கு எதிர்ப்பு தெரிவித்து உடனடியாக வேலை நிறுத்தம் செய்வோம் என்றும், நாங்கள் ஏற்கெனவே போராட்டம் நடத்திவிட்டோம் என்றும், இனி நடத்தமாட்டோம் என்றும் கருத்து தெரிவித்தது.

இதையடுத்து இந்த கூட்டத்தில் எந்தவித முடிவும் எட்டப்படாமல் வருகிற 26ஆம் தேதிக்கு ஒத்திவைக்கப்பட்டது. அதேபோல் இனி வரும் கூட்டத்தில் சுழற்சி முறையில் அனைத்து சங்க கட்டடத்தில் நடைபெறும் என்று முடிவெடுக்கப்பட்டது. 

Ignou M.ED Entrance Result 2013

click below

https://stusupport.ignou.ac.in/2013/result_2013/MED/MEd_Entrance_Res2013.asp

பதவி உயர்வு எண்ணிக்கை முழு விவரம்

* உயர்நிலைப்பள்ளி தலைமையாசிரியர் காலி பணியிடங்கள் எண்ணிக்கை : 416

*உயர்நிலைப்பள்ளி தலைமையாசிரியர் பதவிக்கு மாறுதல் நிரப்படவுள்ளவை மொத்தம் : 196

*வட்டார மேற்பார்வையாளர் பதவியிலிருந்து உயர்நிலைப்பள்ளி தலைமையாசிரியர் பதவிக்கு பணி மாறுதல் எண்ணிக்கை : 196

*உயர்நிலைப்பள்ளி தலைமையாசிரியர் பதவிக்கு பதவி உயர்வு  மூலம் நிரப்படவுள்ளவை மொத்தம் : 220

*பட்டதாரி ஆசிரியர் பதவியிலிருந்து உயர்நிலைப்பள்ளி தலைமையாசிரியர் பதவி உயர்வு எண்ணிக்கை : 214

*முன்னுரிமைப்பட்டியல் 1 முதல் 248 வரை உள்ளவர்கள் கலந்து கொள்ள வேண்டும்.

ஏழு பேர் AEEO to உயர் நிலைப் பள்ளி தலைமை ஆசிரியராக பதவி உயர்வு AEEO பதவி உயர்வ

உயர் நிலைப் பள்ளி தலைமை ஆசிரியராக பதவி உயர்வு.... அவர்களுக்கான பதவி உயர்வு கலந்தாய்வு நாளை ....14/12/2013 அன்று நடைபெறுகிறது ..... உயர் நிலைப் பள்ளி தலைமை ஆசிரியர் பதவிக்கு தகுதி வாய்ந்த உ.தொ.க.அ பட்டியல் விவரம் உயர் நிலைப் பள்ளி தலைமை ஆசிரியர் பதவிக்கு தகுதி வாய்ந்த உ.தொ.க.அ பட்டியல் ஏழு பேர் கொண்ட அந்த பட்டியல் பட்டியலில் இடம் பிடித்த உதவி தொடக்கக் கல்வி அலுவலர்கள்

1.SUTHATHIRAM K         -  THENI 2.THAMOTHARAN R       -   VIRUDHANAGAR
3.NAGARAJAN R             -   VIRUDHANAGAR
4.JAYALATHA E               -  TIRUNELVELI
5.AROCKIASAMY A         -  RAMANATHAPURAM
6.JEYARAJU S                 -   RAMANATHAPURAM
7.RAJAMAREES S          - 

இவ்வாறு    உதவி தொடக்க கல்வி அலுவலர் சங்கம் அறிக்கை வெளியிட்டுள்ளது. நன்றி :- திரு கணேசன்.

பணியிடங்களில் பாலியல் தொல்லை தந்தால் கடும் நடவடிக்கை: அமலுக்கு வந்தது சட்டம்

    பணியிடங்களில் பாலியல் தொந்தரவுகளி"ல ஈடுபடுவோருக்கு எதிராக கடும் தண்டனை அளிக்க வகை செய்யும் சட்டம் அமலுக்கு வந்துள்ளது. டில்லியில்,ஓடும் பஸ்சில் மருத்துவ கல்லூரி மாணவி ,பாலியல் பலாத்காரத்திற்கு பலியான சம்பவத்தை அடுத்து, பெண்கள் பாதுகாப்பு விஷயத்தில் முக்கியத்துவம் அளிக்கப்பட வேண்டும் என வலியுறுத்தப்பட்டன. குறிப்பாக, பணி புரியும் இடங்களில், பெண்களுக்கு எதிராக நடக்கும் தொந்தரவுகள், பாலியல் வன்முறையை தடுக்க வகை செய்யும் சட்டம் கொண்டு வரப்பட்டது. இதற்கு, பார்லிமென்ட்டிலும் நிறைவேற்றப்பட்டது. ஆனால், இந்த சட்டத்தை அமல்படுத்துவதில், தாமதம் காட்டப்படுவதாக கூறி, மத்திய மகளிர் மற்றும் குழந்தைகள் மேம்பாட்டு அமைச்சகத்தின் மீது எதிர்க்கட்சிகள் கண்டனம் தெரிவித்தன.

இதற்கு, பதிலளித்து பேசிய, மத்திய மகளிர், குழந்தைகள் மேம்பாட்டுத்துறை அமைச்சர் கிருஷ்ணா திராத் கூறியதாவது: இந்த சட்டம் அமல்படுத்துவது குறித்த முறையான அறிவிப்பு, கடந்த 9ம் தேதியே வெளியிடப்பட்டுள்ளது. 10ம், அதற்கு மேற்பட்ட ஊழியர்கள் வேலைபார்க்கும் அனைத்து அலுவலகங்களிலும் இந்த சட்டம் கட்டாயமாக்கப்படும். புகார்களை விசாரிக்க, கமிட்டி ஒன்றை அமைக்க வேண்டும். புகார்களை, 90 நாட்களுக்கு விசாரித்து நடவடிக்கை எடுக்க வேண்டும். இல்லையென்றால், அபராதம் விதிக்கப்படும். புகார் நிருபிக்கப்பட்டு, பாலியல் தொந்தரவில் தெரியவந்தால், பணி நீக்கம், பதவி உயர்வு ரத்து, சம்பள உயர்வு நிறுத்தம், அபராதம் ஆகிய தண்டனைகளை சந்திக்க வேண்டும். இவ்வாறு, அவர் கூறினார்.

கல்வி உதவித்தொகை பெற தேர்வு: 16ல் இருந்து விண்ணப்பிக்கலாம்

எட்டாம் வகுப்பு மாணவ, மாணவியர், மத்திய அரசின் கல்வி உதவித்தொகை பெறுவதற்கான தேர்வில் பங்கேற்க, 16ல் இருந்து, 20ம் தேதி வரை விண்ணப்பிக்கலாம்' என, தேர்வுத் துறை அறிவித்துள்ளது. இயக்குனர், தேவராஜன் அறிவிப்பு: வட்டார அளவில், பிப்., 22ம் தேதி, தேர்வு நடக்கும். தமிழக அரசால் அங்கீகரிக்கப்பட்ட பள்ளிகளில், நடப்பு ஆண்டில், எட்டாம் வகுப்பு பயிலும் மாணவ, மாணவியர், தேர்வுக்கு விண்ணப்பிக்கலாம்.

பெற்றோரின், ஆண்டு வருமானம், 1.5 லட்சம் ரூபாய்க்குள் இருக்க வேண்டும். மாணவர், ஏழாம் வகுப்பு, முழு ஆண்டு தேர்வில், 55 சதவீத மதிப்பெண்; எஸ்.சி., எஸ்.டி., பிரிவு மாணவர், 50 சதவீத மதிப்பெண் பெற்றிருக்க வேண்டும். பள்ளி மூலமாக மட்டுமே விண்ணப்பிக்க வேண்டும். தலைமை ஆசிரியர், www.tndge.in என்ற இணைய தளத்தில் இருந்து, வெற்று விண்ணப்பங்களை பதிவிறக்கம் செய்து, மாணவர்களுக்கு வழங்க வேண்டும். தேர்வு கட்டணமாக, 50 ரூபாயை, 28ம் தேதிக்குள் ஒப்படைக்க வேண்டும். விண்ணப்ப விவரங்களை, 23ம் தேதி முதல், 31ம் தேதிக்குள், தேர்வுத் துறை இணைய தளத்தில், பதிவேற்றம் (அப்லோட்) செய்ய, தலைமை ஆசிரியர் நடவடிக்கை எடுக்க வேண்டும். இவ்வாறு, இயக்குனர் தெரிவித்துள்ளார்.

எஸ்.எஸ்.ஏ.,ஆசிரியர்களுக்கு முன்னுரிமை

தமிழகத்தில் 455 உயர்நிலைப்பள்ளி தலைமை ஆசிரியர் காலியிடங்களை நிரப்பும் போது, எஸ்.எஸ்.ஏ., திட்ட மேற்பார்வையாளர்களுக்கு முன்னுரிமை அளிக்க, பள்ளிக்கல்வித்துறை முடிவெடுத்துள்ளது. தமிழகத்தில் அனைவருக்கும் கல்வி இயக்கம் (எஸ்.எஸ்.ஏ.,) சார்பில், 385 வட்டாரங்கள் செயல்படுகிறது. ஒவ்வொரு வட்டாரத்திலும், முதுகலை அல்லது பட்டதாரி ஆசிரியர் தகுதி பெற்றவர்களை மேற்பார்வையாளர்களாக நியமித்துள்ளது.

இதில், 25 சதவீதம் பேர் முதுகலை ஆசிரியர்கள். கடந்த 2000ல் துவங்கிய எஸ்.எஸ்.ஏ., திட்ட காலம் 2010ல் முடிந்த நிலையில், 3 ஆண்டு நீடிக்கப்பட்டுள்ளது. இத்திட்டத்தை கலைத்து, அனைவருக்கும் இடை நிலை கல்வி (ஆர்.எம்.எஸ்.ஏ.,) திட்டத்துடன் இணைக்கும் யோசனையில், மத்திய மனித வள மேம்பாட்டுத்துறை செயல்படுகிறது. ஒரு திட்டம் துவங்கி 10 ஆண்டுக்குள் முடிய வேண்டும். சில காரணத்திற்காக எஸ்.எஸ்.ஏ., ஓரிரு ஆண்டு நீடிக்கலாம். தமிழகத்தில் இத்திட்டம் 3 ஆண்டு நீடித்த நிலையில், இனிமேலும், நீடிக்க வாய்ப்பு குறைவாகவே உள்ளதாக,கல்வித்துறை அதிகாரிகள் தெரிவிக்கின்றனர்.

அதிகாரி ஒருவர் கூறுகையில், "" எஸ்.எஸ்.ஏ.,வை, ஆர்.எம்.எஸ்.ஏ.,வுடன் இணைக்கும் பட்சத்தில், தமிழகத்தில் 455 உயர்நிலைப்பள்ளியில் உள்ள தலைமை ஆசிரியர் காலியிடங்களை நிரப்பும் போது எஸ்.எஸ்.ஏ., திட்ட மேற்பார்வையாளர்களுக்கு ( பி.டி., தகுதி ஆசிரியர்) முக்கியத்துவம் அளிக்கப்படும்.இத்திட்டத்தில் பணிபுரியும் முதுகலை ஆசிரியர்களை அரசு மேல்நிலைப்பள்ளி காலியிடங்களில் நியமிக்க, பள்ளிக்கல்வித்துறை முடிவெடுக்கும்,'' என்றார்.

NMMS student List. NEW FORMAT

click below

https://www.box.com/shared/s66ptzjcb407qmaw7cu7

முதுகலைப் படிப்பு இறுதி ஆண்டில் ‘ஸ்லெட்’, ‘நெட்’ தகுதித் தேர்வு களுக்கான பாடத்திட்டத்தை சேர்க்க தமிழ்நாடு மாநில உயர்கல்வி கவுன்சில் திட்டமிட்டு வருகிறது.

கல்லூரி மற்றும் பல்கலைக்கழகத்தில் உதவி பேராசிரியர் பணியில் சேருவதற்கு ஸ்லெட் அல்லது நெட் தகுதித்தேர்வில் தேர்ச்சி பெற்றிருக்க வேண்டும். பி.எச்டி. பட்டதாரிகளுக்கு மட்டும் இதிலிருந்து விதிவிலக்கு அளிக்கப்பட்டு இருக்கிறது. மாநில அளவில் நடத்தப்படும் ஸ்லெட் தேர்வில் தேர்ச்சி பெற்றால் அந்த மாநிலத்தில் உள்ள கல்லூரிகள் மற்றும் பல்கலைக்கழகங்களில் மட்டும் உதவி பேராசிரியர் பணியில் சேரலாம். அதேநேரத்தில், பல்கலைக்கழக மானியக்குழு (யு.ஜி.சி.) நடத்தும் நெட் தேர்வில் தேர்ச்சி பெற்றால், இந்தியா முழுவதும் எந்த கல்லூரியிலும், எந்த பல்கலைக்கழகத்திலும் பணிபுரிய முடியும்.

படிக்கும்போதே தயார்படுத்த முடிவு தற்போது ஸ்லெட், நெட் தேர்வுகளில் தமிழக மாணவர்களின் தேர்ச்சி மிகவும் குறைவாக உள்ளது. முதுகலை பட்டப் படிப்பு முடித்து ஒருசில ஆண்டுகள் கழித்த பின்னரே இத்தகைய தகுதித்தேர்வுக்கு தயாராகிறார்கள். இந்த நிலையில், முதுகலை படிப்பு மாணவர்கள் படிக்கும்போதே அவர்களை ஸ்லெட், நெட் தகுதித்தேர்வுகளுக்கு தயார்படுத்த உயர்கல்வித்துறை முடிவுசெய்துள்ளது. இதைத்தொடர்ந்து, முதுகலை படிப்பில் ஸ்லெட், நெட் தேர்வு பாடத்திட்டங்களை சேர்க்க தமிழ்நாடு மாநில உயர்கல்வி கவுன்சில் திட்டமிட்டு வருகிறது.

பாடத்திட்டத்தில் சேர்ப்பு ஏற்கெனவே, தமிழகம் முழுவதும் அனைத்து பல்கலைக்கழகங்களிலும் ஒரே பாடத்திட்டத்தை கொண்டுவர உயர்கல்வி கவுன்சில் முடிவுசெய்துள்ள நிலையில், முதுகலை படிப்பில் ஸ்லெட், நெட் தேர்வுக்கான பாடத்திட்டத்தை சேர்ப்பதில் எவ்விதமான பிரச்சினையும் எழாது. மேற்கண்ட தகுதித்தேர்வுகளுக்கான பாடத்திட்டத்தை முதுகலைப் படிப்பின் இறுதி ஆண்டு செமஸ்டர் பாடத்திட்டத்தில் சேர்க்க ஆலோசிக்கப்பட்டு வருகிறது. ஆசிரியர் தகுதித்தேர்வுக்கு பி.எட். மாணவர்களை தயார்படுத்தும் பொருட்டு கடந்த ஆண்டு தமிழ்நாடு ஆசிரியர் கல்வியியல் பல்கலைக்கழகம் பி.எட். பாடத்தில் தகுதித்தேர்வு குறித்த பாடத்திட்டத்தை அறிமுகப்படுத்தியது என்பது குறிப்பிடத்தக்கது.

சிபிஎஸ்இ: 2015ல் வாரத்தில் ஆறு நாட்களும் பள்ளி இயங்கும்

் சிபிஎஸ்இ பள்ளியில் படிக்கும் மாணவர்களுக்கு, வாரத்தில் 6 நாட்களும் பள்ளி இயங்கும் என்று சிபிஎஸ்இ கல்வி வாரியம் தெரிவித்துள்ளது. 10 மற்றும் 12ம் வகுப்பு படிக்கும் மாணவர்களுக்கு விடுமுறையின்றி வாரத்தில் தொடர்ந்து 6 நாட்களும் பள்ளி இயக்கப்படும் என்று சிபிஎஸ்இ கல்வி வாரியம் அறிவிப்பை வெளியிட்டுள்ளது. கல்வி உரிமைச் சட்டத்தின் கீழ் மாணவர்களின் கல்வி தரத்தை உயர்த்துவதற்காக, வாரத்திற்கு சுமார் 45 மணி நேரம் வகுப்புகள் நடத்தப்படும். 2015ம் கல்வியாண்டு முதல் இது நடைமுறைப்படுத்தப்படும

். இது குறித்து மாவட்டத்தில் உள்ள அனைத்து சிபிஎஸ்இ பள்ளிகளுக்கும் சிபிஎஸ்இ கல்வி வாரியம் அறிவிப்பை வெளியிட்டுள்ளது.

ஒரு வருட சார்பான வழக்கறிஞர் வாய்தா வாங்கியதால் மீண்டும் இரட்டைப்பட்டம் ஜனவரி 2 க்கு ஒத்திவைப்பு

இன்று (13.12.2013 ​)சென்னை உயர்நீதிமன்றத்தில் முதல் அமர்வில் 69வது வழக்காக பிற்பகல் 1.10 மணியளவில் விசாரணைக்கு வந்தது.மேலும் அரசு தரப்பில் AFFIDAVIT தாக்கல் செய்தனர்.அரசு தரப்பு AFFIDAVIT க்கு
தேவையான தகவல்கள் திரட்ட வேண்டி ஒரு வருட சார்பாக வாதாடிய வழக்கறிஞர் திரு.சங்கரன் அவர்கள் 'வாய்தா ' வாங்கியதால் வழக்கு விசாரணை ஜனவரி 2 க்கு ஒத்திவைத்து நீதியரசர் உத்தரவு  பிறபித்தார்.

இதனால் வழக்கு இன்றும் முடியாமல் போனது.பட்டதாரி ஆசிரியர்கள் இடமாறுதல் பெறமுடியாமல் உள்ளனர்.மேலும் பல ஆசிரியர்கள் தங்கள் சொந்த மாவட்டத்திற்கு செல்ல முடியாமல் மன நிம்மதியின்றி தவித்து வருகின்றனர்.

சி.பி.எஸ்.இ. 9, 11-ஆம் வகுப்புத் தேர்வு: திறந்த புத்தக தேர்வு முறைக்கு கூடுதலாக 30 நிமிடங்கள் ஒதுக்கீடு

சி.பி.எஸ்.இ. பாடத்திட்டத்தின் கீழ் 9, 11-ஆம் வகுப்புகளில் இந்த ஆண்டு திறந்த புத்தகத் தேர்வு முறை என்ற பிரிவு புதிதாக அறிமுகம் செய்யப்படுகிறது. வரும் மார்ச் மாதம் நடைபெறும் ஆண்டுத் தேர்வில் இந்தப் பிரிவுக்காக கூடுதலாக 30 நிமிஷங்கள் ஒதுக்கீடு செய்யப்படும் என சி.பி.எஸ்.இ. சென்னை மண்டல அலுவலர் டி.டி.சுதர்சன ராவ் கூறினார். வெறுமனே மனப்பாடம் செய்யும் கல்விமுறைக்கு மாற்றாக மாணவர்களின் சிந்திக்கும் ஆற்றலைத் தூண்டும் வகையில் திறந்த புத்தகத் தேர்வு முறையை சி.பி.எஸ்.இ. இந்த ஆண்டு அறிமுகம் செய்கிறது. ஒன்பதாம் வகுப்பில் அனைத்துப் பாடங்களிலும், பிளஸ் 1 வகுப்பில் புவியியல், பொருளாதாரம், உயிரியல் ஆகியப் பாடங்களிலும் இது அறிமுகம் செய்யப்படுகிறது.

திறந்த புத்தக தேர்வு முறை பிரிவுக்கு 10 மதிப்பெண் வழங்கப்படுகிறது. தேர்வின்போது இந்தப் பிரிவுக்கான பல பதில்கள் மாணவர்களிடம் வழங்கப்பட்டுவிடும். கேள்விகளுக்குத் தகுந்தபடி சரியான பதில்களை அவர்கள் எழுத வேண்டும். கேள்விகள் மாணவர்களின் சிந்தனையைத் தூண்டும் வகையில் இடம்பெறும் என சி.பி.எஸ்.இ. தெரிவித்துள்ளது. சென்னை மண்டலத்தில் 9, 11 ஆம் வகுப்புகளில் திறந்த புத்தக தேர்வு முறையை சுமார் 4 லட்சம் மாணவர்கள் எழுதுவார்கள் என டி.டி.சுதர்சன ராவ் கூறினார்.

வினாத்தாள் வடிவமைப்பில் மாற்றம்: பிளஸ் 1 வினாத்தாள் மாற்றம் தொடர்பாக பள்ளிகளுக்கு சி.பி.எஸ்.இ. அமைப்பு செவ்வாய்க்கிழமை (டிச.10) சுற்றறிக்கையை அனுப்பியுள்ளது. அதன் விவரம்: பிளஸ் 1 வகுப்பில் திறந்த புத்தக தேர்வு முறை அறிமுகம் செய்யப்படும் பாடங்களுக்கான தேர்வுகள் வழக்கமான முறையிலேயே நடைபெறும். இந்தப் பாடங்களில் திறந்த புத்தக தேர்வு முறை என்ற பிரிவு மட்டும் கூடுதலாக இடம்பெறும். அந்தப் பிரிவுக்கு தலா 10 மதிப்பெண் வழங்கப்பட வேண்டும் என்பதால், அதற்கு ஏற்றவாறு வினாத்தாள் வடிவமைப்பில் மாற்றங்களைச் செய்ய வேண்டும். இந்தப் பகுதிக்குரிய விடைகள் ஏற்கெனவே வெளியிடப்பட்டுள்ளன. வரும் பிப்ரவரி, மார்ச் மாதங்களில் வினாக்கள் பள்ளிகளுக்கு அனுப்பப்படும் என அந்தச் சுற்றறிக்கையில் தெரிவிக்கப்பட்டிருந்தது.

பிளஸ் 1 வகுப்புக்கான புதிய வினாத்தாள் வடிவமைப்பும் இந்தச் சுற்றறிக்கையோடு இணைக்கப்பட்டுள்ளது. ஒன்பதாம் வகுப்புக்கும் இதேபோன்ற வினாத்தாள் வடிவமைப்பு விரைவில் அனுப்பப்படும் என அதிகாரிகள் தெரிவிக்கின்றனர். இந்த முறைக்கு கிடைக்கும் வரவேற்பு, அதன் பயன்பாடு ஆகியவற்றைப் பொருத்து பிற வகுப்புகளுக்கும் இது விரிவுப்படுத்தப்பட வேண்டும் பள்ளி முதல்வர்கள் தெரிவித்தனர்.