பெண்கள் பள்ளிகளில் ஆசிரியைகளை மட்டுமே நியமிக்க வேண்டும்: தமிழக அரசு அதிரடி உத்தரவு

  பெண்கள் பள்ளிகளில் செக்ஸ் தொந்தரவுகளை தடுக்கும் வகையில் பெண்கள் உயர்நிலை மற்றும் மேல்நிலைப் பள்ளிகளில் பெண் ஆசிரியைகளை நியமிக்க அரசு உத்தரவிட்டுள்ளது. இந்த கல்வி ஆண்டு முதலே இந்த உத்தரவு அமலுக்கு வருகிறது. இதுகுறித்து மே 28-ந் தேதி தமிழக அரசாணை 145-ல் புதிதாக பணி நியமனம் மற்றும் காலி பணியிடங்களை நிரப்புவதில் அரசு பெண்கள் பள்ளிகளில் பெண் ஆசிரியைகளையே நியமிக்க வேண்டும், தலைமை ஆசிரியைகளும் பெண்களாகவே இருக்க வேண்டும் என்று குறிப்பிட்டுள்ளது.

இந்த உத்தரவையே பின்பற்றி அரசு ஆண்கள் பள்ளியில் ஆண் ஆசிரியர்களையே நியமிக்க வேண்டும் என்று குறிப்பிடப்பட்டுள்ளது. அதே நேரத்தில் இருபாலரும் சேர்ந்து படிக்கும் பள்ளிகளில் பெண் ஆசிரியைகளுக்கு முன்னுரிமை அளிக்க உத்தரவிடப்பட்டுள்ளது. தமிழக அரசின் இந்த உத்தரவுக்கு மதுரை மாவட்ட முதன்மை கல்வி அதிகாரி அமுதவல்லி வரவேற்பு தெரிவித்துள்ளார். அரசின் இந்த உத்தரவு சமீபத்தில் நடந்த கவுன்சிலிங்கின்போது கடைசி நாளில் கடைபிடிக்கப்பட்டுள்ளது. இந்த உத்தரவு அடுத்த கவுன்சிலிங்கின்போதும் அமுல்படுத்தப்படும்.

மேலும் பதவி உயர்வு, புதிய ஆசிரியர்கள் நியமனம், டிரான்ஸ்பர் ஆகியவற்றில் இந்த உத்தரவு பின்பற்றப்படும் என்றார். அரசின் இந்த உத்தரவுக்கு ஆசிரியர்கள் தரப்பில் சிலர் எதிர்ப்பும், வரவேற்பு உள்ளது. பள்ளிகளில் செக்ஸ் புகார்களை தடுக்கும் வகையில் அரசின் இந்த உத்தரவு வரவேற்க கூடியது என்று ஆசிரியர்கள் கருத்து தெரிவித்தனர்.

SSLC துணைத் தேர்வெழுத - இன்று (03.06.2013) முதல் விண்ணப்பிக்கலாம்

SSLC துணைத் தேர்வெழுத Online மூலம் 03.06.2013 முதல் 05.06.2013 விண்ணப்பிக்கவும், தேர்வு கட்டணம் : ஒரு பாடத்திற்கு ரூ.125/-, தேர்வுகள்24.06.2013 முதல் 01.07.2013 வரை நடைபெறும்.                  ஜுன் 20ம் தேதி மதிப்பெண் பட்டியல், உடனடித் தேர்வுகள், ஜுன் 24ம் தேதி முதல் ஜுலை 1ம் தேதி வரை நடக்கும்.          மே 31ம் தேதி வெளியிடப்பட்ட பத்தாம் வகுப்பு தேர்வு முடிவுகளையடுத்து, அதற்கான மதிப்பெண் பட்டியல், ஜுன் 20ம் தேதி வழங்கப்படும் என்று தெரிவிக்கப்பட்டுள்ளது.    

பள்ளி மாணவர்கள், சம்பந்தப்பட்ட பள்ளி தலைமையாசிரியர்களிடமும், தனித் தேர்வர்கள், தாங்கள் தேர்வெழுதிய மையங்கள் மூலமாகவும் பெற்றுக் கொள்ளலாம். மேலும், தேர்வில் தோல்வியடையும் மாணவர்கள், ஜுன் மற்றும் ஜுலை மாதம் நடக்குமூ உடனடி தேர்வில் பங்கேற்கலாம்.   www.dge.tn.nic.in என்ற இணையதளம் மூலமாக, உடனடித் தேர்வுக்கு விண்ணப்பிக்கலாம். ஜுன் 3 முதல் 5ம் தேதி வரை இணையதளத்தில் பதிவு செய்யலாம். அதற்கான தேர்வுக் கட்டணத்தை ஜுன் 6ம் தேதிக்குள், SBI வங்கியின் ஏதேனுமொரு கிளையில் செலுத்த வேண்டும்.             

பத்தாம் வகுப்பு மார்ச் தேர்வை தனித்தேர்வாக எழுதி, மீண்டும் தோல்வியடைந்தவர்கள், விண்ணப்பத்தை, தேர்வுத்துறை மண்டல துணை இயக்குநர் அலுவலகத்தில் ஜுன் 10ம் தேதிக்குள் நேரில் சமர்ப்பிக்க வேண்டும். உடனடித் தேர்வுகள், ஜுன் 24ம் தேதி முதல் ஜுலை 1ம் தேதி வரை நடக்கும்.

Govt. of Tamil Nadu - Textbooks Online - Std. IX trimester

click below

http://www.textbooksonline.tn.nic.in/Std9.htm

சிறப்பு ஆசிரியர் நியமனம்: பதிவு மூப்பு சரிபார்த்துக் கொள்ளலாம்

  ஆசிரியர் தேர்வு வாரியத்தால் அறிவிக்கப்பட்டுள்ள உடற்கல்வி, தையல், ஓவியம், இசை ஆசிரியர் காலிப்பணியிடத்துக்கு பரிந்துரைக்கப்படும் வேலை வாய்ப்பு பதிவு மூப்பு பட்டியலை சம்பந்தப்பட்ட சிறப்பு ஆசிரியர்கள் சரிபார்த்துக்கொள்ளுமாறு ஆட்சியர் கு.கோவிந்தராஜ் கேட்டுக் கொண்டுள்ளார். இதுகுறித்து அவர் சனிக்கிழமை வெளியிட்ட செய்தி:

ஆசிரியர் தேர்வு வாரியத்தால் உடற்கல்வி, தையல், ஓவியம், இசை உள்ளிட்ட சிறப்பு ஆசிரியர் காலிப் பணியிடங்கள் நிரப்பப்பட உள்ளன. இதற்காக வேலை வாய்ப்பு அலுவலகம் மூலமாக பதிவு மூப்பு பட்டியல் வெளியிடப்பட்டுள்ளது. இதை சிறப்பு ஆசிரியர்கள் சரிபார்த்துக்கொள்ளலாம். உடற்கல்வி ஆசிரியர் பணிக்கு கீழ்நிலை, மேல்நிலை உடற்கல்வி ஆசிரியர் சான்றிதழ் அல்லது உடற்கல்வி ஆசிரியர் பட்டப்படிப்பு(பி.பிஎட்) படித்திருக்க வேண்டும். இசை ஆசிரியர் பணிக்கு, இசையில் பட்டப்படிப்பு அல்லது சங்கீத பூஷன்அல்லது சங்கீத வித்வான் தகுதியுடன் இசையில் தொழில் ஆசிரியர் சான்றிதழ் பெற்றிருக்க வேண்டும். தையல் ஆசிரியர் பணிக்கு தொழில்நுட்ப தையல் ஆசிரியர் அல்லது ஆடை வடிவமைப்பில் பட்டக்கல்வி (டி.டி.சி. டெய்லரிங்) பயின்றிருக்க வேண்டும். ஓவிய ஆசிரியர் பணிக்கு தொழில்நுட்ப ஓவிய ஆசிரியர் அல்லது ஓவியத்தில் பட்டப் படிப்பு, பட்டயப் படிப்பு அல்லது மாமல்லபுரம் அரசு சிற்பக் கல்லூரியால் வழங்கப்பட்ட சான்றிதழ் பெற்றிருக்க வேண்டும்.  

இப்பணியிடங்களுக்கு குறைந்தபட்ட வயது வரம்பு 18 (1.7.2013 நிலவரப்படி) ஆகவும், அதிகபட்சம் 57 வயதாகவும் இருக்கலாம். சிறப்பு ஆசிரியர்கள் தங்கள் பதிவு மூப்புப் பட்டியலை திருப்பூர் மாவட்ட வேலை வாய்ப்பு அலுவலகத்தில் சரிபார்த்துக்கொள்ளலாம் என்றார்.

எஸ்எஸ்எல்சி தேர்வு மறுகூட்டலுக்கு : 7ம் தேதி முதல் ஆன்லைனில் விண்ணப்பம்

எஸ்எஸ்எல்சி தேர்வில் மறுகூட்டலுக்கு பாட வாரிய தனித்தனியாக வரும் 7ம் தேதி முதல் ஆன்லைனில் விண்ணப்பிக்கலாம் என அறிவிக்கப்பட்டுள்ளது. மே 31ம் தேதி வெளியான எஸ்எஸ்எல்சி பொதுத் தேர்வு முடிவுகளில் தேர்வுதாள் மறுகூட்டலுக்கு விருப்பம் உள்ளவர்கள் ஆன்லைன் மூலம் விண்ணப்பிக்கலாம் என அரசு தேர்வுகள் துறை அறிவித்துள்ளது. ஒவ்வொரு பாடத்திற்கும் தனித்தனியே www.dge.tn.nic.in என்ற இணையதளத்தில் வரும் 7ம் தேதி முதல் 10ம் தேதிக்குள் விண்ணப்பிக்க வேண்டும்.

இரு தாள்கொண்ட ஒவ்வொரு பாடத்திற்கும் (மொழிப்பாடம் மற்றும் ஆங்கிலம்) ஸீ305ம், ஒரு தாள் கொண்ட ஒவ்வொரு பாடத்திற்கும் (கணிதம், அறிவியல், சமூக அறிவியல்) தலா ஸீ205ம் மறுகூட்டல் கட்டணமாகும். தேர்வர்கள் www.dge.tn.nic.in என்ற இணையதளத்தில் தெரிவிக்கப்பட்டுள்ள அறிவுரைகளை பின்பற்றி விண்ணப்பத்தை சரியாக பூர்த்தி செய்ய வேண்டும். விண்ணப்பிக்கும் ஒவ்வொரு பாடத்திற்கும் விண்ணப்பத்தை தேர்வர் சரியாக பூர்த்தி செய்த பின்னர், அதற்கான விண்ணப்ப எண்ணுடன் கூடிய ஒப்புகைச் சீட்டு மற்றும் வங்கி செலுத்து சீட்டு ஆகியவற் றை பதிவிறக்கம் செய்து கொள்ள வேண்டும். பதிவிறக்கம் செய்த செல்லானை கொண்டு அருகில் உள்ள கோர் பாங்கிங் சேவை வசதி உள்ள பாரத ஸ்டேட் வங்கியின் ஏதாவது ஒரு கிளையில் செல்லானில் குறிப்பிட்டுள்ள தொகையை அரசு தேர்வுகள் இயக்குனர், சென்னை 6 என்ற பதவிப் பெயரில் செலுத்த வேண்டும் என அரசு தேர்வுகள் மண்டல துணை இயக்குனர் கமலா தெரிவித்துள்ளார்.

சிறுபான்மையினருக்காக 5 புதிய பல்கலைக்கழகங்கள் மத்திய அரசு தொடங்குகிறது

, சிறுபான்மையினருக்காக 5 புதிய பல்கலைக்கழகங்களை மத்திய அரசு தொடங்குகிறது. 5 புதிய பல்கலைக்கழகங்கள் மத்திய சிறுபான்மையினர் நலத்துறை மந்திரி கே.ரகுமான்கான், டெல்லியில்  நிருபர்களுக்கு பேட்டி அளித்தார். அப்போது அவர் கூறியதாவது:–

பல்வேறு பிற அமைச்சகங்களைப் போன்று சிறுபான்மையினர் நலத்துறை அமைச்சகமும் 5 பல்கலைக்கழகங்களை தொடங்க முடிவு எடுக்கப்பட்டுள்ளது. சிறுபான்மையினரின் நலன்தான் இந்தப் பல்கலைக்கழகங்களை தொடங்குவதின் நோக்கம். சிறுபான்மையினருக்கு கல்வி வழங்கத்தான் இந்த 5 பல்கலைக்கழகங்களையும் எங்கள் அமைச்சகம் தொடங்குகிறது. இந்த பல்கலைக்கழகங்கள் எந்த மதத்தினையும் மையமாகக் கொண்டிருக்காது.

ஆசி ரியர் தகுதித் தேர்விற்கு இலவச பயிற்சி வகுப்புகள

் திருப்பூர் டாக்டர் அம்பேத்கர் கல்வி வேலைவாய்ப்பு பயிற்சி மையத்தின் ஒருங்கிணைப்பாளர் ஆர்.பரமசிவம் விடுத்துள்ள செய்திக்குறிப்பில் தெரிவித்திருப்பதாவது: தமிழகத்தில் காலியாக உள்ள ஆயிரக்கணக்கான ஆசிரியர் பணியிடங்களை நிரப்புவதற்கு ஆகஸ்ட் 17,18 தேதிகளில் ஆசிரியர் தகுதித்தேர்வு நடைபெறவுள்ளது. இந்த தேர்வில் தலித் மற்றும் பழங்குடியினர் பங்கேற்பதற்கும், வெற்றி பெறுவதற்கும், ஆலோசனை வழங்குவதற்கும் சிறப்பு பயிற்சி வகுப்புகள் இலவசமாக நடத்தப்படுகின்றன. இதில் உளவியல், ஆங்கிலம், கணிதம், தமிழ், அறிவியல், உள்ளிட்ட பாடங்களுக்கு சிறப்பு ஆசிரியர்கள் பயிற்சி அளிக்க உள்ளனர்.

இந்த பயிற்சி வகுப்பு வரும் ஞாயிற்றுக்கிழமை (ஜூன் 2) காலை 10 மணிக்கு பல்லடம் காவல்நிலையம் எதிரே ஜெயப்பிரகாஷ் வீதியில் உள்ள அம்பேத்கர் பயிற்சி மையத்தில் தொடங்குகிறது. ஒவ்வொரு வாரமும் ஞாயிற்றுக்கிழமைகளில் இந்த பயிற்சி வகுப்புகள் தொடர்ந்து நடைபெறும். இந்த பயிற்சியில் சேர விரும்புவோர் 9659368665, 9965386569, 9443937063 ஆகிய அலைபேசி எண்களில் தொடர்பு கொண்டு பெயர்ப்பதிவு செய்து கொள்ளும்படி கேட்டுக்கொள்ளப்படுகிறார்கள். எனவே இந்த வாய்ப்பை தலித், பழங்குடி பிரிவு மாணவ மாணவிகள் பயன்படுத்திக்கொள்ளும்படி அம்பேத்கர் கல்வி வேலைவாய்ப்பு பயிற்சி மையம் கேட்டுக்கொண்டுள்ளது. (நன்றி: தீக்கதிர் நாளிதழ் 31.05.2013)

அரசுபள்ளிகளில் புதிதாக சேரும் மாணவர்களுக்கு அனைத்து இலவச பொருட்களும் வழங்க ஏற்பாடு

   அரசுமற்றும் அரசுநிதியுதவி பெறும் பள்ளிகளில், ஒன்று முதல், பிளஸ் 2 வரை, புதிதாக சேரும் மாணவ, மாணவியருக்கு மட்டும், தமிழக அரசின், இலவச புத்தக பை வழங்கப்படும். ஏற்கனவே பை வாங்கியவர்களுக்கு, மீண்டும் வழங்கப்படாது. அரசு மற்றும் அரசு உதவி பெறும் பள்ளிகளில் பயிலும், ஒன்றாம் வகுப்பு முதல், பிளஸ் 2 வரையிலான மாணவ, மாணவிகளுக்கு இலவச நோட்டு, புத்தகம் உட்பட, 16 வகையான இலவச பொருட்களை, தமிழக அரசு வழங்குகிறது. 2012 -13 ம் கல்வியாண்டில் காலணி, அறிவியல் உபகரண பெட்டி தவிர மற்ற பொருட்கள் வழங்கப்பட்டன. வரும் கல்வியாண்டு துவக்கத்தில், அனைத்து இலவச பொருட்களையும் வழங்க, பள்ளிக்கல்வித் துறை நடவடிக்கை எடுத்துள்ளது.

இதற்காக, ஜூனில் பள்ளிகள் திறந்தவுடன் மாணவர்களின் எண்ணிக்கை விவர பட்டியலை வழங்க வேண்டும் என, கல்வித்துறை அலுவலகங்களுக்கு அறிவுறுத்தப்பட்டுள்ளது. கல்வித்துறை அலுவலர் ஒருவர் கூறுகையில், " மாணவர்களுக்கு முன்கூட்டியே இலவச பொருட்களை வழங்கினால், பயனுள்ளதாக இருக்கும் என்பதால், அதற்கான நடவடிக்கைகள் எடுக்கப்பட்டு வருகிறது. தனியார் பள்ளிகளில் இருந்து, அரசுபள்ளிகளில் சேரும் மாணவ, மாணவியருக்கு, அனைத்து இலவச பொருட்களும் வழங்கப்படும்' என்றார். இது குறித்து, தொடக்க கல்வித்துறை வட்டாரங்கள் கூறுகையில்,

"தனியார் பள்ளிகளில் இருந்து, அரசுமற்றும் அரசுநிதியுதவி பெறும் பள்ளிகளில் சேரும் அனைத்து மாணவ, மாணவியருக்கும், அரசின் இலவச பொருட்கள் வழங்கப்படும். குறிப்பிட்ட வகுப்பு என்றில்லாமல், ஒன்று முதல், பிளஸ் 2 வரை, எந்த வகுப்புகளில் புதிதாக சேர்ந்தாலும், அந்த மாணவர்களுக்கு, இலவச பொருட்கள் வழங்கப்படும்' என, தெரிவித்தன.-

பெட்ரோல் டீசல் விலை உயர்வு

பெட்ரோல் மற்றும் டீசல் விலை உயர்வை எண்ணெய் நிறுவனங்கள் உயர்த்தியுள்ளன. இதன்படி பெட்ரோல் லிட்டர் ஒன்றிற்கு 75 பைசாவும், டீசல் லிட்டர் ஒன்றிற்கு 50 பைசாவும் உயர்த்தியுள்ளது. இந்த விலை உயர்வு இன்று நள்ளிரவு முதல் அமலுக்கு வருகின்றன. பெட்ரோல் டீசல் விலை உயர்வை எண்ணெய் நிறுவனங்களே முடிவு செய்து வந்த நிலையில் கடந்த சில மாதங்கள் முன்புவரை பெட்ரோல் விலை உயர்ந்து கொண்டே சென்றது. பின்னர் கடைசி முன்று மாதங்களி்ல் சர்வதேச சந்தையி் கச்சா எண்‌ணெயி்ன் விலை குறைவையடுத்து பெட்ரோலின் விலை குறைந்து வந்தது. இந்ந‌ிலையில் மீண்டும் பெட்ரோல் விலை உயர்ந்துள்ளது குறிப்பிடத்தக்கது.

ஜுன் 20ம் தேதி மதிப்பெண் பட்டியல், உடனடித் தேர்வுகள், ஜுன் 24ம் தேதி முதல் ஜுலை 1ம் தேதி வரை நடக்கும்.

மே 31ம் தேதி வெளியிடப்பட்ட பத்தாம் வகுப்பு தேர்வு முடிவுகளையடுத்து, அதற்கான மதிப்பெண் பட்டியல், ஜுன் 20ம் தேதி வழங்கப்படும் என்று தெரிவிக்கப்பட்டுள்ளது. பள்ளி மாணவர்கள், சம்பந்தப்பட்ட பள்ளி தலைமையாசிரியர்களிடமும், தனித் தேர்வர்கள், தாங்கள் தேர்வெழுதிய மையங்கள் மூலமாகவும் பெற்றுக் கொள்ளலாம். மேலும், தேர்வில் தோல்வியடையும் மாணவர்கள், ஜுன் மற்றும் ஜுலை மாதம் நடக்குமூ உடனடி தேர்வில் பங்கேற்கலாம். www.dge.tn.nic.in என்ற இணையதளம் மூலமாக, உடனடித் தேர்வுக்கு விண்ணப்பிக்கலாம். ஜுன் 3 முதல் 5ம் தேதி வரை இணையதளத்தில் பதிவு செய்யலாம்.

அதற்கான தேர்வுக் கட்டணத்தை ஜுன் 6ம் தேதிக்குள், SBI வங்கியின் ஏதேனுமொரு கிளையில் செலுத்த வேண்டும். பத்தாம் வகுப்பு மார்ச் தேர்வை தனித்தேர்வாக எழுதி, மீண்டும் தோல்வியடைந்தவர்கள், விண்ணப்பத்தை, தேர்வுத்துறை மண்டல துணை இயக்குநர் அலுவலகத்தில் ஜுன் 10ம் தேதிக்குள் நேரில் சமர்ப்பிக்க வேண்டும். உடனடித் தேர்வுகள், ஜுன் 24ம் தேதி முதல் ஜுலை 1ம் தேதி வரை நடக்கும்.

தமிழக மக்கள் தொகை 7 கோடியை தாண்டியது

தமிழகத்தின் மக்கள் தொகை 7 கோடியை எட்டியது. தமிழகத்தின் மொத்த மக்கள் தொகை 2011ம் ஆண்டு கணக்குப்படி, 7 கோடியே 21 லட்சத்து 47 ஆயிரத்து 30 ஆகும். இதில் ஆண்கள் 3 கோடியே, 61 லட்சத்து 37 ஆயிரத்து, 975ம், பெண்கள் 3 கோடியே, 60 லட்சத்து 9 ஆயிரத்து 55 ஆகும். நகர்ப்புறங்களில் வசிப்பவர்கள் 3 கோடியே 49 லட்சத்து 17 ஆயிரத்து 440 ஆகும். கிராமப்புறங்களில் வசிப்பவர்கள் 3 கோடியே, 22 லட்சத்து 29 ஆயிரத்து 590 ஆகும். கடந்த 10 ஆண்டுகளில் தமிழகத்தின் மக்கள் தொகை 97 லட்சம் உயர்ந்துள்ளது குறிப்பிடத்தக்கது.

அரசு ஊழியர்கள் / ஆசிரியர்கள் அவர்களின் குடும்ப திருமண விழாவிற்கு ஆணுக்கு ரூ.6000 மற்றும் பெண்ணுக்கு ரூ.10,000 முன்பணம் 2013-14 ஆம் ஆண்டிற்கு வழங்க நிதி ஒதுக்கீடு செய்து தமிழக அரசு உத்தரவு

click below

https://www.box.com/shared/awkj52fqhag9i12y7i45

நாளை பத்தாம் வகுப்பு தேர்வு முடிவுகள்: இணையதளத்தில் மட்டும் வெளியீடு

  பத்தாம் வகுப்பு தேர்வு முடிவுகள் வெள்ளிக்கிழமை (மே 31) காலை வெளியிடப்படுகிறது. இந்த ஆண்டு பத்தாம் வகுப்பு தேர்வு முடிவுகள் அரசுத் தேர்வுகள் இயக்கக இணையதளங்களில் மட்டுமே வெளியிடப்படும் என அறிவிக்கப்பட்டுள்ளது. இந்த ஆண்டுக்கான பத்தாம் வகுப்பு பொதுத்தேர்வு மார்ச் 27 முதல் ஏப்ரல் 12-ஆம் தேதி வரை நடைபெற்றது. தமிழகம் முழுவதும் 3 ஆயிரத்துக்கும் அதிகமான தேர்வு மையங்களில் மொத்தம் 11 லட்சம் மாணவர்கள் இந்தத் தேர்வை எழுதினர். விடைத்தாள்களை மதிப்பீடு செய்யும் பணி ஒரு மாதத்துக்கும் மேலாக நடைபெற்றது. பிளஸ் 2 தேர்வு முடிவுகள் மே 9-ஆம் தேதி வெளியிடப்பட்டுவிட்ட நிலையில், பத்தாம் வகுப்புத் தேர்வு முடிவுகள் வெள்ளிக்கிழமை வெளியிடப்பட உள்ளது. பத்தாம் வகுப்புத் தேர்வு முடிவுகளை அனைத்து மாவட்ட ஆட்சியர் அலுவலகங்களிலும் அறிந்துகொள்ள ஏற்பாடுகள் செய்யப்பட்டுள்ளன.

செப்.,15ம் தேதி பி.எட்., நுழைவுத்தேர்வ

் சிதம்பரம், அண்ணாமலை பல்கலைக்கழகத்தில், தொலைநிலை கல்வி இயக்ககத்தில் பி.எட் படிப்புக்கு செப்டம்பர் 15ம் தேதி நுழைவுத்தேர்வு நடத்தப்படுகிறது. ஆங்கில வழி மற்றும் தமிழ் வழி முறையில் பி.எட் நுழைவுத்தேர்வு செப்டம்பர் 15ம் தேதி காலை 11.00 முதல் 1.00 மணி வரை நடைபெறுகிறது. அண்ணாமலை நகர், கோயம்பத்தூர், சென்னை, மதுரை, சேலம், திருநெல்வேலி, திருச்சி ஆகிய மையங்களில் தேர்வு நடைபெறுகிறது. மேலும் விரிவான தகவல்களுக்கு www.annamalaiuniversity.ac.in என்ற இணையதளத்தை பார்க்கலாம்.

ஏழை மாணவர்களுக்கான 25% இடஒதுக்கீடு: சி.இ.ஓ. அலுவலகங்களில் விண்ணப்பிக்கலாம்

தனியார் பள்ளிகளில் ஏழை மாணவர்களுக்கான 25 சதவீத ஒதுக்கீட்டு இடங்களுக்கு சம்பந்தப்பட்ட மாவட்ட முதன்மைக் கல்வி அலுவலர் (சி.இ.ஓ.) அலுவலகங்களிலேயே விண்ணப்பிக்கலாம் என மெட்ரிக் பள்ளிகள் இயக்குநரகம் அறிவித்துள்ளது. அடுத்த இரண்டு வாரங்களுக்குள் விண்ணப்பங்களைப் பெற்று, பூர்த்தி செய்யப்பட்ட விண்ணப்பங்களையும் அதே அலுவலகங்களில் சமர்ப்பிக்கலாம் என அறிவிக்கப்பட்டுள்ளது.

இலவசக் கட்டாயக் கல்வி உரிமைச் சட்டத்தின் படி, தனியார் பள்ளிகளில் அறிமுக வகுப்புகளில் 25 சதவீத இடங்களை ஏழைகள், சமூக ரீதியாக வாய்ப்புகள் மறுக்கப்பட்டவர்களின் குழந்தைகளுக்கு ஒதுக்கீடு செய்ய வேண்டும். இந்த ஒதுக்கீடு தொடர்பாக பெற்றோர்கள் இடையே போதிய விழிப்புணர்வு இல்லாததால் இந்த இடங்களுக்கு அதிகமானோர் விண்ணப்பிக்கவில்லை எனக் கூறப்படுகிறது. அதேபோல், தனியார் பள்ளிகளிடமும் இந்த விண்ணப்பங்களை வழங்கவில்லை என்ற குற்றச்சாட்டும் எழுந்தது. எனவே, இந்த இடங்களுக்கான விண்ணப்பங்களை மாவட்ட முதன்மைக் கல்வி அலுவலகங்களிலேயே பெற்றுக்கொள்ளலாம் என்பதோடு, மாணவர் சேர்க்கைக்கு இரண்டு வாரங்கள் கூடுதல் கால அவகாசமும் வழங்கப்பட்டுள்ளது. இதுதொடர்பாக, மெட்ரிக் பள்ளிகள் இயக்குநரகம் செவ்வாய்க்கிழமை வெளியிட்ட அறிவிப்பு:

கட்டாயக் கல்வி உரிமைச் சட்டத்தின்படி, சிறுபான்மையின கல்வி நிறுவனங்கள் தவிர பிற தனியார் பள்ளிகளில் 25 சதவீத இடங்கள் ஏழைகள், சமூக ரீதியாக நலிவடைந்த பிரிவினருக்கு ஒதுக்கீடு செய்யப்பட வேண்டும். இந்த ஒதுக்கீட்டில் மாணவர் சேர்க்கையை மேற்கொள்ள பல்வேறு நடவடிக்கைகள் எடுக்கப்பட்டுள்ளன. இந்த 25 சதவீத இடங்களில் காலியாக உள்ள இடங்களுக்கு விண்ணப்பங்கள் வரவேற்கப்படுகின்றன. பெற்றோர்கள் தங்கள் வசிப்பிடத்துக்கு அருகில் உள்ள, தாங்கள் விரும்பும் தனியார் பள்ளிகளில் (சிறுபான்மையினர் பள்ளிகள் தவிர) அறிமுக வகுப்புகளில் குழந்தைகளைச் சேர்க்க மாவட்ட முதன்மைக் கல்வி அலுவலர் அலுவலகங்களில் விண்ணப்பங்களை இலவசமாக பெறலாம்.

கலை மற்றும் அறிவியல் கல்லூரி உள் தேர்வு: மாணவர்கள் தமிழிலோ, ஆங்கிலத்திலோ எழுதலாம் ஜெயலலிதா அறிவிப்பு

கல்லூரி மாணவ, மாணவிகள் தமிழ்நாட்டில் கலை மற்றும் அறிவியல் கல்லூரிகளில் பயிலும் மாணவ, மாணவியர் தங்களுக்கான உள் தேர்வுகளை ஆங்கில மொழியில் எழுத வேண்டும் என்று தமிழ்நாடு அரசு உத்தரவிட்டதாக பத்திரிகைகளில் செய்திகள் வந்துள்ளன. இதுகுறித்து இன்று தலைமைச்செயலகத்தில் உயர்கல்வித் துறை அமைச்சர், தலைமைச்செயலாளர் மற்றும் உயர்கல்வித் துறை செயலாளர் ஆகியோருடன் விரிவாக விவாதித்தேன். இந்த விவாதத்தின்போது, ஆங்கில வழியில் பயிலும் மாணவ, மாணவியர் ஆங்கில மொழித்திறனை வளர்த்துக்கொள்ள தங்களது உள் தேர்வுகளை ஆங்கிலத்தில் எழுத வேண்டும் என்று தமிழ்நாடு மாநில உயர்கல்வி மன்றம் உத்தரவிட்டு இருப்பதாகவும், தமிழ் வழியில் பயிலும் மாணவ, மாணவியருக்கு இது பொருந்தாது என்றும் தெரிவிக்கப்பட்டது.

இந்த உத்தரவு என்னுடைய கவனத்திற்குக் கொண்டு வரப்படாமல் தமிழ்நாடு மாநில உயர்கல்வி மன்றத்தால் வெளியிடப்பட்டு உள்ளது. விருப்பப்படி தேர்வு எழுதலாம் ஆங்கில மொழி வழியில் அல்லது தமிழ் மொழி வழியில் பயின்றாலும், மாணவ, மாணவியர் தமிழில் உள் தேர்வு எழுத அனுமதிக்கப்பட வேண்டும் என்பதுதான் எனது எண்ணம் ஆகும். எனவே, ஆங்கில மொழி வழியில் பயிலும் மாணவ, மாணவியரும் தங்களது உள் தேர்வுகளை தமிழ் மொழியில் எழுத அனுமதிக்குமாறு நான் அரசு உயர் அதிகாரிகளுக்கு உத்தரவிட்டுள்ளேன். இதன் அடிப்படையில், தற்போது தமிழ்நாடு உயர்கல்வி மன்றத்தால் வெளியிடப்பட்டுள்ள இந்த உத்தரவை திரும்பப்பெற நான் ஆணையிட்டுள்ளேன். எனவே, அனைத்து மாணவ, மாணவியரும் தங்களது உள் தேர்வுகளை அவரவர் விருப்பப்படி, தமிழிலோ அல்லது ஆங்கிலத்திலோ எழுதலாம் என்பதைத் தெரிவித்துக்கொள்கிறேன். இவ்வாறு அறிக்கையில் கூறப்பட்டுள்ளது.

அரசுக் கலை, அறிவியல் கல்லூரிகளுக்கு 1,093 உதவிப் பேராசிரியர்களைத் தேர்வு செய்வதற்கான அறிவிப்பாணையை ஆசிரியர் தேர்வு வாரியம் வெளியிட்டுள்ளது.

இந்தப் பணியிடங்களுக்கான விண்ணப்பங்கள் ஜூன் 19-ம் தேதி முதல் விநியோகம் செய்யப்படுகிறது. விண்ணப்பங்களை வாங்கவும், பூர்த்திசெய்யப்பட்ட விண்ணப்பங்களைச் சமர்ப்பிக்கவும் கடைசி தேதி ஜூலை 10 ஆகும். ஆசிரியர் தேர்வு இரண்டு கட்டங்களாக நடைபெறும். முதல் கட்டத்தில் சமர்ப்பிக்கும் சான்றிதழ்களுக்கு மதிப்பெண்ணும், அடுத்தக் கட்டமாக நேர்முகத் தேர்வுக்கு மதிப்பெண்ணும் வழங்கப்படும். மொத்தம் 34 மதிப்பெண் அடிப்படையில் உதவிப் பேராசிரியர்கள் தேர்வு செய்யப்பட உள்ளனர்.

பணி அனுபவத்துக்கு 15 மதிப்பெண்: உதவிப் பேராசிரியர் நியமனத்தில் ஆசிரியர் பணி அனுபவத்துக்கு 15 மதிப்பெண் வழங்கப்படும். பல்கலைக்கழகங்கள், அரசு, அரசு உதவி பெறும் கல்லூரிகள், சம்பந்தப்பட்ட பாடங்களில் தனியார் மருத்துவ கல்லூரிகள், சட்டக் கல்லூரிகள், பொறியியல் கல்லூரிகள் (அனுமதிக்கப்பட்ட பணியிடங்கள்) கணக்கில் எடுத்துக்கொள்ளப்படும். கல்வித் தகுதிக்கு 9 மதிப்பெண்: கல்வித் தகுதிக்கு அதிகபட்சமாக 9 மதிப்பெண் வழங்கப்படும். அந்தந்தப் பாடத்தில் பிஎச்.டி. பெற்றவர்களுக்கு 9 மதிப்பெண்ணும், எம்.பில். பட்டமும் ஸ்லெட், நெட் தேர்ச்சியும் பெற்றவர்களுக்கு 6 மதிப்பெண்ணும், பட்டமேற்படிப்புப் பட்டமும் ஸ்லெட், நெட் தேர்ச்சியும் பெற்றவர்களுக்கு 5 மதிப்பெண்ணும் வழங்கப்படும்.

நேர்முகத் தேர்வுக்கு 10 மதிப்பெண்: நேர்முகத் தேர்வுக்கு அதிகபட்சம் 10 மதிப்பெண் வழங்கப்படும். நேர்முகத் தேர்வு இல்லாமல் 24 மதிப்பெண்ணுக்கு விண்ணப்பதாரர் பெறும் வெயிட்டேஜ் மதிப்பெண் அடிப்படையில் பாடவாரியாக ரேங்க் பட்டியல் வெளியிடப்படும். இந்த ரேங்க் பட்டியலில் இருந்து 1:5 என்ற அடிப்படையில் விண்ணப்பதாரர்கள் நேர்முகத் தேர்வுக்கு அழைக்கப்படுவார்கள்.  இந்தப் பணியிடங்களுக்கு விண்ணப்பிப்பதற்கான தகுதி:  பொதுப்பிரிவினராக இருந்தால் 55 சதவீத மதிப்பெண்ணுடன் பட்டமேற்படிப்புப் பட்டம் மற்றும் யு.ஜி.சி., சி.எஸ்.ஐ.ஆர். அமைப்புகள் நடத்தும் நெட், ஸ்லெட் தேர்வுகளில் தேர்ச்சி பெற்றிருக்க வேண்டும் அல்லது பட்ட மேற்படிப்பில் 55 சதவீத மதிப்பெண்ணுடன் பி.எச்.டி. பட்டம் பெற்றிருக்க வேண்டும். எஸ்.சி., எஸ்.டி. பிரிவினர் என்றால் குறைந்தபட்சம் 50 சதவீத மதிப்பெண்ணுடன் பட்ட மேற்படிப்பு மற்றும் நெட், ஸ்லெட் தேர்வுகளில் தேர்ச்சி பெற்றிருக்க வேண்டும் அல்லது 50 சதவீத மதிப்பெண்ணுடன் பி.எச்.டி. பட்டம் பெற்றிருக்க வேண்டும்.

வயது வரம்பு: ஜூலை 1-ம் தேதியுடன் 57 வயது நிரம்பாதவராக இருக்க வேண்டும். மாவட்டத்துக்கு ஒரு கல்லூரி வீதம் 32 மையங்களிலும், சென்னையில் இரண்டு கல்லூரிகளிலும் விண்ணப்பங்கள் விற்பனை செய்யப்படும். விண்ணப்பத்தை ரூ.100 செலுத்திப் பெற்றுக்கொள்ளலாம். பரிசீலனைக் கட்டணமாக விண்ணப்பத்துடன் ரூ.500 செலுத்த வேண்டும். பூர்த்திசெய்யப்பட்ட விண்ணப்பங்களை அந்தந்த மையங்களிலேயே சமர்ப்பிக்கலாம்.