டியூஷன் சென்டர்'களுக்கு அங்கீகாரம் கட்டாயமாக்க வருகிறது புதிய சட்டம்

சிறப்பு பயிற்சி அளிக்கும், 'டியூஷன் சென்டர்'கள் மற்றும், நீட், ஜே.இ.இ., போன்ற நுழைவு தேர்வுக்கான பயிற்சி தரும் மையங்கள், பள்ளி கல்வித் துறையின் அங்கீகாரம் பெறுவது கட்டாயமாகிறது. இதற்கான சட்டம், விரைவில் அறிமுகமாகிறது. மருத்துவ படிப்பில் சேர, 'நீட்' நுழைவு தேர்வு கட்டாயமானதால், பள்ளிகளில், தனியார் சிறப்பு பயிற்சி நிறுவனங்களை அனுமதித்து, நுழைவு தேர்வுகளுக்கு பயிற்சி தரப்படுகிறது.

இந்த பயிற்சிக்கு, மாணவர்களிடம் கட்டாயமாக, கூடுதல் கட்டணம் வசூலிப்பதாக, பெற்றோர் புகார் தெரிவித்தனர். இதையடுத்து, பள்ளிகளில் சிறப்பு பயிற்சி நிறுவனங்கள் வாயிலாக பயிற்சி அளிக்க, தமிழக அரசு தடை விதித்து உள்ளது. இந்நிலையில், பயிற்சி நிறுவனங்கள் மற்றும் டியூஷன் சென்டர்கள் என்ற, தனியார் கல்வி மையங்களை முறைப்படுத்த, பள்ளி கல்வித்துறை முடிவு செய்துள்ளது. இதுதொடர்பாக, அதிகாரிகள் கூறியதாவது:தமிழகத்தில் உள்ள, சி.பி.எஸ்.இ., - மெட்ரிக், ஐ.சி.எஸ்.இ., ஆகிய, அனைத்து பாடத்திட்ட தனியார் பள்ளிகளிலும், நீட், ஜே.இ.இ., - சி.ஏ., போன்ற, நுழைவு தேர்வுகளின் பெயரில், சிறப்பு பயிற்சிகள் நடத்தப்படுகின்றன. இந்த பயிற்சி மையங்கள் புற்றீசலாக, ஆங்காங்கே பல்வேறு பெயர்களில் நிறுவப்படுகின்றன.

மேலும், மாநிலம் முழுவதும், டியூஷன் சென்டர்களும் பெருகி வருகின்றன. இந்த மையங்களின் பின்னணியில், அரசு மற்றும் தனியார் பள்ளி ஆசிரியர்கள் உள்ளனர். ஓய்வு பெற்ற ஆசிரியர்கள் மற்றும் பணியில் உள்ளவர்கள் பலர், டியூஷன் சென்டர்களின் உரிமையாளர்களாக உள்ளனர். இதற்கான பட்டியல் எடுக்கும் பணி நடந்து வருகிறது.ஆசிரியர்கள் டியூஷன் சென்டர்கள் வைத்துள்ளதால்,தங்கள் பள்ளிக்கு வரும்,மாணவர்களை டியூஷனுக்கு வரவைத்து, கட்டணம் பெற்று, சிறப்பு பயிற்சி அளிக்கின்றனர். அதனால், பள்ளிகளில் பாடங்களை ஒழுங்காக நடத்துவதில்லை.

இதை ஊக்குவித்தால், பொருளாதார வசதியுள்ள மாணவர்கள் மட்டுமே, டியூஷனில் சேர்ந்து, சிறப்பு பயிற்சி பெற்று, அதிக மதிப்பெண் வாங்கும் நிலை வரும். டியூஷன் சென்டர்கள் எவ்வித சட்ட அங்கீகாரமும் இல்லாமல் செயல்படுவதோடு, பாதுகாப்பில்லாத வகையில், சிறிய கட்டடங்களில், சிறிய அறைகளில், மாணவர்களை நெருக்கடியாக அமர வைத்து பாடங்களை நடத்துகின்றன.இதனால், மாணவர்களுக்கும் பாதுகாப்பில்லாத சூழல் உள்ளது. டியூஷன் சென்டர்களில் வசூலிக்கப்படும் கட்டணங்களுக்கு, முறையான கணக்குகள் இல்லை. எனவே, இந்த பிரச்னைகளுக்கு முற்றுப்புள்ளி வைக்க, சிறப்பு பயிற்சி மையங்கள் மற்றும் டியூஷன் சென்டர்களை, அரசின் கண்காணிப்பில் கொண்டு வர முடிவு செய்துள்ளோம்.

அதனால், பயிற்சி மையங்கள் மற்றும் டியூசன் சென்டர்களுக்கு, இனி அரசின் அங்கீகாரம் பெறுவது கட்டாயமாகும். இதற்கான சட்டமும், விதிமுறைகளும் விரைவில் வெளியிடப்படும்.இவ்வாறு அவர்கள் கூறினர்.

நீட் தேர்வு

நீட் தேர்வு 2 கட்டங்களாக நடத்தப்படும் - மத்திய அமைச்சர் பிரகாஷ் ஜவடேகர்

நீட் நுழைவுத் தேர்வு இனிமேல் சிபிஎஸ்இ-க்கு பதிலாக, தேசிய தேர்வு முகமை மூலம், வருடத்திற்கு 2 கட்டங்களாக நடத்தப்படும் என மனிதவள மேம்பாட்டுத்துறை அமைச்சர் பிரகாஷ் ஜவடேகர் அறிவித்துள்ளார்.டெல்லியில் அமைச்சர் பிரகாஷ் ஜவடேகர் இன்று செய்தியாளர்களிடம் பேசினார். அப்போது மருத்துவப் படிப்புக்கான நீட் தேர்வு, தேசிய தகுதி தேர்வான நெட் மற்றும் ஜே.இ.இ. உள்ளிட்ட நுழைவுத்தேர்வுகள் இனிமேல் தேசிய தேர்வு முகமை மூலமே நடத்தப்படும் என்றார்.

அனைத்து நுழைவுத் தேர்வுகளும் கணினி மூலமே நடத்தப்படும் எனத் தெரிவித்த பிரகாஷ் ஜவடேகர், இதற்கான பயிற்சி மாணவர்களுக்கு வரும் ஆகஸ்ட் மாதம் முதல் வழங்கப்படும் என்றார்.அனைத்து நுழைவுத் தேர்வுகளும் வருடத்திற்கு 2 மாதங்களில் 2 கட்டங்களாக நடத்தப்படும் என்று கூறிய அவர்,  நீட் தேர்வு பிப்ரவரி மற்றும் மே மாதங்களில் நடத்தப்படும் எனவும் தெரிவித்தார். 

மாணவர்கள் 2 கட்டத் தேர்வுகளிலும் பங்கேற்கலாம் என்றும், அதில் எந்த தேர்வில் அதிக மதிப்பெண் பெறுகிறார்களோ அதுவே மாணவர்களின் மதிப்பெண்களாக கொள்ளப்படும் என்றும் தெரிவித்தார்.நீட் முதல் கட்டத்தேர்வு பிப்ரவரி மாதம் 3-ஆம் தேதி முதல் 17-ஆம் தேதிக்குள் 4 நாட்கள் நடைபெறும் என்றும், இரண்டாம் கட்ட நீட் தேர்வு மே மாதம் 12-ஆம் தேதி முதல் 26-ஆம் தேதிக்குள் ஏதேனும் 4 நாட்கள் நடத்தப்படும் என்றும் அவர் கூறினார்.தேர்வு நடைபெறும் தேதிகள் விரைவில் அறிவிக்கப்படும் எனத் தெரிவித்த பிரகாஷ் ஜவடேகர், எந்த தேதியில் தேர்வு எழுதுவது என்பதை மாணவர்களே முடிவு செய்து கொள்ளலாம் என்றும் கூறினார். தேர்வு முறையில் மாற்றம் செய்யப்பட்டுள்ள போதிலும், பாடத்திட்டம், தேர்வுக்கட்டணம் ஆகியவற்றில் எந்த மாற்றமும் கிடையாது என்றும் பிரகாஷ் ஜவடேகர் தெரிவித்தார்.

பிளாஸ்டிக் கட்டுப்பாடுகளில் சில தளர்வுகள்: அரசாணை வெளியீடு

தமிழகத்தில் பிளாஸ்டிக் பயன்பாட்டுக்கு அடுத்த ஆண்டு ஜனவரி 1 முதல் தடை விதிக்கப்பட்ட நிலையில், சில வகைகளுக்கு மட்டும் கட்டுப்பாடுகளில் இருந்து தளர்வு அளிக்கப்பட்டுள்ளது. பிளாஸ்டிக் பயன்பாட்டுக்கு அடுத்த ஆண்டில் இருந்து தடை விதிக்கப்படும் என்று முதல்வர் எடப்பாடி கே.பழனிசாமி அண்மையில் அறிவித்தார்.

இந்த அறிவிப்பைச் செயல்படுத்தும் வகையில் அதற்கான அரசாணையை சுற்றுச்சூழல் மற்றும் வனத் துறை முதன்மைச் செயலாளர் முகமது நசிமுதின் அண்மையில் வெளியிட்டார். அதில், சில பிரிவுகளுக்கு மட்டும் கட்டுப்பாடுகளில் இருந்து விலக்கு அளிக்கப்பட்டுள்ளது. ஏற்றுமதி சார்ந்த ஆலைகளில்... சிறப்புப் பொருளாதார மண்டலம் மற்றும் ஏற்றுமதி சார்ந்த ஆலைகளில் ஏற்றுமதிக்காக உற்பத்தி செய்யப்படும் பிளாஸ்டிக் பைக்கு தடையில் இருந்து விலக்கு அளிக்கப்படுகிறது.

உற்பத்தி அல்லது பதனிடுதலில் சிப்பம் கட்டவும் (பேக்கிங்), மூடி முத்திரை இடும் பணிக்காகவும் பிளாஸ்டிக் பைகளைப் பயன்படுத்திக் கொள்ளலாம். அரசுத் துறைகளின் கொள்முதல் உத்தரவைப் பெற்றுள்ள மலர் சாகுபடி மற்றும் தோட்டக்கலை மையங்கள் பிளாஸ்டிக் பைகளைப் பயன்படுத்தலாம். பால் மற்றும் பால் பொருள்கள், எண்ணெய், மருந்து மற்றும் மருந்து உபகரணங்கள் ஆகியவற்றை எடுத்துச் செல்ல பிளாஸ்டிக்குகளை பயன்படுத்தத் தடை இல்லை.

பிளாஸ்டிக் பைகளைத் தயாரிக்கும் போது அவற்றில், மக்கும் தன்மை கொண்ட பிளாஸ்டிக்குகளைக் கொண்டு தயாரிக்கப்பட்டிருப்பதாகக் குறிப்பிட வேண்டும். மேலும், அதில், இந்திய தரச் சான்று 17088: 2088 உள்ளதை உறுதிப்படுத்த வேண்டும்.

*தமிழகத்தில் 7 மாவட்ட கல்வி அலுவலர்கள் முதன்மை கல்வி அலுவலர்களாக பதவி உயர்வு.*

உதவித்தொகை குறித்த தகவல்

உதவித்தொகை

*மாணவிகளுக்கான யுகம் ஸ்காலர்ஷிப்*:

விண்ணப்பிக்க ஜூலை 15 கடைசி!
மாணவிகளுக்கான யுகம் (UGAM) ஸ்காலர்ஷிப் அறிவிப்பு
வெளியிடப்பட்டுள்ளது. இந்த கல்வி உதவித்தொகையினை பெற விரும்புவோர் வரும் 15-07-2018 க்குள் விண்ணப்பிக்கலாம்.

*யார் விண்ணப்பிக்கலாம்:*

12 ஆம் வகுப்பில் அறிவியல் பாடப்பிரிவில் 75 சதவிகித மதிப்பெண்ணுடன் தேர்ச்சி பெற்றவர்கள் விண்ணப்பிக்கலாம்.

*மேலும் விண்ணப்பிக்கும் மாணவியின் குடும்ப ஆண்டு வருமானம் 5 லட்சத்திற்கும் அதிகமாக இருக்க கூடாது.*

கல்வி ஆண்டில் பிஇ, பிடெக், பிஆர்க் போன்ற படிப்புகள் பயில இந்தியாவில் ஏதாவது ஒரு கல்லூரியில் விண்ணப்பித்திருக்க வேண்டும்.

*ஸ்காலர்ஷிப்:*

ஆண்டுக்கு ரூ.60 ஆயிரம் உதவித்தொகை அல்லது 60 சதவிகித படிப்பு செலவு ஏதாவது ஒரு முறையில் ஸ்காலர்ஷிப் வழங்கப்படும்.

*விண்ணப்பிக்க கடைசி தேதி:* ஜூலை 15, 2018.

*விண்ணப்பிக்கும் முறை:* இந்த 👉🏽http://www.legrandscholarship.co.in/லிங்கை கிளிக் செய்து விண்ணப்பிக்கலாம்

நன்றி

📗📗📗📗📗📗📗📗📗📗

              🇲‌🇮‌🇳‌🇳‌🇦‌🇱‌ 

   🇰‌🇦‌🇱‌🇻‌🇮‌🇸‌🇪‌🇮‌🇹‌🇭‌🇮‌

       📚 🔟  🇬‌🇷‌🇴‌🇺‌🇵‌🇸‌📚

*🎯🎯விரிவான செய்தி*

*Ⓜ💫💫200 + அட்மிஷன், 5 ஸ்மார்ட் கிளாஸ்... அசத்தும் திருப்பூர் அரசுப் பள்ளி*

அ ரசுப் பள்ளியில் பிள்ளைகளைச் சேர்க்க பெற்றோர்கள் விரும்புவதில்லை என்று ஒருபக்கம் குறையாகச் சொல்லிக்கொண்டிருந்தாலும், ஓர் அரசுப் பள்ளியில் இந்த ஆண்டு மாணவர் சேர்க்கை 250 யைத் தொடவிருக்கிறது. அதுவும் ஒரு தொடக்கப்பள்ளியில்.

இந்த முரண்பாடு ஆச்சர்யத்தை அளிக்கிறது அல்லவா! அசாத்தியமான மாற்றம் எப்படி நிகழ்ந்தது என்று அந்தப் பள்ளியின் ஆசிரியர் மணிகண்ட பிரபுவிடம் பேசினேன்.

``திருப்பூரின் புறநகர்ப் பகுதியான பூலுவபட்டியில் எங்கள் பள்ளி உள்ளது.

நீங்கள் சொல்வதைப் போலதான் இந்தப் பகுதி மக்களும் தனியார் பள்ளியில் தம் பிள்ளைகளைச் சேர்ப்பதில் ஆர்வம் காட்டிவந்தனர். இதை மாற்ற என்ன செய்யலாம் என்று யோசித்தோம்.

தனியார் பள்ளியில் எவையெல்லாம் எதிர்பார்த்து செல்கின்றனரோ அவற்றை நம் பள்ளியில் கொண்டுவந்துவிடலாம் என முடிவெடுத்தோம்.

பள்ளியின் தரைப்பரப்புக்குக் கிரானைட் போடுவதற்கு, ஆசிரியர்கள் குறிப்பிட்ட தொகையை அளித்தனர்.

மீதத் தொகையை நன்கொடை மூலம் திரட்டினோம். ஏழரை லட்சம் ரூபாய் செலவழித்து அழகான தரைகொண்ட வகுப்பறைகளை உருவாக்கினோம்.

பிறகு, ஒரு தன்னார்வ நிறுவனம் எங்கள் பள்ளியோடு கைகோக்க விரும்பியது.

அதன்மூலம் 17 கம்ப்யூட்டர்களும் 5 ஸ்மார்ட் கிளாஸ் ரூம்களும் உருவாக்கினோம்.

கம்ப்யூட்டர் பயிற்சி அளிக்க ஆசிரியர் ஒருவரை அந்நிறுவனமே நியமித்து உதவியது. இதையெல்லாம் மக்கள் உணர வேண்டுமே.

உடனே தலைமையாசிரியை ஆரோக்ய ஜாஸ்மின் மாலாவின் அனுமதியோடு பள்ளியின் புது மாற்றங்களைப் பட்டியலிட்டு ஃப்ளெக்ஸ் போர்டு வைத்தோம்.

அதைப் பார்த்த பெற்றோர்கள் பள்ளிக்கு வந்து பார்த்துச்சென்றனர்.

நாங்கள் அழைக்காமலேயே பள்ளியில் குழந்தைகளைச் சேர்க்க முன்வந்தார்கள் பெற்றோர்கள்.

சென்ற ஆண்டில் 245 மாணவர்கள் எங்கள் பள்ளியில் சேர்ந்தார்கள்.

இந்த எண்ணிக்கை நாங்கள் நினைத்ததை விடவும் அதிகம்.

அதனால், இன்னும் புதிய விஷயங்களைச் சேர்க்க முடிவெடுத்தோம்.

சிலம்பம், அபாகஸ், பரதம், செஸ், கராத்தே, பறை இசை எனச் சிறப்பு வகுப்புகள் மூலம் மாணவர்களின் தனித்திறனை மேம்படுத்திவருகிறோம்.

பெற்றோர்களின் மொபைல் எண்ணுக்கு மாணவர்கள் பற்றிய தகவல்களை எஸ்.எம்.எஸ் மூலம் தெரியப்படுத்துகிறோம்.
மாதந்தோறும் கதை சொல்லும் நிகழ்ச்சியைத் தவறாமல் நடத்துகிறோம்.

கோவை சதாசிவம் எனும் கதை சொல்லி, பறவைகள், விலங்குகள் என இயற்கையில் நாம் பார்க்கத் தவறிய விஷயங்களைப் பற்றிக் கதையாக, பாட்டாகச் சொல்லிகொடுக்கிறார்.

அறிவியல் விழிப்பு உணர்வு சார்ந்த நிகழ்ச்சிகளையும் அவ்வப்போது நடத்துகிறோம்.

திருப்பூர் புத்தகக் கண்காட்சி அறிவிப்பைப் பார்த்தவுடனே எங்கள் பள்ளி மாணவர்கள் `எப்போ சார், போவோம்?' எனக் கேட்டு நச்சரிப்பார்கள். எந்த வருடமும் புத்தகக் கண்காட்சிக்கு எங்கள் மாணவர்களோடு செல்ல தவறியதே இல்லை.

மாணவர்களுக்கு ஐ.டி கார்டு, பெல்ட் உள்ளிட்டவற்றை வழங்குவதோடு, விளையாட்டுக்கு எனத் தனி சீருடையை வடிவமைத்திருக்கிறோம்.

ஒவ்வொரு புதன் கிழமையும் அந்தச் சீருடைதான். பள்ளியைத் தூய்மையாக வைத்திருக்க, தனியார் நிறுவனத்தின் உதவியோடு ஆள்களை நியமித்திருக்கிறோம். இப்படிச் சொல்லிக்கொண்டே செல்லலாம்.

ஒன்றை மறந்துவிட்டேனே! ஒவ்வோர் ஆண்டும் அனைத்து மாணவர்களுக்கும் மல்டி கலரில் காலண்டர், டைரி தருகிறோம். இதற்கான செலவுகள் அனைத்தும் ஆசிரியர்களே ஏற்றுக்கொள்கிறார்கள்.

அந்தளவுக்கு ஒவ்வொரு முயற்சிக்கும் பள்ளி ஆசிரியர்கள் ஆர்வத்துடன் பணியாற்றுகிறார்கள்.
இந்த ஆண்டில் இப்போது வரை 230 மாணவர்கள் சேர்ந்துள்ளனர்.

சேர்க்கை அதிகரிக்கும் என்று நம்புகிறோம். இவர்களில் பலர் சென்ற ஆண்டு தனியார் பள்ளிகளில் படித்தவர்கள்.

மாணவர்களின் சேர்க்கைக்கு ஏற்ப ஆசிரியர்களையும் அதிகரித்திருக்கிறோம்.
கிராமப் புற மாணவர்களை அடுத்தகட்டத்துக்கு அழைத்துச் செல்லும் முயற்சிகளில் ஈடுபட்டு வருகிறோம்.

இதைப் பெற்றோர்கள் புரிந்துகொண்டு தங்கள் பிள்ளைகளை இத்தகைய பள்ளியில் சேர்க்க வேண்டும் என்பதே எங்கள் விருப்பம்" என்று நம்பிக்கையோடு பேசினார் ஆசிரியர் மணிகண்ட பிரபு.

மற்ற அரசுப் பள்ளிக்கு
பெரும்உதாரணமாகத் திகழ்ந்துவருகிறது பூலுவபட்டி பள்ளி.

*மின்னல் கல்வி செய்தி குழுவில் இணைவதற்கு  ADD MKS என type செய்து   6380815982 என்ற WHATSAPP எண்ணிற்கு அனுப்பவும்.*

➖➖➖➖➖➖➖➖➖➖
  *⚡மின்னல் கல்விச்செய்தி⚡*
*Ⓜ1⃣➡2⃣➡3⃣➡4⃣➡5⃣➡6⃣➡7⃣➡8⃣➡9⃣➡🔟Ⓜ*
     
🎯🎯🎯🎯🎯🎯🎯🎯🎯🎯🎯

கற்றதும் பெற்றதும்-2

கற்றதும் பெற்றதும் -2
*மணி

ஒரு சிறுகதை இப்படி ஆரம்பிக்கும்..

"Life is like a snooker game.you hit one ball. It hits another.that hits another and that hits another.Ultimately some other ball gets into pocket.

எவ்வளவு நுட்பம் பாருங்கள். வாழ்வும்
கே யாஸ் தியரி போல எப்படியோ ஆரம்பித்து ஒரு காரண காரிய தொடர்புடன் முடிந்துவிடும்.நினைத்துப்பார்த்தால் ஒரு வலைப்பின்னல் போல்.சிறுகதையும் இப்படித்தான்.ஒரு கதை என்பது மூனு சீட்டு விளையாடுவது போல கண்கட்டி வித்தைதான் என்பார் சுஜாதா.

பாவண்ணன்

ஒரு புத்தகத்தை பற்றி பேசுவது என்பது எப்போதும் ஒரு நல்ல வாசகனுக்கு உற்சாக மூட்டும்.அதை பேசும் ஒவ்வொரு கட்டத்திலும் அவன் காலத்தை கடந்து சென்று அதை படித்த காலத்தின் படிக்கட்டில் உட்கார்ந்து திரும்பும் அனுபவம் அவனுக்கு கிடைக்கிறது.
கதையின் மூலம் அவனுக்கு ஏற்பட்ட அனுபவங்களுடன் பொருத்துப் பார்க்கிறான்.

எழுத்தாளர் பாவண்ணனின் வரிகள் இதுபோல் எளிமையானது. நுட்பமானது. ஒவ்வொரு வரிகளையும் அலசுவார்."ஒரு மனிதனின் முதல் 23 வயது முக்கியம்.எல்லாவற்றை பற்றியும் சொந்தமாய் ஒரு பார்வையை உருவாக்கிகொள்ளும் காலம்.பின் எஞ்சிய காலத்தை இந்த அனுபவ ஒளியே கலங்கரை விளக்காய் மாற்றும்.
இப்படிப்பட்ட அனுபவத்தை நல்ல நண்பர்களும் புத்தகங்களுமே எனக்குத் தந்தது.

ஒருநாள் எதெச்சையாய் நூலகத்திலிருந்து எடுத்து வாசித்ததுதான் பாவண்ணனின் ஆழத்தை அறியும் பயணம்" புத்தகம்.காலச்சுவடு பதிப்பகம்

மற்றவர்களின் சிறுகதைகளை தன்னுடைய பாணியில் விளக்கி,
அக்கதைகளின் பின்புலத்தை மிகத்தெளிவாய் வரைவார்.எழுத்தாளர்களே அப்பிடியா சொன்னேன் எனக் கேட்கும் அளவிற்கு அதில் உள்ள உண்மையை உச்சத்தை தொட வைப்பார்.

அவரின் சிறுகதைகள் இன்னும் அபாரமாய் இருக்கும்.இருப்பினும் மற்றவர்களின் சிறுகதைகளை ஆய்வு நோக்கில் எழுதியிருப்பார்.

# "மாடும் மனிதனும் "
விந்தன் எழுதிய கதை.

கதையின் ஆரம்பத்தில் தன் அனுபவத்தை சொல்லி.கதையை கூறுவதால் நிகழ்காலத்தையும்.
அக்கதையையும் ஒப்பிட்டு அறியலாம்."எழுத்தாளர் நாள்தோறும் பெங்களூருவில் கணினி மையத்துக்கு செல்வார். அது அவர் வழக்கமாய்ச் செல்லும் .நண்பரின் கடை.அங்கே தலைமை பொறுப்பில் ஒரு பெண்மணி இருப்பார் முதலாளிக்கே தெரியாத விசயம், பண பரிமாற்றம் என சகலமும் அவள்தான்..ஒரு நாள் திருமண அழைப்பிதழை நீட்டினாள்.அன்று ஊரில் இருந்ததால் நானும் திருமணத்துக்கு சென்றேன். அப்பெண்மணிக்கு ஒரே மகிழ்ச்சி.அன்று அவளின் முதலாளி நண்பர் வராதது ஆச்சர்யமாய் இருந்தது. இருப்பினும் அப்பெண் அதனை வெளியில் காட்டிக்கொள்ளவில்லை.

மேலும் அப்பெண்மணி மணமேடையிலேயே தான் இனி அலுவலகத்துக்கு வர இயலாது. முதலாளிதான் பாவம் என வருத்தப்பட்டு கொண்டிருந்தாள். நானும் வருத்தத்துடன் சரி என சொல்லிவிட்டு அடுத்த வாரம் மையத்துக்கு போனேன். வேறு ஒரு பெண்மணி இருந்தார்.எனக்கு ஆச்சர்யம்.

ஏன் திருமணத்திற்கு வரவில்லை என முதலாளியிடம் கேட்டபோது கணினி பழுதானதால் வரமுடியல.எனக்கு இதுதான் முக்கியம்.என்றார். எனக்கு திகைப்பாய்  இருந்தது.இவ்வளவுதானா ஒரு மனிதனின் உழைப்புக்கு கிடைக்கும் மரியாதை எனத் தோன்றியது.

நாமும் நம்மால் தான் இந்த நிறுவனம் இயங்குதுனு நினைச்சிருப்போம்.ஆனா நாம ஒரு 751வது எலும்பிச்சம் பழ ஸ்பேர் பார்ட்ஸ் என்பது நம்மிள் எத்தினி பேருக்குத் தெரியும்.

"மாடும் மனிதனும்" இக்கதையில் பண்ணைவீட்டில் பல ஆண்டாய் உழைத்துவரும் வேலைக்கார செவலை மாட்டை பராமரித்து வருவான்.ஒருநாள் மாடும் செவலையும் நோயில் விழுந்திடுவார்கள்.இறுதியில் இருவரும் இறந்துவிடுவர். முதலாளி மாடு இறந்ததற்காகதான் அதிகம் வருத்தப்படுவார்.ஏன்? ஏனா மாடு காசாச்சே என்பார்.மனித உழைப்பு எளிமையா கிடைக்கும். மாடு கிடைக்குமா? என்பார்.

அப்படியே அந்த கணிப்பொறி வேலை பார்க்கும் பெண்மணியும் இந்த பண்ணையாளும் ஒருகணம் கண்ணில் வருவார்கள்.

"இத்தொகுப்பில் உள்ள எல்லா கதைகளும் வாழ்வியல் எதார்த்தத்தை பிரதிபலிக்கும். கரிச்சான் குஞ்சு சீட்டாட்டத்தில் பாசிடிவாய் எழுதிய நூறுகள் கதை, இந்திரா பார்த்தசாரதியின் நாசகாரக்கும்பல், பிரபஞ்சன்-பிரும்மம்,கிருஷ்ணன் நம்பியின் மருமகள் வாக்கு, இந்துமதியின் துணி.

#ஒரு கூடைக்கொழுந்து

ராமையா எழுதிய தேயிலை தோட்ட கதையில் தேயிலை கூடுதலாய் பறித்த லட்சுமி எனும் பெண்ணை கங்கானி உதாசினம் செய்ய அடுத்த நாள் நடக்கும் போட்டியில் மீண்டும் ஆணை விட அதிக தேயிலை பறித்து ஜெயிக்கிறாள்

இப்போதும் ஒரு பெண் வாகனத்தில் ஒரு ஆணை முந்திசென்றாலோ, கார் ஓட்டி நடுவழியில் நின்றாலோ ஏளன சிரிப்போடு வெறுப்புடன் பார்ப்பதை இக்கதை காட்டுகிறது.பெண்ணின் வலிமையை இக்கதையில் காணலாம்.

இதே தொகுப்பில் எனக்கு பிடித்த கதை உண்டு.ஒரு பாம்பை அடிக்க ஐந்துபேர் போவார்கள். இரை விழுங்கிய பாம்பு நகரமுடியாமல் கிடக்கும்.இறுதியில் யாரும் பாம்பை அடிக்காமல்
ஐந்து பேரும் வெவ்வேறு காரணம் சொல்லி பயந்துகொண்டு சென்றுவிடுவார்கள்.இது ஒரு படிமம்.நேர்மையும் நேர்மையின்மையும் சந்திக்கும்போது நேர்மையை சந்திக்க அச்சப்பட்ட மனிதன் நழுவுவது போல குறியீடு வைத்திருப்பார்.

பாவண்ணனின் கட்டுரைகள் மிகவும் நுட்பமானதும் அழகியலானதும் ஆகும்.
இதுபோல் ஒட்டகம் கேட்ட இசை முதலிய பல கட்டுரைகளும் வந்துள்ளது.
வாசியுங்கள்

-தொடரும்

தோழமையுடன் மணிகண்டபிரபு

கற்றதும் பெற்றதும்

கற்றதும் பெற்றதும்-1

*மணி

இன்றைய தகவல் தொடர்பு சாதனங்களின் வளர்ச்சியில் மனிதனை உயிரோட்டமாக வைத்திருப்பது புத்தக வாசிப்பே. தொழில்நுட்ப மின்னூலில் காட்சிப்படுத்த முடியாத கற்பனைகளை வாரித்தரும் அன்னையாக விளங்குபவை புத்தகங்களே.அவ்வகையில் சம்பாதித்த பணத்தை சிறிது தானம் செய்வது போலத்தான் ஒரு சிறுபிள்ளை முயற்சியாக மறுவாசிப்பு செய்த புத்தகங்களையும் படித்து ரசித்த பதிவுகளையும் பதிவிடுவது எனும் முடிவு. இப்படி எழுத தூண்டிய நண்பர்களுக்கும்,கற்றதும் பெற்றதும் வாட்ஸப் குழுவில் அனைவருக்கும் காணிக்கையாக்குகிறேன். இதில் குறையோ பிழையோ இருந்தா கோபிச்சுக்காதீங்க.அப்படியே கோபிச்சாலும் வெளிய காட்டிக்காதீங்க.

நூல்:சிறிது வெளிச்சம்

விகடன்

கிழமைகளிலே அவள் வியாழக்கிழமை என்பேன்.அன்று தான் விகடன் வரும் என்பது ஆழ்மனசில் அடித்த ஆணி போல் மனதில் பதிந்தது.2009 ல் பி.எட் பயிலும்போது ஆனந்தவிகடனில் தொடராக வந்தபோதே இத்தொடரை வாரந்தோறும் படித்துவிடுவேன்.

ஒரு தலைப்பு எடுத்துக்கொண்டு அதனை சற்று இயல்பாய் விளக்கி, அதற்கு இணையாக ஒரு குறும்படத்தையோ அல்லது மேலை நாட்டு ஆங்கிலப்படத்தையோ ஒற்றி எடுத்ததுபோல் கூறி முடிவில் சொல்ல வந்த கருத்தை வாசிப்பு உலகத்தில் மேயவிட்டு தருவது எஸ்.ரா வின் ஸ்டைல். பெட்டிச்செய்தியில் ஒரு ஆளுமையின் தகவலுடன். கருத்துச்செறிவுடன் ஒவ்வொரு படைப்பும் புதிய புதிய சிந்தனைகளையும் எண்ணங்களையும் தாங்கி வரும்.

அவ்வப்போது கட்டுரைகளில் வரும் வாழ்வியல் வரிகள் எப்போதும் இனிக்கும் தேனாகும்.உ.ம்

#வீட்டுச்சண்டை

அன்றாடம் ஒவ்வொரு வீட்டில் நடக்கும் பிரச்சனைதான்.

இந்தச்சண்டையில் யார் எதிரி,யார் பெரியவர் என அறிந்துகொள்ளவே முடியாது.நானே வீட்ல சண்டைபோட்டுட்டு வந்திருக்கேன் நீ ஏன் உயிரை வாங்குற என்ச் மற்றவர் மீது எரிந்து விழுவாங்க.

இதுபற்றி பிரேம்சந்த் எழுதிய உறவு எனும் கதை எழுதியிருப்பதாக எஸ்.ரா கூறுகிறார்.

"கிராமத்தில் பெற்றோரைவிட்டு நகரத்தில் இருக்கும் மகன் ஒரு நாள் கிராமத்துக்கு வருகிறான். அம்மா கோபித்துக்கொள்கிறார்.

ஒரே கோபம்.இவனுக்கு புரியவில்லை.அப்பா விளக்குகிறார்.உன் மேல் உள்ள பாசம்தான் சண்டைபோட வைக்குது.அப்பா காரணத்தை கூறி அவனை வழியனுப்பி வைக்கிறார்.அவனும் அதை உணர்ந்து அடிக்கடி வருவதாய் கூறி செல்கிறார்.

"கோபத்தில் இருந்து உருவானதை விட சிரிப்பில் இருந்தே அதிக சண்டை உருவாகின்றன.இதை தவறாய் புரிந்துகொள்வோர் அதிகம்.குறிப்பாக ஸ்மைலிகள் இன்றைய நாளில்..

ஒரு உரையாடலில் சிரிப்பதாய் நண்பருக்கு ஸ்மைலி அனுப்பினேன்.அதை தவறாய் புரிந்துகொண்டு இருநாள் பேசாமல் இருந்தார்.பின்பு விளக்கியபின்பே சமாதானம் அடைந்தார்.ஒருவரை ஆன்லைனில் சமாதானத்தபடுத்துவது அவ்வளவு இயல்பான காரியமல்ல என புரிந்துகொள்ள முடிந்தது.

#தத்துவார்த்த வரிகள்

*நோயைவிட கொடியது தனிமை

*சொற்கள் விதையாக்குவதும் வீணாக்குவதும் நம் கையில்தான் இருக்கிறது

*கஷ்டத்தைவிடவும் அதை மூடி மறைப்பதுதான் பெருந்துயரம்

*நோயும் மரணமும் பெண்களை நெருங்கி வரும்போது அதை தடுக்க எவருக்கும் விருப்பம் இருப்பதில்லை 

*கடவுளின் மெளனத்தைவிட மனிதர்களின் மெளனம் கொடுமையானது

#இவரால் அறிமுகம் ஆன what is it எனும் குறும்படம்.அப்போது மிகுந்த அதிர்வலை ஏற்படுத்தி அதனை மேடைப் பேச்சாளர்களே இல்லை எனலாம்.

எஸ்.ரா வின் அனுபவ மொழிகளும் சம்பவங்களும் ஒவ்வொரு கட்டுரையும் இன்னும் உயிர்ப்பிக்கும்.உலகில் அதிகம் புரிந்துகொள்ளாதது எது எனும் கேள்விக்கு..

"உலகில் அதிகம் புரிந்து கொள்ளப்படாதது திரும்ணமாகி 10 வருடங்கழித்து பெண்ணுக்குள் உருவாகும் தனிமையும் வெறுமையுமே ஆகும். என்பார்.எவ்வளவு உண்மை மொழிகள் என கட்டுரையின் இறுதியில் தெரியும்.

இதுபோல் எண்ணற்ற சுவாரஸ்ய தகவல்கள் இதில் உள்ளன.பல நண்பர்களுக்கு பரிந்துரைத்து, அவர்கள் இதனை கொண்டாடியுள்ளனர். ஒருவர்  மட்டும் முதலில் ஒன்றும் கூறாமல் பின்பு என் தொல்லை தாங்காமல் ஒரு மூன்று பக்கத்திற்கு இப்புத்தகம் பற்றி கடிதம் எழுதி அனுப்பியிருந்தார்.

.ஆரம்பநிலையில் ஒருவர் வாசிப்பின் சுவை அறிய வாசிக்க வேண்டிய புத்தகம் இது.

-தொடரும்

நன்றியுடன் மணிகண்டபிரபு