இன்று நீட் தேர்வு

தமிழகம் உள்பட நாடு முழுவதும் இளங்கலை மருத்துவ படிப்பில் சேர்வதற்கான நீட் நுழைவுத்தேர்வு 104 நகரங்களில் இன்று நடக்கிறது. அதற்காக, 11 லட்சத்துக்கும் அதிகமான மாணவர்கள் விண்ணப்பித்துள்ளனர். தமிழகத்தில் நீட் ேதர்வுக்கு விலக்கு கோரி சட்டசபையில் பிப்ரவரி 1ம் ேததி மசோதா தாக்கல் நிறைவேற்றப்பட்டு, குடியரசு தலைவரின் ஒப்புதலுக்காக காத்திருக்கிறது. இந்நிலையில் இந்த ஆண்டு நீட் தேர்வுக்காக 11 லட்சத்து 35,104 மாணவர்கள்  இணையதளம் மூலம் விண்ணப்பித்துள்ளனர்.

தமிழகத்தில் சென்னை, மதுரை, கோவை, திருச்சி, சேலம், நாமக்கல், திருநெல்வேலி, வேலூரில் இந்த தேர்வு நடக்கிறது. நாடு முழுவதும் 104 நகரங்களில் 1,500க்கும் அதிகமான மையங்களில் தேர்வு நடக்கிறது.  தமிழ், தெலுங்கு, கன்னடம், ஆங்கிலம், இந்தி, பெங்காலி, குஜராத்தி, மராத்தி, அசாமி, ஒரியா ஆகிய 10 மொழிகளில் இந்த தேர்வை மாணவர்கள் எழுதலாம். இந்த தேர்வு முடிவுகளை ஜூன் 8ம் தேதி வெளியிட சிபிஎஸ்இ நிர்வாகம் திட்டமிட்டுள்ளது. தேர்வு முடிந்த சில நாட்களில் மாணவர்களின் ஓஎம்ஆர் சீட், விடைத் தொகுப்பு (ஆன்சர் கீ) வெளியிடப்படும். இந்த தேர்வு முடிவுகளின் அடிப்படையில் மத்திய அரசு 15 சதவீத இடங்களுக்கும், மாநில அரசுகளின் மருத்துவ கல்வி இயக்ககங்கள் 85 சதவீத இடங்களுக்கும் கவுன்சலிங் நடத்தி மாணவர் சேர்க்கை நடத்துவார்கள்.

எது முக்கியம்: நீட் தேர்வின்போது பின்பற்ற வேண்டியது குறித்து, சிபிஎஸ்இ வெளியிட்ட அறிவிப்பில் கூறியுள்ளதாவது: மாணவர்கள் காலை 9.30 மணிக்கு பின் தேர்வறைக்குள் அனுமதிக்கப்பட மாட்டார்கள். காலை 9.45 மணிக்கு தேர்வு புத்தகம் வழங்கப்படும்.  காலை 9.55 மணிக்கு சீலிடப்பட்ட தேர்வு புத்தகத்தை மாணவர்கள் திறக்கலாம். காலை 10 மணி முதல் மதியம் 1 மணி வரை தேர்வு நடக்கும். விடைத்தாளை கருப்பு அல்லது நீல நிற பால்பாயின்ட் பேனா பயன்படுத்தி மட்டுமே பூர்த்தி செய்ய வேண்டும்.

ஹால்டிக்கெட்டில் தவறான புகைப்படம், ஸ்கேன் செய்யப்பட்ட கையெழுத்து பதிவேற்றம் செய்யப்பட்டிருந்தால் மாணவர்கள் தங்களின் ஆதார் அட்டை அல்லது அரசால் அங்கீகரிக்கப்பட்ட அடையாள அட்டை உடன் எடுத்து வர வேண்டும்.

கட்டுப்பாடுகள்
மாணவர்கள் அரைக்கை சட்டை, முழுக் கால் சட்டை (பேன்ட்) அணிந்து வர வேண்டும்.  மாணவிகள் சுடிதார் அணிந்து வர வேண்டும். காதணிகள், மூக்குத்தி, நகைகள் அணிந்து வரக்கூடாது. பெல்ட், ஷூ, வாட்ச் அணிந்து வரக்கூடாது. செருப்பு மட்டுமே அணிந்து வர வேண்டும். உரிய சோதனைக்கு பின்னரே எல்லோரும் தேர்வு எழுத அனுமதிக்கப்படுவார்கள்.

720 மதிப்பெண்
மத்திய அரசு பாடத்திட்டத்தின்கீழ்  இயற்பியல், வேதியியல், தாவரவியல், உயிரியல் பாடப்பிரிவுகளில் இருந்து 180  கேள்விகள் கேட்கப்படும். 720 மதிப்பெண்களுக்கு இந்த தேர்வு  நடத்தப்படுகிறது. தவறான பதிலுக்கு ஒரு மதிப்பெண் குறைக்கப்படும்.

சென்னை மையங்கள்
சென்னையில் கேந்திர வித்யாலயா பள்ளிகள்,   அண்ணா நகர் எஸ்பிஓஏ பள்ளி, சென்னை பப்ளிக் ஸ்கூல், சின்மயா வித்யாலயா,   சேத்துபட்டு மகரிஷி வித்யா மந்திர் சீனியர் செகண்டரி ஸ்கூல் உள்பட 50க்கும்  அதிகமான மையங்களில் தேர்வு நடக்கிறது.

கட்டாயம் எடுத்துசெல்ல வேண்டியபொருட்கள்
1  ஹால்டிக்கெட்
2 பாஸ்போர்ட் சைஸ் புகைப்படம்
3  தபால் அட்டை அளவிலான புகைப்படம்
4  கருப்பு அல்லது நீல நிற பால் பாயின்ட் பேனா

பிரிட்டன் பாட திட்டத்துக்கு நிகராக தமிழக பள்ளிக்கல்வி 'சிலபஸ்'

பிரிட்டன் பள்ளிகளுக்கு நிகரான பாடத்திட்டம், தமிழகத்தில் கொண்டு வரப்பட உள்ளது. இதற்காக, துணைவேந்தர்கள், பேராசிரியர்கள் இடம் பெறும் குழு அமைக்கப்படுகிறது. தமிழகத்தில், பிளஸ் 1, பிளஸ் 2 வகுப்புகளுக்கு, 2012ல், பாடத்திட்டம் தயாரிக்கப்பட்டு, 2006ல் அமலுக்கு வந்தது. பாடத்திட்டம் தயாரிக்கப்பட்டு, 15 ஆண்டுகளாகியும், தமிழக அரசு அதை மாற்றவில்லை. அதனால், 'நீட், ஜே.இ.இ.,' போன்ற நுழைவு தேர்வுகளில், சி.பி.எஸ்.இ., மாணவர்களுடன் போட்டி போட முடியாமல், தமிழக மாணவர்கள் தவிக்கின்றனர்.

இந்நிலையில், பள்ளிக்கல்வி அமைச்சர் செங்கோட்டையன், துறையை முழுமையாக சீரமைக்க, செயலர் உதயசந்திரனுக்கு உத்தரவிட்டுள்ளார். அதனால், கல்வியாளர்கள், ஆசிரியர் சங்கத்தினர், உயர் கல்வி துறையினரின் ஆலோசனைகளை பெற்று, உதயசந்திரன் பல சீரமைப்பு பணிகளை மேற்கொண்டுள்ளார். முக்கியமாக, பிளஸ் 1, பிளஸ் 2 பாடத்திட்டம் மாற்றப்பட உள்ளது. அடுத்த கல்வி ஆண்டில், பிளஸ் 1 வகுப்புக்கும், அதற்கு அடுத்த கல்வி ஆண்டில், பிளஸ் 2வுக்கும், புதிய பாடத்திட்டம் வரவுள்ளது. இதற்காக, சி.பி.எஸ்.இ., பாடத்திட்டம், ஐ.சி.எஸ்.இ., எனப்படும், மத்திய இடைநிலை கல்வி சான்றிதழ் படிப்பு, லண்டன், 'கேம்பிரிட்ஜ்' பாடத்திட்டம் ஆகியவற்றை அதிகாரிகள் ஆய்வு செய்து வருகின்றனர்.

நம் நாட்டில், பள்ளிக்கல்வியில், தரமான பாடத்திட்டம் உடைய, மஹாராஷ்டிரா, ஆந்திரா மற்றும் கேரளாவுக்கு, தமிழக பள்ளிக்கல்வி அதிகாரிகள் சென்று ஆய்வு செய்துள்ளனர். அங்குள்ள பாடத்திட்டங்களும், தமிழகத்திற்கு கொண்டு வரப்பட்டுள்ளன. தேசிய கல்வியியல் வரைவு அறிக்கை, தேசிய கல்வியியல் ஆராய்ச்சி மற்றும் பயிற்சி நிறுவன பாடத்திட்டம் ஆகியவற்றுடன், பிரிட்டனின் பள்ளிப்படிப்பு பாடத்திட்டத்தையும் இணைத்து, ஆய்வுகள் மேற்கொள்ளப்படுகின்றன.இதற்காக, பல்கலைகளின் தற்போதைய மற்றும் முன்னாள் துணைவேந்தர்கள், பேராசிரியர்கள், ஆங்கில புலமை பெற்ற பேராசிரியைகள், ஐ.ஐ.டி., ஆசிரியர்கள் ஆகியோர் இடம் பெறும் குழு அமைக்கப்பட உள்ளது. இந்தக்குழு, மூன்று மாதங்களுக்குள் பாடத்திட்டத்தை இறுதி செய்து வழங்கும். அதன்பின், சர்வதேச தரத்தில் பாட புத்தகங்களை வடிவமைக்க, பள்ளிக்கல்வி அதிகாரிகள் முடிவு செய்துள்ளனர்.

அரசு பள்ளிகளில் கூட்டு பிரார்த்தனை

அனைத்து பள்ளிகளிலும், வரும் கல்வி ஆண்டு முதல், தினமும் கூட்டு பிரார்த்தனை நடத்த, பள்ளிக் கல்வி அமைச்சர், செங்கோட்டையன் உத்தரவிட்டுள்ளார். பள்ளிகளில், தினமும் காலையில், பிரார்த்தனை கூட்டம் நடப்பது வழக்கம். 2011 முதல், இந்த முறை கைவிடப்பட்டது. பின், வாரம் ஒரு நாள் மட்டும் கூட்டு பிரார்த்தனை நடந்தது.

பல பள்ளிகளில், வகுப்பு பிரார்த்தனையே நடத்தப்படவில்லை. தனியார் பள்ளிகளில், தினமும் வகுப்பறையிலும், மைதானத்திலும் பிரார்த்தனை நடத்துகின்றனர். அதனால், மீண்டும் அரசு பள்ளிகளிலும், தினசரி பிரார்த்தனை நடத்த, அமைச்சர் உத்தரவிட்டுள்ளார். வரும் கல்வி ஆண்டு முதல், இதை அமல்படுத்த வேண்டும் என, பள்ளிகளுக்கு, பள்ளிக் கல்வித்துறை செயலர் அறிவுறுத்தி உள்ளார்.

3-5-17 ல் நடைபெற்ற மாறுதல் கலந்தாய்வு கூட்டத்தில் வழங்கப்பட்ட அறிவுரைகள்

'நீட்' தேர்வு விலக்குக் கோரி ஆர்ப்பாட்டம்

'நீட்' தேர்வுக்கு விலக்கு அளிக்க வலியுறுத்தி சென்னையில் வெள்ளிக்கிழமை ஆர்ப்பாட்டம் நடைபெற்றது. கல்வி உரிமைப் பாதுகாப்புக் கூட்டமைப்பின் சார்பில் நடைபெற்ற ஆர்ப்பாட்டத்தில் சென்னை உயர்நீதிமன்ற முன்னாள் நீதிபதி ஹரி பரந்தாமன் பேசியது: நீட் தேர்வை மாநில உரிமைக்கான வேட்டு என்றுதான் கருதுகிறோம்.

தமிழக சட்டப்பேரவையில் கடந்த ஜனவரி மாதம் நீட் தேர்விலிருந்து தமிழகத்திற்கு விலக்கு அளிக்கும் இரு மசோதாக்களை அதிமுக அரசு கொண்டு வந்தபோது அதை அனைத்துக் கட்சிகளும் ஆதரித்தன. இந்த தீர்மானம் கொண்டு வரப்பட்டு 100 நாள்கள் கடந்து விட்டன. ஆனால் மத்திய அரசு அது பற்றிக் கவலைப்படாமல் உள்ளது. மாநில உரிமை தொடர்பான பிரச்னை: இதனால்தான் தொடர்ந்து போராட்டம் நடக்கிறது. இது மாநில உரிமை தொடர்பான பிரச்னை. நீட் தேர்வு தமிழக மாணவர்கள் மீது திணிக்கப்படுகிறது.

இது சிபிஎஸ்இ பாடத் திட்டத்தை அடிப்படையாகக் கொண்டது. தமிழகத்தில் 98 சதவீதம் பேர் மாநிலத் திட்டத்தின் கீழும் 2 சதவீதம் பேர் சிபிஎஸ்இ பாடத் திட்டத்தின் கீழும் படிப்பவர்கள். இரண்டுமே வேறு வேறு பாடத் திட்டங்கள். 98 சதவீதம் பேரை மாறச் சொல்வது வன்முறை. தங்களுக்கு என்ன வேண்டும் என்பதை தமிழக மக்கள்தான் முடிவு செய்ய வேண்டும். எனவே தமிழக அரசு சட்டப்பேரவையில் நிறைவேற்றிய சட்ட மசோதாக்களுக்கு மத்திய அரசு குடியரசுத் தலைவர் ஒப்புதலை உடனடியாகப் பெற்றுத் தர வேண்டும். 'நீட்' தேர்வை துரத்தும் வரை தமிழகத்தில் இந்தப் போராட்டம் தொடரும் என்றார்.

பொதுப்பள்ளிக்கான மாநில மேடையின் அமைப்பாளர் பிரின்ஸ் கஜேந்திரபாபு, நீட் தேர்விலிருந்து விலக்கக்கூடிய சட்டத்துக்கு குடியரசுத் தலைவர் ஒப்புதல் கொடுத்தால் ஏழைக் குழந்தைகளும் எம்.பி.பி.எஸ். படிக்க வாய்ப்பு ஏற்படும். இல்லாவிட்டால் பயிற்சி மையங்களின் எண்ணிக்கை அதிகரித்து தமிழகத்தில் மருத்துவக் கல்வியின் நிலை கேள்விக்குறியதாகி விடும் என்றார்.

மாநிலங்களவை உறுப்பினர் ஆர்.எஸ்.பாரதி, தமிழர் தேசிய முன்னணி தலைவர் பழ.நெடுமாறன், தமிழக வாழ்வுரிமைக் கட்சித் தலைவர் தி.வேல்முருகன், சமூக சமத்துவத்துக்கான மருத்துவர்கள் சங்கத்தின் பொதுச் செயலர் ஜி.ஆர்.ரவீந்திரநாத், நடிகை ரோகிணி, கூட்டமைப்பின் மாநில அமைப்பாளர் ந.மணி, நிதிக்காப்பாளர் ச.மோசஸ் உள்ளிட்டோர் கோரிக்கைகளை வலியுறுத்திப் பேசினர்.

பதவி உயர்வில் எஸ்.சி., - எஸ்.டி.,க்கு இட ஒதுக்கீடு தொடர அரசு முடிவு

அரசு பணிகளில், பதவி உயர்வில், எஸ்.சி., -- எஸ்.டி., பிரிவினருக்கு, இட ஒதுக்கீட்டை தொடர்ந்து செயல்படுத்த, மத்திய அரசு முடிவு செய்துள்ளது. அரசு பணிகளில், பதவி உயர்வில் எஸ்.சி., - எஸ்.டி., பிரிவினருக்கு, இட ஒதுக்கீடு வழங்கப்பட்டு வருகிறது. பதவி உயர்வில், இட ஒதுக்கீடு வழங்குவது தொடர்பாக, பல உத்தரவுகளை, பல்வேறு வழக்குகளில் சுப்ரீம் கோர்ட் பிறப்பித்தது.

இதனால், இட ஒதுக்கீட்டை தொடர்ந்து அமல்படுத்துவதில் சிக்கல் ஏற்பட்டுள்ளது. பிரதமர் மோடி தலைமையில், கடந்த ஆண்டு மார்ச் மாதம் நடந்த உயர் அதிகாரிகள் கூட்டத்தில், எஸ்.சி., - எஸ்.டி., பிரிவினருக்கு, பதவி உயர்வில் இட ஒதுக்கீட்டை தொடர்ந்து வழங்குவது பற்றி, ஆலோசிக்கப்பட்டது. அப்போது, பதவி உயர்வில் இட ஒதுக்கீடு தொடர்ந்து வழங்கப்பட வேண்டுமா என்பது பற்றி ஆய்வு செய்து, அறிக்கை சமர்ப்பிக்க, மத்திய பணியாளர் நல அமைச்சகத்துக்கு உத்தரவிடப்பட்டது.

மத்திய பணியாளர் நலத்துறை அமைச்சகம் இது பற்றி ஆய்வு செய்து, பிரதமர் மோடியிடம், சமீபத்தில் அறிக்கை தாக்கல் செய்தது. அந்த அறிக்கையில் கூறப்பட்டுள்ளதாவது:சமூகத்தில், எஸ்.சி., - எஸ்.டி., பிரிவினர், இன்னும் பின்தங்கியவர்களாகவே உள்ளனர். கல்வி, பொருளாதாரம் ஆகியவற்றிலும், மற்றவர்களை விட பின்தங்கியே உள்ளனர். அதனால், சம வாய்ப்பு கிடைக்கவும், சமூக வளர்ச்சி ஏற்படவும், எஸ்.சி., - எஸ்.டி., பிரிவினருக்கு, பதவி உயர்வில் வழங்கப்படும் இட ஒதுக்கீடு, தொடர வேண்டும்.மேலும், பல துறைகளில், எஸ்.சி., - எஸ்.டி., பிரிவினருக்கான ஒதுக்கீடு, முழுமையாக அமல்படுத்தப்படவில்லை. அதை சரி செய்ய வேண்டும்.இவ்வாறு அறிக்கையில் கூறப்பட்டுள்ளது.இதையடுத்து, எஸ்.சி., - எஸ்.டி., பிரிவினருக்கு, பதவி உயர்வில் இட ஒதுக்கீட்டை தொடர்ந்து அமல்படுத்த, மத்திய அரசு முடிவு செய்து உள்ளது.

அரசு பள்ளி மாணவர்களுக்கே இனி பரிசும் பதக்கமும் கிடைக்கும்

வரும் கல்வி ஆண்டு முதல், பிளஸ் 2 மற்றும், 10ம் வகுப்பு பொதுத்தேர்வுகளில், தமிழ் வழியில் படித்த மாணவர்களுக்கே, பதக்கமும், பரிசும் வழங்கப்பட உள்ளது. தமிழகத்தில், 10ம் வகுப்பு, பிளஸ் 2 பொதுத் தேர்வில், மதிப்பெண் அடிப்படையில், மாநில அளவில், 'ரேங்க்' வழங்கப்படும்.

மாநில மற்றும் மாவட்ட அளவில், முதல் மூன்று இடங்கள் பெறுவோருக்கு, பரிசு, ஊக்கத்தொகை, சான்றிதழ் வழங்கப்படும். ஒவ்வொரு ஆண்டும் பொதுத்தேர்வில், ரேங்க் பெறும் மாணவர்களுக்கு, முதல்வர் பரிசு வழங்கி பாராட்டுவார். தமிழ் வழி மாணவர்களுக்கு மட்டுமே, இந்த பரிசு வழங்கப்பட்டு வந்தது. ஆனால், 2011ல் அதில் மாற்றம் கொண்டு வரப்பட்டது. அதனால், பரிசு மற்றும் பதக்கத்துக்கு, தனியார் பள்ளி மாணவர்களும், ஆங்கில வழி மாணவர்களும், அதிக அளவில் தேர்வாகினர். அரசு பள்ளியில், தமிழ் மற்றும் ஆங்கில வழியில் படிக்கும் மாணவர்கள், பெரும்பாலும், மாநில, மாவட்ட ரேங்க் பெறுவதில்லை. மாநில அரசின் பரிசும், பதக்கமும், தனியார் பள்ளி மாணவர்களுக்கே கிடைக்கும் நிலை ஏற்பட்டது.

இந்த முறைக்கு, பல்வேறு தரப்பில் எதிர்ப்புகள் எழுந்தன. அரசு பள்ளி மாணவர்களையும், தமிழ் வழி மாணவர்களையும் பின்னுக்கு தள்ளிவிட்டு, தனியார் பள்ளி மாணவர்களுக்கு அதிக முக்கியத்துவம் கொடுப்பதாக புகார் எழுந்தது. இந்நிலையில், வரும் கல்வி ஆண்டு முதல், மாநில, மாவட்ட ரேங்குக்கான பரிசுகளை, அரசு பள்ளியிலும், தமிழ் வழியிலும் படிக்கும் மாணவர்களுக்கே வழங்கலாம் என, அரசு முடிவு செய்துள்ளது. இதுகுறித்து, பள்ளிக்கல்வி அதிகாரிகள் ஆலோசித்து வருகின்றனர்.

அரசு பள்ளியில், தமிழ் வழி அல்லது ஆங்கில வழியில் படிக்கும் மாணவர்களுக்கு மட்டும், பரிசு வழங்குவதா; அரசு பள்ளியிலோ, தனியார் பள்ளியிலோ, தமிழ் வழியில் படிக்கும் மாணவர்களுக்கு மட்டும் பரிசு தருவதா என, ஆய்வுகள் நடந்து வருகின்றன.

பள்ளி கோடை விடுமுறையில் மாற்றம் இல்லை: கல்வித்துறை

'அரசு தொடக்கப் பள்ளிகளில், கோடை விடுமுறை நாட்களை அதிகரிக்க முடியாது' என, பள்ளிக்கல்வித் துறை தெரிவித்துள்ளது. அரசு உயர்நிலை, மேல்நிலைப் பள்ளிகளில், ஒவ்வொரு ஆசிரியரும், ஆண்டுக்கு, 200 நாட்கள் கட்டாயம் பணியாற்ற வேண்டும். தொடக்க மற்றும் நடுநிலைப் பள்ளிகளில், ஆண்டுக்கு, 220 நாட்கள் பணியாற்ற வேண்டும்.

உயர், மேல்நிலைப் பள்ளிகளில், ஏப்., 15 முதல் கோடை விடுமுறை துவங்கும். தொடக்கப் பள்ளிகளில், மே, 1ல் தான் விடுமுறை துவங்கும். ஆனால், வெயில் தாக்கம் காரணமாக, தொடக்கப் பள்ளிகளுக்கும், ஏப்., 15 முதல் விடுமுறை விட வேண்டும் என்ற, கோரிக்கை எழுந்தது. இது குறித்து, பள்ளிக்கல்வி அதிகாரிகள் மற்றும் அமைச்சரிடம், ஆசிரியர் சங்கத்தினர் மனு அளித்தனர். அதை ஏற்க, பள்ளிக்கல்வி அமைச்சகம் மறுத்துள்ளது. உயர்நிலை, மேல்நிலைப் பள்ளிகளில், தினமும், ஐந்தரை மணி நேரம் பாடம் நடத்தப்படுகிறது. அதன்படி, 200 நாட்களுக்கு, மொத்தம், 1,100 மணி நேரம் பாடம் நடத்தப்படுகிறது.

ஆனால், தொடக்கப் பள்ளிகளில், தினமும், ஐந்து மணி நேரம் தான், பாடம் நடத்தப்படுகிறது. எனவே, 1,100 மணி நேரம் பாடம் நடத்த, 220 நாட்கள் தேவைப்படுகின்றன. எனவே, தொடக்கப் பள்ளிகளில் கோடை விடுமுறை நாட்களை அதிகரிக்கவோ, வேலை நாட்களை குறைக்கவோ வாய்ப்பில்லை என, பள்ளிக் கல்வித் துறை தரப்பில் தெரிவிக்கப்பட்டுள்ளது.

2-5-17 அன்று TNPTF சார்பில் கல்வியமைச்சரிடம் சமர்பித்த கோரிக்கைகள்

Click below

https://app.box.com/s/643vun8yhr02qxhnric1qtb6zmw1fqie

பி.எட் பயிற்சி பணிபுரியும் பள்ளியில் கற்பித்தல் பயிற்சிக்கு விடுப்பின்றி எடுத்துக்கொள்ளும் செயல்முறைகள்

INSPIRE AWARD 2017-18

மே-3 பத்திரிக்கை சுதந்திர தினம்

மே 3 - உலக பத்திரிக்கை சுதந்திர தினம்

உலகத்தில் வாழும் அத்தனை பத்திரிக்கையாளர்களின் கருத்து சுதந்திரம், எழுத்து சுதந்திரத்தை பாதுகாக்கும் பொருட்டு மார்ச் 3ந் தேதி உலக பத்திரிக்கை சுதந்திர நாளாள அறிவித்துள்ளது ஐக்கிய நாடுகள் சபையின் யுனஸ்க்கோ பிரிவு.

இந்த நாளை தேர்வு செய்யக்காரணம், 1986 ஆம் ஆண்டு டிசம்பர் 17ந் தேதி, கொலம்பியா அரச பயங்கரவாதிகளால் பிரபல பத்திரிக்கையாளரான எசுப்பட்டோ என்கிற பத்திரிக்கையின் ஆசிரியராக இருந்த கிலேர்மா கானாசாசா என்பவர் பொகட்டோவில் உள்ள அவரது அலுவலகத்தின் வெளியே வைத்து சுட்டுக்கொல்லப்பட்டார். இவர் ஐ.நாவுடன் தொடர்பில் இருந்தவர். இவர் இறப்புக்கு பின் பத்திரிக்கையாளர்களுக்கான பாதுகாப்புக்கான குரல் உலகம் முழுவதும் எழுந்தது. இதனால் 1993 ஆம் ஆண்டு ஊடக சுதந்திரம் தொடர்பாக ஐ.நா சபை சட்டம் கொண்டு வந்தது. அதன்வழியாக உலக பத்திரிக்கை சுதந்திர தினம் உருவானது.

அதோடு, 1997 முதல், பத்திரிக்கையாளர் கிலேர்மா கானாசாசா பெயரில் ஐ.நா சபை, அநீதிகளை எதிர்த்தும், அரச பயங்கரவாதத்தை எதிர்த்து, சாமானிய மக்களுக்காக குரல் கொடுக்கும் பத்திரிக்கையாளர்களுக்கு அந்த விருதை வழங்கி கவுரவிக்கிறது. இந்தியாவில் இருந்து இந்த விருதை இதுவரை யாரும் பெறவில்லை என்பது குறிப்பிடதக்கது. அதற்காக இந்தியாவில் யாரும் அதிகாரத்தை எதிர்த்து போராடவில்லை என்பதல்ல அர்த்தம். அதிகார வர்க்கத்தை நோக்கி தன் எழுத்து வழியாக அன்று முதல் இன்று வரை போராடிக்கொண்டு தான் இருக்கிறது இந்திய பத்திரிக்கையுலகம்.

1781ல் வங்காள் கெஜட் என்கிற பத்திரிக்கை அப்போது கவர்னராக இருந்த வாரன் ஹேஸ்டிங்ஸ்க்கு எதிராக பல கட்டுரைகளை எழுதியது. அதில் கோபமான அவர் அந்த பத்திரிக்கை நிர்வாகத்துக்கு பல தொல்லைகளை அரசு இயந்திரம் வழங்கினார். அதுவே இந்தியாவில் முதன் முதலாக பத்திரிக்கை மீது நடத்தப்பட்ட தாக்குதல் என்கின்றனர் ஆய்வாளர்கள்.

கடந்த ஆண்டு ஐநாவின் யுனஸ்கோ அமைப்பு வெளியிட்ட கணிப்பின்படி, சிரியா, ஈரான், ஈராக், லிபியா போன்ற அரபு நாடுகளில் தான் அதிகளவில் பத்திரிக்கையாளர்கள் கொல்லப்பட்டுள்ளனர் என்கிறது. 2015 மற்றும் 2016 ல் மட்டும் 194 ஆண் பத்திரிக்கையாளர்கள், 18 பெண் பத்திரிக்கையாளர்கள் கொல்லப்பட்டுள்ளனர். கடந்த 10 ஆண்டுகளில் 827 பத்திரிக்கையாளர்கள் கொல்லப்பட்டுள்ளார்கள் என்றது. அதாவது 5 நாட்களுக்கு ஒரு பத்திரிக்கையாளர் வீதம் கொல்லப்பட்டுள்ளனர். போர் நடைபெற்ற சிரியா, ஆப்கானிஸ்தான், பாலஸ்தீனம் போன்ற நாடுகளில் கொல்லப்படும் பத்திரிக்கையாளர்களின் எண்ணிக்கை அதிகம் என்கிறது. போர் நடைபெறும் பகுதிகள் மட்டும்மல்ல இந்தியா போன்ற போர் நடைபெறாத நாடுகளிலும் பத்திரிக்கையாளர்கள் மீதான தாக்குதல், கொலை செய்தல் அதிகரித்தபடியே உள்ளன.

கடந்த 2016 மே மாதம் மாதம் பீகாரில் ராஜீவ்ரஞ்சன் என்கிற பத்திரிக்கையாளர் சுட்டுக்கொலை செய்யப்பட்டார், அதே மாதத்தில் ஜார்கண்ட்டில் 35 வயதான அகிலேஷ் சுட்டுக்கொலை செய்யப்பட்டார். இவர்கள் இருவரும் தனிப்பட்ட காரணங்களால் சுட்டுக்கொல்லப்படவில்லை. இவர்கள் எழுதிய செய்திகளால் பாதிக்கப்பட்ட குழுவால் சுட்டுக்கொலை செய்யப்பட்டனர். உத்தரபிரதேசத்தில் ஒரு பத்திரிக்கையாளர் உயிரோடு வைத்து எரிக்கப்பட்டார். இதனை செய்தவர்கள் அந்த மாநில காவல்துறையில் பணியாற்றுபவர்கள் என்பது குறிப்பிடதக்கது.

அரசாங்கத்தையும், அரசாங்க ஆதரவு பெற்ற மாபியா கும்பல், அதிகார துஷ்பிரயோகம் செய்யும் அரசியல்வாதிகளையும், அவர்களுக்கு துணை போகும் அதிகாரிகரிளையும், கார்ப்பரேட் நிறுவனங்களை எதிர்த்து தான் நேர்மையான பத்திரிக்கையாளர்கள் எழுதுகிறார்கள். எழுதப்படும் செய்தியில் தவறு என்றால் அதை சட்ட ரீதியாக எதிர்க்கொள்ள வழிகள் இருந்தும் மேற்கண்ட யாரும் அந்த வழிகளை தேர்ந்தெடுப்பதில்லை. சட்டத்துக்கு எதிரான வழிகளையே உலகம் முழுவதும் கையாள்கிறார்கள், இந்த நிலை அதிகரிக்கிறது, இதனால் பத்திரிக்கையாளர் சுதந்திரம் படிப்படியாக பறிக்கப்படுகிறது என்பதே உண்மை.

அலகு விட்டு அலகு மாறுதல் தடையில்லா சான்று பெற விண்ணப்பம்

ஆசிரியர்களுக்கு ஊக்க ஊதியம்

பள்ளிக்கல்வி இயக்குனர் இளங்கோவன் செய்திக்குறிப்பு பள்ளி கல்வி மற்றும் தொடக்க கல்வி இயக்ககத்தின் கீழ் செயல்படும், அரசு, அரசு உதவி பெறும் பள்ளிகளில், 1997 முதல், 2,000 வரையிலான பின்னடைவு பணியிடங்கள் நிரப்பப்பட்டன. ஆதிதிராவிடர் மற்றும் பழங்குடியினருக்கான இடங்களில், போதிய ஆட்கள் கிடைக்காததால், வேலை வாய்ப்பு பதிவு மூலம், புதிய ஆசிரியர்கள் நியமிக்கப்பட்டனர். அவர்களுக்கு, உயர் கல்வி தகுதி பெற்றதற்கான ஊக்க ஊதிய உயர்வு வழங்க, அரசாணை பிறப்பிக்கப்பட்டுள்ளது. இவ்வாறு அதில் கூறப்பட்டுள்ளது.

அரசு பள்ளி மாணவர்களுக்கு மருத்துவ காப்பீடு திட்டம்

தமிழகத்தில், அரசு மற்றும் அரசு உதவி பெறும் பள்ளி மாணவர்களுக்கு, இலவச மருத்துவக் காப்பீடு திட்டம் கொண்டு வரப்பட உள்ளது. தமிழகத்தில், மொத்தம், 57 ஆயிரம் பள்ளிகள் உள்ளன. இவற்றில், 37 ஆயிரம் அரசு பள்ளிகள், 8,402 அரசு உதவி பெறும் பள்ளிகள். இவற்றில், 86 லட்சம் மாணவர்கள் படிக்கின்றனர்.

பள்ளி அருகில் உள்ளோர் நடந்தும், சைக்கிள்களிலும் வருகின்றனர். துாரத்தில் உள்ளோர், பஸ், ரயில், வேன் போன்ற வாகனங்களில் வருகின்றனர். இவர்களில், பெரும்பாலானோர் பொருளாதார ரீதியாக பின் தங்கியவர்கள். மாணவர்கள் ஏதேனும் விபத்தில் சிக்கினாலோ, திடீரென நோய் தாக்கினாலோ, அவர்களின் சிகிச்சைக்காக செலவிட, ஏழைப் பெற்றோர்களால் முடியாத நிலை உள்ளது. இதை கருத்தில் கொண்டு, மாணவர் மருத்துவ காப்பீடு திட்டத்தை அறிமுகப்படுத்த, திட்டமிடப்பட்டுள்ளது.

அதன்படி, தமிழக பள்ளிக்கல்வித்துறை செயலர் உதயசந்திரன் மற்றும் அதிகாரிகள் குழு, புதிய திட்டத்தை அறிமுகம் செய்ய உள்ளது. இதன் மூலம், அரசு மற்றும் அரசு உதவி பெறும் பள்ளிகளில், ஒன்று முதல், பிளஸ் 2 வரை படிக்கும் மாணவர்களுக்கு, இலவச மருத்துவ காப்பீடு திட்டம் கொண்டு வரப்படுகிறது.

படிப்பு காலம் முழுவதும், மாணவர்கள், இலவசமாக, தரமான சிகிச்சை பெறும் வகையில், தமிழக அரசே, காப்பீடுக்கான பிரீமியம் தொகையை செலுத்த உள்ளது. 'சட்டசபையில் பட்ஜெட் மானிய கோரிக்கையின் போது, இதற்கான அறிவிப்பு வெளியாகும்' என, கல்வித்துறை வட்டாரங்கள் தெரிவித்துள்ளன.

பிளஸ் 1 சேர்க்கை இட ஒதுக்கீடு கட்டாயம்

பிளஸ் 1 மாணவர் சேர்க்கையில், இட ஒதுக்கீட்டு விதியை மீறக் கூடாது' என, தனியார் பள்ளிகளுக்கு, பள்ளிக் கல்வித் துறை எச்சரித்துள்ளது. அனைத்து பள்ளிகள் மற்றும் முதன்மை கல்வி அதிகாரிகளுக்கு, பள்ளிக் கல்வித்துறை இயக்குனர், இளங்கோவன் அனுப்பியுள்ள சுற்றறிக்கை:

கடந்த, 1978 மற்றும் 1994ல் பிறப்பிக்கப்பட்ட அரசாணைகளின் படி, மேல்நிலைப் பள்ளிகளில் மாணவர்களை சேர்க்க, அனைத்து அரசு, தனியார் பள்ளிகளும், இட ஒதுக்கீட்டு விதியை கடைபிடிக்க வேண்டும். பொதுப் பிரிவு, 31; பழங்குடியினர், 1; ஆதிதிராவிடர், 18; பிற்படுத்தப்பட்டோர், 20; முஸ்லிம், 3.5; பிற்படுத்தப்பட்டோர், 26.5 சதவீதம் இட ஒதுக்கீடு வழங்க வேண்டும். மதிப்பெண் அடிப்படையில் மட்டுமே, பொதுப்பிரிவு பட்டியலும் தயாரிக்கப்பட வேண்டும். இதில், எந்த விதிமீறலும் இருக்கக்கூடாது.இவ்வாறு அதில் கூறப்பட்டுள்ளது.

கோடை விடுமுறையில் பயிற்சி : ஆசிரியைகள் கொந்தளிப்பு

கோடை விடுமுறையில் அனைவருக்கும் இடைநிலைக் கல்வி இயக்கம், முதன்மை கருத்தாளர்களுக்கு பயிற்சி அளிப்பதற்கு ஆசிரியைகள் எதிர்ப்பு தெரிவித்துள்ளனர். அனைவருக்கும் இடைநிலைக் கல்வி இயக்கம் சார்பில் கணிதம், அறிவியல் பாடங்களுக்கான முதன்மை கருத்தாளர்களுக்கான பயிற்சி மே, 8 முதல், 12 வரை நடக்கிறது.

இதில், கணிதம், அறிவியல் பாடங்களுக்கு, வருவாய் மாவட்டத்தில் இருந்து ஒவ்வொரு பாடத்திற்கும் தலா, 50 பேர் தேர்வு செய்யப்பட்டு முதன்மை கருத்தாளர்களுக்கான பயிற்சி அளிக்கப்படுகிறது. தென் மண்டலத்தில் கணித பாடத்திற்கு திண்டுக்கல், அறிவியல் பாடத்திற்கு திருச்சியில் உண்டு, உறைவிடப் பயிற்சி அளிக்கப்படுகிறது. பயிற்சிக்குப் பின், முதன்மை கருத்தாளர்கள் அந்தந்த மாவட்ட ஆசிரியர்களுக்கு பயிற்சியளிப்பர். கோடை விடுமுறையில், ஐந்து நாட்கள் பயிற்சியளிக்கப்படுவதால் ஆசிரியர்கள் அதிருப்தியில் உள்ளனர்.

இதுகுறித்து ஆசிரியை ஒருவர் கூறியதாவது: கோடை விடுமுறையில் சிறப்பு வகுப்புகள் கூடாது எனக் கூறும் கல்வித்துறை, ஆசிரியர்களுக்கு மட்டும் பயிற்சி அளிக்கலாமா. கோடை விடுமுறையில் பெண் ஆசிரியைகள் வெளிமாவட்டங்களுக்கு சென்று தங்குவதில் சிரமம் உள்ளது. கோடையில் பயிற்சி வகுப்பை கல்வித்துறை தவிர்க்க வேண்டும். இவ்வாறு அவர் கூறினார்.

*DEE - NEW FORMS- MUTUAL TRANSFER AND UNIT TRANSFER APPLICATION*

Click below

https://app.box.com/s/wqva9wx5zyq52ye8edw41b42evlwcj3l