2016-17 ம் நிதி ஆண்டுக்கான தமிழக பட்ஜெட் 21ல் தாக்கல்: புதிய அறிவிப்புகள் வெளியாக வாய்ப்பு

தமிழக அரசின் 2016-17ம் ஆண்டுக்கான பட்ஜெட் வருகிற 21ம் தேதி சட்டசபையில் தாக்கல் செய்யப்படுகிறது. உள்ளாட்சி தேர்தல் வர உள்ளதால் பல்வேறு கவர்ச்சிகரமான அறிவிப்புகள் அதில் இடம்பெறலாம் என தெரிகிறது. சில பொருட்களுக்கு புதிய வரிகள் விதிக்கப்பட வாய்ப்புள்ளது. தமிழகத்தில் கடந்த மே 16ம் தேதி சட்டப்பேரவை பொதுத் தேர்தல் நடைபெற்றது. இதில் அதிமுக 133 இடங்களை கைப்பற்றி, முதல்வர் ஜெயலலிதா தலைமையில் அமைச்சர்கள் பதவியேற்றனர். இதைத்தொடர்ந்து, இந்த ஆண்டுக்கான முதல் சட்டப்பேரவை கூட்டம் கடந்த மாதம் 16ம் தேதி நடந்தது. அன்றைய தினம் தமிழக கவர்னர் ரோசய்யா உரையாற்றினார். 4 நாட்கள் கூட்டம் நடைபெற்று, ஒத்தி வைக்கப்பட்டது.இதையடுத்து, தமிழக அரசின் 2016-17ம் ஆண்டுக்கான பட்ஜெட் கூட்டம் எப்போது தொடங்கும் என்ற பரபரப்பு ஏற்பட்டிருந்தது. இந்தநிலையில், 21ம் தேதி சட்டப்பேரவை கூடும் என்று அதிகாரப்பூர்வமாக அறிவிக்கப்பட்டுள்ளது. இதுகுறித்து, சட்டப்பேரவை செயலாளர் ஜமாலுதீன் நேற்று வெளியிட்ட அறிவிப்பு:

தமிழக சட்டமன்ற பேரவையின் அடுத்த கூட்டத்தை வருகிற 21ம் தேதி (வியாழக்கிழமை) காலை 11 மணிக்கு தலைமை செயலகத்தில் உள்ள சட்டப்பேரவை மண்டபத்தில் பேரவை தலைவர் தனபால் கூட்டியுள்ளார். அன்று காலை 11 மணிக்கு 2016-17ம் ஆண்டிற்கான திருத்திய நிதிநிலை அறிக்கை பேரவைக்கு அளிக்கப்பெறும். இவ்வாறு கூறப்பட்டுள்ளது. இதன்படி, நிதி அமைச்சர் ஓ.பன்னீர்செல்வம் 2016-17ம் ஆண்டுக்கான பட்ஜெட்டை தாக்கல் செய்ய உள்ளார். அன்றைய கூட்டம் முடிவடையும். அதன் பின்னர், சபாநாயகர் தனபால் தலைமையில் அலுவல் ஆய்வுக்குழு கூட்டம் நடைபெறும். இதில் எத்தனை நாட்கள் பட்ஜெட் மீதான விவாதம் நடத்துவது மற்றும் துறைவாரியான மானியக்கோரிக்கை மீது எத்தனை நாட்கள் விவாதம் நடத்துவது என்பது குறித்து கலந்து ஆலோசித்து முடிவு அறிவிக்கப்படும். அனேகமாக, பட்ஜெட் தொடர் ஒரு மாதம் நடைபெறும் என்று கூறப்படுகிறது.

விரைவில் உள்ளாட்சி தேர்தல் நடைபெற உள்ளதால் பல்வேறு புதிய அறிவிப்புகளை வெளியிட அதிமுக அரசு முடிவு செய்துள்ளது. பால் விலையை குறைப்பது, மேலும் டாஸ்மாக் கடைகளை மூடுவது, அரசு கல்லூரிகளில் காலியாக உள்ள விரிவுரையாளர் பணியிடங்களை நிரப்புவது, பள்ளிகளில் காலியாக உள்ள ஆசிரியர் பணியிடங்களை நிரப்புவது மற்றும் அதிமுக அரசு தேர்தலின் போது அறிவித்த பல்வேறு கவர்ச்சிகரமான திட்டங்களுக்கான அறிவிப்புகள் வெளியிடப்படும் என்று கூறப்படுகிறது. ஒரு சில பொருட்களுக்கு வரி விதிக்கப்படும் என்று எதிர்பார்க்கப்படுகிறது.

500 அரசு பள்ளிகளுக்கு ரூ50 ஆயிரம் பரிசு:மத்திய அரசு திட்டம்

இந்தியா முழுவதும் சுகாதாரமான 500 அரசு பள்ளிகளுக்கு தலா ரூ.50 ஆயிரம் பரிசு வழங்கும் பிரதமர் மோடியின் தேசிய இயக்கத்திற்கு 'ஆன்லைனில்' பதிவு நடைபெறுகிறது.

துாய்மை பாரதம் திட்டத்தில் அரசு மற்றும் உதவி பெறும் பள்ளி கழிப்பறைகள் தினமும் இருவேளை பராமரிக்க பணியாளர் நியமிக்கப்பட்டுள்ளனர். இவர்களுக்கு மாதசம்பளம், கிருமி நாசினி வாங்க நிதி ஒதுக்கீடு செய்யப்பட்டுள்ளது. அரசு பள்ளிகளில் சுத்திகரிக்கப்பட்ட குடிநீர் வசதி செய்து, கை கழுவ சோப்பு, டவல் தரப்பட்டுள்ளன.

இந்நிலையில் பிரதமர் மோடியின் 'துாய்மையான பாரதம், துாய்மையான பள்ளிகள்' எனும் புதிய தேசிய இயக்கம் துவக்கப்பட்டுள்ளது. இதில் சுகாதாரத்தில் சிறந்து விளங்கும் அரசு பள்ளிகளுக்கு 'துாய்மை பள்ளி' என தேசிய விருது வழங்கப்படுகிறது. 500 பள்ளிகளை தேர்வு செய்து தலா ரூ.50 ஆயிரம் நிதி வழங்கப்பட உள்ளது. இதற்காக அனைவருக்கும் கல்வி இயக்கம் மூலம் துவக்க மற்றும் உயர்நிலை பள்ளிகளை தேர்வு செய்யும் பணி நடக்கிறது.

சுய மதிப்பீடு

இத்தேர்வு 'ஆன்லைன்' மூலம் நடத்தப்படுகிறது. பள்ளிகளுக்கு 39 கேள்விகளுடன் நான்கு விடைகள் அடங்கிய சுயமதிப்பீட்டு படிவம் அளிக்கப்பட்டுள்ளன. அதில் பள்ளிகளில் உள்ள அடிப்படை வசதிகள், பயன்பாடு ஆகியவற்றை மையப்படுத்தி கேள்விகள் கேட்கப்பட்டுள்ளன.

பள்ளியில் குடிநீருக்கு என்ன செய்கிறீர்கள் என கேள்விக்கு, 4 விடைகள் அளிக்கப்பட்டிருக்கும். வசதியினை 'டிக்' செய்து பதிவேற்றம் செய்ய வேண்டும். பதில்களுக்கு ஏற்ப மொத்தம் 100 மதிப்பெண் வழங்கப்படும்.

தேர்வு குழுக்கள்

மதிப்பெண் அடிப்படையில் மாவட்ட, மாநில, தேசிய அளவிலான குழுவினர் பள்ளிகளை ஆய்வு செய்வர். மாவட்ட குழுவில் கலெக்டர், மாவட்ட கல்வி அலுவலர், சிறந்த மூன்று தலைமை ஆசிரியர்கள், இன்ஜினியர், உடல்நல அலுவலர், இரு தன்னார்வலர்கள் இடம்பெறுவர். மாநில குழுவில் பள்ளி கல்வி செயலர், இயக்குனர், உடல்நல இயக்குனர், இரு தலைமை ஆசிரியர்கள், தலைமை இன்ஜினியர் , பஞ்சாயத்து ராஜ் இயக்குனர் இடம் பெறுவர். தேசிய குழுவில் தலைமை கல்வி செயலர், துணை செயலர் இடம் பெறுவர்.

மாநிலத்தில் 40 பள்ளிகள் தேர்வு செய்து, அதில் 20 பள்ளிகள் தேசிய போட்டிக்கு பரிந்துரை செய்யப்படும். 20 பள்ளிகளுக்கு விருது, அங்கீகார சான்று வழங்கப்படும். சிறந்த பள்ளிகளாக தேர்வு செய்யும் 500 பள்ளிகளுக்கு தலா ரூ.50ஆயிரம் நிதி, உள்கட்டமைப்பு வசதி மேம்படுத்துவதற்கு வழங்கப்படும். தேர்வு செய்யப்படும் பள்ளிகள் விபரம் நவ., 25ல் அறிவிக்கப்படும்.

போட்டிகளில் பங்கேற்க பள்ளிகள் சுயமதிப்பீடு கேள்விகளுக்கு பதில் அளித்து வருகின்றன.

இடமாறிதல் அரசாணையின் சிறப்பம்சங்கள்

ஆசிரியர்கள் இடமாறுதல் தொடர்பான விதிகளை, தமிழக பள்ளிக்கல்வித் துறை இறுதி செய்துள்ளது. ஒவ்வொரு ஆண்டும் மே மாதம், அரசு பள்ளி ஆசிரியர்களுக்கு இடமாறுதல் கவுன்சிலிங் நடத்தப்படும். இந்த ஆண்டுக்கான கவுன்சிலிங் விதிமுறையை, அரசு உருவாக்கியுள்ளது. இதற்கான அரசாணை, ஜூலை, 6ல் தயாராகி உள்ளது. ஆனாலும், அதிகாரப்பூர்வமாக வெளியிடவில்லை. அதே நேரத்தில் இதுபற்றிய தகவல்கள், ஆசிரியர்கள் மற்றும் கல்வித்துறை அலுவலர்களின், 'வாட்ஸ் ஆப்'களில் வலம் வருகின்றன.

அரசாணை அம்சங்கள்

உபரி ஆசிரியர் பணியிடங்களை பணி நிரவல் செய்த பின்னரே, பொது மாறுதல் நடத்த வேண்டும். பொது இடமாறுதல் நடக்கும் முன், பரஸ்பர விருப்ப இடமாறுதல்களை நடத்த வேண்டும்.

தொடக்க, நடுநிலைப் பள்ளிகளுக்கு, முதலில் ஒன்றியம், நகராட்சி மற்றும் மாநகராட்சி பகுதிகளுக்குள் இடமாறுதல் வழங்க வேண்டும். பின், மாவட்டம் விட்டு மாவட்டம் மாறுதல் வழங்க வேண்டும்.

உயர், மேல்நிலைப் பள்ளி ஆசிரியர்கள், வருவாய் மாவட்டத்திற்குள் முதலிலும், பின், மாவட்டம் விட்டு மாவட்டமும் இடமாறுதல் வழங்க வேண்டும்

கண் பார்வையற்றவர், மாற்றுத்திறனாளி, ராணுவ வீரர்களின் துணைவியர், இதய அறுவை சிகிச்சை, சிறுநீரக அறுவை சிகிச்சை, புற்றுநோயாளி, கணவனை இழந்தோர், 40 வயது கடந்த முதிர் கன்னியர், மனவளர்ச்சி குன்றிய மாற்றுத்திறனாளி குழந்தைகளின் பெற்றோர் ஆகியோருக்கு முன்னுரிமை தர வேண்டும்

கணவன், மனைவி என்றால் இருவரில் ஒருவர் பணிபுரியும் இடத்திலிருந்து, 30 கி.மீ.,க்கு அப்பால், இன்னொருவர் பணியாற்றினால் அவர்களுக்கு முன்னுரிமை தரப்படும். கணவன், மனைவி என்ற அடிப்படையில், கடந்த ஆண்டு மாறுதல் பெற்றவர்கள், அதே தகுதியில், மூன்று ஆண்டுகளுக்கு மாறுதல் பெற முடியாது. இவ்வாறு பல அம்சங்கள் கூறப்பட்டுள்ளன.

அரசு பள்ளிகளிலும் இனி ஆன்லைனில் பாடம்:770 வகுப்பறைகள் தயார்

தமிழகத்தில் அரசு பள்ளிகளிலும் 'ஆன்லைனில்' பாடம் நடத்திட மாநில அளவில் 770 பள்ளிகள் தேர்வு செய்யப்பட்டு 'மெய்நிகர் கற்றல் வகுப்பறை' (வெர்சுவல் கிளாஸ் ரூம்) அமைக்கப்பட்டுள்ளன. அரசு பள்ளிகளை மேம்படுத்திட கல்வித்துறையில் தேர்வு செய்யப்பட்ட அரசு பள்ளிகளில் 'ஸ்மார்ட் கிளாஸ்' வகுப்பறைகள் ஏற்படுத்தப்பட்டுள்ளன. இதன் மூலம் புரொஜெக்டர், கணினி ஸ்கிரீன், இன்டர்நெட், 'பவர் பாயின்ட்' போன்ற வசதியுடன் பாடங்கள் கற்பிக்கப்படுகின்றன. அடுத்தகட்டமாக, மத்திய அரசு நிதியுதவிடன் அதிநவீன தொழில் நுட்பங்களுடன் 'மெய்நிகர் கற்றல்' வகுப்பறைகள் தமிழக அரசு பள்ளிகளில் அமைக்கப்படுகின்றன.

முதற்கட்டமாக 770 பள்ளிகள், 11 மாவட்ட ஆசிரியர் கல்வி மற்றும் பயிற்சி நிறுவனங்களில் (டயட்) இவ்வகுப்பறைகளை அமைக்கும் பணியில் மாநில கல்வியியல் ஆராய்ச்சி மற்றும் பயிற்சி நிறுவனம் (எஸ்.சி.இ.ஆர்.டி.,) ஈடுபட்டுள்ளது. இவ்வகுப்பறையில் ஹார்டுவேர் கணினி, வெப் ேகமரா, புரொஜெக்டர், மெகா ஸ்கிரீன், நவீன ஆடியோ சிஸ்டம், அதி விரைவு இன்டர்நெட் இணைப்பு, பிரத்யேக மென்பொருள் உட்பட பல்வேறு வசதிகள் ஏற்படுத்தப்பட்டுள்ளன.

ஒரே நேரத்தில் இவ்வகுப்பறை வசதி உள்ள அனைத்து பள்ளிகளிலும் மாணவர்களுக்கு ஆன்லைனில் பாடம் நடத்தவும், பாடங்கள் தொடர்பாக ஆசிரியர்களுக்கு பாடம் சார்ந்த சிறப்பு வல்லுனர்கள் பயிற்சி வகுப்பு நடத்தவும் பயன்படுத்தப்படும். மேலும் ஒன்று முதல் பிளஸ் 2 வரை பாடங்கள் தொடர்பாக எஸ்.சி.இ.ஆர்.டி., தொகுத்துள்ள 200க்கும் மேற்பட்ட வீடியோ தொகுப்புகள் காட்சிப்படுத்தப்படும். உதாரணமாக 'இருதயம்' பாடம் என்றால் அதன் அமைப்பு, செயல்பாடு குறித்து 'யூ டியூப்' வீடியோக்கள் தயாரிக்கப்பட்டுள்ளன. அறிவியல், வரலாறு, முக்கிய இடங்கள், அனிமேஷன் கலந்த காட்சி தொகுப்பு வீடியோக்களையும் எஸ்.சி.இ.ஆர்.டி., தயாரித்துள்ளது. இவை மெய்நிகர் கற்றல் வகுப்பறையில் மாணவர்களுக்கு காண்பிக்க திட்டமிடப்பட்டுள்ளது.

எஸ்.சி.இ.ஆர்.டி., அதிகாரி ஒருவர் கூறியதாவது: நவீன தொழில் நுட்பங்களை அரசு பள்ளி மாணவர்களும் தெரிந்துகொள்ள 'வெர்சுவல்' வகுப்பறைகள் அமைக்கப்பட்டுள்ளன.

ஒரே நேரத்தில் அனைத்து மாவட்ட மாணவர்களுக்கும் ஆன்லைனில் பாடம் நடத்தலாம். தேர்வு நேரத்தில் பயனுள்ளதாக இருக்கும். இவ்வகுப்புகளில் கற்றல் பணியில் ஈடுபடவுள்ள ஆசிரியர்கள் தேர்வு செய்யப்பட்டு அவர்களுக்கு டில்லி 'எர்னட்' மற்றும் 'ரிக்கோ' நிறுவனம் சார்பில் ஆக., 4 முதல் பயிற்சி அளிக்கப்படவுள்ளது, என்றார்.

G.O 258 transfer norms.pdf

Click below

https://app.box.com/s/lkvieyim3sxld1w17evzfw2xegtdx0nd

MIDDLE SCHOOL H.M TO A.E.E.O SENIORITY PANEL-2016 PUBLISHED.

Click below

https://app.box.com/s/oesdtlk6bunsey7sk5ccj85un2ub9133

தென் மேற்கு பருவ மழை குறித்த முன்னெச்சரிக்கை ஏற்பாடுகள்

G.O 258, transfer norms

IGNOU M.ed

IGNOU M.ED Application Form 2016 Eligibility Requirements:-

Name of the Exam :-

IGNOU M.ED Common Entrance Test 2016
Name of the Conducting Body:-

Indira Gandhi National Open University
Mode of Apply:-

Online
Other Requirements for IGNOU M.ED Application Form 2016
Age Required:-

Applicants age must above 21 years according to the policy of this university to take admission in M.ed
Application Fee:-

All the applicants have to pay Rs.1050 as application fee which can be paid by DD in favor of IGNOU payable at New Delhi.
How to Apply for IGNOU M.ED Application Form 2016

Go to the main site of this university at www.ignou.ac.in
After click on the link of Apply Online
Then you have to enter all the asked details in the given application form
Must fill up all the correct details
After filling this application form upload scanned documents
Before the final submission must recheck it
Education Required:-

To get all the detailed information related the requirements of education, candidates should check its official notice from the site of IGNOU.
Important dates:-

Application forms will available in June 2016
Candidates have to submit their application forms till July 2016
Exam will be arranged in August 2016
Announcement of result will be proceeded in August 2016

ஆசிரியர்கள் நாளை விடுப்பு எடுக்க தடை

10ஆயிரம் கோடி கதி என்ன?

தமிழகம் முழுவதும் தொகுதிக்கு 20 ஆயிரம் போலி வாக்காளர்கள்: தேர்தல் ஆணைய புதிய சாப்டரில் கண்டுபிடிப்பு

போலி வாக்காளர்களை நீக்க புதிய மென்பொருள் (சாப்ட்வேர்) தேர்தல் ஆணையம் பயன்படுத்தி உள்ளது. இதன்மூலம் தொகுதிக்கு 20 ஆயிரம் போலி வாக்காளர்கள் உள்ளதாக கண்டுபிடிக்கப்பட்டுள்ளது. தமிழக சட்டமன்ற தேர்தல் கடந்த மே 16ல் நடந்தது. இத்தேர்தலில் பயன்படுத்தப்பட்ட வாக்காளர் பட்டியலில் ஆயிரக்கணக்கில் வாக்காளர்கள் இரட்டை பதிவாக இருப்பதாகவும், போலி வாக்காளர்கள் சேர்க்கப்பட்டிருப்பதாக திமுக உள்ளிட்ட அரசியல் கட்சியினர் புகார் கூறினர். ஆனால் தேர்தல் ஆணையம், தேர்தலுக்கு முன்பாக ஏப்ரல் மாதம் திடீரென்று மாநிலத்தில் அனைத்து தொகுதியிலும் உள்ள வாக்காளர் பட்டியல் மீண்டும் ஆய்வு செய்து போலி வாக்காளர்களை நீக்க பரிந்துரை செய்தது.

ஆனால் அதனை முழுமையாக தேர்தல் ஆணையம் நிறைவேற்ற முடியவில்லை. இருப்பினும் குறைபாடு உள்ள வாக்காளர் பட்டியலை வைத்து தேர்தலை நடத்தியது. தற்போது வாக்காளர் பட்டியலை செம்மைப்படுத்தவும், போலி வாக்காளர்களை நீக்கவும் தேர்தல் ஆணையம் உத்தரவிட்டுள்ளது. அதன்படி பட்டியலில் உள்ள வாக்காளர்களை வீடுதோறும் சென்று சரிபாக்கும் பணி துவங்கியுள்ளது.  இதற்காக தேர்தல் ஆணையம் சார்பில் போலி வாக்காளர்களை கண்டுபிடிக்க புதிய (மென்பொருள்) சாப்ட்வேர் தயாரித்துள்ளது.

அதில், ஒரு தொகுதியில் ஒரு வாக்காளரின் பெயர், முகவரியை பதிவு செய்தால், அதே பெயர், தந்தை பெயர், முகவரி, வயது, புகைப்படம், உள்ள  போலி வாக்காளர் விபரமும், வேறு தொகுதியில் இவர்கள் இருந்தாலும் இந்த புதிய சாப்ட்வேர் மூலம் கண்டுபிடித்து விட முடியும். இந்த புதிய சாப்ட்வேர் மூலம் தற்போது ஒவ்வொரு தொகுதியில் உள்ள போலி வாக்காளர்கள் விபரம் சேகரிக்கப்பட்டு வருகிறது.
இதற்காக ஒவ்வொரு தொகுதிக்கும் கூடுதலாக கம்ப்யூட்டர் பணியாளர்கள் நியமிக்கப்பட்டுள்ளனர். இவர்கள் மூலம் வாக்காளர் சரிபார்க்கும் பணி நடந்து வருகிறது.

இந்த புதிய சாப்ட்வேர் மூலம் தமிழகம் முழுவதும் ஒவ்வொரு தொகுதியிலும் சுமார் 15 ஆயிரம் 20 ஆயிரம் வரை போலி வாக்காளர்கள் இருப்பதாக இதுவரை வாக்காளர் பட்டியலை ஆய்வு செய்தில் தெரியவந்துள்ளது. ஒவ்வொரு தொகுதியிலும் குறைந்தது 20 ஆயிரம் போலி வாக்காளர்கள்  உள்ளதாக தேர்தல் அதிகாரி ஒருவர் தெரிவித்துள்ளார். போலி வாக்காளர் விபரத்தை தனியாக பட்டியல் எடுத்து வீடுதோறும் சென்று ஆய்வு செய்து நீக்க  உள்ளனர். மேலும் இந்த ஆய்வின்போது, இறந்த வாக்காளர் விபரம் பெற்று அதனையும்  நீக்க உள்ளனர்.

ஊரக திறனாய்வு தேர்வு உதவித்தொகை 25 ஆண்டுகளாக உயராததால் விரக்தி

ஊரக திறனாய்வு தேர்வு உதவித்தொகை, 25 ஆண்டுகளாக உயர்த்தப்படாமல் இருப்பதால், அதில் பங்கேற்கும் ஆர்வம், மாணவர்களிடம் குறைந்து வருகிறது. தமிழகத்தில், கிராமப்புற அரசு பள்ளிகளில் படிக்கும் மாணவர்களை ஊக்கப்படுத்தும் விதமாக, 1991ம் ஆண்டு முதல், ஊரக திறனாய்வு தேர்வு நடத்தப்படுகிறது.

4 ஆண்டுகளுக்கு...: கிராமப்புற அரசு பள்ளிகளில், 9ம் வகுப்பு படிக்கும் மாணவர்களுக்கு நடத்தப்படும் இத்தேர்வில், மாவட்டத்துக்கு, 50 மாணவர்கள், 50 மாணவியர் தேர்ந்தெடுக்கப்பட்டு, பிளஸ் 2 முடிக்கும் வரை, நான்கு ஆண்டுகளுக்கு தலா, 1,000 ரூபாய் வீதம் உதவித்தொகை வழங்கப்படுகிறது. கடந்த, 25 ஆண்டுகளாக, இந்த உதவித்தொகை அதிகரிக்கப்படவில்லை. இதனால், இத்தேர்வில் பங்கேற்கும் ஆர்வம், மாணவர்களிடையே குறைந்து வருகிறது.

இது குறித்து, அரசு பள்ளி ஆசிரியர்கள் கூறியதாவது: கடந்த, 1991ம் ஆண்டில், 1,000 ரூபாய் என்பது, அம்மாணவனின் கல்விக்கு மட்டுமின்றி, குடும்பத்துக்கும் உதவும் வகையில் இருந்தது. அப்போது, இத்தேர்வில் பங்கேற்க, குடும்ப ஆண்டு வருமானம், 15 ஆயிரத்துக்குள் இருக்க வேண்டும் என்ற நிபந்தனை இருந்தது. ஆனால், காலப்போக்கில் இந்த நிபந்தனை தளர்த்தப்பட்டு, தற்போது, ஒரு லட்சம் ரூபாய் வரை, குடும்ப ஆண்டு வருமானம் உள்ள மாணவர்கள்,

இத்தேர்வில் பங்கேற்க முடியும். அதேநேரம், உதவித்தொகையின் அளவு மட்டும், 25 ஆண்டுகளாகியும் சிறிதும் உயர்த்தப்படவில்லை.அதிகரிக்க வேண்டும் இதனால், மாணவ, மாணவியரிடையே, இத்தேர்வுக்கு தயாராகும் ஆர்வம் குறைந்து வருகிறது. உதவித்தொகையின் அளவை அதிகரிக்கும் போது, அவை கிராமப்புற மாணவர்களை ஊக்கப்படுத்துவதுடன், போட்டித் தேர்வுக்கு தயாராகும் மனப்பாங்கையும் அதிகப்படுத்தும். எனவே, தமிழக அரசு, ஊரக திறனாய்வு தேர்வு உதவித்தொகையை அதிகரிக்க நடவடிக்கை எடுக்க வேண்டும். இவ்வாறு அவர்கள் கூறினர்.

மண்ணெண்ணெய் விலை உயர்கிறது.மானியத்தை குறைக்க ரெடி

மண்ணெண்ணெய் மீதான மானிய சுமையை குறைக்கும் வகையில், அடுத்த 10 மாதங்களுக்கு, ஒவ்வொரு மாதமும், லிட்டருக்கு, 25 பைசா விலை உயர்த்த, எண்ணெய் நிறுவனங்களுக்கு மத்திய அரசு அனுமதி அளித்துள்ளது.

இது குறித்து, அரசு மூத்த அதிகாரி கூறியதாவது: கடந்த ஐந்து ஆண்டுகளாக, மண்ணெண்ணெய் விலை உயர்த்தப்படாமல், மானிய விலையிலேயே விற்கப்பட்டு வருகிறது. இதனால், எண்ணெய் நிறுவனங்கள் பெரியளவில் நஷ்டத்தை சந்தித்து வருகின்றன. இதை தவிர்க்க, மண்ணெண்ணெய் மீதான மானியச் சுமையை குறைக்க, பெட்ரோலியத் துறை முடிவு செய்தது.

எண்ணெய் விற்பனை நிறுவனங்களுக்கு, பெட்ரோலியத் துறை, அனுப்பியுள்ள கடிதத்தில், மண்ணெண்ணெய் விலையை, 2017 ஏப்ரல் வரை, 10 மாதங்களுக்கு, ஒவ்வொரு மாதமும், லிட்டருக்கு, 25 பைசா உயர்த்த அனுமதி அளித்துள்ளது; இம்மாதம், 1ம் தேதி முதல், இந்த விலை உயர்வு அமலுக்கு வந்துள்ளது. இருப்பினும், பொது வினியோக முறையில் விற்கப்படும் மண்ணெண்ணெய், முந்தைய விலையிலேயே விற்கப்படுகிறது. மாநில அரசுகளின் ஒப்புதலுக்கு பின், பொது வினியோக முறை மண்ணெண்ணெய் விலையில் மாற்றம் செய்யப்படும்.

இவ்வாறு அதிகாரி கூறினார்.

5 ஆண்டுகளுக்கு பின்...: டில்லியில், விலை ஏற்றத்துக்கு முன், மண்ணெண்ணெய், லிட்டருக்கு, 14.96 ரூபாய்க்கு விற்கப்பட்டது; கடைசியாக, 2011, ஜூனில், லிட்டருக்கு, 2.64 ரூபாய் உயர்த்தப்பட்டது; அதற்கு முன், 2010, ஜூனில், லிட்டருக்கு, 3.23 ரூபாய் விலை ஏற்றப்பட்டது.

மண்ணெண்ணெய், அடக்க விலையை விட, லிட்டருக்கு 13.12 ரூபாய் குறைவாக

விற்கப்பட்டு வருவதாக அதிகாரிகள் தெரிவித்தனர். இதில், 12 ரூபாய் இழப்பை, மத்திய அரசு ஏற்கிறது. மீத இழப்பை, ஓ.என்.ஜி.சி., போன்ற எண்ணெய் நிறுவனங்கள் ஏற்கின்றன.

பெட்ரோலியப் பொருட்களுக்கு மத்திய அரசு அளிக்கும் மொத்த மானியத்தில், 41.7 சதவீதம், மண்ணெண்ணெய்க்கே செலவாகிறது. கடந்த, 2015 - 16ம் நிதியாண்டில், பெட்ரோலியப் பொருட்களுக்கான மானியமாக, 27 ஆயிரத்து, 571 கோடி ரூபாய் செலவிடப்பட்டுள்ளது.

TNPSC - VAO Certificate Verification Schedule

INSPIRE AWARD proceedings

தமிழகத்தில் அரசுப்பள்ளி மாணவர்களுக்கு பயோ மெட்ரிக் வருகைப்பதிவேடு

பெரம்பலூர் மாவட்டத்தில் அரசு பள்ளிகளில் ஆசிரியர்களைத் தொடர்ந்து மாணவர்களுக்கும் பயோ மெட்ரிக் வருகைப் பதிவேடு அறிமுகப்படுத்தப்பட்டுள்ளது. இதன் மூலம் தொடர்ந்து விடுப்பு எடுத்து பள்ளி செல்லாத குழந்தைகளை நல்வழிப்படுத்த முடியும் என ஆசிரியர்கள் நம்பிக்கை தெரிவித்துள்ளனர்.

தமிழகத்தின் முதன்முறையாக பெரம்பலூர் மாவட்டத்தில் அரசுபள்ளிகளில் ஆசிரியர்களைத் தொடர்ந்து மாணவர்களுக்கும் பயோ மெட்ரிக் வருகைப்பதிவேடு அறிமுகப்படுத்தப்பட்டுள்ளது. பெரம்பலூர் மாவட்டத்தில் மின் ஆளுமைத்திட்டம் நடைமுறையில் இருப்பதால் தமிழக அளவில் முதன்முறையாக ஆசிரியர்களுக்கான பயோ மெட்ரிக் வருகைப்பதிவேடு முறை, கடந்த ஜனவரி மாதம் அறிமுகப்படுத்தப்பட்டது.

இதன்படி மாவட்ட அளவில் மொத்தமுள்ள 85-அரசு மற்றும் ஆதிதிராவிடர் நல உயர்நிலை,மேல்நிலைப்பள்ளிகளில் 38-அரசு மேல்நிலைப்பள்ளிகள்,10-அரசு உயர்நிலைப்பள்ளிகள் 1-ஆதிதிராவிடர் நல மேல்நிலைப்பள்ளிகள் என 50-பள்ளிகளில் மட்டுமே இத்திட்டம் செயல்படுத்தப்பட்டு வருகின்றது.இதற்காக சம்மந்தப்பட்ட பள்ளி கனிணி ஆசிரியர்களுக்கு, கனிணி இயக்குபவர்களுக்கு தேசிய தகவல் மைய ஊழியர்களால் செயல்முறை விளக்கம் தெரப்பட்டுள்ளது.

இந்நிலையில் பயோ மெட்ரிக் வருகைப்பதிவேடு தமிழக அளவில் முதன்முறையாக அரசுப்பள்ளி மாணவர்களுக்கு பெரம்பலூர் மாவட்டத்தில் நடைமுறைக்கு வந்துள்ளது.இது சோதனை அடிப்படையில் குரும்பலூர் அரசு மேல்நிலைப்பள்ளியில் தொடங்கப்பட்ட திட்டம் தற்போது 100-மாணவர்களுக்கு கீழ் தம்பிரான்பட்டி, முருக்கன்குடி,வரகூர்,அரசு உயர்நிலைப்பள்ளிகளும், 200-மாணவர்களுக்கு கீழ் காடூர், கூடலூர்,வடக்குமாதவி அரசு உயர்நிலைப்பள்ளிகளிலும், 300-க்கும் மேல் உள்ள துங்கபுரம்,பேரளி அரசு மேல்நிலைப்பள்ளிகள் என 8-பள்ளிகளில் புதிதாக தொடங்கப்பட்டுள்ளது.விரைவில் மாவட்ட முழுவதும் உள்ள அரசுப்பள்ளிகளில் பயோ மெட்ரிக் வருகைப்பதிவேடு கொண்டுவரப்படவுள்ளன.

இதுகுறித்து குரும்பலூர் அரசு கல்லூரி பேராசிரியர் சந்திரமெளலி கூறும்போது,இந்த நடைமுறை மூலம்,கட்டைவிரல் ரேகை பதிவு செய்த நேரத்தைக் கொண்டு தலைமையாசிரியர்,ஆசிரியர்கள்,அலுவலர்களோடு இனி மாணவர்களின் தாமத்தையும் கண்காணிக்க முடியும்.தொடர்ந்து விடுப்பு எடுத்த பள்ளி செல்லாத குழந்தைகளை நல்வழிப்படுத்த வாய்ப்புள்ளதாக தெரிவித்தார்.