நேரடி உதவி தொடக்ககல்வி நியமனம்

நேரடி உதவி தொடக்கக் கல்வி அதிகாரி நியமனம் 4 ஆண்டுகளாக நிறுத்திவைப்பு: பி.எட். பட்டதாரிகள் ஏமாற்றம்

  

நேரடி உதவி தொடக்கக் கல்வி அதிகாரி நியமனம் கடந்த 4 ஆண்டு களாக நிறுத்தி வைக்கப்பட்டுள்ளது. இதனால், பி.எட் பட்டதாரிகள் ஏமாற்றம் அடைந்துள்ளனர்.

தொடக்கக் கல்வித்துறையில் பணிபுரியும் உதவி தொடக்கக் கல்வி அதிகாரிகள் (ஏ.இ.ஓ.) ஒன்றிய அளவில் தொடக்கப் பள்ளிகள் மற்றும் நடுநிலைப் பள்ளிகளை நிர்வாகம் செய் கிறார்கள். ஆசிரியர்களுக்கான சம்பள பட்டியல் தயாரிப்பு, பள்ளிகளில் வருடாந்திர ஆய்வு மேற்கொள்வது, ஆசிரியர்களுக்கு விடுமுறை, ஈட்டுவிடுப்பு சரண் டர், வங்கிக்கடன், பொது வருங்கால வைப்புநிதி கணக்கில் (ஜிபிஎப்) முன்பணம் பெறுதல் போன்றவற்றுக்கு ஒப்புதல் அளிப்பது உள்ளிட்ட பணிகளை அவர்கள் மேற்கொள்கிறார்கள்.

கடந்த 2009-ம் ஆண்டு வரை உதவி தொடக்கக் கல்வி அதிகாரி பணியிடங்கள் 100 சதவீதம் பதவி உயர்வு மூலம் நிரப்பப்பட்டு வந்தன. பி.எட். பட்டமும், துறைத்தேர்வு களில் தேர்ச்சியும் பெற்ற அரசு நடு நிலைப் பள்ளி தலைமை ஆசிரியர் கள் பணிமூப்பு அடிப்படையில் உதவி தொடக்கக் கல்வி அதிகாரி களாக பதவி உயர்வு பெற்றனர். இந்த நிலையில், முதல்முறையாக கடந்த 2009-ம் ஆண்டு நேரடி உதவி தொடக்கக் கல்வி அதிகாரி நியமன முறை புதிதாக அறிமுகப்படுத்தப் பட்டது. மொத்த காலியிடங்களில் 75 சதவீத இடங்களை பதவி உயர்வு மூலமாகவும், எஞ்சிய 25 சதவீத இடங்களை நேரடியாகவும் நிரப்ப முடிவுசெய்யப்பட்டது.

அதன்படி, ஆசிரியர் தேர்வு வாரியத்தின் போட்டித்தேர்வு மூலமாக 2009-ம் ஆண்டு 67 பேரும், 2011-ல் 34 பேரும் நேரடியாக உதவி தொடக்கக்கல்வி அதிகாரி பணிக்கு தேர்வுசெய்யப்பட்டனர். ஆனால், 2011-ம் ஆண்டுக்கு பிறகு நேரடி உதவி தொடக்கக்கல்வி அதிகாரி நியமனம் நடைபெறவில்லை. இதனால், பி.எட் பட்டதாரிகள் ஏமாற்றம் அடைந்துள்ளனர்.

இதுகுறித்து தொடக்கக்கல்வி இயக்குநர் ஆர்.இளங்கோவனிடம் கேட்டபோது, “உதவி தொடக்கக் கல்வி அதிகாரி பணிக்கான காலியிடங்கள் பட்டியல் ஆசிரியர் தேர்வு வாரியத்திடம் ஏற்கெனவே ஒப்படைக்கப்பட்டுவிட்டது. ஆசிரியர் தேர்வு வாரியம்தான் தேர்வு செய்ய வேண்டும்”என்றார்.

இதுதொடர்பாக ஆசிரியர் தேர்வு வாரிய உறுப்பினர்-செய லர் தண்.வசுந்தராதேவி கூறும் போது, “உதவி தொடக்கக் கல்வி அதிகாரி பணிக்கு குறைந்த எண் ணிக்கையிலான காலியிடங்கள் வரப்பெற்றுள்ளன. அவற்றை நிரப்பு வதற்கான அறிவிப்பு விரைவில் வெளியிடப்படும்” என்று தெரிவித் தார்.

நேரடி உதவி தொடக்கக்கல்வி அதிகாரி பணிக்கான காலியிடங் கள், தமிழ், ஆங்கிலம், கணிதம், இயற்பியல், வேதியியல், வரலாறு, புவியியல் என வெவ்வேறு பாடங் களுக்கு ஒதுக்கப்படும். குறிப்பிட்ட பாடத்தில் இளங்கலை பட்டமும், பி.எட் பட்டமும் பெற்றிருப்பவர்கள் தேர்வுக்கு விண்ணப்பிக்கலாம். வயது வரம்பு எஸ்சி, எஸ்டி வகுப்பி னருக்கு 40 ஆகவும், மற்ற அனைத்து வகுப்பினருக்கும் (பிசி, எம்பிசி உள்பட) 35 ஆகவும் நிர்ணயிக் கப்பட்டுள்ளது.

ஆசிரியர் தேர்வு வாரியத்தின் போட்டித்தேர்வு மூலமாக 2009-ம் ஆண்டு 67 பேரும், 2011-ல் 34 பேரும் நேரடியாக உதவி தொடக்கக்கல்வி அதிகாரி பணிக்கு தேர்வுசெய்யப்பட்டனர். ஆனால், 2011-ம் ஆண்டுக்கு பிறகு நேரடி உதவி தொடக்கக்கல்வி அதிகாரி நியமனம் நடைபெறவில்லை.

அக்டோபரில் புதிய ரயில்வே கால அட்டவணை

இந்த வருடத்துக்கான ரயில்வேகால புதிய அட்டவணை அக்டோபரில் வெளியாகும் என எதிர்பார்க்கப்படுகிறது. ஒவ்வொரு ஆண்டும் ரயில்வே துறை சார்பில் ஜூலை 1ம் தேதி புதிய ரயில் கால அட்டவணை வெளியிடப்படும். இந்த அட்டவணையில் பிப்ரவரியில் ரயில்வே நிதி நிலை அறிக்கையில் அறிவிக்கப்பட்ட ரயில்களின் பயணவிவரம் மற்றும் தற்போது இயங்கி கொண்டிருக்கும் ரயில்களின் வேகம் அதிகரித்தல், ேநரம் மாற்றி அமைத்தல் போன்ற விவரங்கள் இடம் பெற்று இருக்கும்.

ஆனால் கடந்த வருடம் நாடாளு மன்ற தேர்தல் மற்றும் புதிய அரசு அமைக்கப்பட்டதன் காரணமாக செப்டம்பரில் புதிய ரயில்வே கால அட்டவணை வெளியிடப்பட்டது. இந்த ஆண்டு வழக்கம் போல் ஜூலை 1ம் தேதி ரயில்வே கால அட்டவணை வெளியாகும் என எதிர்பார்க்கப்பட்டது. ஆனால் கடந்த பிப்ரவரியில் தாக்கல் செய்யப்பட்ட ரயில் பட்ஜெட்டில் புதிய ரயில்கள் எதுவும் அறிவிக்காத காரணத்தால் இந்த வருடமும் ஜூலை மாதம் ரயில்வே கால அட்டவணை வெளியிடப்படாது என கூறப்பட்டுள்ளது. வரும் செப்டம்பர் வரை கடந்த ஆண்டு வெளியிடப்பட்ட காலஅட்டவணையின்படி அனைத்து ரயில்களும் இயங்கும் என்றும், இந்த ஆண்டிற் குரிய புதிய காலஅட்டவணை அக்டோபரில் வெளியிடப்படும் என்றும் தெரிகிறது.

நாடாளுமன்றத்தின் மழைக்கால கூட்ட தொடர் அடுத்த மாதம் கூடுகிறது. இந்த நாடாளுமன்ற கூட்ட தொடரில் புதிய ரயில்கள் அறிவித்தல், இயங்கி கொண்டிருக்கின்ற ரயில்களின் சேவைகள் அதிகரித்தல், ரயில்களை நீட்டித்து இயக்குதல் ஆகிய அறிவிப்புகள் வெளியாகலாம் என எதிர்பர்க்கப்படுகிறது. இதுமட்டுமில்லாமல் தமிழகத்தில் அகல பாதை பணிகள் முடிக்கப்பட்ட பழநி - பொள்ளாச்சி வழித்தடத்தில் புதிய ரயில்கள் தொடர்பான அறிவிப்பு இல்லாத காரணத்தால் அந்த தடங்களில் சிறப்பு ரயில்களாகவே இயக்கப்பட்டு வருகிறது.

இதை போன்று அகில இந்திய அளவில் பல்வேறு ரயில்கள் நிரந்தர ரயிலாக இயக்க நாடாளுமன்றத்தில் அறிவிக்காத காரணத்தால் சிறப்பு ரயில்களாகவே இயக்கப்பட்டு வருகிறது. இந்த ரயில்களை நிரந்தர ரயிலாக இயக்க வேண்டுமானால் நாடாளுமன்றத்தில் அறிவித்து ரயில் கால அட்டவணையில் வெளியிடப்பட வேண்டும். இந்த பிரச்சினை குறித்து ரயில் பயணிகள் சங்க நிர்வாகிகள் கூறியதாவது: தற்போது சென்னை முதல் கன்னியாகுமரி வரை உள்ள ரயில் பாதை மின் மயமாக்கல் பணிகள் நிறைவு பெற்று மின்சாரரயில் இன்ஜின் மூலமாக ரயில்கள் இயக்கப்பட்டு வருகின்றன.

இதனால் சென்னையில் இருந்து தென் மாவட்டங்களுக்கு இயக்கப்பட்டு வரும் ரயில்கள் சுமார் ஒரு மணி நேரம் வரை முன் கூட்டியே வந்தடைகிறது. இதனால் வருகிற ரயில் கால அட்டவணையில் அனைத்து ரயில்களின் நேரங்களில் பெரிய மாற்றங்கள் இருக்கலாம். இந்த வருடம் ரயில் கால அட்டவணைகால தாமதம் ஆவதால் இரு வழிபாதை பணிகள் இன்னமும் அதிக அளவில் முடிக்கப்பட்டுவிடும். இவ்வாறு இருவழிபாதை அதிகஅளவில் முடிக்கப்பட்டால் ரயில்களின் வேகம் அதிகரிக்கப்பட்டு கிராசிங்கான ரயில்கள் அதிகநேரம் நிற்கபடுவது தவிர்க்கப்பட்டுவிடும் என்றனர்.

உணவு இடைவேளைக்கு முன்பு கட்டாய உடற்பயிற்சி

தமிழக பள்ளிகளில் உடற்கல்வி ஆசிரியர்கள் மூலம் அனைத்து மாணவர்களுக்கும் வாரத்தில் 2 நாள் உடற்பயிற்சி வகுப்புகள் நடத்தப்படுகின்றன. இந்நிலையில், மதிய உணவு இடைவேளைக்கு முன்பு மாணவர்களுக்கு யோகா தொடர்பான பயிற்சிகளை 10 முதல் 20 நிமிடம் நடத்த அறிவுறுத்தப்பட்டுள்ளது. இதன்படி 1 முதல் 5ம் வகுப்பு மாணவ, மாணவிகளுக்கு உணவு இடைவேளைக்கு முன்பு 10 நிமிடங்கள் யோகா பயிற்சியும் பிளஸ்1, பிளஸ்2 மாணவர்களுக்கு காலை இறைவணக்கத்தை தொடர்ந்து 5 நிமிடம் மனதை ஒருநிலைப்படுத்தும் தியானம் கற்றுத்தரவும் முடிவு செய்யப்பட்டுள்ளது.

இதுகுறித்து, கல்வித்துறை வட்டாரங்கள் கூறுகையில், ‘தமிழகத்தில் 2012ல், மதிய உணவு இடைவேளைக்கு முன்பு எளிய முறை உடற்பயிற்சிகளை மாணவர்களுக்கு கற்றுத்தர உத்தரவு பிறப்பிக்கப்பட்டது. இதன்படி யோகா உள்ளிட்ட பல்வேறு எளிய உடற்பயிற்சிகள் கற்றுத்தரப்படுகின்றன. யோகா மட்டும் கற்றுத்தரப்பட வேண்டும் என சமீபத்தில் எந்த உத்தரவும் வரவில்லை’ என தெரிவித்தனர்.

பள்ளி ஆசிரியர் சங்க வட்டாரங்கள் கூறுகையில், ‘உணவு இடைவேளையில் எளிய உடற்பயிற்சி கற்றுத்தரவேண்டும் என வாய்மொழியாக ஏற்கனவே உத்தரவிடப்பட்டிருந்தது. ஆனால், இதை சில பள்ளிகள் பின்பற்றாததற்கு இடைவேளை 40 நிமிடம் மட்டுமே என்பதே காரணம்’ என்றனர்.

மாணவிகளுக்கு கராத்தே பயிற்சி

��TNPTF MANI��

அரசுப் பள்ளி மாணவியருக்கு ஜூலை 1முதல் கராத்தே பயிற்சி

��அனைவருக்கும் கல்வி இயக்கம் சார்பில் கராத்தே பயிற்சி வழங்கப்படவுள்ளது

��அரசு மற்றும் அரசு உதவி பெறும் நடுநிலைப்பள்ளியிலுள்ள எட்டாம் வகுப்பு பயிலும் பெண் குழந்தைக்கு வழங்கப்படவுள்ளது

��மாவட்டத்துக்கு 500மாணவியர்  தேர்வு செய்யப்பட்டு ஐந்து மாதங்கள் பயிற்சி அளிக்கப்படும்

��ஒரு லட்சம் நிதி ஒதுக்கீடு செய்யப்பட்டுள்ளது.கோவை,திருப்பூரில்  மாவட்டங்களில் தேர்வு நடக்கிறது

��அதிக எண்ணிக்கையில் இருந்தால் பள்ளியிலேயே பயிற்சி அளிக்க திட்டமிட்டுள்ளது

மாணவர்கள் கல்வி உதவித்தொகை பெற ஆதார் இனி கட்டாயம்

மாணவர்களுக்கு கல்வி உதவித் தொகை வழங்க, ஆதார் எண் கட்டாயம் இருக்க வேண்டும் என, மத்திய அரசு அறிவுறுத்தியுள்ளது. இதையொட்டி, ஆதார் எண் வைத்துள்ள மாணவர் பட்டியல் தயாரிக்க, பள்ளி மற்றும் கல்லுாரிகளுக்கு, அதிகாரிகள் உத்தரவிட்டுள்ளனர். பள்ளி, கல்லுாரி மாணவர்களுக்கு, மத்திய, மாநில அரசுகளின், பிற்படுத்தப்பட்டோர் துறை, ஆதிதிராவிடர் நலத்துறை மற்றும் சிறுபான்மையினர் நலத்துறை ஆகியவற்றின் மூலம், ஜாதி வாரியாக கல்வி உதவித் தொகை வழங்கப்படுகிறது. இதேபோல், மாணவியருக்கு மத்திய, மாநில அரசுகளால் தனித்தனியாக பல திட்டங்களில் நிதியுதவி வழங்கப்படுகிறது.

கல்லுாரிகளில் பிஎச்.டி., ஆய்வுப் படிப்பு மாணவர்கள், தேசிய திறனறித் தேர்வு எழுதிய மாணவர்கள் உள்ளிட்டோருக்கு, தனியாக உதவித்தொகை வழங்கப்படுகிறது. பள்ளி, கல்லுாரிகள் மற்றும் மாவட்ட கலெக்டர் அலுவலகங்கள் மூலம், இந்த உதவித்தொகை வழங்கப்படுகிறது. இதில், பல முறைகேடுகள் நடக்கின்றன; பயனாளிகளுக்கு உதவித்தொகை சரியாகச் சென்று சேர்வதில்லை என, பல தரப்பில் புகார்கள் எழுந்துள்ளன. இந்நிலையில், உதவித்தொகை பெற வேண்டுமென்றால், சம்பந்தப்பட்ட மாணவருக்கு ஆதார் எண் கண்டிப்பாக இருக்க வேண்டும்.

அதன் அடிப்படையில், வங்கிக் கணக்கில் நேரடியாக கல்வி உதவித் தொகையை வழங்க உள்ளதாக, மாநில அரசுக்கு மத்திய அரசு அறிவுறுத்தியுள்ளது. இதுகுறித்து, கல்வித் துறை அதிகாரிகள் கூறியதாவது: மத்திய அரசின் நிதியுதவி, இனி வங்கிக் கணக்கின் மூலம் நேரடியாக வழங்க முடிவு செய்யப்பட்டுள்ளது. அதனால், பள்ளி, கல்லுாரி மாணவர்களின் ஆதார் எண் விவரங்களை சேகரிக்க, உயரதிகாரிகள் உத்தரவிட்டுள்ளனர். அதனால், தற்போது ஆதார் எண் வைத்துள்ள மாணவர்கள் பட்டியலைத் தயாரிக்க, அனைத்து மாவட்டக் கல்வி அதிகாரிகளுக்கும் உத்தரவிடப்பட்டுள்ளது. இவ்வாறு அவர்கள் தெரிவித்தனர்.

25% இடஒதுக்கீட்டில் ஆறாம் வகுப்பு சேர்க்கை நிறுத்தம்

மத்திய அரசு போதுமான நிதி ஒதுக்காததால், 25 சதவீத ஒதுக்கீட்டின் அடிப்படையில் சுயநிதி பள்ளிகளில் ஆறாம் வகுப்பில் ஏழை மாணவர்களை சேர்ப்பது இந்த கல்வியாண்டு முதல் நிறுத்தப்பட்டுள்ளது.மத்திய அரசின் கட்டாய கல்வி உரிமைச்சட்டத்தின்படி, ஏழை மாணவர்களை 25 சதவீத ஒதுக்கீட்டின் அடிப்படையில் சிறுபான்மையற்ற தனியார் சுயநிதி பள்ளிகளில் இலவசமாக சேர்க்க வேண்டும் என உத்தரவிடப்பட்டது. அதன்படி 2013--14, 2014--15ம் கல்வியாண்டில் எல்.கே.ஜி., 1ம்வகுப்பு மற்றும் 6ம் வகுப்பு ஆகிய வகுப்புகளில் அம்மாணவர்கள் சேர்க்கப்பட்டனர்.

இவர்களுக்கான கல்விக்கட்டணத்தை மத்திய அரசு முழுமையாக வழங்காததால் சம்பந்தப்பட்ட பள்ளிகளுக்கு தமிழக அரசு அதற்கான நிதி வழங்குவதில் சிக்கல் ஏற்பட்டது. இதனால் இந்த கல்வியாண்டு முதல் இத்திட்டத்தில் ஆறாம் வகுப்பில் மாணவர்கள் சேர்க்கையை மட்டும் நிறுத்தி அரசு உத்தரவு பிறப்பித்துள்ளது. மாவட்ட கல்வித்துறை உயரதிகாரி ஒருவர் கூறுகையில்,“கடந்த இரு கல்வியாண்டுகளில் 25 சதவீத இடஒதுக்கீட்டில் ஏழை மாணவர்களை சேர்த்த பள்ளிகளுக்கு அதற்கான கல்விக்கட்டணம் முழுமையாக வழங்கப்படவில்லை. இதை தவிர்க்க இந்த கல்வியாண்டு முதல் பள்ளி ஆரம்ப நிலை வகுப்புகளில் அதாவது எல்.கே.ஜி., அல்லது ஒன்றாம் வகுப்பில் மட்டுமே மாணவர்களை சேர்க்க அரசு உத்தரவிட்டது.

ஆறாம் வகுப்பில் மாணவர்கள் சேர்ப்பது நிறுத்தப்பட்டுள்ளது. ஏற்கனவே அவ்வகுப்பில் சேர்க்கப்பட்டவர்களுக்கு தொடர்ந்து உதவித்தொகை வழங்கப்படும். ஆரம்ப நிலை வகுப்புகளில் மாணவர்கள் சேர்க்கை முழுமையாவதற்காக நவம்பர் வரை இத்திட்டம் நீட்டிக்கப்பட்டு உள்ளது,” என்றார்

அலைபேசி ரோமிங் சலுகை ஓராண்டுக்கு மட்டுமே

பி.எஸ்.என்.எல்., நிறுவனத்தின், 'ஒரு இந்தியா - ஒரு எண்' என்ற திட்டத்தின் கீழ், அலைபேசிகளுக்கு அறிவிக்கப்பட்டு உள்ள, இலவச 'ரோமிங்' திட்டம், ஓராண்டுக்கு மட்டுமே அமலில் இருக்கும். அதன்பின், ரோமிங் கட்டணம் மீண்டும் நடைமுறைக்கு வரும் என, தெரிகிறது. தமிழக தொலைத் தொடர்பு வட்டத்தை சேர்ந்த எண்ணை, வெளிமாநிலங்களுக்கு கொண்டு சென்று பயன்படுத்தினால், உள் அழைப்புகளுக்கும், வெளியே செல்லும் அழைப்புகளுக்கும் ரோமிங் கட்டணம் உண்டு.

இதனால், அலைபேசி வாடிக்கையாளர்கள், கூடுதல் கட்டணம் செலுத்த வேண்டும்.இந்த கட்டண சுமையை குறைக்க, 'ஒரு இந்தியா - ஒரு எண்' திட்டம் மூலம், தொலைத் தொடர்பு வட்டத்தை தாண்டி செல்லும் வாடிக்கையாளர்களுக்கான, ரோமிங் கட்டணத்தை, மத்திய தொலை தொடர்புத் துறை, கடந்த 15ம் தேதியில் இருந்து ரத்து செய்தது. இதன்மூலம், பி.எஸ்.என்.எல்., அலைபேசி வாடிக்கையாளர்கள், நாடு முழுவதும் ஒரே எண்ணை பயன்படுத்தலாம்; அதற்கு ரோமிங் கட்டணம் கிடையாது. பி.எஸ்.என்.எல்., நிறுவனத்தை தொடர்ந்து, சில தனியார் அலைபேசி நிறுவனங்கள், ரோமிங் கட்டணத்தை ரத்து செய்துள்ளன.

இந்நிலையில், 'ரோமிங் கட்டண ரத்து சலுகை, ஓராண்டுக்கு மட்டுமே' என, தொலைத் தொடர்புத் துறை அறிவித்துள்ளது. இதுகுறித்து, தமிழ்நாடு தொலை தொடர்பு வட்டம் வெளியிட்டுள்ள அறிவிப்பு: ரோமிங் கட்டண ரத்து என்பது, நல்லெண்ண அடிப்படையில், வாடிக்கையாளர்களுக்கு வழங்கப்பட்டு உள்ளது. இக்கட்டண சலுகை, 'போஸ்ட் பெய்டு, பிரீ பெய்டு' அலைபேசி வாடிக்கையாளர்களுக்கு, ஓராண்டுக்கு மட்டும் அமலில் இருக்கும்.

இவ்வாறு அறிவிப்பில் கூறப்பட்டு உள்ளது. பி.எஸ்.என்.எல்., மூத்த அதிகாரி ஒருவர் கூறுகையில், 'தொலைத் தொடர்பு துறையில் நிலவும் போட்டியில், வாடிக்கையாளர்களை ஈர்க்கவே, ரோமிங் கட்டண சலுகை தற்காலிகமாக வழங்கப்பட்டு உள்ளது. நீண்ட காலத்துக்கு சலுகை அளித்தால், நஷ்டம் ஏற்படும். எனவே, நிரந்தரமாக இலவச ரோமிங் திட்டத்தை தொடர முடியாது' என்றார்.

மருத்துவம் சார்ந்த படிப்புக்கு ஜூலை 26முதல் விண்ணப்ப விநியோகம்

மருத்துவம் சார்ந்த படிப்புகளுக்கு ஜூலை 26 முதல் விண்ணப்ப விநியோகம்!

மருத்துவம் சார்ந்த இளங்கலை பட்டப் படிப்புகளுக்கு ஜூன் 26ம் தேதி முதல் விண்ணப்ப விநியோகம் நடைபெறுகிறது.
டிப்ளமோ, நர்சிங், பி.எஸ்சி நர்சிங் (போஸ்ட் பேசிக்) பி.பார்ம் (லேட்ரல் என்டரி) ஆகிய மருத்துவம் சார்ந்த படிப்புகளுக்கு  ஜூன் 26-ம் தேதி முதல் விண்ணப்பங்கள் விநியோகிக்கப்படும் என மருத்துவக் கல்வி இயக்ககம் அறிவித்துள்ளது.

மாணவர்கள் விண்ணப்பங்களை ஜூலை 5-ம் தேதி வரை பெறலாம். ஜூலை 9-ம் தேதி விண்ணப்பிக்க கடைசி நாளாகும்.
கூடுதல் தகவல்களுக்கு www.tnhealth.org என்ற இணையதளத்தை பார்க்கலாம்.

Abl class mingled 1&2nd std

அகஇ - பகுதி நேர பணியாளர்கள் - பணி நிரவல் சார்பான உத்தரவு

Click below

https://drive.google.com/file/d/0B7_wDm1_dk21aE1sTkNoRVlKZHc/view?usp=sharing

அனைத்து வகைப்பள்ளியிலும் மாணவர்களுக்கு ஆதார் எடுக்கும்.சிறப்பு முகாம்

ஆன் லைன் மூலம் பாடப்புத்தகம் விற்பனை.மூன்று மாவட்டங்களில் அமல்

பாட புத்தகம் வாங்க வரும் ஆசிரியர்கள் அலைக்கழிக்கப்படுவது; பணம் செலுத்த நீண்ட நேரம் வரிசையில் காத்திருக்கும் பிரச்னை போன்றவற்றை தவிர்க்க, இந்த ஆண்டு முதல், ஆன் - லைன் மூலமான பாட புத்தக விற்பனை திட்டத்தை, தமிழ்நாடு பாடநுால் கழகம் துவங்கிஉள்ளது. அரசு மற்றும் அரசு உதவி பெறும் பள்ளிகளுக்கு தமிழக அரசு சார்பில், பாடப்புத்தகங்கள் இலவசமாக வழங்கப்படுகின்றன.

சமச்சீர் கல்வித் திட்டத்தை பின்பற்றும் தனியார் பள்ளிகளுக்கு, தமிழ்நாடு பாடநுால் மற்றும் கல்வியியல் சேவை கழகம் சார்பில், பாட புத்தகங்கள் விற்பனை செய்யப்படுகின்றன. ஒரே நேரத்தில்... தனியார் பள்ளி ஆசிரியர்கள், பாடநுால் கழக கிடங்குகளுக்கு செல்லும் போது, சில பாட புத்தகங்கள் இருப்பு இல்லை என்ற பதில் கிடைக்கிறது. பல பள்ளிகளின் ஊழியர்கள், ஒரே நேரத்தில் வருவதால், பணம் செலுத்த நீண்டநேரம், வரிசையில் காத்திருக்க வேண்டி உள்ளது. எனவே, இந்தக் கல்வியாண்டில், பிளஸ் 1க்கு மட்டும், ஆன் - லைன் மூலம், பாட புத்தக விற்பனை திட்டத்தை, பாடநுால் கழகம் துவக்கிஉள்ளது.

சென்னை, திருவள்ளூர் மற்றும் காஞ்சிபுரம் மாவட்டங்களில் மட்டும் சோதனை முறையில், இந்தத் திட்டம் அமலுக்கு வந்துள்ளது. தனியார் பள்ளி நிர்வாகத்தினர், பாடநுால் கழக, 'இன்ட்ரானெட்' தளத்தில், புத்தக இருப்பு நிலையை தெரிந்து கொண்டு, அதற்கேற்ப, 'நெட் பேங்கிங்' வசதி மூலம் பணம் செலுத்தி, 'ஆர்டர்' செய்யலாம். அடுத்த ஆண்டு முதல் பணம் செலுத்திய ரசீதை, பாடநுால் கழக மாவட்ட கிடங்கில் கொடுத்து புத்தகம் வாங்கிக் கொள்ளலாம். கல்வித்துறை அதிகாரிகள் கூறுகையில், 'தற்போது, பிளஸ் 1க்கு மட்டும், மூன்று மாவட்டங்களில், ஆன் - லைன் விற்பனை துவங்கப்பட்டுள்ளது.

அடுத்த ஆண்டு முதல் மற்ற மாவட்டங்களுக்கும் விரிவுபடுத்தப்படும். பின், சில்லறை விற்பனையிலும் அமலுக்கு வரும்' என்றனர்.

அரசுப்பள்ளிகளில் தினமும் 15நிமிடம் யோகா பயிற்சி

'அனைத்து அரசு பள்ளிகளிலும் தினமும் 15 நிமிடங்கள் கட்டாயம் யோகா பயிற்சி மேற்கொள்ள வேண்டும்' என பள்ளி கல்வித்துறை உத்தரவிட்டுள்ளது. தமிழக அரசு பள்ளிகளில் 2014 முதல் யோகா பயிற்சி கட்டாயமாக்கப்பட்டு அரசாணை பிறப்பிக்கப்பட்டுள்ளது.

இந்தப் பயிற்சி பல பள்ளிகளில் நடத்தப்படுவதில்லை என பள்ளிக்கல்வித்துறை அதிகாரிகளுக்கு புகார்கள் வந்துள்ளன.இதையடுத்து யோகா மற்றும் தியான பயிற்சியை தினமும் கட்டாயம் கடைப்பிடிக்க உத்தரவிடப்பட்டுள்ளது. இதுகுறித்து பள்ளிகளுக்கு பிறப்பிக்கப்பட்ட உத்தரவு:கடந்த 2014 அக்டோபரில் பிறப்பிக்கப்பட்ட அரசாணைப்படி பள்ளிகளில் மதிய உணவு இடைவேளைக்கு 30 நிமிடங்கள் முன் யோகா பயிற்சியை தினமும் கடைபிடிக்க வேண்டும்;

இந்த பயிற்சியை உடற்கல்வி ஆசிரியர்கள் வழங்க வேண்டும்.ஒன்று முதல் ஐந்தாம் வகுப்பு மாணவர்களுக்கு, 10 நிமிடம் யோகா; 6ம் வகுப்பு முதல் 9ம் வகுப்பு வரை 15 நிமிடம் யோகா; 10ம் வகுப்பு முதல் பிளஸ் 2 வரை 15 நிமிடங்கள் யோகா ஐந்து நிமிடங்கள் தியானம் பயிற்சி அளிக்க வேண்டும்.தியான பயிற்சியை காலையில் வகுப்பறையில் நடக்கும் இறை வழிபாட்டில் நடத்த வேண்டும்.

பள்ளி செல்லும் குழந்தைகளுக்கும் ஹெல்மெட்

இரு சக்கர வாகனத்தில் பின்னே அமர்ந்து செல்பவர்கள் பள்ளி குழந்தைகளாக இருந்தாலும்,'ஹெல்மெட்' அணிந்து தான் செல்ல வேண்டும் என, போக்குவரத்து துறை அதி காரிகள் கூறியுள்ளனர்.

ஜூலை, 1ம் தேதி முதல், டூவீலர் ஓட்டுவோர், பின்னால் உட்கார்ந்து செல்வோர் கண்டிப்பாக ஹெல்மெட் அணிய வேண்டும் என, தமிழக அரசு உத்தரவிட்டு உள்ளது. ஹெல்மெட் அணிவதை, 100 சதவீதம் அமல்படுத்தும் வகையில், அரசு துறைகளும், தனியார் அமைப்பு களும், பல வகையான விழிப்புணர்வு நிகழ்ச்சிகளை நடத்தி வருகின்றன.வாகன பதிவின் போதும், லைசென்ஸ் எடுக்கச் செல்லும் போதும், ஹெல்மெட் அவசியமா என்ற சந்தேகங்கள் பலருக்கும் ஏற்பட்டுள்ளது.

மேலும், தற்போது பெரும்பாலானோர், பள்ளிகளுக்கு, குழந்தைகளை, இரு சக்கர வாகனத்தில் அழைத்துச் செல்கின்றனர். குழந்தைகளும் ஹெல்மெட் அணிய வேண்டுமா என்ற கேள்வி யும் எழுந்து உள்ளது. இது குறித்து, போக்குவரத்து துறை அதிகாரி ஒருவர் கூறியதாவது:இரு சக்கர வாகனத்தை பதிவு செய்து தான், வாகன உரிமையாளர்களிடம் வழங்க வேண்டும். வாகனத்தை விற்கும் நிறுவனமே, கூடவே, ஹெல்மெட் வழங்க வேண்டும். ஒருவேளை, வாகன பதிவுக்கு உரிமையாளர் செல்ல நேரிடும் போது, ஹெல்மெட் வாங்கிச் செல்ல வேண்டியதில்லை. லைசென்ஸ் வழங்குவதற்கு முன், ஓட்டுனர் சோதனையின் போதே, ஹெல்மெட் அணிந்து தான் ஓட்டிக் காட்ட வேண்டும். இந்த நடைமுறை ஏற்கனவே உள்ளது.

இரு சக்கர வாகனத்தில் பின்னால் உட்கார்ந்து செல்பவரும் ஹெல்மெட் அணிய வேண்டும் என்று தான் மோட்டார் வாகன சட்டத்தில் கூறப்பட்டு உள்ளது. அப்படியானால், இது பள்ளி செல்லும் குழந்தைகளுக்கும் பொருந்தும்.இவ்வாறு, அவர் கூறினார். ஆனால், பெரும்பாலான ஹெல்மெட் விற்பனை கடைகளில், குழந்தைகளுக்கான ஹெல்மெட் இல்லை என்பதால், பெற்றோர் குழப்பத்தில் உள்ளனர்.

6முதல் ப்ளஸ் 2வரை சிறப்பு வகுப்புகள்

அரசு பள்ளிகளின் தேர்ச்சியை அதிகரிக்க, கல்வி ஆண்டின் துவக்கம் முதல், 10ம் வகுப்பு, பிளஸ் 2 உட்பட அனைத்து வகுப்புகளுக்கும், சிறப்பு பயிற்சி வகுப்புகள் நடத்த, பள்ளிக்கல்வித் துறை உத்தரவிட்டுள்ளது. தற்போது, சென்னை உள்ளிட்ட நகரங்களில், காலை, 9:00 மணிக்கு வகுப்புகள் துவங்கி, மாலை, 3:30 மணிக்கு முடிகிறது.

கிராமங்கள் அதிகமுள்ள மாவட்டங்களில், 9:30 மணிக்கு பள்ளி துவங்கி, 4:00 மணிக்கு முடிகிறது. சிறப்பு வகுப்புகளை, காலை மற்றும் மாலை நேரங்களில் நடத்த, ஆசிரியர்களுக்கு அதிகாரிகள் உத்தரவிட்டுள்ளனர். ஆறு முதல் ஒன்பதாம் வகுப்பு மாணவர்களுக்கு, காலையில் பள்ளி துவங்கும் முன், ஒரு மணி நேரம்; 10 முதல் பிளஸ் 2 வரையிலான மாணவர்களுக்கு, மாலையில் வகுப்புகள் முடிந்த பின், ஒன்றரை மணி நேரம், சிறப்புப் பயிற்சி வகுப்பு நடத்த உத்தரவிடப்பட்டுள்ளது.

'இந்த திட்டத்தில், தினமும் எந்த பாடத்துக்கு சிறப்பு வகுப்பு என்பதை, ஆசிரியர்கள் முன்கூட்டியே அட்டவணை தயாரித்து, தலைமை ஆசிரியருடன் ஆலோசித்து முடிவு செய்து கொள்ள வேண்டும்; ஆசிரியர் இல்லை என்ற காரணம் காட்டி, சிறப்பு வகுப்பை ரத்து செய்யக் கூடாது' என, கல்வித்துறை அதிகாரிகள் உத்தரவிட்டுள்ளனர்.

Minorities application detail

பள்ளியில் பயிலும்  சிறுபான்மை இன மாணவர்களுக்கு 2015-2016 ஆம் கல்வி ஆண்டில் கல்வி  உதவித்தொகை  பெறுவதற்கான விண்ணப்பம் (Fresh & Renewal ) கீழ்க்கண்ட இணையதள முகவரியிலிருந்து  பதிவிறக்கம் செய்து கொள்ளலாம் . www.bcmbcmw.tn.gov.in/welfschemes_minorities.htm.
சம்பந்தப்பட்ட மாவட்ட சிறுபான்மையினர் நல அலுவலகத்தில் பூர்த்தி செய்யப்பட்ட விண்ணப்பங்களை சமர்ப்பிக்க வேண்டிய கடைசி தேதி 25.07.2015.

Minorities scholarship application

Click below

http://www.bcmbcmw.tn.gov.in/welfschemes_minorities.htm