ஏறுதழுவுதல்

ஏறுதழுவுதல்
-மணிகண்டபிரபு

தமிழகம் முழுவதும் இன்று பரவலாக பேசப்படுவதில் ஒன்று ஜல்லிக்கட்டு.அனைவரின் கவனமும் ஜல்லிக்கட்டு எனும் ஏறுதழுவலை எதிர்நோக்கியே.எல்லாம் தெளிவாக இருக்கிறது என்ற நிலையே தெளிவின்மையின் துவக்கம்.இளைஞர்கள் முதல் இணையம் வரை வைரலாக உள்ளது.

#தமிழகத்தில் ஜல்லிக்கட்டின் பாரம்பரியம்

தமிழரின் பாரம்பரிய விளையாட்டான 'ஏறுதழுவுதல்' விளையாட்டின் தொடர்ச்சியாக ஜல்லிக்கட்டு விளையாட்டு தமிழகம் முழுவதும் தைமாதம் நடைபெறுகிறது.அக்காலத்தில் சொரிக்காம்பட்டி எனும் அழகத்தேவனுக்கும்,முக்கம்பட்டி எனும் ஊரில் செல்லச்சாமி என்ற மாடுபிடி வீரனுக்கும் நடுகல் எடுத்து வழிபட்டு வருவதிலிருந்து புரிந்து கொள்ளலாம் தமிழர்களின் ஜல்லிக்கட்டின் ஈடுபாடு.

இது தமிழர்களின் கலாச்சார அக்கறையும் பண்பாட்டு நம்பிக்கையும் ஆகும்.இறைச்சிக்கு என வெட்டும்போதும்,அடிமாடாய் ஏற்றுமதி செய்யும்போதும் அமைதியாய் இருந்தவர்கள் தடை போடும் அளவு துன்புறுத்தவில்லை என தெரிந்தும் தடை இருப்பது வேதனை.

காளை வளர்ப்பு பயிற்சி

புகழுக்காகவும் பெருமைக்காகவும் வளர்க்கப்படும் காளைகளே ஜல்லிக்கட்டில் பயன்படுத்தப்படுகின்றன.வீட்டில் வளரும் கன்றுகளை தேர்ந்தெடுக்காமல் காட்டில் கூட்டம் கூட்டமாக மேய்ந்து வளரும் வரும் கிடைமாட்டுக் கன்றுகளிலிருந்து தேர்ந்தெடுக்கின்றனர்.கன்றுகளுக்கு இயல்பாக சுழி இருப்பதைவிட உடலின் வேறு சில பகுதியில் சுழி இருந்தால் பெரும்பாலானோர் வளர்ப்பதில்லை.இயற்கையாக காளைகளுக்கு நெற்றியில்,முதுகில்,கொண்டையில் என மூன்று சுழிகள் இருக்கும்.சில காளைகளுக்கு அஞ்சு சுழி இருக்கும்."அஞ்சு சுழி மாடு கெஞ்சினாலும் கிடைக்காது" என்பார்கள் நாட்டுப்புறத்தில்.கன்றினை ஒருவரின் பராமரிப்பில் வளர்வதால் மற்றவரை கண்டால் குத்தும் இயல்புடன் வளர்கிறது.

கன்றுக்கு அளவான தவிடு,புண்ணாக்கு,நீச்சல்பயிற்சி போன்றவை வயிறு பருக்காமல் இருக்க வழிவகுக்கிறது.வயிறு பருத்திருந்தால் வேகமாய் ஓடமுடியாது.விரைவில் சோர்ந்துவிடுவதை தவிர்க்க இப்பயிற்சி.
காளையின் பற்கள் நான்கு ஆண்டிற்குள் எட்டுப்பற்களும் விழுந்து முளைத்துவிட்டால் காளை பருவத்தை அடைந்துவிட்டதாய் அர்த்தம்.இதன் பின்னர் ஐந்து ஆண்டுகள் சிறப்பாய் விளையாடும்.

காளையின் தலை,காதுகள் சிறியதாய் இருக்க வேண்டும்.கண்கள் பெரிதாய் இருக்க வேண்டும்.,பூ விழுந்திருக்க கூடாது.தொங்குதசை சிறியதாக இருக்கணும்.பருத்த திமில் இருந்தால் திமில் சாய்ந்து கொண்டே இருக்கும்,எளிதில் பிடித்து அடக்கிவிடுவான் என்பதால் பருத்த திமில் காளைகளை பெரும்பாலும் தேர்ந்தெடுப்பதில்லை.

#பயிற்சிகள்

மாடுபிடி வீரர் மாடு பிடிக்க கடும் பயிற்சி மேற்கொள்கிறார்.மது அருந்தாமை,தீவிர உடற்பயிற்சி செய்கிறார்.

பரந்த வெளியில் காளையின் கழுத்தில் மணல் சாக்கு கட்டி,சுற்றி இளைஞர்கள் சிறுவர்கள் சுற்றி நின்று கூச்சலிடுவர்.இதனை பாய்ச்சல் காட்டுதல் என்பர்.வளர்த்தவரை தவிர மற்றவரை குத்த நினைக்கும்.மணல் மூட்டையின் பாரம் தாங்காமல் நிற்கும்.தன்னையும் பராமரித்தும் மற்றவர்களை குத்தவும் பயிற்சி அளிப்பார்கள்.

இதேபோல் மரத்தில் பொம்மை குத்த பயிற்சி அளிக்கப்படும்.எதிரே இருக்கும் பொம்மையை குத்த முயலும்போது மரக்கிளையில் அமர்ந்திருப்பவர் பொம்மையை அங்கும் இங்கும் அசைத்து காளையின் கவனத்தை நிலைநிறுத்துகிறார்.

எலுமிச்சம்பழத்தை பரந்தவெளியில் உருட்டிவிடுவர், காளை அதனை குறிவைத்து குத்தும்.இதன்மூலம் மாடுபிடி வீரர் தரையில் படுத்திருந்தாலும் குத்தி காயப்படுத்தும்

#ஜல்லிக்கட்டு விளையாட்டின் விதிமுறை

மாடுகளின் இரத்தம் சிந்த அனுமதிப்பதில்லை.மனிதன் இரத்தம் சிந்தியாவது காளையை தழுவுகிறான்.
மாடு நுரை தள்ளிவிட்டால் உடனே நிறுத்தும்படி அறிவிக்கப்படும்.

வாடியிலிருந்து வெளியேறும் காளை ஓடக்கூடியதாக இருந்தால் மாடுபிடிவீரன் 30அடி தூரத்திற்கு திமிலை அணைத்தவாறு செல்லனும்

காளை நின்றுவிளையாடும் குணமாய் இருந்தால் வீரன் தழுவி மூன்று தாவிற்கு கீழே விழாமல் இருக்கணும்.ஜல்லிக்கட்டு வேறு மஞ்சுவிரட்டு வேறு.வாடியிலிருந்து ஒருகாளை அனுமதித்த பின்னர் அடுத்தகாளை அனுமதிக்கப்படும்.ஆனால் மஞ்சுவிரட்டுக்காக கொண்டுவரப்பட்ட காளைகள் அனைத்தும் மஞ்சு விரட்டுக்கு முன்னரே அடைத்துவிட வேண்டும்.பின்னர் விழாக்குழுவினர் திறந்து விட்டவுடன் 50அடி தூரம் கடந்தபின் பலர் கூடி அடக்கி கழுத்தில் கட்டியிருக்கும் பொருட்களை எடுத்துக் கொள்வதே மஞ்சுவிரட்டு.
எருதுவின் கழுத்தில் வடத்தை கட்டி வட்டப்பாதையில் சுற்றவிட்டு பிடிப்பது எருதுகட்டு எனப்படுகிறது.

ஜல்லிக்கட்டில் பிடிபட்ட காளைகள் உழவுத்தொழிலுக்கு பயன்படுத்தப்படுகிறது.இதனை வாடிவாசல் நாவல் கூறுகிறது.

பிடிபாடாத காளையினை வழிபடும் வழக்கமும் உள்ளது.தொழுவத்தில் மஞ்சள் பத்திட்டு சிறப்பான உணவு வழங்கப்படுகிறது.
இத்தகைய மாட்டின் உரிமையாளரை ஊர்ப்பெரியவர்கள் நேரில் பார்த்து வெத்தலை பாக்கு வைத்து ஜல்லிக்கட்டுக்கு அழைக்கும் வழக்கமும் உண்டு.

மாட்டை அணைத்து வெற்றி கண்ட வீரனை ஊரே பெருமையுடன் பார்க்கிறது.பிடிபடாத காளை இருக்கும் வீட்டினை மதிப்புடனும் தன்மானத்தின் உச்சமாய் பார்க்கப்படுகிறது.

#தடை:
இத்தகைய பாரம்பறிய விளையாட்டை  தடை செய்திருப்பது அனைவரையும் அதிர்ச்சியில் ஆழ்த்தியுள்ளது.

மாட்டினங்களை அழிவிலிருந்து காக்கப்பட வேண்டும்.நாட்டு மாடுகள் 137 லிருந்து 36 ஆக குறைந்துள்ளது.
தமிழக மாடுகளில் காங்கேயம் காளை,புளிய குளம் போன்ற மாட்டினங்களை மேம்பட்ட பெருக்கம் செய்ய ஜல்லிக்கட்டு அடித்தளமாகிறது.

இரண்டு பவுனோ,உருமத்துணியோ காளையை அடக்க உந்துதல் இல்லை, அது மக்களின் மதிப்பை பெறும் வாழ்வு என்று சி.சு செல்லப்பா எழுதிய வாடிவாசல் நாவலில் வரும்.
அத்தகைய மக்களின் மாண்பு இன்று கேள்விக்குறியாகி உள்ளது.

தொ.பரமசிவம் அவர்கள் கூறும்போது

மாடு அடக்குதல் அல்ல அணைத்தல். it is not a wild animal, its pet animal.
மாடு என்பது காட்டிலே பிறந்து வாழ்வது அல்ல.மனிதனுடனே வாழ்ந்து மனிதனுடனே மடிகிறது.மேலும் காயம்படாத விளையாட்டுகள் ஏதும் இருக்கா? என்றார்.

இதில் காணப்படும் பிரச்சனைகளையும்,
சீர்திருத்தங்களையும் செய்து தடை நீக்கம் செய்ய வேண்டும்

#ஜல்லிக்கட்டு சார்ந்த நம்பிக்கைகள்

நம்பிக்கைகள் அனைத்தும் முன்னோர்களால் உருவாக்கப்படவை.அவை காலங்காலமாக ஒரு தலைமுறையிலிருந்து மற்றொரு தலைமுறைக்கு பரவியுள்ளன.உண்மையை விரும்பி ஏற்றுக்கொள்ளுதலே நம்பிக்கை எனப்படுகிறது.இந்நம்பிக்கைகளே மக்களின் பழக்கமாய் மாறியுள்ளன.

ஐக்கிய நாடுகளின் நிறுவனச் சட்டம் 1948இன்படி கலாச்சாரம் மற்றும் சமூக உரிமையைத் தொடர்ந்து பராமரிப்பதின் அவசியம் கருதியாவது இவ்வீரவிளையாட்டைத் தமிழ் மண்ணில் தொடர வேண்டும் என்பதே பெரும்பாலானோரின் தற்போதைய நம்பிக்கையாய் உள்ளது.!"

-ப.மணிகண்டபிரபு

சாப்பாட்டிற்கு முன், பின் என்று மாத்திரைகளை பிரிப்பது ஏன்?

நாம் எடுத்து கொள்ளும் மருந்துகளை நமது உடல் ஏற்று கொள்வதிலும், அம்மருந்துகளை ரத்தத்தில் கலக்க செய்வதிலும் நமது உணவு பெரும்பங்கு வகிக்கின்றன. மருந்தின் தன்மையை பொறுத்தே டாக்டர்கள் சில மருந்துகளை சாப்பாட்டிற்கு முன்பும், சில மாத்திரைகளை சாப்பிட்டிற்கு பின்பு சாப்பிடவும் அறிவுறுத்துகின்றனர்.

சில மருந்துகளை நாம் உண்டதும் அவை நமது வயிற்றில் அமிலத்தை அதிகம் சுரக்கச்செய்து வயிற்றில் பிரச்னை, நெஞ்செரிச்சல் போன்றவற்றை உண்டாக்குகின்றன. சில மருந்துகள் வாந்தி உணர்வையும் ஏற்படுத்துகின்றன. இம்மாதிரி மருந்துகள் சாப்பாட்டிற்கு பிறகு சாப்பிடவே டாக்டர்களால் அறிவுறுத்தப்படுகிறது. இதுபோல மாத்திரைகளை பெரும்பாலும் வெதுவெதுப்பான நீரை அருந்தி மட்டுமே உட்கொள்ளவும் அறிவுறுத்தப்படுகிறது.

காரணம் பால், தேநீர், காப்பி போன்றவை சில மாத்திரைகளோடு ரசாயன மாற்றம் அடைத்து உடலுக்கு சில பக்கவிளைவுகளை ஏற்படுத்தலாம். சில மருந்துகள் வெறும் வயிற்றில் சாப்பிட்டாலும் நெஞ்செரிச்சல், வாந்தி உணர்வு போன்ற பக்கவிளைவுகளை தராது என்னும் நிலையில் அவை சாப்பாட்டிற்கு முன்பு எடுத்துக்கொள்ள அறிவுறுத்தப்படுகிறது.

திருப்புதல் தேர்வு வரும் 18ல் துவக்கம்

திருப்பூர் மாவட்டத்தில் பொதுத்தேர்வு எழுதும் மாணவர்களுக்கு, வரும் 18ம் தேதி முதல் திருப்புதல் தேர்வு துவங்குகிறது. பத்தாம் வகுப்பு, பிளஸ் 1, 2 பொதுத்தேர்வு எழுதும் மாணவர்களுக்கு, பாடத்திட்டங்கள் அனைத்தும் நிறைவு பெற்று, தற்போது பள்ளிகளில் அலகுத்தேர்வுகள் நடக்கிறது.மாணவர்களை முழுமையாக பொதுத்தேர்வுக்கு தயார்படுத்த, பொதுத்தேர்வுக்கு முன்பு, திருப்புதல் தேர்வு நடத்தப்படுகிறது.

திருப்புதல் தேர்வுகள், பொதுத்தேர்வின் மாதிரி வடிவில் நடத்தப்படும். இதில், கேட்கப்படும் பெரும்பான்மையான வினாக்கள், பொதுத்தேர்வுகளிலும் கேட்கப்படுவதுண்டு. நடப்பு கல்வியாண்டுக்கான திருப்புதல் தேர்வுகள், திருப்பூர் மாவட்டத்தில், ஜன., 18ம் தேதி முதல் துவங்குகிறது. மாவட்ட அளவில் வினாத்தாள் தயாரிக்கப்பட்டு, பள்ளிகளுக்கு வினியோகிக்கப்படுகிறது.

முதல் திருப்புதல் தேர்வு, ஜன., 18ம் தேதி துவங்கி, 31ம்தேதி வரை நடக்கிறது. தேர்வுகள், காலை, 10:00 மணிக்கு துவங்கி, பத்தாம் வகுப்பு மற்றும் பிளஸ் 1 வகுப்புகளுக்கு, 12:30 மணியுடனும், பிளஸ் 2 வகுப்புக்கு 1:00 மணி வரையும் நடக்கிறது. பொதுத்தேர்வு வடிவில் தேர்வுகள் நடத்தப்படுகிறது.

பிளஸ்-1 தேர்வில் தேர்ச்சி பெறாவிட்டாலும் பிளஸ்-2 செல்லலாம் அதிகாரி தகவல்

தமிழ்நாட்டில் எஸ்.எஸ்.எல்.சி. தேர்வும், பிளஸ்-2 தேர்வும் அரசு பொதுத்தேர்வுகளாக நடத்தப்படுகின்றன. பிளஸ்-1 தேர்வு சாதாரண தேர்வாகத்தான் கடந்த ஆண்டு வரை நடத்தப்பட்டு வந்தது. இதனால் பிளஸ்-1 வகுப்பு பாடங்களை ஆசிரியர்கள் சரிவர நடத்துவதில்லை என்றும், பல தனியார் பள்ளிகளில் பிளஸ்-1 பாடம் அறவே நடத்தப்படுவதில்லை என்றும் புகார்கள் வந்தன.

ஆனால் நீட் தேர்வில் பிளஸ்-1 வகுப்பில் உள்ள பாடத்தில் இருந்து நிறைய வினாக்கள் கேட்கப்பட்டு இருந்தன. இதையடுத்து பிளஸ்-1 வகுப்புக்கும் 2018 மார்ச் மாதம் முதல் அரசு பொதுத்தேர்வு நடத்த தமிழக அரசு உத்தரவிட்டது. இதற்கான அரசாணையும் வெளியிடப்பட்டது. எனவே இந்த ஆண்டு எஸ்.எஸ்.எல்.சி, பிளஸ்-1, பிளஸ்-2 வகுப்புகளுக்கு அரசு பொதுத்தேர்வு நடத்தப்படுகிறது. இந்நிலையில் பிளஸ்-1 தேர்வில் தேர்ச்சி பெறவில்லை என்றாலும் பிளஸ்-2 வகுப்புக்கு செல்லலாம் என அறிவிக்கப்பட்டு உள்ளது.

பிளஸ்-1 பொதுத்தேர்வில் சில பாடங்களில் தோல்வியுறும் மாணவர்கள் ஆண்டு விரயமின்றி பிளஸ்-2 வகுப்புக்கு செல்லவும், தோல்வியுற்ற பாடங்களை ஜூன் மாதம் நடைபெறும் உடனடி சிறப்பு தேர்விலோ அல்லது பிளஸ்-2 இறுதி ஆண்டு தேர்வின் போதோ எழுதலாம் எனவும் தேர்வுத்துறை இயக்குனர் வசுந்தராதேவி தெரிவித்தார்.

தொடக்க கல்வி டிப்ளமா தேர்வு: 17ல், 'ரிசல்ட்'

தொடக்க கல்வி டிப்ளமா ஆசிரியர் பயிற்சி தேர்வு முடிவு, வரும், 17ம் தேதி வெளியாகிறது. இது குறித்து, அரசு தேர்வுத்துறை இயக்குனர், வசுந்தராதேவி, வெளியிட்ட செய்திக்குறிப்பு: தொடக்க கல்வி டிப்ளமா ஆசிரியர் தேர்வுக்கு, ஆசிரியர் பயிற்சி நிறுவனம் வழியே பயிற்சி பெற்று, முதலாம் ஆண்டு மற்றும் இரண்டாம் ஆண்டு தேர்வு எழுதியோர், வரும், 17ம் தேதி, தேர்வு முடிவுகளை அறிந்து கொள்ளலாம்.

அன்று முதல், தேர்வர்கள், தாங்கள் படித்த நிறுவனத்திலும், தனித்தேர்வர்கள், தாங்கள் விண்ணப்பித்த பயிற்சி நிறுவனங்களிலும், சான்றிதழ்களை பெறலாம். இந்த தேர்வின் விடைத்தாள் நகல்களை பெறவும், மறுகூட்டல் செய்யவும் விரும்புவோர், www.dge.tn.gov.in என்ற இணையதள முகவரியில், விண்ணப்ப படிவத்தை பதிவிறக்கம் செய்யலாம். அதில், குறிப்பிட்டுள்ள கட்டண தொகையை, வரும், 22 முதல் 25ம் தேதிக்குள், மாவட்ட ஆசிரியர் கல்வி மற்றும் பயிற்சி நிறுவனங்களில் நேரடியாக செலுத்தி, 'ஆன்லைனில்' பதிவேற்றம் செய்ய வேண்டும். இவ்வாறு அதில் கூறப்பட்டுள்ளது.

BRC ல் ஆதார் மையம் அமைக்க உத்தரவு.

Click below

https://app.box.com/s/m6t3gmpmmfdwsvgsw1gurtn3wdi58hz8

SALM&ALM training

G.O.Ms.No.11, Dated 10th January 2018 Provident Fund – General Provident Fund (Tamil Nadu) – Rate of interest for the financial year 2017-2018 is 7.6% – Orders – Issued

கனவு ஆசிரியர் விருது

குழந்தை நேய கற்றல் முறை

*New Pedagogy method புதிய கற்றல்-கற்பித்தல் அணுகுமுறை* (குழந்தை நேயக் கற்றல் முறை)

1. *ஏணிப்படி,அடைவுத்திறன் அட்டவணை இல்லை*

2. *ஒன்று முதல் மூன்றாம் வகுப்புகளுக்குரியது*

3. *நான்கு மற்றும் ஐந்தாம் வகுப்புகளுக்கு SALM method*

4. *முழுமையான பாடம் பல அலகுகளாக(Unit) பிரிக்கப்படுகிறது*
5. *ஒரு  பாடவேளைக்கு 90 நிமிடங்கள்.காலையில் இரண்டு பாடவேளைகளும்,மதியம் ஒரு பாடவேளையுமாக பிரித்துக் கொள்ள அறிவுறுத்தப்பட்டுள்ளது*

6. *அட்டைகளை கற்பித்தல் துணைக்கருவிகளாக பயன்படுத்தலாம் என அறிவுறுத்தப்பட்டுள்ளது.ஒவ்வொரு குழந்தைக்கும் பயிற்சி ஏடுகளின் தொகுப்பாக ஒரு புத்தகம் கொடுக்கப்படும்*

7. *Low level,கம்பிப் பந்தல்,புத்தகப் பூங்கொத்து,வீட்டுப்பாடம்,காலநிலை அட்டவணை இவைகளில் மாற்றம் இல்லை*

8. *பொதுவாகக் குழந்தைகள் நான்கு குழுக்களாகப் பிரிக்கப்பட வேண்டும் என்று அறிவுறுத்தியிருந்தாலும்,வகுப்பறை நிலைமைக்கேற்ப மெதுவாகக் கற்போருக்காக ஒரு குழு,மீத்திறன் குழந்தைகளுக்காக ஒரு குழு ஆசிரியர் அமைத்துக் கொள்ளலாம்*

9. *Long leave முடிந்து குழந்தை வரும்போது குழந்தையின் கற்றல் திறனுக்கேற்ப அக்குழந்தையினை பொருத்தமான அலகிலிருந்து தொடங்கச் சொல்லலாம்*

10. *இரண்டாம் பருவத்திலேயே பரீட்சார்த்த முறையில் சென்னை,காஞ்சிபுரம் மாவட்டத்திற்குட்பட்ட 16 பள்ளிகள் தேர்வு செய்யப்பட்டு நடைமுறையில் உள்ளது. மூன்றாம் பருவத்தில் ஒன்றியத்திற்கு 2 தெரிவு செய்யப்பட்ட பள்ளிகளிலும், 2018-19 கல்வியாண்டில் அனைத்து வகை பள்ளிகளிலும் அமல்படுத்தப்படும்*

2018ம் ஆண்டுக்கான இறுதி வாக்காளர் பட்டியல் வெளியீடு: 15 லட்சம் போலி வாக்காளர்கள் நீக்கம்

தமிழகம் முழுவதும் 2018ம் ஆண்டுக்கான இறுதி வாக்காளர் பட்டியல் நேற்று வெளியிடப்பட்டது. இதில், ஆண் வாக்காளர்களை விட பெண் வாக்காளர்கள் அதிகம் உள்ளனர். மேலும், 15 லட்சம் போலி வாக்காளர்களின் பெயர்கள் நீக்கப்பட்டுள்ளது. தமிழகத்தில் தற்போது மொத்தம் 5 கோடியே 86 லட்சத்து 84 ஆயிரத்து 541 வாக்காளர்கள் உள்ளனர்.

தமிழகம் முழுவதும் 1.1.2018 தேதியை தகுதி நாளாக கொண்டு, வாக்காளர் பட்டியலில் பெயர் சேர்ப்பு, நீக்கம், திருத்தம், முகவரி மாற்றம் ஆகியவற்றுக்கு மனுக்கள் கடந்த ஆண்டு அக்டோபர் மாதம் பெறப்பட்டது. அதே நேரம் ஒரு வாக்காளரின் பெயர் ஒன்றுக்கு மேற்பட்ட இடங்களில் இருந்தால் கண்டுபிடித்து நீக்குவது, இறந்தவர்களின் பெயர்களை நீக்கும் பணிகளிலும் தேர்தல் ஆணைய அலுவலர்கள் வீடு வீடாக சென்று வாக்காளர் பட்டியலை சரி பார்த்தனர். வாக்காளர் பட்டியலை முறைப்படி வெளியிட வேண்டும் என்று நீதிமன்றம் உத்தரவிட்டிருந்தது. அதனடிப்படையில், வீடு வீடாக சென்று கள ஆய்வு மேற்கொண்டு இறுதி வாக்காளர் பட்டியல் 2018ம் ஆண்டுக்கான இறுதி வாக்காளர் பட்டியல் நேற்று வெளியிடப்பட்டது. இறுதி வாக்காளர் பட்டியலை, அந்தந்த மாவட்ட கலெக்டர்கள் வெளியிட, தொகுதி தேர்தல் அலுவலர்கள் மற்றும் தாசில்தார்கள் பெற்று கொண்டனர்.

அதன்படி, தமிழகம் முழுவதும் தற்போது மொத்த வாக்காளர்கள் எண்ணிக்கை 5 கோடியே 86 லட்சத்து 84 ஆயிரத்து 541 பேர் உள்ளனர். இதில் ஆண்கள் 2,90,48,400, பெண்கள் 2,96,30,944, இதர பிரிவினர் 5,197 என மொத்தம் 5,86,84,541 பேர் ஆகும். இறுதியாக கடந்த 2017ம் ஆண்டு ஜனவரி மாதம் 5ம் தேதி வெளியிடப்பட்ட வாக்காளர் பட்டியலில் 5,92,71,593 வாக்காளர்கள் இருந்தனர். அதேபோன்று, வீடு வீடாக போலி வாக்காளர்கள் நீக்கும் பணியின்போது 14 லட்சத்து 91 ஆயிரத்து 857 பேர் நீக்கப்பட்டுள்ளதாக தேர்தல் ஆணையம் அதிகாரப்பூர்வமாக அறிவித்துள்ளது. வாக்காளர் அதிகம் உள்ள மாவட்டமாக ெசன்னை இருக்கிறது. இங்கு ஆண்கள் 18,76,652, பெண்கள் 19,24,366, இதர பிரிவினர் 901 என ெமாத்தம் 38,01,919 வாக்காளர்கள் உள்ளனர். அதற்கு அடுத்தபடியாக காஞ்சிபுரம் மாவட்டம் உள்ளது. இங்கு, ஆண்கள் 18,42,815, பெண்கள் 18,82,309, இதர பிரிவினர் 347 என ெமாத்தம் 37,25,471 பேர். குறைந்தபட்ச வாக்காளர்களை அரியலூர் மாவட்டம் கொண்டுள்ளது. இங்கு, ஆண்கள் 2,50,042, ெபண்கள் 2,51,031, இதர பிரிவினர் 9 என மொத்தம் 5,01,082 பேர்.

மாநிலத்தில் ஆண் வாக்காளர்களை விட பெண் வாக்காளர்களே அதிகம் உள்ளனர். வாக்காளர் பட்டியல்கள், நகராட்சி அலுவலகம், ஆர்டிஓ அலுவலகம், தாலுகா அலுவலகங்கள் மற்றும் அந்தந்த ஓட்டுச்சாவடிகளில் பொதுமக்கள் பார்வைக்கு வைக்கப்படும். புதிதாக பெயர் சேர்த்த வாக்காளர்களுக்கு போட்டோவுடன் கூடிய அடையாள அட்டை விரைவில் வழங்கப்படும். பொதுமக்கள் பட்டியலை பார்வையிட்டு தங்கள் பெயர் உள்ளதா என்பதை சரி பார்த்து கொள்ளலாம். மேலும் https://elections.tn.gov.in என்ற இணையதளத்திலும் பார்க்கலாம். தகுதியுள்ளவர்கள் பெயர்களை சேர்த்துக் கொள்ளலாம். இவ்வாறு தேர்தல் ஆணையம் வெளியிட்டுள்ள செய்திக்குறிப்பில் கூறப்பட்டுள்ளது.

பொங்கல் விடுமுறை வருகிற 12/01/18 முதல் 16/01/18 வரை .

அடுத்த ஆண்டு முதல் ஆன் லைன் சேவை மையங்கள் இனி கிடையாது

அரசுத் தேர்வுகள் துறையை முழுவதும் கணினிமயமாக்க அரசு நிதி ₹2.71 கோடி ஒதுக்கியுள்ளதால் சேவை மையங்கள் மூடப்படுகின்றன. அடுத்த ஆண்டு முதல் மாணவர்கள் நேரடியாக ஆன்லைன் மூலம்தான் விண்ணப்பிக்க வேண்டும். அரசுத் தேர்வுகள் இயக்ககம் மூலம் ஒவ்வொரு ஆண்டும் சுமார் 40 தேர்வுகள் நடத்தப்படுகின்றன. தேர்வு எழுத விரும்பும் மாணவ, மாணவியர் பிரச்னை இல்லாமல் விண்ணப்பிக்க ஒவ்வொரு மாவட்டத்திலும் தலா 2 சேவை மையங்கள் திறக்கப்பட்டுள்ளன. அங்கு நேரடியாக சென்று விண்ணப்பிக்க வேண்டும் என்று அரசு அறிவித்தது.

தற்போது வரை அந்த சேவை மையங்கள் மூலம்தான் மாணவர்கள் தேர்வுக்கு விண்ணப்பித்துள்ளனர். பள்ளி மாணவர்கள் தோல்வி அடைந்த பிறகு தனித் தேர்வர்களாக விண்ணப்பிக்கவும் இந்த சேவை மையங்கள் பயன்பட்டு வந்தன. சேவை மையங்கள் மூலம் விண்ணப்பிக்கும் போது ஆன்லைன் கட்டணம் ₹50 வசூலிக்கப்படுகிறது. அதில் ₹20 அரசுத் தேர்வுத்துறையின் கணக்கில் வரும். மீதம் உள்ள தொகை சேவை மைய செலவினங்களுக்கு ஒதுக்கப்பட்டு வந்தது.

இந்நிலையில், கடந்த மானியக் கோரிக்கையில் வெளியிட்ட அறிவிப்புகளின்படி தேர்வுத்துறையை கணினி மயமாக்க ₹2 கோடியே 71 லட்சத்து 90 ஆயிரம் அரசு நிதி ஒதுக்கியுள்ளது. இந்த நிதியைப் பயன்படுத்தி தேர்வுத்துறை முற்றிலும் கணினி மயமாக்கப்பட உள்ளது. அதற்கு பிறகு தேர்வுத்துறையின் அனைத்து நடவடிக்கைகளும் ஆன்லைன் மூலமே நடக்கும். அதனால் மாவட்டங்களில் உள்ள தேர்வுத்துறையின் சேவை மையங்களை மூடுவதற்கு அரசு முடிவு செய்துள்ளது.

தேர்வு எழுதுவோர் பள்ளி மாணவர்களாக இருந்தாலும், தனித் தேர்வர்களாக இருந்தாலும் ஆன்லைன் மூலம் தங்கள் இருப்பிடத்தில் இருந்தே தேர்வுக்கு விண்ணப்பிக்கலாம். சேவை மையங்களுக்கு நேரடியாக செல்ல வேண்டியதில்லை. அடுத்த ஆண்டு முதல் இது அமலுக்கு வருகிறது. இது தொடர்பான அரசாணைகள் அரசுத் தேர்வுகள் இயக்கக இணைய தளத்தில் வெளியிடப்பட்டுள்ளன.

ஆசிரியர் பணிக்கு தகுதித் தேர்வு போதுமானது: அரசு உயர்நிலை குழுவில் தீர்மானம்

ஆசிரியர் பணிக்கு தகுதித் தேர்வு போதுமானது எனவும், மீண்டும் போட்டித் தேர்வு நடத்துவது அவசியமில்லை எனவும் தமிழக அரசின் உயர்நிலைக் குழு கூட்டத்தில் தீர்மானம் நிறைவேற்றப்பட்டுள்ளது. வெயிட்டேஜ் முறையில் தரவரிசை பட்டியல் தயாரிப்பது குறித்து பள்ளிக் கல்வி உயர் நிலை குழுக் கூட்டத்தில் விவாதிக்கப்பட்டது.
இதற்காக அந்தக் குழுவானது, அண்மையில் கூடியது. பள்ளிக் கல்வித் துறை அமைச்சர் கே.ஏ.செங்கோட்டையன் தலைமையில் நடந்த இந்தக் கூட்டத்தில் முக்கிய தீர்மானங்கள் நிறைவேற்றப்பட்டன.

அதன் விவரம்:- ஆசிரியர் தகுதித் தேர்வு தேர்ச்சியில் இடஒதுக்கீடு பிரிவினருக்கு (பி.சி., பிசிஎம்., எம்பிசி., எஸ்.சி., எஸ்.டி.,) வழங்கப்பட்டு வரும் 5 சதவீத மதிப்பெண் சலுகைகளை தொடர்ந்து கடைபிடிக்கலாம். ஆசிரியர் தகுதித் தேர்வானது ஆண்டுதோறும் குறிப்பிட்ட கால வரையறைக்குள் நடத்தப்பட வேண்டும். ஆசிரியர் தகுதித் தேர்வில் தேர்ச்சி பெற்றவர்களுக்கு வழங்கப்படுகின்ற சான்றிதழ் ஏழு ஆண்டுகளுக்கு செல்லுபடியாகும். அதன் அடிப்படையிலான தர வரிசைப் பட்டியலில் உள்ள தேர்வர்களின் பெயர்கள் ஏழு ஆண்டுகளுக்குப் பின்னர் நீக்கம் செய்யப்படும்.

தேர்வர்கள் தங்களது கல்வித் தகுதியை பொறுத்தவரை மதிப்பெண்கள் உயர்த்திக் கொள்வதற்கு வழிவகை இருப்பதால் அதன்படி தரவரிசைப் பட்டியல் மாறுதலுக்கு உட்பட்டதாகும். ஆசிரியர் தகுதித் தேர்வில் தேர்ச்சி பெறாதவர்கள் அடுத்தடுத்த தேர்வுகளில் மீண்டும் தேர்ச்சி பெறுவதற்கு வழிவகை செய்யப்பட்டுள்ளது. எனவே, தேர்வர்கள் தங்களது ஆசிரியர் தகுதித் தேர்வில் பெற்றுள்ள மதிப்பெண்களை அடுத்த தேர்வுகளில் உயர்த்திக் கொள்ளலாம். ஒவ்வொரு ஆண்டும் வெளியிடப்படுகின்ற ஆசிரியர் தகுதித் தேர்வு முடிவின் அடிப்படையில் வெளியிடப்படுகின்ற தரவரிசைப் பட்டியல் மாறுதலுக்கு உட்பட்டதாகும். தேர்வர்கள் விண்ணப்பிக்கப்படுகின்ற படிவத்தில் குறிப்பிடப்படும் மதிப்பெண்களின் அடிப்படையில் தரவரிசைப் பட்டியல் தயாரிக்கலாம்.

இதன்படி, அனைவரின் கல்விச் சான்றிதழ்களை தரவரிசைப் பட்டியலுக்காக சரிபார்க்கும் அவசியம் ஏற்படாது. ஆசிரியர் தகுதித் தேர்வுக்குப் பிறகு மீண்டும் ஒரு போட்டித் தேர்வு நடத்துவது அவசியம் அற்றதாக கருதப்படுகிறது. தகுதித் தேர்வில் தேர்ச்சி பெற்றுள்ளதன் அடிப்படையிலோ அல்லது தரவரிசைப் பட்டியலில் தங்களது பெயர் இடம் பெற்றுள்ளது என்ற அடிப்படையிலோ அரசு வேலைக்கு உரிமை கோர முடியாது என்ற தீர்மானங்கள் நிறைவேற்றப்பட்டன. இந்தத் தீர்மானங்களின் மீது நடவடிக்கைகள் ஏற்படுவதற்காக, ஆசிரியர் தேர்வு வாரியத்துக்கு தீர்மான நகலை ஆசிரியர் தேர்வு வாரியத்துக்கு பள்ளிக் கல்வித் துறை முதன்மைச் செயலாளர் பிரதீப் யாதவ் அனுப்பியுள்ளார்.

இந்தத் தீர்மானங்கள் மீது நடவடிக்கை எடுக்கப்பட்டு அதுதொடர்பாக அரசு உத்தரவுகள் பிறப்பிக்கப்படும்.

ஜே.ஆர்.சி கூட்டம்-திருப்பூர் மாவட்ட தொடக்க கல்வி அலுவலரின் செயல்முறைகள்

வெயிட்டேஜ் முறையில் மாற்றம் இல்லை

பரவுகிறது ஆன்ட்ராய்டு வைரஸ்: வங்கிகள் எச்சரிக்கை

புதிதாக பரவும் ஆண்ட்ராய்டு வைரஸிடம் இருந்து, கணக்கு விவரங்களை பாதுகாத்துக் கொள்ளுமாறு, வாடிக்கையாளர்களுக்கு வங்கிகள் அறிவுறுத்தியுள்ளன.தற்போது வங்கி பரிவர்த்தனைகள், 'ஆன்-லைன்' மூலம் எளிதாகிவிட்டன. வங்கி 'ஆப்' பயன்படுத்தி, மொபைல்போன் வாயிலாக பரிவர்த்தனை செய்ய முடிகிறது.

இந்நிலையில், 'ஹேக்கர்கள்' தற்போது, வங்கி மொபைல் 'ஆப்'ஐ செயலிழக்க செய்யும் வகையில், 'மால்வேர் தீம்' வைரஸ் உருவாக்கியுள்ளனர். 'ஆண்ட்ராய்டு.பேங்கர்.ஏ-9480' என, இந்த வைரஸூக்கு பெயர் வைக்கப்பட்டுள்ளது. மொபைல் போனில் இந்த வைரஸ் நுழைந்து விட்டால், வங்கி அப்ளிகேஷன் விவரங்கள், தொடர்பு எண்கள், ஹேக்கர்கள் வசம் சென்றுவிடும். இதை பயன்படுத்தி, வங்கி கணக்கில் இருந்து தொகையை, எளிதாக டிரான்ஸ்பர் செய்து விடலாம். வாடிக்கையாளர் பாதுகாப்புக்காக, பதிவு செய்யப்பட்ட மொபைல் எண்ணுக்கு வங்கிகள் அனுப்பும், 'ஒருமுறை கடவுச்சொல்' (ஓ.டி.பி.,) தகவலை, ஹேக்கர்களுக்கும் பிரதியெடுத்து அனுப்பிவிடும்.

தற்போது வேகமாக பரவிவரும் இந்த வைரஸிடம் இருந்து, ஸ்மார்ட் போனை பாதுகாப்பாக வைத்து கொள்ளுமாறு, வங்கிகள், வாடிக்கையாளர்களுக்கு விழிப்புணர்வு செய்தி அனுப்பி வருகின்றன.அதில், 'வங்கி செயலிகளை குறிவைத்து தாக்கும், 'தீம்' பொருள் பரவி வருகிறது; வாடிக்கையாளர்கள், பாதுகாப்பாக இருக்கவேண்டும்' என்றும் அறிவுறுத்தப்பட்டுள்ளது.

வைரஸ் குறித்த விவரங்களை உள்ளடக்கிய லிங்க், வங்கிகள் தரப்பில் அனுப்பப்பட்டு வருகிறது.எனவே, ஸ்மார்ட் போன் பயன்படுத்துவோர், தேவையற்ற அப்ளிகேஷன்களை உடனடியாக நீக்கிவிட வேண்டும். வேறு இணையதளங்களில் இருந்து பதிவிறக்கம் செய்து, அப்ளிகேஷன்களை நிறுவக்கூடாது. 'கூகுள் பிளே ஸ்டோர்' அல்லது 'ஆப்ஸ் ஸ்டோரில்' இருந்து மட்டுமே செயலிகளை நிறுவ வேண்டும். நிறுவப்பட்டிருக்கும் வைரஸ் எதிர்ப்பு செயலிகளை, முறையாக, 'அப்டேட்' செய்து, இப்பிரச்னையில் இருந்து தப்பலாம் என்று தெரிவிக்கப்பட்டுள்ளது.

மக்கர்' ஆகும் இணையதளத்தால் பாதிப்பு : மவுசுடன் மல்லுக்கட்டும் ஆசிரியர்கள்

மாணவர்களின் விபரங்களை சேகரிக்கும், 'எமிஸ்' கல்வி மேலாண்மை இணையதளம் அடிக்கடி, 'மக்கர்' ஆவதால், கணினி மற்றும் மவுசுடன் ஆசிரியர்கள் மல்லுக்கட்டும் நிலைக்கு தள்ளப்பட்டு உள்ளனர். பள்ளிக்கல்வி மற்றும் தொடக்க கல்வியின் கட்டுப்பாட்டில் உள்ள பள்ளிகளில், இரண்டு கோடிக்கும் அதிகமான மாணவர்கள் படிக்கின்றனர்.

ஆனால், பல பள்ளிகளின் வருகை பதிவேடுகளில், மாணவர் எண்ணிக்கையில் குளறுபடி ஏற்பட்டுள்ளது. அரசின் இலவச திட்டங்களை பெறவும், ஆசிரியர்களின் பணியிடங்கள் ரத்தாகாமல் தக்க வைக்கவும், பள்ளிகள் தரப்பில், குறைவான மாணவர் எண்ணிக்கையை கூட, அதிகரித்து காட்டுவதாக புகார் எழுந்துள்ளது. இதையடுத்து, தினசரி பள்ளிக்கு வரும் சரியான மாணவர்களின் விபரங்களை திரட்ட, பள்ளிக்கல்வித் துறைக்கு மத்திய அரசு, உத்தரவிட்டுள்ளது.

இதற்காக, 2011ல் கல்வி மேலாண்மை திட்டம் உருவாக்கப்பட்டு, 'எமிஸ்' என்ற இணையதளம் துவங்கப்பட்டது. இதில், மாணவர்களின் பெயர், முகவரி, பெற்றோர் பெயர், ஆதார் எண், ரத்தப்பிரிவு உள்ளிட்ட தகவல்கள், ஆறு ஆண்டுகளாக பதிவு செய்யப்பட்டு வருகின்றன. ஆனால், இவை, பள்ளிக்கல்வித் துறையின், தகவல் தொகுப்பு இணையதளத்தில், ஒருங்கிணைக்கப்படவில்லை. அவ்வப்போது, மாணவர்களின் விபரங்கள் மாயமாகி வருகிறது. இந்நிலையில், எமிஸ் இணையதளத்தில் பதிவுகளை புதுப்பிக்க, பள்ளி தலைமை ஆசிரியர்களுக்கு, இரண்டு மாதங்களுக்கு முன், உத்தரவிடப்பட்டது.

பள்ளிகளின் ஆசிரியர்களுக்கு, எமிஸ் இணையதள பதிவு பணியும் இணைத்து வழங்கப்பட்டது. ஆசிரியர்கள் வகுப்புகளை ரத்து செய்துவிட்டு, மாணவர் விபரங்களை பதிவு செய்யும் பணியில் ஈடுபட்டுள்ளனர். ஆனால், எமிஸ் இணையதளம் தொடர்ந்து மக்கர் ஆவதால், 'ஆன்லைனில்' விபரங்களை பதிவு செய்ய முடியாமல், தவிப்புக்கு ஆளாகி உள்ளனர். அவர்கள், மணிக்கணக்கில், கணினி மற்றும் மவுசுடன் மல்லுக்கட்டும் நிலை ஏற்பட்டுள்ளது. இது குறித்து, பள்ளி தலைமை ஆசிரியர்கள் கூறியதாவது: எமிஸ் இணையதளத்தை பராமரிக்க, சரியான தொழில்நுட்பத்தை, பள்ளிக் கல்வித் துறை கையாள வேண்டும். இல்லையென்றால், ஆன்லைன் பதிவை ரத்து செய்ய வேண்டும். இதே நிலை நீடித்தால், ஆசிரியர்களின் வகுப்பு நடத்தும் நேரம் மிகவும் குறைந்து, பள்ளிகளின் கற்பித்தல் பணிகளில் பெரும் பாதிப்பு ஏற்படும் அபாயம் உள்ளது.இவ்வாறு அவர்கள் கூறினர்.