தனியார் பள்ளிக்கு 'டாட்டா' காட்டிய கிராமம்

தனியார் பள்ளிகளை புறக்கணித்து, ஒரு கிராமத்தை சேர்ந்த அனைவருமே, அரசு பள்ளியில், தங்களது குழந்தைகளை சேர்த்துள்ளனர் என்றால், நம்ப முடிகிறதா? ஆம், நம்பித் தான் ஆக வேண்டும். பெரம்பலுார் மாவட்டத்தில் உள்ளது, கொத்தவாசல் என்ற குக்கிராமம்.

இதை சுற்றியுள்ள ஊர்களில், பல தனியார் பள்ளிகள் உள்ளன. இவை, எல்.கே.ஜி., முதல் பிளஸ் 2 வரை, தரமான ஆங்கிலவழி மற்றும் கம்ப்யூட்டர் கல்வி என்ற கவர்ச்சிகரமான விளம்பரங்களுடன், கொத்தவாசல் கிராமத்துக்கே, தங்களது பள்ளி வேன்களை அனுப்பி, குழந்தைகளை அழைத்து சென்றன. இதனால், ஒன்று முதல் எட்டாம் வகுப்பு வரை உள்ள இக்கிராமத்தின் ஊராட்சி ஒன்றிய நடுநிலை பள்ளியில், 123 மாணவ, மாணவியரே படித்து வந்தனர். தனியார் பள்ளியில், 52 மாணவ, மாணவியர் படித்தனர்.

இந்நிலையில், 2016 ஆக., 8ல், வேள்விமங்கலம் பள்ளியில் இருந்து மாற்றலாகி, இப்பள்ளிக்கு ஆங்கில ஆசிரியராக வந்தார், இளவழகன். உள்ளூரில் பள்ளி இருந்தும், 10 கி.மீ.,ல் உள்ள தனியார் பள்ளிகளுக்கு இக்கிராம மக்கள், தங்களது பிள்ளைகளை அனுப்பி வைப்பதை பார்த்து, தனியார் பள்ளிகளில் உள்ள வசதிகளை, அரசு பள்ளியிலும் ஏன் உருவாக்கக் கூடாது என, யோசித்தார். தலைமை ஆசிரியர் மற்றும் சக ஆசிரியர்களிடம் கலந்து பேசி, தன் சொந்த செலவில், ஒன்பது கம்ப்யூட்டர், ஸ்பீக்கர் உள்ளிட்டவற்றை, 1.68 லட்சம் ரூபாய் மதிப்பில் வாங்கி, பள்ளிக்கு வழங்கினார்.

கலெக்டரை அணுகி, புரொஜக்டரை பெற்றார்.பல புரவலர்களை நாடி, மேலும், ஆறு கம்ப்யூட்டர் வாங்கி, மொத்தம், 15 கம்ப்யூட்டர்கள் மூலம் தினமும் குழந்தைகளுக்கு பயிற்சி அளித்தார். காணொலி காட்சி மூலம் வகுப்புகள், ஆங்கிலத்தில் பேச்சு பயிற்சி வழங்கி, படிப்படியாக குழந்தைகளை மெருகூட்டினார். இதுவரை இல்லாத அளவு, முதல் முறையாக கல்வித் திருவிழாவை நடத்தி, குழந்தைகளின் அசத்தலான ஆங்கில அறிவையும், திறமைகளையும், கிராமத்து மக்களுக்கு எடுத்து காட்டினார். குழந்தைகளின் திறமைகளை கண்டு, மெய்சிலிர்த்த பெற்றோர், அந்த மேடையிலேயே புரவலர்களாக மாறி, 1.59 லட்சம் ரூபாயை, பள்ளிக்கு நன்கொடையாக வழங்கினர். தற்போது, வாட்டி வதைக்கும் வெயிலையும் பொருட்படுத்தாமல், இப்பள்ளியின் ஆசிரியர்கள், இளவழகன் தலைமையில், தனியார் பள்ளிகளில் படிக்கும் குழந்தைகளின் பெற்றோரை, வீடு தேடி சென்று பார்த்து, அரசு பள்ளியின் சிறப்புகளை விளக்கி கூறி, குழந்தைகளை சேர்க்கும்படி கோரினர்.

பள்ளியின் சிறப்பை, ஏற்கனவே அறிந்திருந்த பெற்றோர், தனியார் பள்ளியில் படித்து வந்த தங்களது குழந்தைகளை, அரசு பள்ளியில் சேர்த்துவிட்டு, தனியார் பள்ளிகளுக்கு, 'டாட்டா' காட்டி விட்டனர்.தனியார் பள்ளியில் படித்து வந்த, 52 பேரில், 49 குழந்தைகள், கொத்தவாசல் ஊராட்சி ஒன்றிய நடுநிலை பள்ளியில் தற்போது சேர்ந்து விட்டனர். மீதியுள்ள, மூன்று குழந்தைகளும் விரைவில் சேர உள்ளனர். ஆசிரியர் இளவழகனின் கல்வி சேவையை, கொத்தவாசல் கிராமமே பாராட்டுகிறது.

தொடக்க, நடுநிலைப் பள்ளிக்கு 40 ஆயிரம் தூய தமிழ் அகராதிகள்

அரசு மற்றும் உதவிபெறும் தொடக்க, நடுநிலைப் பள்ளிகளுக்கு இந்த கல்வியாண்டில் 40 ஆயிரம் துாய தமிழ் அகராதிகள் வழங்கப்பட உள்ளன.தாய்மொழி பற்றை வளர்க்க, நல்ல தமிழ் சொற்கள் கொண்ட அகராதி தயாரிப்பதற்கு, சொற்பிறப்பியல் அகரமுதலி திட்ட இயக்குனர் தலைமையில் வல்லுனர் குழு அமைக்கப்பட்டது.

அக்குழு பரிந்துரையில் ஒன்று முதல் ஐந்தாம் வகுப்பு வரை பயிலும் மாணவர்களுக்கு கற்பிக்கும் வகையில் துாய தமிழ் அகராதியை தமிழறிஞர்கள் தயாரித்து உள்ளனர்.இதில், வண்ணப்படங்களுடன் ஏராளமான தமிழ்சொற்கள் இடம்பெற்றுள்ளன. அரசு மற்றும் உதவிபெறும் பள்ளிகளுக்கு 40 ஆயிரம் அகராதிகள் இலவசமாக வழங்கப்படுகின்றன.

குறிப்பிட்ட பாடவேளையில் மாணவர்களுக்கு துாய தமிழ்ச் சொற்கள் கற்பிக்கப்படும். இந்த அகராதிகள் தற்போது உதவி தொடக்கக் கல்வி அலுவலகங்களுக்கு அனுப்பப்பட்டு வருகின்றன. கல்வித்துறை அதிகாரி ஒருவர் கூறியதாவது:

தற்போது தமிழ்மொழியில் அதிகளவில் வடமொழி, ஆங்கிலச் சொற்கள் கலந்துள்ளன. அவற்றையே தமிழ்சொற்களாக பாவிக்கும் நிலை உள்ளது. இதனால் பிறமொழி கலக்காத துாய தமிழ்சொற்களை ஆரம்பக் கட்டத்திலேயே மாணவர்களுக்கு கற்பிக்க ஏற்பாடு செய்யப்பட்டுள்ளது என்றார்.

சமூக பாதுகாப்புத்துறையில் ஆசிரியர் பணியிடம் நிரப்புதல்

Click below

https://app.box.com/s/g4smrteoxzzhl5qqg8t7i866vhcnomag

கலந்தாய்வு: 490 பேர் தலைமை ஆசிரியர்களாக பதவி உயர்வு

தமிழகத்தில் இணையதளம் மூலம் சனிக்கிழமை நடைபெற்ற கலந்தாய்வில் 490 பேர் மேல்நிலைப் பள்ளி தலைமை ஆசிரியர்களாக தாங்கள் விரும்பிய இடத்துக்கு பதவி உயர்வு பெற்றனர். இதுகுறித்து பள்ளிக் கல்வி இயக்குநர் ரெ.இளங்கோவன் சனிக்கிழமை வெளியிட்ட செய்தி:

இணையதளம் மூலம் சனிக்கிழமை நடைபெற்ற அரசு மற்றும் நகராட்சி மேல்நிலைப் பள்ளி தலைமை ஆசிரியர்களுக்கான கலந்தாய்வில் 490 பேர், மேல்நிலைப் பள்ளி தலைமை ஆசிரியர்களாக பதவி உயர்வு ஆணை பெற்றுள்ளனர். தொடக்கக் கல்வி இயக்ககத்தில் நடைபெற்ற கலந்தாய்வில், 188 உதவி தொடக்கக் கல்வி அலுவலர்கள் தாங்கள் விரும்பிய இடத்துக்கு மாறுதல் ஆணை பெற்றனர்.

மேலும் 49 நடுநிலைப் பள்ளி தலைமை ஆசிரியர்கள், உதவி தொடக்கக் கல்வி அலுவலராக பணி மாறுதல் ஆணை பெற்றனர். முன்னதாக, வெள்ளிக்கிழமை (மே 19) நடைபெற்ற கலந்தாய்வில் 528 மேல்நிலைப் பள்ளி தலைமை ஆசிரியர்கள் தாங்கள் விரும்பிய இடத்துக்கு மாறுதல் உத்தரவு பெற்றனர்.

அடிக்கடி விடுமுறை எடுக்கும் ஆசிரியர்கள் மீது கடும் நடவடிக்கை: பள்ளி கல்வி இயக்குனர் எச்சரிக்கை

அடிக்கடி விடுப்பு எடுக்கும் ஆசிரியர்கள் மீது நடவடிக்கை எடுக்கப்படும் என்று பள்ளி கல்வி இயக்குனர் எச்சரிக்கை விடுத்துள்ளார்.இதுகுறித்து பள்ளி கல்வி இயக்குனர் வெளியிட்டுள்ள செய்திக்குறிப்பு: முதன்மை கல்வி அலுவலர்கள் ஆண்டாய்வை மேற்கொள்ள வேண்டும்.

ஜூன் மாதம் 6, ஜூலை மாதம் 6, ஆகஸ்ட் 6, செப்டம்பர் 2, அக்டோபர் 5, நவம்பர் 5, டிசம்பர் 2, ஜனவரி 4, பிப்ரவரி 2 பள்ளிகளில் ஆய்வு செய்ய வேண்டும்.முதன்மை கல்வி அலுவலர்கள் ஆண்டாய்வின் போது, ஆசிரியர்கள் வருகை பதிவேட்டினை ஆய்வு செய்து நீண்ட நாட்கள் விடுப்பில் உள்ள ஆசிரியர்கள் மற்றும் அடிக்கடி விடுப்பு எடுக்கும் ஆசிரியர்களை கண்டறிந்து உரிய நடவடிக்கை மேற்கொள்ள வேண்டும்.

பள்ளிகளின் கட்டமைப்பு வசதி, கழிப்பறை வசதி, குடிநீர் வசதி, பள்ளியின் தளவாட பொருட்கள் கணினி, தொலைக்காட்சி மற்றும் நூலக பயன்பாடு சார்ந்தும் ஆய்வு மேற்கொள்ள வேண்டும். பள்ளி வளாகத்தில் திறந்தவெளி கிணறுகள், உயர் அழுத்த மின்கம்பங்கள், பழுதடைந்துள்ள கட்டிடங்கள் போன்றவை மாணவர்களுக்கு பாதுகாப்பற்றதாக ஆய்வின் போது கண்டறியப்பட்டால் அதனை ஆய்வறிக்கையில் குறிப்பிட்டு உடனடியாக அவற்றை நிவர்த்தி செய்வதற்கான நடவடிக்கைகளை மேற்கொள்ள வேண்டும்.

மேல்நிலை அறிவியல் பாடங்களுக்கான செயல்முறைகள் முறையாக நடைபெறுவதை உறுதி செய்ய வேண்டும். பள்ளிகளில் பராமரிக்கப்படும் மாணவர் சேர்க்கை பதிவேடு, ஆசிரியர் வருகைபதிவேடு, அரசு வழங்கும் நலத்திட்ட பொருட்கள் அனைத்தும் மாணவர்களுக்கு வழங்கப்பட்டதற்கான பதிவேடு, இருப்பு பதிவேடு மற்றும் அனைவருக்கும் கல்வி இயக்ககத்தின் மூலமாக வழங்கப்பட்ட பொருட்கள் மற்றும் மானியங்கள் குறித்த பதிவேடுகள் அனைத்தையும் ஆய்வின் போது பரிசீலிக்க வேண்டும். ஆண்டாய்வு மேற்கொள்ளும் போது ஏதேனும் குறைபாடுகள் கண்டறியப்பட்டால் அக்குறைபாடுகளை களைய சார்ந்த பள்ளிக்கு குறிப்பிட்ட கால அவகாசம் கொடுக்க வேண்டும். கொடுக்கப்பட்ட கால அவகாசம் முடிந்த பின் மீண்டும் ஒருமுறை அப்பள்ளியை பார்வையிட்டு ஆய்வின் போது குறிப்பிட்ட குறைபாடுகள் களையப்பட்டுள்ளது என்பதை உறுதி செய்தல் வேண்டும்.இவ்வாறு அதில் குறிப்பிடப்பட்டுள்ளது.

மாணவர்களுக்கு 3வகை சீருடை: அடுத்த ஆண்டு அறிமுகம் அமைச்சர் அறிவிப்பு

அடுத்த கல்வியாண்டு முதல், மாணவர்களின் சீருடையில், அவர்கள் படிக்கும் வகுப்புகளின் அடிப்படையில் மாற்றம் செய்யப்படும்,'' என, பள்ளிக்கல்வித் துறை அமைச்சர் செங்கோட்டையன் அறிவித்தார். நாமக்கல், ஈரோடு, திருப்பூர் உட்பட, எட்டு மாவட்டங்களைச் சேர்ந்த, 635 மெட்ரிக்குலேஷன் பள்ளிகளுக்கு, தற்காலிக அங்கீகாரம் வழங்கும் விழா, நாமக்கல் மாவட்டம், திருச்செங்கோட்டில் நடந்தது.

விழாவில், பள்ளிக்கல்வி அமைச்சர் செங்கோட்டையன் பேசியதாவது: தமிழக கல்வித் துறையில், அடுத்த கல்வியாண்டிலிருந்து, 1ம் வகுப்பு முதல், 5ம் வகுப்பு வரை; 6ம் வகுப்பு முதல், 10ம் வகுப்பு வரை; பிளஸ் 1, பிளஸ் 2 வகுப்புகளுக்கு, தனித்தனி நிறத்தில், மூன்று விதமாக பிரித்து சீருடை வழங்கப்படும். கடந்த ஒன்றரை மாதமாக, இரவு பகல் பாராமல் உழைத்து, தேர்வு முடிவுகளை திட்டமிட்ட தேதிகளில், எஸ்.எம்.எஸ்., உள்ளிட்ட நவீன முறைகளில் வெளியிடப்பட்டு உள்ளன. 'நீட்' தேர்வு தமிழகத்திற்கு சரியானதல்ல என, குரல் கொடுத்து வருகிறோம்.

இருப்பினும், மத்திய அரசு நடத்தும் எந்த போட்டி தேர்வையும், தமிழக மாணவர்கள் எதிர்கொள்ள வசதியாக, அவர்களை திறமையானவர்களாக உருவாக்கும் எண்ணம் உள்ளது. இதை நிறைவேற்ற, பிளஸ் 1 வகுப்புக்கும் பொதுத் தேர்வு அறிமுகப்படுத்தப்படும். பிளஸ் 1 தேர்வில் தேர்ச்சி பெறாதவர்கள், 'அரியர்' முறையில், பிளஸ் 2 படித்துக் கொண்டே தேர்வெழுதி தேர்ச்சி பெறலாம். வரும் ஐந்து ஆண்டுகளுக்கு பின், அரசு பள்ளிகளில் சேர, போட்டி உருவாக்கும் நிலையை உருவாக்குவதே எங்களது இலட்சியம். தனியார் பள்ளிகளை பாதுகாப்போம்; ஏழை, எளிய மாணவர்களையும் தனியாருக்கு இணையாக உருவாக்குவோம். தமிழகத்தின், 32 மாவட்டங்களில், 2.13 கோடி ரூபாய் மதிப்பில், போட்டி தேர்வுக்கான பயிற்சி வகுப்புகள் நடத்தப்படும்.

வரும் கல்வியாண்டுகளில், பாடத்திட்டங்களை மாற்ற உள்ளோம். எந்த மாணவனும், எதிர் காலத்தில் தேசிய அளவிலான போட்டி தேர்வுகளை, போட்டி போட்டு வெற்றி பெற முடியும் என்ற நிலையை உருவாக்குவோம். பிளஸ் 1 வகுப்பிலேயே, கம்ப்யூட்டர் வழங்குவதோடு, இணையதள, 'வை - பை' வசதி செய்து தரப்படும். ஆசிரியர் பற்றாக்குறை என்ற மாயத்தோற்றம் உருவாக்கப்பட்டு வருகிறது.

புள்ளி விபரங்கள் சேகரிக்கப்பட்டு, ஆசிரியர் பற்றாக்குறை இல்லாத நிலையில், மீதமுள்ளவர்களை தென் மாவட்டங்களில் கூடுதலாக பயன்படுத்த நடவடிக்கை எடுக்கப்படும். இவ்வாறு அவர் பேசினார்.

சமூக பாதுகாப்பு துறையில் தொழில் பிரிவு பயிற்று ஆசிரியர் பணிக்கு விண்ணப்பிக்கலாம்

சமூக பாதுகாப்பு துறையின் தொழில் பிரிவு பயிற்று ஆசிரியர் பணியிடங்களுக்கு விண்ணப்பிக்கலாம் என்று சென்னை மாவட்ட ஆட்சியர் அலுவலகம் தெரிவித்துள்ளது.

இது தொடர்பாக சென்னை மாவட்ட ஆட்சியர் அலுவலகம் வெளியிட்ட செய்திக்குறிப்பில், ''தமிழ்நாடு அரசு சமூகப் பாதுகாப்பு துறை நிறுவனங்களில் காலியாக உள்ள தொழில் பிரிவு பயிற்று ஆசிரியர் பணியிடங்களை, இதே துறையின் கீழ் இயங்கும் நிறுவனங்களில் கல்வி பயின்ற மற்றும் பயிலும் மாணவர்களைக் கொண்டு நிரப்பப்பட உள்ளது.

தகுதியானவர்கள், www.socialdefence.tn.gov.in என்ற இணையதள முகவரியில் விண்ணப்பங்களை பதிவிறக்கம் செய்து கொள்ளலாம். பூர்த்தி செய்த விண்ணப்பத்துடன் கல்வி, வயது, தொழிற்கல்வி சான்று மற்றும், சமூக பாதுகாப்பு துறை நிறுவன முன்னாள் மாணவர் என்பதற்கான சான்று ஆகியவற்றின் நகல்களை இணைத்து, வரும் மே 24-ம் தேதிக்குள் விண்ணப்பிக்க வேண்டும்.

விண்ணப்பங்களை ஆணையர், சமூக பாதுகாப்பு துறை, எண்.300, புரசைவாக்கம் நெடுஞ்சாலை, கெல்லிஸ், சென்னை- 10 என்ற முகவரிக்கு அனுப்பப்பட வேண்டும். மேலும் விவரங்களுக்கு 044- 26426421 என்ற தொலைபேசி எண்ணுக்கு தொடர்புகொள்ளலாம்'' என்று செய்திக்குறிப்பில் தெரிவிக்கப்பட்டுள்ளது.

அரசு பள்ளிகளில் 3 வண்ணங்களில் சீருடை அறிமுகம்: செங்கோட்டையன்

அடுத்த கல்வியாண்டு முதல் பள்ளிக்கூடங்களில் 3 வண்ண சீருடைகள் அறிமுகப்படுத்தப்படும் என்று என்று கல்வித்துறை அமைச்சர் செங்கோட்டையன் தெரிவித்துள்ளார். திருச்செங்கோட்டில் நடைபெற்ற விழா ஒன்றில் கல்வித்துறை அமைச்சர் செங்கோட்டையன் இன்று பங்கேற்றார்.

இந்த நிகழ்ச்சியில் அவர் கூறியதாவது:

2018-19ம் கல்வியாண்டு முதல், அரசுப் பள்ளிகளில் 3 வண்ணங்களில் சீருடைகள் மாற்றப்படும். அரசுப் பள்ளி மாணவர்கள் நீட், ஜே.இ.இ தேர்வை எதிர்கொள்ள பயிற்சி தரப்படும்.

இன்றைய தீக்கதிர் நடுப்பக்கத்தில் எனது கட்டுரை...

ஜி.எஸ்.டி

ஜி.எஸ்.டி-சரக்கு,சேவை வரியில் இருந்து கல்வி, சுகாதாரத்துக்கு விலக்கு

சரக்கு, சேவை வரியில் இருந்து கல்வி, சுகாதாரத்துக்கு விலக்கு அளிக்கவும், சிகரெட், கார்களுக்கு கூடுதல் வரி விதிக்கவும் முடிவு செய்யப்பட்டு உள்ளது.

ஸ்ரீநகர்,

நாடு முழுவதும் பொருட்கள், சேவைகள் மீது ஒரே சீரான வரி விதிப்புக்காக சரக்கு மற்றும் சேவை வரி (ஜி.எஸ்.டி.) கொண்டுவரப்படுகிறது. ஜூலை 1-ந் தேதி முதல், இதை அமல்படுத்த மத்திய அரசு திட்டமிட்டு உள்ளது.

4 வகையான வரி விகிதங்கள்

பொருட்கள் மீது 5 சதவீதம், 12 சதவீதம், 18 சதவீதம், 28 சதவீதம் என 4 வகையான ஜி.எஸ்.டி. வரி விகிதங்களை அமல்படுத்த முடிவு செய்யப்பட்டுள்ளது. எந்தெந்த பொருட்களை எந்த சதவீத வரிவிகிதத்தில் சேர்ப்பது என்று முடிவு எடுக்க மத்திய நிதி மந்திரி அருண் ஜெட்லி தலைமையில் மாநில நிதி மந்திரிகள் அடங்கிய ஜி.எஸ்.டி. கவுன்சில் கூட்டம் நேற்று முன்தினம் காஷ்மீர் மாநில தலைநகர் ஸ்ரீநகரில் தொடங்கியது.

அதில், 6 பொருட்களை தவிர, 1,205 பொருட்களுக் கான வரி விகிதம் முடிவு செய்யப்பட்டது.

2-வது நாள் கூட்டம்

இந்நிலையில், ஜி.எஸ்.டி. கவுன்சிலின் 2-ம் நாள் கூட்டம் நேற்று நடைபெற்றது. இதில், சேவைகள் மற்றும் சில பொருட்களுக்கான வரி விகிதம் இறுதி செய்யப்பட்டது. அந்த விவரங்களை அருண் ஜெட்லியும், மத்திய வருவாய்த்துறை செயலாளர் ஹஸ்முக் அதியாவும் தனித்தனியாக நிருபர்களிடம் தெரிவித்தனர். அவற்றின் விவரம் வருமாறு:-

* பொருட்களுக்கான வரி விகிதம் போலவே, சேவைகளுக்கான வரி விகிதமும் 5 சதவீதம், 12 சதவீதம், 18 சதவீதம், 28 சதவீதமாக இருக்கும்.

* ரூ.50 லட்சம் மற்றும் அதற்கு கீழ் விற்றுமுதல் கொண்ட உணவகங்களுக்கு 5 சதவீத வரி.

ஓட்டல், லாட்ஜ்

* ஏ.சி. உணவகங்கள், மதுபான உரிமம் பெற்ற உணவகங்களில் உணவு கட்டணம் மீது 18 சதவீத வரி. ஏ.சி. அல்லாத உணவகங்களுக்கு 12 சதவீத வரி. ஐந்து நட்சத்திர ஓட்டல்களுக்கு 28 சதவீத வரி.

* ஆயிரம் ரூபாய்க்குள் நாள் வாடகை கொண்ட ஓட்டல்கள் மற்றும் லாட்ஜ்களுக்கு வரி விலக்கு. ரூ.1,000 முதல் ரூ.2,500 வரை நாள் வாடகை கொண்டவற்றுக்கு 12 சதவீத வரி. ரூ.2,500 முதல் ரூ.5 ஆயிரம் வரை நாள் வாடகை கொண்டவற்றுக்கு 18 சதவீத வரி. ரூ.5 ஆயிரத்துக்கு மேல் வாடகை கொண்டவற்றுக்கு 28 சதவீத வரி.

* தொலைத்தொடர்பு, நிதி சேவைகளுக்கு 18 சதவீத வரி. குதிரை பந்தயம், தியேட்டர்களுக்கு கேளிக்கை வரியும், சேவை வரியும் ஒருங்கிணைக் கப்பட்டு 28 சதவீத ஜி.எஸ்.டி. வரி விதிக்கப்படும்.

கல்வி, சுகாதாரத்துக்கு வரி விலக்கு

* ஓலா, உபேர் போன்ற போக்குவரத்து சேவைகளுக்கு 5 சதவீத வரி.

* வெள்ளை அடித்தல் போன்ற பணி ஒப்பந்தங்களுக்கு 12 சதவீத வரி.

* கல்வி மற்றும் சுகாதாரத்துக்கு ஜி.எஸ்.டி. வரி விலக்கு. இதனால், இவற்றின் கட்டணங்கள் குறையும்.

* அனைத்து கார், பஸ், சரக்கு வாகனம் (டிரக்), மோட்டார் சைக்கிள், மொபட், தனிநபர் விமானம், உல்லாச படகு ஆகியவற்றுக்கு அதிகபட்ச வரி விகிதமான 28 சதவீத வரி. இவற்றின் மீது கூடுதல் வரியும் விதிக்கப்படுவதால், இப் பொருட்களின் விலை உயரும்.

கார், மோட்டார் சைக்கிள்

* 350 சிசி திறனுக்கு மேற்பட்ட என்ஜின் கொண்ட மோட்டார் சைக்கிள் மற்றும் தனிநபர் விமானம், உல்லாச படகு மீது 3 சதவீத கூடுதல் வரி விதிக்கப்படுவதால், இவற்றின் மீதான மொத்த வரி விகிதம் 31 சதவீதமாக இருக்கும்.

* 1,200 சிசி வரை திறன் கொண்ட சிறியரக பெட்ரோல் கார்கள் மீது ஒரு சதவீத கூடுதல் வரி.

* 1,500 சிசி வரை திறன் கொண்ட சிறியரக டீசல் கார்கள் மீது 3 சதவீத கூடுதல் வரி.

* நடுத்தர அளவு கார்கள், எஸ்.யு.வி. ரக கார்கள், சொகுசு கார்கள் மீது 15 சதவீத கூடுதல் வரி. 10 பேருக்கு மேல் பயணம் செய்யக்கூடிய வேன், பஸ்கள் மற்றும் 1,500 சிசிக்கு மேல் திறன் கொண்ட கார்களுக்கும் 15 சதவீத கூடுதல் வரி.

* செயற்கை குளிர்பானங் கள், எலுமிச்சை சாறு பானம் மீது 12 சதவீத கூடுதல் வரி.

பான் மசாலா, சிகரெட்

* பான் மசாலா குட்கா மீது 204 சதவீத கூடுதல் வரி. நறுமண புகையிலை, வடிகட்டிய புகையிலை மீது 160 சதவீத கூடுதல் வரி.

* 65 மி.மீட்டருக்கு மிகாத பில்டர் மற்றும் பில்டர் அல்லாத சிகரெட்டுகளுக்கான வரி, ஆயிரம் சிகரெட்டுக்கு ரூ.1,591 ஆக இருக்கும். அதன் மீது 5 சதவீத கூடுதல் வரியும் விதிக்கப்படும்.

65 மி.மீட்டருக்கு மேற்பட்ட பில்டர் சிகரெட் மீதான வரி, ஆயிரம் சிகரெட்டுக்கு ரூ.2,126. அத்துடன் 5 சதவீத கூடுதல் வரி. 65 மி.மீட்டருக்கு மேற்பட்ட பில்டர் அல்லாத சிகரெட் மீதான வரி, ஆயிரம் சிகரெட்டுக்கு ரூ.2,876. அத்துடன் 5 சதவீத கூடுதல் வரி.

* சுருட்டுகள் மீதான வரி, ஆயிரம் சுருட்டுக்கு ரூ.4,170 அல்லது 21 சதவீத கூடுதல் வரி, இவற்றில் எது அதிகமோ அது விதிக்கப்படும். கம்பெனி குட்கா மீதான கூடுதல் வரி 72 சதவீதம் ஆகும்.

இதனால் புகையிலை பொருட்கள், சிகரெட் ஆகியவற்றின் விலை உயரும்.

* நிலக்கரி, பழுப்பு நிலக்கரி மீது டன்னுக்கு ரூ.400 என்ற வீதத்தில் தூய்மையான எரிசக்தி வரி விதிக்கப்படும்.

ரெயில், விமானம்

* ஏ.சி. வசதி ரெயில் பெட்டி பயணத்துக்கு 5 சதவீத வரி. ஏ.சி. அல்லாத ரெயில் பயணத்துக்கு வரி விலக்கு.

* மெட்ரோ, புறநகர் ரெயில் மற்றும் ஹஜ் உள்ளிட்ட மத பயணங்களுக்கு வரி விலக்கு.

* விமானத்தில் சாதாரண வகுப்பு பயணத்துக்கு 5 சதவீத வரி. உயர் வகுப்பு பயணத்துக்கு 12 சதவீத வரி.

* லாட்டரி மீது வரி கிடையாது.

தங்கத்துக்கு வரி எவ்வளவு?

மேற்கண்ட முடிவுகளை அறிவித்த மத்திய நிதி மந்திரி அருண் ஜெட்லி தொடர்ந்து கூறியதாவது:-

சேவைகளுக்கு எவ்வளவு வரி என்பதுதான் இன்றைய கூட்டத்தில் முக்கியமாக விவாதிக்கப்பட்டது. எல்லா சேவைகளுக்கும், பொருட்களுக்கும் ஏற்கனவே இருந்ததை விட குறைவான வரி விகிதமே நிர்ணயிக்கப்பட்டுள்ளது. எனவே, இது நுகர்வோருக்கு சாதகமான வரி.

தங்கம் உள்ளிட்ட விலை உயர்ந்த உலோகங்கள் மற்றும் பீடிக்கு எத்தனை சதவீத வரி விதிப்பது என்று ஜூன் 3-ந் தேதி நடைபெறும் அடுத்த கூட்டத்தில் முடிவு செய்யப்படும்.

இவ்வாறு அருண் ஜெட்லி கூறினார்.

ரேங்க்' பட்டியலின்றி விளம்பரம் வெளியிடலாம்! : பள்ளி கல்வித்துறை செயலர் விளக்கம்

ரேங்க் பெற்ற மாணவர்களின் போட்டோ, மதிப்பெண்ணை வெளியிடாமல், விளம்பரங்களை பிரசுரிக்கலாம்' என, பள்ளி கல்வித்துறை செயலர், விளக்கம் அளித்துள்ளார்.

பத்தாம் வகுப்பு மற்றும் பிளஸ் 2 பொதுத் தேர்வுகளில், 'ரேங்க்' முறையை கைவிடுவதாக பள்ளி கல்வித்துறை முடிவு செய்து, அதற்கான அரசாணையை சமீபத்தில் வெளியிட்டது. இதற்கு, கல்வியாளர்கள் மற்றும் பொதுமக்கள் தரப்பில், நல்ல வரவேற்பு கிடைத்துள்ளது. ஆனால், கடுமையாக கஷ்டப்பட்டு படித்து, அதிக மதிப்பெண் பெற்ற மாணவ, மாணவியர் பலரும், பெரும் ஏமாற்றத்துக்கு உள்ளாகியுள்ளனர்.

மாணவியர் விரக்தி : மாநில அளவிலும், மாவட்டம் மற்றும் பள்ளி அளவிலும், முதலிடம் பிடித்த மாணவ, மாணவியருக்கு, பதக்கம், பாராட்டு என, எந்தவிதமான அங்கீகாரமும் கிடைக்காததால், விரக்தி அடைந்துள்ளனர்.இவர்களுக்கு ஆறுதல் அளிக்கும் வகையில், இந்த மாணவ, மாணவியரின் போட்டோக்கள் மற்றும் மதிப்பெண்களுடன், 'பிளக்ஸ்' பேனர்களிலும், நாளிதழ்களிலும் பள்ளி நிர்வாகங்கள் விளம்பரங்கள் செய்துள்ளன.இதற்கும் தடை விதிக்கும் வகையில், பள்ளிக் கல்வித்துறை சார்பில், 'இத்தகைய விளம்பரங்கள் வெளியிடக்கூடாது' என, உத்தரவு பிறப்பிக்கப்பட்டது. விளம்பரங்கள் வெளியிட்ட பள்ளி நிர்வாகங்களை மிரட்டும் வகையில், முதன்மை கல்வி அலுவலர்கள் சார்பில் விளக்கம் கோரப்பட்டு உள்ளது.

இனிமேல், இது போன்ற விளம்பரங்களை வெளியிட மாட்டோம் என, பள்ளி நிர்வாகங்களிடம் எழுதி வாங்கப்பட்டுள்ளது. பள்ளி கல்வித்துறை அலுவலர்களின் இந்த நடவடிக்கை, தனியார் பள்ளி நிர்வாகிகளிடம் கடும் அதிருப்தியை ஏற்படுத்திஉள்ளது. துறை மேலிடத்தின் எண்ணத்தைப் புரிந்து கொள்ளாமல், தவறான அணுகுமுறையை முதன்மை கல்வி அலுவலர்கள் கையாள்வதாக பள்ளி நிர்வாகிகள் கொந்தளிக்கின்றனர்.இதுபற்றி, தெளிவான விளக்கத்தை பள்ளிக் கல்வித்துறை வழங்க வேண்டுமென, எதிர்பார்க்கின்றனர்.

ஆரோக்கியமற்ற போட்டி : இந்த குளறுபடிகள் குறித்து, தமிழக பள்ளி கல்வித்துறைச் செயலர் உதயசந்திரனிடம் கேட்ட போது, அவர் கூறியதாவது:மதிப்பெண் அடிப்படையில், பள்ளிகளுக்கு இடையில், ஓர் ஆரோக்கியமற்ற போட்டி உருவானதைத் தடுக்கவே, 'ரேங்க்' முறைக்கு முடிவு கட்டப்பட்டுள்ளது.அந்த அரசாணையின்படி, முதலிடம் என்று எந்த மாணவரின் போட்டோ மற்றும் மதிப்பெண்ணைப் போட்டு, விளம்பரம் செய்யக்கூடாது; அதேபோன்று, 'சென்டம்' எடுத்த மாணவர் என்றும், யாருடைய போட்டோவையும் வெளியிடக்கூடாது.

ஆனால், பள்ளிகளின் கட்டமைப்பு வசதிகள், பாடத்திட்டங்களில் செயல்படுத்தப்படும் புதிய முயற்சிகள், சிறப்புப் பயிற்சிகள் ஆகியவற்றைக் குறிப்பிட்டு, போட்டோக்களுடன் விளம்பரங்கள் வெளியிடலாம். தங்களது பள்ளியில், 450க்கு மேல் அல்லது 1,100க்கு மேல் எடுத்த மாணவர்களின் எண்ணிக்கை எத்தனை, வெவ்வேறு பாடங்களில் 'சென்டம்' எடுத்தவர்கள் எத்தனை பேர் என்ற எண்ணிக்கையை விளம்பரங்களில் குறிப்பிடலாம். நடப்பாண்டில் முதலிடம் பெற்ற மாணவ, மாணவியர் மட்டுமின்றி, கடந்த ஆண்டில் அதிக மதிப்பெண் பெற்ற மாணவ, மாணவியரின் போட்டோக்களையும் வெளியிடக்கூடாது.மற்றபடி, பள்ளிகளின் சிறப்புகளைக் குறிப்பிட்டு, விளம்பரங்கள் வெளியிடுவதற்கு, எந்தத் தடையும் இல்லை; இது குறித்து, தெளிவான விளக்கத்துடன் துறை அலுவலர்களுக்கு விரைவில் சுற்றறிக்கை அனுப்பப்படும்.இவ்வாறு, பள்ளி கல்வித்துறை செயலர் உதயசந்திரன் தெரிவித்தார்.

துறை செயலரின் இந்த விளக்கம், பள்ளி நிர்வாகங்களை மிரட்டிய முதன்மை கல்வி அலுவலர்களுக்கு போதுமானதாக இருக்குமா அல்லது மறு உத்தரவு வரும் வரை, இது போன்ற மிரட்டல் தொடருமா என்பதைப் பொறுத்திருந்தே பார்க்க வேண்டும்.

*தமிழகத்தில் உள்ள கலந்தாய்வு மற்றும் மாணவர்கள் சேர்க்கை போன்ற அவசர பணிகாக மாவட்டத் தொடக்கக் கல்வி அலுவலர் மற்றும் உதவித் தொடக்கக் கல்வி அலுவலக பணியாளர்களுக்கு 20,21.05.2017 அன்று வேலை நாட்களாக அறிவிப்பு*

கடந்தாண்டு கட்-ஆப் விபரத்தை வெளியிட்டது அண்ணா பல்கலை.,

பொறியியல் படிப்பிற்காக கடந்தாண்டு கட்- ஆப் விபரத்தை அண்ணா பல்கலை., வெயியிட்டுள்ளது. ஒவ்வொரு கல்லூரிக்கான கட்-ஆப் விபரத்தையும் www.annauniv.edu என்ற இணையதளத்தில் பார்க்க முடியும், ஒவ்வொரு பிரிவினரும் கட்-ஆப் நிலை பற்றி அறிந்து கொள்ள பல்கலை., ஏற்பாடு செய்துள்ளது.

பத்தாம் வகுப்பு தேர்வு முடிவு