தனியார் பள்ளிகள் வெளியேற்றும் மாணவர்களை சேர்க்க உத்தரவு

'தனியார் பள்ளிகள் வெளியேற்றும் மாணவர்களை, அரசு பள்ளிகளில் சேர்க்க தயங்கக் கூடாது' என, தலைமை ஆசிரியர்களுக்கு, பள்ளிக்கல்வி இயக்குனர் உத்தரவிட்டுள்ளார். புதிய கல்வி ஆண்டு நேற்று துவங்கியது. கோடை விடுமுறை முடிந்து, வரும், 7ம் தேதி, பள்ளிகள் திறக்கப்பட உள்ளன. அதற்கு முன், மாணவர்களுக்கு தேவையான முன்னேற்பாடுகளை செய்யும்படி, ஆசிரியர்கள் அறிவுறுத்தப்பட்டு உள்ளனர்.

இதுதொடர்பாக, பள்ளிக்கல்வி இயக்குனர், இளங்கோவன் அனுப்பியுள்ள சுற்றறிக்கை: • உயர்நிலை, மேல்நிலை பள்ளிகளில், 6ம் வகுப்பு, ஒன்பதாம் வகுப்பு மாணவர் சேர்க்கையை அதிகரிக்க, அருகில் உள்ள தொடக்க பள்ளி, நடுநிலை பள்ளிகளில் இருந்து, மாணவர்களின் விபரங்களை பெற்று சேர்க்க வேண்டும்

• மாநகராட்சி, நகராட்சி, ஊராட்சி அதிகாரிகளை தொடர்பு கொண்டு, பள்ளி வளாகங்களை துாய்மைப் படுத்த வேண்டும்

• வகுப்பறை கட்டடங்களின் உறுதித்தன்மை, மின் சுவிட்சுகளின் செயல்பாடுகள், மேற்கூரையின் தன்மை, கழிப்பறை பராமரிப்பு, குடிநீர் வசதி போன்றவற்றை உறுதி செய்ய வேண்டும். இவ்வாறு அதில் கூறப்பட்டு உள்ளது. தேர்ச்சியை காரணம் காட்டி, தனியார் பள்ளிகளிலிருந்து, மாணவர்கள் வெளியேற்றப்பட்டால், அவர்களை அரசு பள்ளிகளில், ஒன்பது, 10, பிளஸ் 1, பிளஸ் 2 வகுப்புகளில் சேர்க்க, தயக்கம் காட்டக் கூடாது. அதேநேரம், எந்த பள்ளியிலிருந்து மாணவர் வெளியேற்றப்பட்டார் என்ற தகவலை, இயக்குனரகத்திற்கு அனுப்ப வேண்டும் என, தலைமை ஆசிரியர்கள் அறிவுறுத்தப்பட்டு உள்ளனர்.

அரசு உயர்நிலைப்பள்ளிகளில் 1,000 தலைமையாசிரியர் பணியிடம் காலியாகிறது: 2 ஆண்டாக பதவி உயர்வு நிறுத்தி வைப்பு

தமிழகத்தில் உயர்நிலைப்பள்ளி தலைமை ஆசிரியர் பதவி உயர்வு 2 ஆண்டாக நிறுத்தி வைக்கப்பட்டுள்ளதால், மாநிலம் முழுவதும் சுமார் 1000 பணியிடங்கள் காலியாகும் சூழ்நிலை ஏற்பட்டுள்ளது. தமிழகத்தில் பள்ளிக்கல்வித்துறையின் கீழ் 4,996 உயர்நிலைப் பள்ளிகள் செயல்பட்டு வருகின்றன. இப்பள்ளிகளில் சுமார் 40 ஆயிரத்திற்கும் மேற்பட்ட பட்டதாரி ஆசிரியர்கள் பணிபுரிந்து வருகின்றனர்.

பதவி உயர்வு, பணிஓய்வு போன்ற காரணங்களால் ஆண்டுதோறும் சராசரியாக 400 தலைமை ஆசிரியர்கள் வரை பதவியில் இருந்து விலகுகின்றனர். இதனால், அப்பணியிடம் காலியிடமாக அறிவிக்கப்படுகிறது. மாநிலத்தில் உள்ள காலி பணியிங்கள் அடிப்படையிலும், ஆசிரியர்களின் சீனியாரிட்டி அடிப்படையிலும் பட்டதாரி ஆசிரியர்களுக்கு, உயர்நிலைப்பள்ளி தலைமை ஆசிரியர்களாக பதவி உயர்வு அளிக்கப்படுகிறது. இதற்காக பதவி உயர்வு கலந்தாய்வு அந்தந்த மாவட்டங்களில் நடக்கிறது. இதனிடையே, தமிழகம் முழுவதும் கடந்த 2 ஆண்டுகளாக உயர்நிலைப்பள்ளி தலைமை ஆசிரியர்கள் பதவி உயர்வு நிறுத்தி வைக்கப்பட்டுள்ளது.

இதனால், நடப்பாண்டில் சுமார் ஆயிரம் பள்ளிகளில் அப்பணியிடம் காலியாக இருக்க வேண்டிய சூழல் உருவாகியுள்ளது. தமிழ்நாடு அரசு உயர்நிலை, மேல்நிலைப் பள்ளி பட்டதாரி ஆசிரியர் கழக மாநில பொதுச் செயலாளர் கோவிந்தன் கூறியதாவது: தமிழகத்தில் கடந்த இரண்டு ஆண்டுகளுக்கு முன்பு வரை ஆசிரியர்களுக்கான பதவி உயர்வு முறையாக வழங்கப்பட்டு வந்தது. இதனிடையே பட்டதாரி ஆசிரியர்களை போல தங்களுக்கும் உயர்நிலைப் பள்ளி தலைமை ஆசிரியர் பதவி உயர்வு வேண்டும் என இடைநிலை ஆசிரியர்களும், முதுகலை ஆசிரியர்களாக பதவி உயர்வு பெற்றவர்களும் கோரிக்கை வைத்தனர்.

இதுதொடர்பாக கடந்த 2015ம் ஆண்டில் 10க்கும் மேற்பட்ட வழக்குகள் சென்னை உயர்நீதிமன்றத்தில் தொடரப்பட்டது. இதில் இதுநாள்வரை தீர்ப்பு வழங்கப்படவில்லை. வழக்கு நிலுவையில் உள்ளதால் கடந்த ஆண்டு தேதி அறிவித்தும் பதவி உயர்வு கலந்தாய்வு நடத்தப்படவில்லை. இந்நிலையில் நடப்பாண்டு, வரும் மே 23ம் தேதி இதற்கான கலந்தாய்வு நடத்தப்படும் என அறிவிக்கப்பட்டுள்ளது. ஆனால் இந்த வழக்கு தொடர்பான விசாரணை ஜூன் முதல் வாரத்தில் தான் நடக்கிறது. இதனால், நடப்பாண்டும் உயர்நிலைப்பள்ளி தலைமை ஆசிரியர் பதவி உயர்வு கலந்தாய்வு நடக்க வாய்ப்பில்லை. அவ்வாறு பதவி உயர்வு அளிக்கப்படாவிட்டால், நடப்பாண்டு மாநிலம் முழுவதும் ஏறத்தாழ ஆயிரம் உயர்நிலைப் பள்ளிகளில் தலைமை ஆசிரியர் பணியிடம் காலியாக இருக்கும். ஒரு பள்ளிகளின் அனைத்து செயல்பாடுகளுக்கும் தலைமை ஆசிரியர் தான் பொறுப்பாகிறார். அப்பணியிடம் காலியாக இருந்தால், பள்ளி ஆசிரியர்களுக்கு தான் கூடுதல் பணிச்சுமை ஏற்படும். அரசின் இலவச திட்டங்களை செயல்படுத்துதல், மாணவர்கள் பற்றிய விவரங்கள் அளித்தல், கல்வித்துறை சம்பந்தமான ஆலோசனை கூட்டங்களில் கலந்து கொள்ளுதல் என ஒவ்வொரு பணிக்கும் ஆசிரியர்களை அனுப்ப வேண்டும். இதனால் கற்றல், கற்பித்தல் பணிகள் பெருமளவில் பாதிக்கப்படுகிறது. மாணவர்கள் மற்றும் ஆசிரியர்களின் நலனை கருத்தில் கொண்டு, பள்ளிக் கல்வித்துறை அதிகாரிகள் இப்பிரச்னைக்கு உடனடியாக சட்டப்படி நடவடிக்கை எடுக்க வேண்டும். இல்லையெனில், தீர்ப்பு வரும் வரையில் பழைய நடைமுறையை பின்பற்றி பட்டதாரி ஆசிரியர்களுக்கு பதவி உயர்வு வழங்க வேண்டும். இவ்வாறு அவர் தெரிவித்தார்.

திருப்பூரில் மாணவர் சேர்க்கை விழிப்புணர்வு பேரணி

👉👉👉👉 *G.O.335, date 2.6.2017 அனைத்து பள்ளி வேலைநாட்களிலும் காலை இறைவணக்க கூட்டம் நடத்துதல் குறித்து வழிகாட்டுதல் அரசாணை வெளியீடு.

அறிவியல் பாட செய்முறை பதிவு 30ம் தேதிக்குள் விண்ணப்பிக்க வேண்டும்

மார்ச் 2018ல் நடக்கவுள்ள 10ம் வகுப்பு பொதுத்தேர்வுக்கு விண்ணப்பிக்கவுள்ள நேரடித் தனித் தேர்வர்கள், முதன் முறையாக அனைத்து பாடங்களையும் தேர்வு எழுத இருப்பவர்கள், ஏற்கனவே 2012க்கு முன்னர் பழைய பாடத்திட்டத்தில் தேர்வெழுதி அறிவியல் பாடத்தில் தோல்வியுற்றவர்கள் மற்றும் புதிய பாடத்திட்டத்தில் அறிவியல் செய்முறைப் பயிற்சி வகுப்பிற்கு இந்நாள் வரை பெயர் பதிவு செய்திராத தனித் தேர்வர்கள் அறிவியல் செய்முறைப் பயிற்சி வகுப்பில் சேர பதிவு செய்துக் கொள்ள தெரிவிக்கப்படுகிறது.

அனைத்து தனித் தேர்வர்களும் வரும் 5ம் தேதி முதல் 30ம் தேதிக்குள் மாவட்ட கல்வி அலுவலர் அலுவலகங்களில் தங்களின் பெயரை பதிவு செய்து கொள்ள வேண்டும். மாவட்ட கல்வி அலுவலரால் ஒதுக்கீடு செய்யப்பட்ட பள்ளிகளுக்குச் சென்று செய்முறை பயிற்சி வகுப்புகளில் கலந்து கொள்ள வேண்டும். பயிற்சி வகுப்பில் 80 சதவீதம் வருகை தந்த தனித் தேர்வர்கள் மட்டுமே 2017-18 கல்வி ஆண்டில் பொது தேர்வு எழுத அனுமதிக்கப்படுவர்.

www.dge.tn.gov.in என்ற இணையதளத்தில் விண்ணப்பத்தை பதிவிறக்கம் செய்து, வரும் 30ம் தேதிக்குள் அந்தந்த மாவட்ட கல்வி அலுவரிடம் நேரில் ஒப்படைக்க வேண்டும் என அரசு தேர்வுகள் இயக்குனர் வசுந்தராதேவி தெரிவித்துள்ளார்.

ஊதிய குழு பரிந்துரை : கருத்து கேட்பு முடிவு

ஏழாவது ஊதியக் குழு பரிந்துரை தொடர்பான, கருத்து கேட்பு கூட்டம், சென்னையில், இன்று நிறைவு பெறுகிறது. மத்திய அரசு ஊழியர்களுக்கு, ஏழாவது ஊதியக் குழு பரிந்துரைகள், 2016ல் அமல்படுத்தப்பட்டன.

அதை, தமிழகத்திலும் அமல்படுத்த வேண்டும் என, அரசு ஊழியர்கள் கோரிக்கை விடுத்தனர். இது தொடர்பாக, பிப்., 22ல், முதல்வர் பழனிசாமி தலைமையில், ஆலோசனை கூட்டம் நடந்தது. அதில், ஊதிய விகிதங்களை மாற்றிஅமைப்பது குறித்து, பரிந்துரைகள் அளிக்க, ஐந்து பேர் குழு அமைக்கப்பட்டது.இக்குழு, சென்னை, கடற்கரை சாலையில் உள்ள, லேடி வெலிங்டன் பள்ளியில், மே, 26, 27ல், அங்கீகரிக்கப்பட்ட அரசு ஊழியர் சங்கங்களிடம் கருத்து கேட்டது.

இரண்டு நாட்களில், 150க்கும் மேற்பட்ட சங்க நிர்வாகிகள், கோரிக்கை மனு அளித்தனர்.இரண்டாம் கட்டமாக, நேற்று விடுபட்ட சங்கங்கள் மற்றும் ஓய்வூதியர் சங்கங்களிடம், கருத்து கேட்கப்பட்டது. இன்று மாலையுடன், கருத்து கேட்பு நிகழ்ச்சி முடிகிறது

மொபைல் நிறுவனங்களுக்கு 'டிராய்' நெருக்கடி

மொபைல் போன் நிறுவனங்கள், அறிவித்தபடி, 'இன்டர்நெட்' வேகத்தை வழங்குவதில்லை என, புகார்கள் குவிந்து வருவதால், அப்பிரச்னைக்கு தீர்வு காண, மத்திய தொலை தொடர்பு ஒழுங்குமுறை ஆணையமான, 'டிராய்' முடிவெடுத்து உள்ளது. 'ரிலையன்ஸ் ஜியோ' நிறுவன வருகைக்குப் பின், தொலை தொடர்பு துறையில், கடும் போட்டி ஏற்பட்டுள்ளது.

அதனால், ரிலையன்ஸ் உட்பட, அனைத்து முன்னணி நிறுவனங்களும் போட்டி போட்டு விலையை குறைத்து வருகின்றன. அது போதாதென, மொபைல் இன்டர்நெட் கட்டணத்தையும் வெகுவாக குறைத்துள்ளன. பின், தங்களது இன்டர்நெட் சேவை தான் மிக வேகமானது என, வாடிக்கையாளர்களை கவர, அறிவிப்பு வெளியிட்டன. ஆனால், அந்நிறுவனங்கள் கூறியபடி, இன்டர்நெட் வேகமாக செயல்படவில்லை என, ஏராளமான புகார்கள் கூறப்படுகின்றன.

எனவே, அந்த புகார்களை, ஜூலை, 17க்குள், kapilhanda@trai.gov.in என்ற இ - மெயில் முகவரிக்கு அனுப்பி வைக்கும்படி, டிராய் அறிவித்துள்ளது. இது தொடர்பான சந்தேகங்களுக்கு, 011- - 2322 0209 என்ற எண்ணை தொடர்பு கொள்ளலாம் என்றும், அனைத்து கருத்துக்களும், www.trai.gov.in என்ற இணையதளத்தில் வெளியிடப்படும் என்றும் கூறியுள்ளது.

பயிற்சி

பள்ளி மாற்று சான்றிதழில் 'ஆதார்' எண் பதிய உத்தரவு

அரசு பள்ளி மாணவர்களுக்கான மாற்று சான்றிதழில், மாற்றம் செய்யப்பட்டுள்ளது. 'ஆதார்' எண் மற்றும் மாணவர் வருகை நாட்களை, பள்ளி மாற்று சான்றிதழில் குறிப்பிட உத்தரவிடப்பட்டுள்ளது. இந்த ஆண்டு, அரசு தொடக்க மற்றும் நடுநிலை பள்ளிகளிலிருந்து, வேறு பள்ளிகளுக்கு செல்லும் மாணவர்களுக்கு, இதுபோன்ற விபரங்கள் அடங்கிய, மாற்று சான்றிதழ் வழங்கும் முறை அறிமுகப்படுத்தப்பட்டுள்ளது.

புதிய மாற்று சான்றிதழில், 18 விதமான விபரங்கள் பதிவு செய்யப்பட உள்ளன. முதல்முறையாக, ஆண், பெண் இனத்துடன், மூன்றாம் பாலினம் சேர்க்கப்பட்டுள்ளது. மாணவர்களின் பெயர், பெற்றோர், பாதுகாவலர் பெயர், படித்த பள்ளி, முந்தைய வகுப்பு போன்ற, பல விபரங்கள் பதிவு செய்யப்பட உள்ளன. அதேபோல, ஏதாவது சலுகை கட்டணத்தில் சேர்ந்தவரா; கல்வி உதவித் தொகை பெற்றவரா என்ற, அம்சமும் சேர்க்கப்பட்டுள்ளது. மேலும், மாணவரின் ஆதார் எண், அந்த மாணவன் கடைசியாக படித்த வகுப்பில், பள்ளிக்கு வருகை தந்த நாட்களின் சதவீதத்தை குறிப்பிடவும் உத்தரவிடப்பட்டுள்ளது.

இதன்மூலம், குறைந்த நாட்கள் வந்திருந்தால், அந்த மாணவர்களுக்கு, மற்ற பள்ளியில் இடம் கிடைக்காமல் போக வாய்ப்புள்ளதாக, ஆசிரியர்கள் தெரிவித்தனர்

1,111 ஆசிரியர் பணியிடம் : ஜூன் 8ல் சான்றிதழ் சரிபார்ப்பு

அரசு பள்ளிகளில் 1,111 பட்டதாரி ஆசிரியர் பணியிடங்களுக்கு ஜூன், 8 முதல் சான்றிதழ் சரிபார்ப்பு நடக்கிறது.அரசு பள்ளிகளில் காலியாக உள்ள, 286 பட்டதாரி ஆசிரியர்; 623 பின்னடைவு இடங்கள், அனைவருக்கும் கல்வி இயக்கத்தின் கீழ், 202 பட்டதாரி ஆசிரியர் பணியிடங்கள் என, 1,111 இடங்கள் நிரப்பப்பட உள்ளன. இந்த இடங்கள், ஏற்கனவே நடந்த ஆசிரியர் தகுதிக்கான, 'டெட்' தேர்வில் தேர்ச்சி பெற்றவர்கள் மூலம், நிரப்பப்படும் என, அறிவிக்கப்பட்டது.

அதனால், 'டெட்' தேர்வில் தேர்ச்சி பெற்றவர்கள், தங்களின் கூடுதல் விபரங்களை பதிவு செய்ய, மார்ச், 10 முதல், 23 வரை, அவகாசம் வழங்கப்பட்டது. இதில், கல்வித்தகுதி உள்ளிட்ட பல்வேறு விதிகளின் அடிப்படையில், சான்றிதழ் சரிபார்ப்பிற்கு தேர்வானோர் பட்டியலை, ஆசிரியர் தேர்வு வாரியமான, டி.ஆர்.பி., வெளியிட்டுள்ளது.'ஜூன், 8 முதல், 10 வரை, சென்னை, அசோக் நகர் அரசு பெண்கள் மேல்நிலைப் பள்ளியில், காலை, 10:00 மணிக்கு, சான்றிதழ் சரிபார்ப்பு நடக்கும். அழைப்பு கடிதத்தை, இணையதளத்தில் பதிவிறக்கம் செய்து, இதில் பங்கேற்கலாம்' என, டி.ஆர்.பி., அறிவித்துள்ளது.

இடைநிலை ஆசிரியர் ஒதுக்கீடு : அரசு அறிவிப்பால் குழப்பம்

முதுநிலை ஆசிரியர் நியமனத்தில், இடைநிலை ஆசிரியர்களுக்கு இட ஒதுக்கீடு அளித்திருப்பது, ஆசிரியர்களிடம் குழப்பத்தை ஏற்படுத்தி உள்ளது. அரசு உயர் மற்றும் மேல்நிலைப் பள்ளிகளில், 2,500க்கும் மேற்பட்ட முதுநிலை பட்டதாரி ஆசிரியர் பணியிடங்கள் காலியாக உள்ளன. இவற்றில், 1,663 இடங்களை நிரப்ப, ஆசிரியர் தேர்வு வாரியமான, டி.ஆர்.பி., சார்பில், ஜூலை, 7ல், தேர்வு நடத்தப்படுகிறது.

இந்நிலையில், பள்ளிக்கல்வித் துறை புதிய அரசாணை பிறப்பித்துள்ளது. அதில், 'முதுநிலை ஆசிரியர் நேரடி நியமனத்தில், தொடக்கப் பள்ளிகளில் பணியாற்றும் இடைநிலை ஆசிரியர்களுக்கு, 10 சதவீதம் ஒதுக்கப்படும். தகுதி யானவர்கள் விண்ணப்பம் அனுப்ப, இன்று வரை அவகாசம் அளிக்கப்படுகிறது' என, கூறப்பட்டுள்ளது. இதற்கு, ஆசிரியர்கள் மத்தியில் எதிர்ப்பு எழுந்துள்ளது. இடைநிலை ஆசிரியர்களுக்கு பதவி கொடுப்பதாகக் கூறி, நேரடி நியமனம் செய்வதால், அவர்கள் இதுவரை பணியாற்றிய காலம் முடிவுக்கு வந்து, புதிய நியமனமாக கருதப்படும். இந்த உத்தரவை, பதவி உயர்வாக மாற்றினால் தான், ஏற்கனவே பணியாற்றிய காலமும் பணிமூப்பு கணக்கில் வரும் என்கின்றனர்.

இதற்கிடையில், 'பட்டதாரி ஆசிரியர்களுக்கும், முதுநிலை பதவி உயர்வில் இட ஒதுக்கீடு வழங்க வேண்டும்' என, பட்டதாரி ஆசிரியர் கூட்டமைப்பு பொதுச் செயலர் பேட்ரிக் ரைமண்ட் கோரிக்கை விடுத்துள்ளார்.

எஸ்பிஐ., புதிய சேவை கட்டணம் : 10 அம்சங்கள்

நாட்டின் மிகப் பெரிய பொதுத்துறை வங்கியான எஸ்பிஐ அறிவித்துள்ள சேவை கட்டணம் இன்று (ஜூன் 1) முதல் அமலுக்கு வந்துள்ளது. இந்த சேவை கட்டணம் குறித்து பல குழப்பங்கள் நிலவி வருகிறது. இதற்கு எஸ்பிஐ தரப்பில் ஏற்கனவே விளக்கம் அளிக்கப்பட்டுள்ளது. எஸ்பிஐ.,ல் எதற்கெல்லாம் கட்டணம் :

1. 'எஸ்பிஐ பேங்க் பட்டி' (SBI Bank Buddy) எனப்படும் வங்கி ஆப்சை பயன்படுத்தி மொபைல் வாலட் மூலம் ஏடிஎம்.,ல் பணம் எடுத்தால், ஒவ்வொரு முறையும் ரூ.25 சேவை கட்டணம் வசூலிக்கப்படும்.

2. மற்ற அனைத்து எஸ்பிஐ வாடிக்கையாளர்களும் ஏடிஎம்.,ல் மாதம் 8 முறை வரை இலவசமாக பணம் எடுக்கலாம்.

3. இதில் மெட்ரோ நகரங்களில் வசிப்போர் 5 முறை எஸ்பிஐ ஏடிஎம்.,களிலும், 3 முறை மற்ற வங்கி ஏடிஎம்.,களிலும் பணம் எடுக்கலாம். மெட்ரோ நகரங்களில் இல்லாதவர்கள் மாதம் 10 முறை வரை சேவை கட்டணம் இல்லாமல் ஏடிஎம்.,ல் பணம் எடுக்கலாம்.

4. அடிப்படை சேமிப்பு வங்கி கணக்கு வைத்திருப்போர் மாதத்திற்கு 4 முறை மட்டும் ஏடிஎம்.,ல் இருந்து கட்டணம் இன்றி பணம் எடுக்கலாம் என்ற வரைமுறை பொருந்தும்.

5. ஏழ்மை நிலையில் இருப்போர் வங்கிக் கணக்கில் அதிகம் சேமிக்க வேண்டும் என்பதற்காகவே இந்த 4 முறை மட்டுமே பணம் எடுக்கமுடியும் என்ற வரையறை வைக்கப்பட்டுள்ளதாக எஸ்பிஐ தெரிவித்துள்ளது. இவர்களிடம் இருந்து ஆண்டு பராமரிப்பு தொகை பிடித்தம் செய்யப்படுவதில்லை.

6. ஆன்லைன் பணபரிமாற்றம் : ஜூன் 1 முதல் அமல்படுத்தப்பட்டுள்ள புதிய நடைமுறையின்படி, ஐஎம்பிஎஸ் வழியாக ஆன்லைனின் பணம் பரிமாற்றம் செய்பவர்கள், ரூ.1 லட்சம் வரை பரிமாற்றம் செய்தால் ரூ.5 உடன் சேவை வரி வசூலிக்கப்படும். ரூ.1 லட்சம் முதல் ரூ.2 லட்சம் வரை பணபரிமாற்றம் செய்பவர்களிடம் ரூ.15 உடன் சேவை வரி வசூலிக்கப்படும். ரூ.2 லட்சம் முதல் ரூ.5 லட்சம் வரை பரிமாற்றம் செய்பவர்களிடம் ரூ.25 உடன் சேவை வரி வசூலிக்கப்படும்.

7. அழுக்கு மற்றும் கிழிந்த நோட்டு பரிமாற்றம் : 20 க்கும் மேற்பட்ட அழுக்கு அல்லது கிழிந்த நோட்டுக்களையோ வாடிக்கையாளர் மாற்றினால்அவர்களிடம் ரூ.2 உடன் சேவை கட்டணம் ஒவ்வொரு நோட்டுக்கும் வசூலிக்கப்படும். ரூ.5000 க்கும் மேலான மதிப்புடைய அழுக்கு மற்றும் கிழிந்த நோட்டுக்களுக்கும் இது பொருந்தும்.

8. செக் புக் : அடிப்படை சேமிப்பு வங்கி கணக்கு வைத்திருக்கும் வாடிக்கையாளர்கள், 10 செக் தாள்கள் கொண்ட புக்கிற்கு ரூ.30 உடன் சேவை வரியும், 25 செக் தாள்கள் கொண்ட புக்கிற்கு ரூ.75 உடன் சேவை வரியும், 50 செக் தாள்கள் கொண்ட செக் புக்கிற்கு ரூ.150 உடன் சேவை வரியும் வசூலிக்கப்படும்.

9. ஏடிஎம்., கார்டுகளுக்கு கட்டணம் : ஜூன் 1 ம் தேதியிலிருந்து புதிய டெபிட் கார்டுகளுக்கு இன்சூரன்ஸ் கட்டணம் வசூலிக்கப்படும். ரூபே கிளாசிக் கார்டு மட்டுமே இலவசமாக வழங்கப்படும்.

10. பணம் எடுப்பதற்கான கட்டணம் : அடிப்படை சேமிப்பு வங்கி கணக்கு வைத்திருப்போர் மாதத்திற்கு 4 முறை வரை இலவசமாக பணம் எடுக்கலாம். அதன் பிறகு ஒவ்வொரு முறை பணம் எடுப்பதற்கும் கட்டணம் வசூலிக்கப்படும். எஸ்பிஐ வங்கியில் ரூ.50 உடன் சேவை வரியும், மற்ற வங்கிகளின் ஏடிஎம்.,களில் பணம் எடுத்தால் ரூ.20 உடன் சேவை வரியும் வசூலிக்கப்படும்.

B.L.O SPECIAL CAMP 9.7.17 and 23.7.17

பாரத ஸ்டேட் வங்கியின் புதிய சேவை கட்டணங்கள் அமலுக்கு வந்தது

பாரத ஸ்டேட் வங்கி பல்வேறு சேவைகளுக்கு அறிவித்துள்ள புதிய கட்டண விகிதங்கள் அமலுக்கு வந்துள்ளன. இதுவரை இலவமாக அளிக்கப்பட்டு வந்த ஐஎம்பிஎஸ் எனப்படும் உடனடி பணபரிமாற்ற சேவைக்கு இனிமேல் சேவைக் கட்டணம் வசூலிக்கப்படும். ஒரு லட்சம் ரூபாய் வரை 5 ரூபாய் சேவை வரி வசூலிக்கப்படும். 2 லட்சம் ரூபாய் வரை 15 ரூபாய், 5 லட்சம் ரூபாய் வரை 25 ரூபாய் என கட்டணம் இருக்கும்.

அதேபோல் ஏ.டி.எம். கார்டுகளை பொறுத்தவரை ரூபே கார்டுகள் மட்டுமே இலவசம். இதர கார்டுகளுக்கு கட்டணம் செலுத்த வேண்டும். ஏ.டி.எம்.களில் மாதந்தோறும் 4 முறை மட்டுமே கட்டணமின்றி பணம் பணம் எடுக்க முடியும், அதற்கு மேற்பட்ட பண பரிவர்த்தனைகளுக்கு சொந்த கணக்கு இருக்கும் கிளையில் 50 ரூபாயும், ஏ.டி.எம்.ல் 10 ரூபாயும், இதர வங்கிகளின் ஏ.டி.எம்.களில் தலா 20 ரூபாயும் கட்டணம் வசூலிக்கப்படும். 10 காசோலைகள் உள்ள புத்தகத்திற்கு 30 ரூபாயும், 25 காசோலைகளுக்கு 75 ரூபாயும், 50 காசோலை உள்ள புத்தகத்திற்கு 150 ரூபாயும் கட்டணமாக செலுத்த வேண்டும்.

இவற்றிற்கு சேவை வரியும் உண்டு. அதேபோன்று ஸ்டேட் வங்கி யின் வட்டி எனப்படும் ஸ்மார்ட் போன் செயலில் நடத்தும் பரிவர்த்தனைகளுக்கும் கட்டணங்கள் வசூலிக்கப்படும் என்பது குறிப்பிடத்தக்கது.

சேமநல நிதி கணக்கு அறிக்கை மாநில கணக்காயர் வலைதளத்தில் பதிவிறக்கம் செய்யலாம்

இந்திய தணிக்கை மற்றும் கணக்கு துறை சார்பில் முதுநிலை துணை மாநில கணக்காயர் (நிதி) எஸ்.சுரேஷ் வெளியிட்ட செய்தி குறிப்பில் கூறியதாவது: தமிழக அரசு பணிநிலை சார்ந்த அனைத்து இந்திய அரசு சேவை அதிகாரிகள், தமிழக அரசு ஊழியர்கள் மற்றும் தமிழ்நாடு ஊராட்சி ஒன்றியம், நகராட்சி தொடக்க மற்றும் நடுநிலை பள்ளிகளில் பணிபுரியும் ஆசிரியர்களின் 2016-2017ம் ஆண்டிற்கான பொது சேமநல நிதி வருடாந்திர கணக்கு அறிக்கை தமிழ்நாடு மாநில காணக்காயர் அலுவலக வலைதளத்தில் www.agae.tn.nic.in ஜூன் மாதம் முதல் வாரத்தில் பதிவேற்றம் செய்யப்படயுள்ளது.

எனவே பொது சேம நல நிதியின் கணக்கு இருப்பை அறிவது போன்றே சந்தாரர்கள் இந்த வலைதளத்தில் இருந்து தாங்களின் 2016- 2017ம் ஆண்டின் வருடாந்திர கணக்கு அறிக்கையை பதிவிறக்கம் செய்து கொள்ளலாம். இவ்வாறு செய்தி குறிப்பில் கூறப்பட்டிருந்தது.

பள்ளி திறக்கும் நாளில் இரண்டு 'செட்' சீருடை

பள்ளிகள் திறக்கும் அன்றே, மாணவர்களுக்கு இரண்டு, 'செட்' சீருடைகள் வழங்கப்பட உள்ளன. தமிழக அரசு சார்பில், அரசு மற்றும் அரசு உதவி பெறும் பள்ளிகளில், மதிய உணவு அருந்தும், 45 லட்சம் மாணவ, மாணவியருக்கு, ஆண்டுக்கு, நான்கு செட் சீருடைகள் வழங்கப்பட உள்ளன. இந்த சீருடைகளை, பள்ளிக்கல்விக்காக, சமூக நலத்துறை தயார் செய்து வழங்குகிறது.புதிய கல்வி ஆண்டு, இன்று துவங்கும் நிலையில், முதற்கட்டமாக, இரண்டு செட் சீருடைகள், மாணவ, மாணவியருக்கு வழங்கப்பட உள்ளன. பள்ளி திறக்கும் முதல் நாளில், இரண்டு செட் சீருடையும், பின், ஆக., - செப்டம்பரில், மீதமுள்ள இரண்டு செட் சீருடையை வழங்க, கல்வித்துறை முடிவு செய்துள்ளது.

பான்' எண்ணுடன் ஆதாரை இணைக்க எஸ்.எம்.எஸ்., வசதி

பான் கார்டு எண்ணுடன், ஆதார் கார்டு எண்ணை, எஸ்.எம்.எஸ்., மூலமாக இணைக்கும் வசதியை, வருமான வரித்துறை அறிமுகம் செய்துள்ளது. வருமான வரி கணக்கு தாக்கல் செய்வோர், பான் கார்டு இல்லாமல் அதை செய்ய முடியாது. அந்த பான் கார்டு எண்ணுடன், ஆதார் கார்டு எண்ணை, கட்டாயம் இணைக்க வேண்டும் என, வருமான வரித்துறை அறிவித்தது.

பின், வருமான வரித்துறையின் இணையதளத்தின் மூலமாக, பான் கார்டுடன், ஆதார் கார்டை இணைக்கும் வசதி, சமீபத்தில் அறிமுகம் செய்யப்பட்டது. இந்நிலையில், அவற்றை, மொபைல் போனில் இருந்து, எஸ்.எம்.எஸ்., வழியாக இணைக்கும் வசதியை, வருமான வரித்துறை தற்போது அறிமுகம் செய்துள்ளது.  இதன்படி, UIDPAN என அடித்து, இடைவெளி விடாமல், ஆதார் எண்ணை பதிவு செய்ய வேண்டும். பின், ஒரு எழுத்து இடைவெளி விட்டு, பான் கார்டு எண்ணையும் டைப் செய்து, அதை, 567678 அல்லது, 56161 ஆகிய எண்களுக்கு, எஸ்.எம்.எஸ்., அனுப்ப வேண்டும்

உடனே, பான் கார்டும், ஆதார் கார்டும் இணைக்கப்பட்டு விடும். ஆனால், பான் கார்டில் உள்ள பெயருக்கும், ஆதார் கார்டில் உள்ள பெயருக்கும் சிறிய வித்தியாசம் இருந்தாலும், எஸ்.எம்.எஸ்., வசதியை பயன்படுத்த முடியாது  அவ்வாறு பெயரில் சிறிய மாற்றம் இருந்து, எஸ்.எம்.எஸ்., அனுப்பினால், அருகில் உள்ள வருமான வரித்துறை அலுவலகத்திற்கு செல்ல அறிவுறுத்தி, எஸ்.எம்.எஸ்., மூலம் பதில் அனுப்பப்படும்.

தொடக்க நடுநிலைப் பள்ளிகளுக்கான புதிய மாற்றுச் சான்றிதழ் (TRANSFER CERTIFICATE) ) மாதிரி மற்றும் தொடக்கக்கல்வி இயக்குநரின் அறிவுரைகள்

Click below

https://drive.google.com/file/d/0B9vI3zgChya6WXp6d3JGdnYtaTA/view?usp=sharing

News

வாக்காளர் பட்டியலில் வாக்காளர்கள் அதிகளவில் சேர்த்தல் மற்றும் பிழைகளை நீக்கும் பொருட்டு  ஜூலை மாதம் 1-ஆம் தேதி முதல் 31-ஆம் தேதி வரை சிறப்பு முகாம்கள் நடைபெறும் என்று தேர்தல் ஆணையம் அறிவித்துள்ளது

ஊதியக்குழுவிற்காக விவரம் கேட்டு தொடக்கக்கல்வி இயக்குநரின் நடவடிக்கைகள்

Click below

https://app.box.com/s/f6u1ehime5x3glbt1c4tly979rozkemu