அரசுடன் நடந்த பேச்சுவார்த்தை தோல்வி : நாளை ஆசிரியர்கள் ஸ்டிரைக்

ஆசிரியர்களின் 15 அம்ச கோரிக்கைகள் தொடர்பாக சென்னையில் நேற்று பள்ளி கல்வி அதிகாரிகளுடன் ஜேக்டோ அமைப்பினர் நடத்திய பேச்சுவார்த்தை தோல்வியில் முடிந்தது. இதையடுத்து திட்டமிட்டபடி நாளை ஆசிரியர்கள் வேலைநிறுத்த போராட்டத்தில் ஈடுபடுவார்கள் என்று ஜேக்ேடா அமைப்பு அறிவித்துள்ளது. இந்த வேலைநிறுத்தத்தில் 3 லட்சம் ஆசிரியர்கள் ஈடுபடுகின்றனர். 

தமிழகத்தில் தொடக்க கல்வித்துறையின் கீழ் இயங்கும் தொடக்க நடுநிலைப் பள்ளிகள், பள்ளிக் கல்வித்துறையின் கீழ் செயல்படும் உயர்நிலைப் மேனிலைப் பள்ளிகளில் இளநிலை பட்டதாரி ஆசிரியர்கள், முதுநிலை பட்டதாரி ஆசிரியர்கள் மற்றும் தலைமை ஆசிரியர்கள் என 3 லட்சம் ஆசிரியர்கள் பணியாற்றி வருகின்றனர். 15 அம்ச கோரிக்கை: மத்திய அரசுக்கு இணையான ஊதியம், பழைய ஓய்வூதியம் தொடர வேண்டும், இடைநிலை ஆசிரியர்களுக்கு மத்திய அரசு வழங்கும் ஊதியம் போன்று தமிழக இடைநிலை ஆசிரியர்களுக்கும் தர ஊதியம் வழங்க வேண்டும், ஆசிரியர் தகுதித் தேர்வை ரத்து செய்ய வேண்டும் என்பது உள்பட 15 அம்ச கோரிக்கைகளை வலியுறுத்தினர். அரசு அலட்சியம்:

ேகாரிக்கைகளை வலியுறுத்தி, மார்ச் மாதம்  இடைநிலை, பட்டதாரி, முதுநிலைப் பட்டதாரி, தலைமை ஆசிரியர்கள் என 24 ஆசிரியர் சங்கங்கள் ஒன்றிணைந்து ஜேக்டோ அமைப்பை மீண்டும் தொடங்கினர். அந்த அமைப்பின் சார்பில் கடந்த மார்ச் மாதம் முதல் ஆகஸ்ட் மாதம் வரை 3 கட்டமாக போராட்டம் நடத்தினர். ஆனால் அரசுத் தரப்பில் ஜேக்டோ அமைப்பை அழைத்து யாரும் பேச்சுவார்த்தை நடத்த இல்லை. பேச்சு வார்த்தை: போராட்டத்தை தடுக்கும் வகையில், ஜேக்டோ அமைப்பினர் 3 கட்டமாக கூடிப்பேசினர்.

அதன்பேரில் அக்டோபர் 8ம் தேதி ஒரு நாள் வேலை நிறுத்தப் போராட்டத்தில் ஈடுபடுவது என்றும், அதே நாளில் அந்தந்த மாவட்ட தலை நகரங்களில் ஆர்ப்பாட்டத்தில் ஈடுபடுவது என்றும் கடந்த மாதம் அறிவித்தனர். இதையடுத்து, தொடக்க கல்வித்துறை இயக்குநர் இளங்கோவன், பள்ளிக் கல்வித்துறை இயக்குநர் கண்ணப்பன் ஆகியோர் ஜேக்டோ அமைப்பிடம் பேச்சு வார்த்தை நடத்துவது என முடிவு கடிதம் அனுப்பினர். இதன்பேரில் நேற்று மாலை 5 மணி அளவில் பள்ளிக் கல்வி

இயக்குநர் கண்ணப்பன், தொடக்க கல்வி இயக்குநர் இளங்கோவன் ஆகியோர் முன்னிலையில் பள்ளிக் கல்வி இயக்குநர் அலுவலகத்தில் பேச்சு வார்த்தை நடந்தது. இந்த பேச்சு வார்த்தையின் போது ஜேக்டோ அமைப்பில் உள்ள 24 சங்கங்களின் சார்பில் ரெங்கராஜன்,பாலச்சந்தர் தியாகராஜன், தாஸ், இளங்கோவன், சுரேஷ், அண்ணாத்துரை, சாமிசத்தியமூர்த்தி, மணிவாசகம், எத்திராஜ் உள்ளிட்ட போராட்டக் குழுவினர் பேச்சு வார்த்தையில் ஈடுபட்டனர்.

அரசு பிடிவாதம்: சமாதான பேச்சுவார்த்தையில், இயக்குநர்கள் பேசியதாவது: ஆசிரியர்கள் கொடுத்துள்ள 15 அம்ச கோரிக்கைகளில் 9 கோரிக்கைகள் நிதித்துறை சார்ந்தவை. 6 கோரிக்கைகள் பொதுவானவை. அதிலும் 4 கோரிக்கைகள் சர்வீஸ் சம்பந்தமானது. 2 கோரிக்கைதான் பொதுவானது. சிபிஎஸ் தொடர்பான கோரிக்கையில் இறந்த ஆசிரியர்களளின் குடும்பத்தினருக்கு பணப்பயன் கிடைக்கவில்லை என்று தெரிவித்துள்ளீர்கள். அவர்களுக்கு 8.7 சதவீத வட்டியுடன் வழங்கப்படும். அதற்கான அரசாணை இம்மாத இறுதிக்குள் வெளியாகும்.

2004-2006ம் ஆண்டு தொகுப்பூதியம் தொடர்பான கோரிக்கையை அரசு பரிசீலித்து வருகிறது. அதற்கான பு்ள்ளி விவரம் எடுத்து வருகிறோம். இதற்கு ரூ. 170 கோடி தேவைப்படுகிறது. ஆசிரியர் தேர்வு என்பது கட்டாய கல்வி உரிமை சட்டத்தில் உள்ளது. இடைநிலை ஆசிரியர்களின் கோரிக்கையான தர ஊதியம் கொடுக்க வேண்டும் என்பது இப்போது சாத்தியம் இல்லை. அடுத்த பேகமிஷனில் பார்த்துக் கொள்ளலாம். இயக்குநர்கள் இவ்வாறு தெரிவித்தனர். பேச்சு வார்த்தை தோல்வி: அதிகாரிகளின் பதிலால் ஆசிரியர்கள் அதிர்ச்சி அடைந்தனர். ஆசிரியர்கள் தர ஊதியம் அடுத்த பே கமிஷன் வரை காத்திருக்க முடியாது.

இன்றைய தேதியில் இருந்தாவது அதை வழங்க வேண்டும். அது தொடர்பாக அரசு தரப்பில் அறிவிப்பு வெளியிட வேண்டும். இதில் நாங்கள் சமரசம் செய்து கொள்ளமாட்டோம். அரசு இன்னும் காலம் கடத்தினால் வேலை நிறுத்தப் போராட்டம் திட்டமிட்டபடி நடக்கும் என்று தொடக்கப் பள்ளி ஆசிரியர்கள் சார்பில் பாலசந்திரன் தெரிவித்தார். இதையடுத்து, இது குறித்து அரசுக்கு தெரிவித்து முதல்வரரின் பார்வைக்கு கொண்டு செல்கிறோம் என்று இயக்குநர்கள் தெரிவித்தனர். இதில் சமாதானம் அடையாத ஆசிரியர்கள் பேச்சு வார்த்தியில் எங்களுக்கு திருப்தி இல்லை என்று தெரிவித்து வெளியில் வந்தனர்.

போராட்ட குழு பேட்டி: ஜேக்டோ அமைப்பின் போராட்டக்குழுவினர் நிருபர்களிடம் கூறியதாவது: கல்வி துறை அதிகாரிடம் நடத்திய பேச்சு வார்த்தையில் எங்களுக்கு திருப்தி இல்லை. பெரும்பாலான கோரிக்கைகள் நிதித்துறை சார்ந்தவை
என்பதால் நிதித்துறையிடம் பேசித்தான் முடிவு எடுப்போம் என்கிறார்கள். தமிழக அளவிில் 3 கட்ட போராட்டம் நடத்திய பிறகும் இது குறித்து தெரியாததுபோல அதிகாரிகள் பேசுகின்றனர். இனிமேல் தான் அரசுக் தெரிவிக்கப் போகிறோம் என்கின்றனர். இது எங்களுக்கு பெரும் அதிர்ச்சியை கொடுத்துள்ளது. எனவே ஜேக்டோ அறிவித்தபடி 8ம் தேதி வேலை நிறுத்தம் நடக்கும். அன்று 11 மணி முதல் 12 மணி வரை அந்தந்த மாவட்ட தலைநகரங்களில் ஆர்ப்பாட்டமும் நடக்கும். இந்த வேலை நிறுத்தம் மற்றும் ஆர்ப்பாட்டத்தில் தமிழகம் முழுவதிலும் 3 லட்சம் இடைநிலை, இளநிலை பட்டதாரி, முதுநிலைப் பட்டதாரி, தலைமை ஆசிரியர்கள் ஈடுபடுவார்கள்.

ஜேக்டோ அமைப்பை உடைக்க முயற்சி

ஆசிரியர்கள் வேலை நிறுத்தம் தொடர்பாக ஜேக்டோ அமைப்பினரை நேற்று பேச்சு வார்த்தைக்கு அழைத்திருந்த நிலையில், போட்டி சங்கமான ஜாக்டா அமைப்பினர் நேற்று காலையில் தலைமைச் செயலகம் சென்று பள்ளிக் கல்வித்துறை செயலாளரை சந்தித்து வேலை நிறுத்தப் போராட்டத்தில் ஈடுபடமாட்ேடாம் என்று தெரிவித்தனர். ஆனால் மாலையில் ஜேக்டோ அமைப்பினரை பள்ளிக் கல்வி இயக்குநர் மட்டத்தில் பேச்சு வார்த்தை நடத்த அழைத்திருந்தது அரசு.  பேச்சுவார்த்தையில் ஈடுபட்ட ஜேக்டோ அ மைப்பை உடைத்து ஆதரவு சங்கங்களின் மூலம் பள்ளிகளை நடத்த அரசு முயற்சிக்கிறது என ஆசிரியர்கள் குற்றம்சாட்டினர். வேலைநிறுத்த போராட்டத்தில் ஈடுபடும் ஆசிரியர்களின் சம்பளத்தை பிடித்தம் செய்யவும் அரசு முடிவு செய்திருக்கிறது என்றும் ஆசிரியர்கள் தெரிவித்தனர்.

ஆசிரியைகள் இனி 'கோட்' அணிய வேண்டும்

சமூக விரோதிகள் மற்றும் குறும்புத்தனமான மாணவர்களின் கேலி, கிண்டல்களில் இருந்து தப்பிக்கும் வகையில், அரசு பள்ளி ஆசிரியைகளுக்கு, மேலங்கி திட்டம் அறிமுகப்படுத்தப்பட்டு உள்ளது. பருவ வயதை எட்டும் மாணவர்கள், சமூக விரோத செயல்களில் ஈடுபடும் சம்பவங்கள், சமீப நாட்களாக அதிகரித்துள்ளன. ஆலோசனைமேலும், 18 வயது பூர்த்தி அடையாத, பிளஸ் 2 மாணவர்கள், ஆசிரியைகளை கேலி, கிண்டல் செய்யும் சம்பவங்களாலும், கல்வித் துறையினர் அதிர்ச்சியடைந்து உள்ளனர்.

இதையடுத்து, ஆசிரியர்களுக்கு உடை கட்டுப்பாடு கொண்டு வருவது குறித்து, ஏப்ரலில், பள்ளிக்கல்வி இயக்குனர் மற்றும் அதிகாரிகள் குழுவினர் ஆலோசனை நடத்தினர். இதில், பல பரிந்துரைகளை அரசுக்கு அனுப்பி, அனுமதிக்காக காத்திருக்கின்றனர். இந்நிலையில், மதுரை மாவட்டத்தில், ஆசிரியை களை, மாணவர்கள் மற்றும் சமூக விரோதிகள் கேலி, கிண்டல் செய்யும் சம்பவங்கள், தொடர்ந்து அதிகரித்து வருகின்றன. இதுகுறித்து, மதுரை மாவட்ட போலீசார் விசாரித்து, மாணவர்களின் பெற்றோரை அழைத்து அறிவுறுத்தினர். மேலும், கல்வி அதிகாரிகளுடன் ஆலோசனை நடத்தி, ஆசிரியைகளுக்கு உடை கட்டுப்பாடு கொண்டு வர அறிவுறுத்தினர்.

இதன்படி, சில மாணவர்களின் தவறான செய்கை மற்றும் பார்வைகளில் இருந்து தப்பிக்க, ஆசிரியைகளுக்கு மட்டும், சேலையுடன், 'மேல் கோட்' என்ற மேலங்கி திட்டம் அறிமுகப்படுத்தப்பட்டு உள்ளது.மதுரை மாவட்ட முதன்மை கல்வி அதிகாரி ஏஞ்சலோ இருதயசாமி உத்தரவுப்படி, மதுரை பேரையூர் தாலுகா வன்னிவேலன் பட்டி அரசு உயர்நிலைப் பள்ளி தலைமை ஆசிரியர் பாஸ்கரன், இந்த திட்டத்தை அறிமுகம் செய்துள்ளார். 'பள்ளிக்குள் இனி, கண்டிப்பாக மேல்கோட் அணிய வேண்டும்' என, ஆசிரியைகள் அறிவுறுத்தப்பட்டு உள்ளனர்.'மற்ற மாவட்டங்களில், மாவட்ட முதன்மைக் கல்வி அதிகாரி ஒப்புதல் பெற்றபின், இந்த உடை கட்டுப்பாட்டை அமல்படுத்தலாம்' என, அறிவுரை வழங்கப்பட்டு உள்ளது.

ஆசிரியர்கள் நாளை 'ஸ்டிரைக்'; பள்ளிகளுக்கு போலீஸ் பாதுகாப்பு

அரசுடன் நடத்திய பேச்சு தோல்வியடைந்ததால், 'திட்டமிட்டபடி நாளை வேலைநிறுத்த போராட்டம் நடக்கும்' என, ஆசிரியர் சங்கங்கள் அறிவித்துள்ளன. இதனால், பள்ளிகளுக்கு, ஆயுதப்படை போலீஸ் பாதுகாப்பு அளிக்க அரசு முடிவு செய்துள்ளது. கடந்த, 2003ல், அரசு ஊழியர்கள் மற்றும் ஆசிரியர் சங்கங்கள் இணைந்து, 'ஜாக்டோ - ஜியோ' என்ற அமைப்பை துவக்கி, போராட்டம் நடத்தி, அரசுக்கு தர்ம சங்கடத்தை ஏற்படுத்தினர்.

தற்போது, 15 அம்ச கோரிக்கைகளை வலியுறுத்தி, ஆசிரியர்கள் சங்கங்களின் கூட்டுக்குழுவான, 'ஜாக்டோ' போராட்டங்களை தீவிரப்படுத்தி உள்ளது.நாளை, மாநிலம் முழுவதும், மூன்று லட்சம் ஆசிரியர்கள், ஒரு லட்சம் பள்ளிகளுக்கு பூட்டுப் போட்டு, வேலைநிறுத்தம் செய்ய முடிவு செய்தனர். அதனால், ஜாக்டோ உயர்மட்ட நிர்வாகிகளை அழைத்து, அரசு நேற்று பேச்சு நடத்தியது. பள்ளிக் கல்வித்துறை இயக்குனர்கள் கண்ணப்பன், இளங்கோவன், இணை இயக்குனர்கள் பழனிச்சாமி, கருப்பசாமி ஆகியோர், அரசு சார்பில் பேச்சு நடத்தினர்.

சங்க நிர்வாகிகளுக்கு, சூடான கட்லெட், காரச்சேவு, கேக் மற்றும் காபி வழங்கப்பட்டு பேச்சு துவங்கியது. இரண்டு மணிநேர பேச்சில் எந்த உடன்பாடும் எட்டப்படாததால், 'திட்டமிட்டபடி வேலைநிறுத்தம் நடக்கும்' என, ஜாக்டோ நிர்வாகிகள் அறிவித்தனர். பேச்சு நடத்த போது உளவுத்துறை போலீஸ் அதிகாரிகள், பள்ளிக்கல்வி இயக்குனர் அலுவலகத்துக்கு வந்தனர். அவர்கள், அதிகாரிகளிடம் ஆலோசனை நடத்தினர். பின், ஆசிரியர்கள் போராட்டத்தின் போது, அனைத்து பள்ளிகளுக்கும் ஆயுதப்படை மற்றும் சிறப்புப் படை போலீசாரை பாதுகாப்புக்கு நிறுத்த முடிவு செய்ததாக, போலீஸ் வட்டாரங்கள் தெரிவித்தன.

ஆசிரியர்களின் கைகளில்அரசு பள்ளிகளின் தரம் இணை இயக்குனர் பேச்சு

அரசு பள்ளிகளின் தரம் ஆசிரியர்களின் கையில் உள்ளது; அவர்கள் பொறுப்பை உணர்ந்து செயல்பட்டால் தான் மாணவர் கற்றல் திறனின் இலக்கை எளிதில் அடைய முடியும்,'' என, தொடக்கக் கல்வி இணை இயக்குனர் செல்வராஜ் தெரிவித்தார்.அனைவருக்கும் கல்வித் திட்டம் (எஸ்.எஸ்.ஏ.,) மற்றும் தொடக்க கல்வித் துறை சார்பில் மண்டல ஆய்வுக் கூட்டம் மதுரையில் நேற்று நடந்தது. முதன்மை கல்வி அலுவலர் ஆஞ்சலோ இருதயசாமி வரவேற்றார். எஸ்.எஸ்.ஏ., திட்ட இணை இயக்குனர் நாகராஜமுருகன் முன்னிலை வகித்தார்.இணை இயக்குனர் செல்வராஜ் இதை துவக்கி வைத்து பேசுகையில்,

''தொடக்கக் கல்வியில், தமிழ் மற்றும் ஆங்கில பாடங்களில் வாசித்தல், எழுதுதல் திறன் மற்றும் கணிதம், அறிவியலில் அடிப்படை அறிவை வளர்ப்பது கூட்டத்தின் நோக்கம். ஆசிரியர்கள் தங்களின் அர்ப்பணிப்பை அளித்தால் தான் மாணவர் அறிவுத் திறனை பெற முடியும். அரசு பள்ளிகளின் தரம் ஆசிரியர்களின் கையில் உள்ளது. பொறுப்பை உணர்ந்து செயல்பட்டால், மாணவர் கற்றல் திறன் இலக்கை அடைய முடியும்,'' என்றார். மாவட்ட தொடக்கக் கல்வி அலுவலர் ராஜாமணி, ஆர்.சி., பள்ளிகளின் கண்காணிப்பாளர் ஜோசப், எஸ்.எஸ்.ஏ., திட்ட கூடுதல் முதன்மை கல்வி அலுவலர்கள் சுப்பிரமணியன் (திண்டுக்கல்), ஜெயலட்சுமி (தேனி) மற்றும் உதவித் தொடக்க கல்வி அலுவலர்கள் பங்கேற்றனர்.

மாணவர் வாசிப்பு திறன் அதிகரிப்பு இணை இயக்குனர் பெருமிதம்

தமிழகத்தில் தொடக்கக் கல்வி மாணவர்கள் வாசிப்பு திறன் 10 சதவீதம் அதிகரித்துள்ளது," என, அனைவருக்கும் கல்வித் திட்ட (எஸ்.எஸ்.ஏ.,) இணை இயக்குனர் நாகராஜமுருகன் தெரிவித்தார்.மதுரையில் நமது நிருபரிடம் அவர் கூறியதாவது: எஸ்.எஸ்.ஏ., மற்றும் தொடக்கக் கல்வி சார்பில் மாணவர்களை மதிப்பீடு செய்து, தமிழ், ஆங்கிலத்தில் எழுதுதல், வாசித்தல் மற்றும் அடிப்படை கணித அறிவுத் திறனை அதிகரிக்கும் வகையில், மாநில அடைவு தேர்வுகள் இரண்டு ஆண்டுகளாக நடத்தப்படுகின்றன.

இதன் மூலம் மாணவர் வாசிப்பு திறன் 90 சதவீதமாகவும், எழுதும் திறன் 80 சதவீதமாகவும் அதிகரித்துள்ளது. வாசிப்பு, எழுதும் திறன் 10 சதவீதம் அதிகரித்துள்ளது. இதை தேசிய அளவில் கல்வி வளர்ச்சி குறித்து ஆய்வு நடத்தி வரும் 'பிரதாம்' நிறுவனமும் உறுதி செய்துள்ளது.அக்.,15 உலக கை கழுவும் தினம். மாணவர்கள் சாப்பிடும் முன்னரும், கழிப்பறையை பயன்படுத்திய பின்னரும், கை கழுவும் முறை குறித்து பள்ளிகளில் செயல் விளக்கம் நடத்த, கல்வி அலுவலர்களுக்கு உத்தரவிடப்பட்டுள்ளது.

ஆசிரியர்களுக்கு 'கிரேடு' : மாணவர்களின் திறனை மேம்படுத்தும் வகையில், ஆசிரியர்களுக்கு பயிற்சிகள் அளிக்கப்படுகின்றன. மாணவர்கள் திறன் அடைவு தேர்ச்சிக்கு ஏற்ப அந்த ஆசிரியர்களுக்கு, கல்வித்துறை சார்பில் 'ஏ', 'பி', 'சி', என 'கிரேடு' வழங்கப்படுகின்றன. இதில் தொடர்ந்து 'சி' கிரேடு பெறும் ஆசிரியர்களுக்கு சிறப்பு பயிற்சி அளிக்க முடிவு செய்யப்பட்டுள்ளது, என்றார். மதுரை முதன்மை கல்வி அலுவலர் ஆஞ்சலோ இருதயசாமி உடன் இருந்தார்.

10ம் வகுப்பு தேர்வு செய்முறைபயிற்சிக்கு விண்ணப்பிக்கலாம்

அடுத்த ஆண்டு மார்ச்சில், 10ம் வகுப்பு பொதுத் தேர்வு எழுதும், நேரடி தனித்தேர்வர்கள், அறிவியல் செய்முறை பயிற்சியில் சேர, 30ம் தேதிக்குள் விண்ணப்பிக்க வேண்டும்' என, அறிவிக்கப்பட்டு உள்ளது.அனைத்து பாடங்களையும் எழுத விரும்பும், நேரடி தனித்தேர்வர்கள் மற்றும், 2012க்கு முந்தைய பாடத்திட்டத்தில், அறிவியல் தேர்வில் தேர்ச்சி பெறாதோர் மீண்டும் தேர்வு எழுத, அறிவியல் செய்முறை தேர்வில் பங்கேற்க வேண்டும்.இதற்கான பயிற்சி வகுப்பில், பெயரை பதிவு செய்ய, ஜூன், 10 முதல் 30ம் தேதி வரை அவகாசம் தரப்பட்டது; தற்போது, மீண்டும் ஒரு வாய்ப்பு அளிக்கப்பட்டு உள்ளது. ஜூனில் பதிவு செய்யாதவர்களும், செப்., 4ல், எட்டாம் வகுப்பு தனித்தேர்வில், தேர்ச்சி பெற்றோரும் புதிதாக பதிவு செய்யலாம்.செய்முறை பயிற்சியில், 80 சதவீதம் பங்கேற்பவர்கள் மட்டுமே, செய்முறை தேர்வுக்கு அனுமதிக்கப்படுவர். பங்கேற்காதவர்கள் விண்ணப்பம் நிராகரிக்கப்படும். ''விண்ணப்பங்களை, இம்மாதம் 8ம் தேதி முதல், www.tndge.in என்ற இணையதளத்தில், பதிவிறக்கம் செய்து, இரண்டு நகல் எடுத்து, மாவட்ட கல்வி அலுவலரிடம் ஒப்படைக்க வேண்டும்,'' என, அரசு தேர்வுத் துறை இயக்குனர் பொறுப்பு வகிக்கும், வசுந்தராதேவி தெரிவித்துள்ளார்

அக் 8 வேலைநிறுத்தம் தொடரும்

வேலை நிறுத்தம் தொடரும்
இயக்குநருடன் தற்பொழுது நடைபெற்ற பேச்சுவார்த்தை தோல்வி.
கோரிக்கைகள் நிறைவேற்ற உறுதியளிக்கவில்லை.
வேலை நிறுத்தம் தொடரும்
ஜேக்டோ திட்டவட்டம்

தகவல்: செ.பாலசந்தர்
பொதுச்செயலாளர் TNPTF

குரூப் 1 தேர்வு: விண்ணப்ப நிலவரம் இணையதளத்தில் வெளியீடு

குரூப் 1 தேர்வுக்கு விண்ணப்பித்தவர்களின் விண்ணப்பங்கள் ஏற்கப்பட்டனவா என்பது குறித்த விவரம், தமிழ்நாடு அரசுப் பணியாளர் தேர்வாணைய இணையதளத்தில் (www.tnpsc.gov.in) வெளியிடப்பட்டுள்ளது. இது குறித்து தமிழ்நாடு அரசுப் பணியாளர் தேர்வாணையம் திங்கள்கிழமை வெளியிட்ட அறிவிப்பு: குரூப் 1 தொகுதியில் காலியாகவுள்ள 74 பணியிடங்களுக்கான முதல் நிலை எழுத்துத் தேர்வு வரும் நவம்பர் 8-ஆம் தேதி நடத்தப்பட உள்ளது. இந்தத் தேர்வுக்கென 2 லட்சத்துக்கும் மேற்பட்ட விண்ணப்பங்கள் பெறப்பட்டுள்ளன.

சரியான முறையில் விவரங்களைப் பதிவு செய்து, உரிய விண்ணப்பம்-தேர்வுக் கட்டணங்கள் செலுத்திய விண்ணப்பதாரர்களின் விண்ணப்பங்கள் தேர்வாணையத்தால் ஏற்றுக்கொள்ளப்பட்ட விவரங்கள் தேர்வாணைய இணையதளத்தில் வெளியிடப்பட்டுள்ளது. சரியான முறையில் விண்ணப்பங்களைப் பதிவு செய்து, உரிய விண்ணப்பம்-தேர்வுக்கட்டணம் செலுத்தியிருந்தும் அவர்களது விண்ணப்பங்கள் ஏற்றுக்கொள்ளப்பட்ட விவரம் இணையதளத்தில் இல்லாவிட்டால், பணம் செலுத்தியதற்கான ரசீதின் (Challan) நகலுடன் தேர்வாணைய மின்னஞ்சல் முகவரியான contacttnpsc@gmail.com-க்கு, வரும் 13-ஆம் தேதிக்குள் அனுப்பி வைக்க வேண்டும்.

20 20 ஆம் ஆண்டிற்குள் 1 கோடி ஆசிரியர்கள் தேவை: யுனெஸ்கோ தகவல்

சர்வதேச அளவில் உள்ள அனைத்து குழந்தைகளுக்கும் ஆரம்ப கல்வியை அளிக்க வேண்டும் என்பதே, சர்வதேச ஆசிரியர்கள் தினத்தில் நாம் எடுத்திருக்கும் தீர்மானம் என்று யுனெஸ்கோ அமைப்பு தெரிவித்துள்ளது. அக்டோபர் மாதம் 5 ஆம் தேதி சர்வதேச ஆசிரியர் தினமாக கொண்டாடப்பட்டு வருகிறது. யுனெஸ்கோ அமைப்பு, இந்தாண்டை. குழந்தை பருவ கல்வி ஆண்டாக கொண்டாட தீர்மானித்துள்ளது.

சர்வதேச அளவில் உள்ள நாடுகளில் குழந்தைகள் ஆரம்ப கல்வி பெறா முடியாமல் அவதிப்பட்டு வருகின்றனர். இதனால் அவர்களின் வாழ்க்கைத்தரம் மட்டுமல்லாது அவர்களது எதிர்காலமே கடுமையாக பாதிக்கப்பட்டுள்ளது. குறைந்த பயிற்சி, குறைவான ஊழியர்கள் மற்றும் அதற்கேற்ற நிதி ஒதுக்கீடு செய்யப்படாத காரணத்தினாலேயே குழந்தைகளுக்கு ஆரம்ப கல்வி கிடைப்பதில் சிக்கல் ஏற்பட்டுள்ளது என தெரிவித்துள்ளது. மேலும், 2020 ஆம் ஆண்டிற்குள் அனைத்து குழந்தைகளுக்கும் ஆரம்ப கல்வி கிடைக்க வேண்டுமென்றால், 10.9 மில்லியன் (1 கோடியே 10 லட்சம்) ஆசிரியர்கள் தேவைப்படுவதாக யுனெஸ்கோ அமைப்பு தெரிவித்துள்ளது

65 ஆயிரம் ஆசிரியர்களுக்கு விரைவில் கற்பித்தலில் புதுமையான பயிற்சி

தமிழகம் முழுவதும் 65 ஆயிரம் ஆசிரியர்களுக்கு கற்பித்தலில் புதுமையான பயிற்சி அளிக்கப்பட உள்ளது. அனைவருக்கும் இடைநிலைக் கல்வித் திட்டம் சார்பில், ஸ்டெம் (STEM) எனப்படும் பயிற்சியின் மூலம் அறிவியல், கணிதம், தொழில்நுட்பம் ஆகிய பாடங்களை செயல்விளக்கங்கள் வாயிலாக நடத்துவதற்குப் பயிற்சி அளிக்கப்பட உள்ளது. அரசு உயர்நிலை, மேல்நிலைப் பள்ளிகளில் 9, 10-ஆம் வகுப்புகளில் கற்பிக்கும் ஆசிரியர்களுக்கு பொறியியல் கல்லூரி பேராசிரியர்கள், பட்டதாரிகள், விஞ்ஞானிகள் உள்ளிட்டோர் பயிற்சி அளிக்க உள்ளனர். இது தொடர்பாக மாவட்ட முதன்மைக் கல்வி அலுவலர்களுக்கும் விழிப்புணர்வு பயிற்சி வழங்கப்பட்டது என்றும் 65 ஆயிரம் ஆசிரியர்களுக்கும் விரைவில் பயிற்சி அளிக்கப்படும் என்றும் கல்வித் துறை அதிகாரிகள் தெரிவித்தனர்.

வரும் 8ம் தேதி ஆசிரியர்கள் 'ஸ்டிரைக்' பள்ளிகள் உண்டா; மாணவர்கள் குழப்பம்

அரசு பள்ளி ஆசிரியர்கள், 15 அம்ச கோரிக்கைகளை வலியுறுத்தி, வரும், 8ம் தேதி, 'ஸ்டிரைக்'கில் ஈடுபடுவதால், அன்று பள்ளிகள் இயங்குமா என, பெற்றோர் மற்றும் மாணவர்கள் குழப்பத்தில் உள்ளனர். ஆசிரியர்களுக்கான, 15 அம்ச கோரிக்கைகளை வலியுறுத்தி, ஆசிரியர்களின் கூட்டு நடவடிக்கைக் குழுவான, 'ஜாக்டோ' பல கட்டப் போராட்டங்களை நடத்தி வருகிறது. இதன் தொடர்ச்சியாக, வரும், 8ம் தேதி, தமிழகம் முழுவதும் ஸ்டிரைக்கில் ஈடுபடப் போவதாக அறிவித்துள்ளது.

இதுகுறித்து, தமிழ்நாடு பட்டதாரி ஆசிரியர்கள் கூட்டமைப்பு பொதுச் செயலர் பேட்ரிக் ரைமண்ட் கூறும்போது, ''அரசுக்கு எதிராக போராட வேண்டும் என்பது எங்கள் நோக்கமல்ல. பங்களிப்பு ஓய்வூதியத் திட்டத்தை ரத்து செய்தல், தொகுப்பூதிய காலத்தை முறைப்படுத்துதல் போன்ற கோரிக்கைளை அரசு ஏற்காதது வருத்தமானது. இதே நிலை நீடித்தால், ஆசிரியர்களுக்கு பணி பாதுகாப்பு இல்லை என்பதால் தான் இந்த போராட்டம்,'' என்றார்.

தமிழ்நாடு உயர் மற்றும் மேல்நிலை தலைமை ஆசிரியர் சங்க பொதுச் செயலர் சாமி சத்தியமூர்த்தி கூறும்போது, ''போராட்டம் திட்டமிட்டபடி நடக்கும். ஆசிரியர்கள் அனைவரும் ஓரணியில் திரண்டுள்ளனர். பள்ளிகளை மூடுவதோ, மாணவர்களுக்கு பாதிப்பு ஏற்படுத்துவதோ எங்கள் நோக்கம் அல்ல,'' என்றார். காலாண்டுத் தேர்வு விடுப்பு முடிந்து, இன்று பள்ளிகள் திறக்கும் நிலையில், 8ம் தேதி பள்ளிகள் உண்டா, விடுமுறையா என, தெரியாமல், பெற்றோர், மாணவர்கள் குழப்பத்தில் உள்ளனர். இதுகுறித்து, தமிழக அரசு எந்த அறிவிப்பும் வெளியிடாமல் மவுனமாக உள்ளது.

'வாட்ஸ் ஆப்'பில்...:ஜாக்டோ போராட்டத்துக்கு, ஆசிரியர்களும், சங்க நிர்வாகிகளும், 'வாட்ஸ் ஆப்' மூலம் ஆதரவு திரட்டு கின்றனர். 1.50 கோடி ஆசிரியர்களின் ஓட்டுகள் தான், அடுத்த அரசை நிர்ணயிக்கும் என்பதால், கோரிக்கையை நிறைவேற்றும் கட்சிக்கே, வரும் தேர்தலில் ஆதரவு என்றும், 'வாட்ஸ் ஆப்' பில், தகவல் அனுப்பி வருகின்றனர்.

இலவச பொருட்கள் வரவில்லைஅரசு பள்ளி மாணவர்கள் அவதி

கல்வி ஆண்டு துவங்கி, மூன்று மாதம் தாண்டி விட்ட நிலையில், மாணவ, மாணவியருக்கு இன்னும், புத்தகப்பை, காலணிகள், வண்ண பென்சில் போன்ற இலவச பொருட்கள் வழங்கப்படவில்லை. தமிழக அரசு சார்பில், அரசு மற்றும் அரசு உதவி பெறும் பள்ளிகளில், 14 வகையான இலவச திட்டங்கள் அமல்படுத்தப்படுகின்றன. 2011 - 12ல் இந்த திட்டங்கள் அறிமுகமான போது, பள்ளிகள் திறந்தவுடன் இலவச பொருட்கள் வழங்கப்பட்டன. அதனால், கிராமப்புற ஏழை மாணவ, மாணவியர் பயனடைந்தனர்.ஆனால், சமீப ஆண்டுகளாக இலவச பொருட்களை பொறுத்தவரை, கல்வி ஆண்டு முடியும் போது தான் மாணவர்களுக்கு கிடைக்கிறது.

குறிப்பாக, கடந்த ஆண்டு இறுதித் தேர்வு துவங்குவதற்கு சில வாரங்கள் முன், மார்ச் மாதம் தான், இலவச காலணிகள் வழங்கப்பட்டன.இந்த ஆண்டும், இலவச பொருட்களின் வினியோகம் இதுவரை துவங்கவில்லை. பாடப்புத்தகம், நோட்டுப் புத்தகம் மற்றும் சீருடை மட்டுமே இதுவரை வழங்கப்பட்டுள்ளன.கணித உபகரண பெட்டி, வண்ண பென்சில்கள், 'கிரயான்ஸ்' வண்ணக் குச்சிகள், புத்தகப் பை, காலணிகள் இன்னும் வழங்கப்படவில்லை. அதனால், கிராமப்புற மாணவர்கள் கடுமையாக பாதிக்கப்பட்டுள்ளனர். சில மாவட்டங்களில், இருப்பில் மீதமிருந்த பொருட்கள் மட்டும், சில பள்ளிகளில் வழங்கப்பட்டுள்ளன.

இதுகுறித்து, பெற்றோர் மற்றும் ஆசிரியர் சிலர் கூறியதாவது:இலவச பொருட்களில், 'லேப் - டாப்' மற்றும் சைக்கிள் கொடுப்பதில் மட்டும் அதிகாரிகள் அதிக அக்கறை காட்டுகின்றனர். எனினும், இவை கள்ள சந்தையில் விற்பனைக்கு வந்து விடுகின்றன. தொடக்க பள்ளி மற்றும் நடுநிலை பள்ளிக மாணவர்களுக்கு, அவர்களின் படிப்புக்கு பயன்படும் பொருட்களை மிக தாமதமாகவே அரசு வழங்குகிறது. இவ்வாறு அவர்கள் கூறினர்.

நில அளவர், தட்டச்சர், இளநிலை உதவியாளர் உள்ளிட்ட 4963 பணியிடங்களுக்கு தமிழ்நாடு அரசுப் பணியாளர் தேர்வாணையம், குரூப்-4 தேர்வுக்கான அறிக்கையை வெளியிட்டுள்ளது.

இளநிலை உதவியாளர் (பிணையம்) (39), இளநிலை உதவியாளர் (பிணையமற்றது) (2133), வரித் தண்டலர் (22), தட்டச்சர் (1683), சுருக்கெழுத்து தட்டச்சர் (331), மற்றும் நில அளவர் (702), வரைவாளர் (53) என மொத்தத்தில் 4,963 காலிப்பணியிடங்கள் ஆகும்.
இந்த தேர்விற்கு குறைந்தப்பட்சக் கல்வித் தகுதி எஸ்.எஸ்.எல்.சி. ஆகும். குறைந்தபட்ச வயது 18ஆக இருக்க வேண்டும்.
விண்ணப்பங்கள் விண்ணப்பிக்கப்பட வேண்டிய கடைசித் தேதி நவம்பர் 12 ஆகும். கட்டணம் செலுத்தக் கடைசி நாள் நவம்பர் 14 ஆகும். தேர்வு டிசம்பர் 12ஆம் தேதி காலை நடைபெற உள்ளது.
மாவட்டத் தலைமையிடங்கள் மற்றும் தாலுகாக்கள் உள்ளிட்ட 244 தேர்வு மையங்களில் தேர்வுகள் நடைபெறும்.
விண்ணப்பதாரர்கள் www.tnpsc.gov.in அல்லது www.tnpscexams.net என்ற தேர்வாணைய இணையதளத்தின் மூலம் மட்டுமே விண்ணப்பிக்க முடியும்.
நிரந்தரப் பதிவில் பதிவு செய்த விண்ணப்பதாரர்கள் இணையவழி விண்ணப்பத்தில் அவர்களுடைய பதிவு எண் மற்றும் கடவுச்சொல் ஆகியவற்றை உள்ளீடு செய்து, இப்பதவிகளுக்குரிய இதர விவரங்களை பதிவு செய்ய வேண்டும்.
நிரந்தரப் பதிவு செய்யாத விண்ணப்பதாரர்கள் நேரடியாக முழு விவரங்களையும் பதிவு செய்து விண்ணப்பிக்கலாம். நிரந்தர பதிவில் உள்ளவர்கள் மட்டுமே விண்ணப்பக் கட்டணத்தில் இருந்து மட்டுமே விலக்களிக்கப்படத் தகுதியானவர்கள் ஆவர். மற்றவர்கள் அந்தந்த வகுப்பிற்கு வழங்கப்பட்ட சலுகைகளின் அடிப்படையில் தேர்வு கட்டணம் செலுத்த வேண்டும்.
விண்ணப்பக் கட்டணம் மற்றும் தேர்வுக் கட்டணங்களை இந்தியன் வங்கி கிளைகள் மற்றும் அஞ்சலகங்களில் செலுத்த வேண்டும். பணம் செலுத்திய ரசீதை விண்ணப்பித்த இரண்டு நாட்களுக்குள் செலுத்திவிட வேண்டும். இணையத்தின் மூலமாகவும் செலுத்தலாம்.
இதுகுறித்த சந்தேகங்களை 044 – 25332855, 044 – 25332833 மற்றும் கட்டணமில்லா தொலைபேசி எண் 1800 425 1002 இல் தொடர்பு கொண்டு தெளிவுபடுத்திக் கொள்ளலாம்.

தொழிலாளர் வருங்கால வைப்பு நிதி விவரங்களை அறிய புதிய வசதி

தொழிலாளர் வருங்கால வைப்பு நிதி கணக்கு விவரங்களை குறுந்தகவல் (எஸ்.எம்.எஸ்), செல்லிடப்பேசி செயலி, "மிஸ்டு கால்' மூலம் அறிந்துகொள்ளும் வசதி அண்மையில் அறிமுகப்படுத்தப்பட்டது. இது குறித்து மண்டல வருங்கால வைப்புநிதி ஆணையர்-2 நிலிந்து மிஸ்ரா வெளியிட்ட செய்தி:

செல்லிடப்பேசி செயலி: தொழிலாளர் வருங்கால வைப்பு நிதி அமைப்பின் www.epfindia.gov.in என்ற இணையதளத்தில் அதன் உறுப்பினர்கள் புதிய செல்லிடப்பேசி செயலியை பதிவிறக்கம் செய்துகொள்ளலாம். இந்தச் செயலி மூலம், தங்கள் பொது கணக்கு எண்ணை (யு.எ.என். நம்பர்) செயல்பாட்டுக்கு கொண்டு வரலாம். மேலும், தங்கள் கணக்கில் வரவு வைக்கப்படும் தொகையை தெரிந்துகொள்ளவதோடு, இதர தகவல்களையும் தெரிந்துகொள்ளலாம். எஸ்.எம்.எஸ். வசதி: தங்கள் பொது கணக்கு எண்ணை செயல்பாட்டுக்கு கொண்டு வர 7738299899 என்ற செல்லிடப்பேசி எண்ணுக்கு எஸ்.எம்.எஸ் அனுப்பும் வசதி அறிமுகப்படுத்தப்பட்டுள்ளது.

ஒருமுறை அவ்வாறு, செயல்பாட்டுக்கு கொண்டுவந்துவிட்டால், உறுப்பினர்கள் வருங்கால வைப்பு நிதிக்கான மாத பங்களிப்புத் தொகை உள்ளிட்டவற்றை செல்லிடப்பேசியில் அறிந்துகொள்ளலாம். மிஸ்டு கால் வசதி: தொழிலாளர் வருங்கால வைப்பு நிதி கணக்கு விவரங்களை 01122901406 என்ற எண்ணுக்கு "மிஸ்டு கால்' கொடுப்பதன் மூலம் அறிந்துகொள்ளும் வசதியும் அறிமுகப்படுத்தப்பட்டுள்ளது. மேலும், இந்தச் சேவையைப் பயன்படுத்த சந்தாதாரர்கள், தங்கள் பொது கணக்கு எண்ணை (யு.எ.என். நம்பர்) செயல்பாட்டுக்கு கொண்டு வருவது அவசியம் என அதில் தெரிவிக்கப்பட்டுள்ளது.